Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Е.С.Кирдяпина:«Мзярс ванфтови кяленьке, снярс кармай эряма нацияньке»

Ивановка велеса героиняньке шумордазе начальнай школать, а меле содамошит пуропнесь Морд-Полянаса. Школаса Ленась тонафнесь  лац. Пяк кельгозень мокшень кялень и литературань урокнень. «Литературань учителеньке най путнелезе Ленать тейнек примеркс,—лятфнесы Кирдяпинать фкя класса тонафни ялгац Е.И.Чекмарёва.—Урокнень пингста минь сембе старандаме лац-ряц азомс лувфть, максомс характеристика геройхненди, и сембоса кати-мезе ашезь сатне. Тяса терневсь доскати Ленась. Азы фкя вал, и марнек шарьхкотьф, сембось кода эряви. И эзк Нина Павловнаньке юватькшнель: «Молодецат, Лена!».
Нинге шабакс Е.С.Кирдяпинать салселезе мяленц учителень тевсь. Сяс школать шумордамда меле мялецоль тонафнемс тя профессияти. Но вов коса прябалась: сянкса, штоба тумс тонафнема Саранскяи, эрявсть ярмакт, а коста синь сявомс? Эста од стирсь, аньцек получазе аттестатть, лиссь работама. Киза покодсь Зубуса ламповай заводса, кочкась ярмаконя и сембе сяка пяшкодезе мяленц—поступась тонафнема Н.П.Огарёвонь лемса МГУ-нь филологическяй факультету.
Тонафнемань кизотне вармакс лийсть, и вов исяконь студенткась аськолдась школать порогонц туркс, штоба макссемс содамошит шабанятненди. Васенцеда тевс кярьмодсь Ковылкинскяй райононь Сире Пшень велеса, коза сон кучфоль направленияс коре. Но кирдевсь тяса аф ламос. Колма кизода меле мрдась шачема районозонза и поладозе тевонц Потьма велеса. Ся пингть Елена Степановнань алянц ламода лафчемсь шумбрашиц, тядянцты ульсь стака ськамонза, героиняньконь мялецоль лездомс теенза.
Школаса Е.С.Кирдяпина вяти мокшень кялень урокт. Шабатне сашендыхть урокозонза фалу пара мяльса. Васендакиге тя сяс, мес синь ётнихть пяк мялень салайста. Елена Степановна лац содасы, мезьса шарфтомс шабатнень мяльснон, нолясыне тевс налхксематнень, пялькстоматнень, сидеста ётафнесыне уроконзон КВН лаца. А нинге сон пяк цебярь, панжада вайме, паронь арьси ломань, сяс иттне теенза ускозь усковихть. Сон и кулхцондома машты, и пара совет максы. Ули кода мярьгомс, што Е.С. Кирдяпинась эсь тонафниензонды аф аньцек учитель, но и цебярь ялга. Аш кода аф азомс и сянь, што Елена Степановнань учениконза сидеста занцихть призовой вастт мокшень кяльть коряс олимпиадатнень эса кода районца, стане и республикаса. А сонць мокшавась меля лиссь омбоце вастти «Родной кялень инь цебярь кабинетсь» республиканскяй конкурсса! «Мон пяк павазуван сяс, мес лезнян шабатненди ванфтомс эсь родной кяльснон. Кяленьконь пяк кельгса и аф азовомшка колсеви мялезе, кда кулендян колганза кальдяв валхт. А тонафнихненди най мярьгондян: мзярс кармай ванфневома кяленьке, снярс кармай эряма народоньке, аньцек юкстасаськ сонь, эзк юмафтсаськ эсь пряньконьге»,—азозе   Е.С.Кирдяпинась.
Тячиень героиняньконь пяк мазы вайгялец. Морамань асусь, улема, ётась теенза родителензон эзда: тядяц вайгялюволь, а аляц маштсь лац морама гармонияса. Елена Степановна ушедсь морсема нинге шабакс, ёт мяляфтсы прянц, макссель «концертт» ялганзон, радня ломанензон инголе. Университетса сон морсесь вузонь хорса, конань мархта улендсь мянь Ленинградса. Тячи Кирдяпинать вайгялец кайги «Рябинушка» ансамбльса, кона пуроптф школать видеса. Коллективсь сидеста примси участия ламоц мероприятиятнень, илатнень эса кода районца, стане и Саранскяйса. Меля, кепотьксонди, ансамбльсь выступандась «Шумбрат, Мордовия!» Народнай творчествань республиканскяй фестивальса, коса пяк лац няфтезе прянц.
Е.С.Кирдяпинась аф аньцек эсь тевонь лац содай учитель, асу морси, но и цебярь кудазорава. Сон пяк танцтиста пиди-пани, аньцек мезьса аф каванякшнесыне кельгома мирденц, шабанзон. Тяни мокшавась заняф тялонди эрь кодама ярхцамбялень анокламаса. Салыяфтсь ни куярхт, пидесь вареният, тись компотт, салатт-месть. Перень-сёротнень, имошнень сон касфнесыне эсь перенясонза. Перень сёронь салатонь анокламань фкя рецептонц мокшавась азозе тейнековок, конань минь пара мяльса пачфтьсаськ лувиеньконди.
Материалть аноклазе О.ЕВДОКИМОВА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022