Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Обратная связь (Газета - Читатель)

АФ ЯВОНДАН «МОКШЕНЬ ПРАВДАТЬ» МАРХТА

Панжадонь седихть азса: «Мокшень правдась» монь инь кельгома газетазе. Сонь кармань лувондомонза нинге идькс пингстон. И тячемс седиень таколдозь панчсеса эрь номеронц. Газетась мялень салай, ули мезе эсонза морафтомс и оцюфненди, и ёмлатненди. Нона кизотнень коряс лама полафткста эвондась сонь лопанянзон эса. Мяль салсихть «Мокшаваня», «Од ломанень клуб», «Тинь шумбрашинте» полосатне, «Минь усадьбаньке» уженясь. Оцю мяльса лувондсайне юмористическяй материалхнень, анекдоттнень.

 

Тяка пингть, монь койсон, «Мокшень правдать» страницанзон эса нинге эвондакшнихть стама материалхт, конат аф озафнесазь седицень, аф сембоса отвечайхть тячиень вешфксненди. Синь вельф оцюфт и стакаста морафтовихть.

 

Сяда лама эряви сёрмадомс кальдявста обеспечендаф семьятнень, пенсионерхнень, войнань и трудонь ветераттнень колга. И, конешна, инвалиттнень квалма. Арьсян, пароль сяда лама азонкшнемс мокшень содаф ломаттнень колга, мокшень велетнень историяснон, республиканьконь эзда ширеса эряй мокшетнень и эрзятнень эряфснон квалма. Сяда оцю мяль шарфнемс сянди, мезсь таколфтсы и пичефтьсы тячиень простой ломанть.

 

Нят аф сюцемат-апрякамат, а лувиень пара мяльхть-арьсемат. Кода мон шарьхкодьса, цебярь газета, интереснай газета, можна аноклакшнемс-нолямс аньцек марстонь вийса. А «Мокшень правдась»—тя минцень, мокшетнень, фкя и сяка газетаньке родной кяльса. И сонь мяленьке фалу няемс инь цебярькс, инь мазыкс.

 

П.Сидоркин.

 

Старошайговскяй районць.

 


09.07.2020 №
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин