Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Молодежный клуб

Стирнят-сазорнят

Саранскяйста сазорнятне-кафтаскятне Анастасия и Виктория Кудашкинатне тядде молихть омбоце классу. Стирнятне пяк асуфт, лама мезьса сафтсазь. Синь и кштийхть-морайхть, и стама-кодама маштыхть. Настясь и Викториясь якайхть «Торама» идень этнографическяй студияв, коса тонафнихть кштима, эрь кодама музыкальнай инструментса морама. Теест пяк кельгови музыкась. Маластонь пингть стирнятне нинге кармайхть якама «Домисолька» музыкальнай студияв. Музыкань кельгикс сазорнятне тусть тядяснон, Алевтина Михайловнань лаца. Эсь пингстонза мокшавась тонафнесь Идень республиканскяй музыкальнай школаса-интернатса, а тяни работай Идень творчествань кудса. Тяса Алевтина Михайловна тонафнесыне шабанятнень балалайкаса и домраса морама. Викториять мархта Настяське сашендыхть тя «куду», пара мяльса рисавандайхть, кодайхть кячкаскаса и стак тов.
Сазорнятнень пяк мазы вайгяльсна, кода кафта цёфкскат морайхть. И ули кинь лаца. Синь щавасна, Мордовия Республикань Заслуженнай учительсь М.Н.Морозова, комозьда лама киза ни морси «Поюня» фольклорнай ансамбльса. А нинге сон сембоса машты кядь мокшава, сюреса сермады нардамат, тодлангакст, мокшекс наряжай някат. Котф лангс сёрмадомати тонафнесыне уноконянзонга. Тяда башка, Настясь и Викториясь, щаваснон лангс ванозь, сявондьсазь кядезост ёмла ожнанятнень (бисер), котцихть эздост браслетт-месть, някаснонды мазоптомбяльхть. А аф кунара щават-унокт тисть бисерста пяк мазы ангелнят. Мария Николаевна тонафнесыне стирнятнень кельгомс сембе минценнеть. Сазорнятне, хуш эряйхть ошса, аф кальдявста корхтайхть мокшекс, пара мяльса щашендсазь лангозост мокшень панарть.
Анастасия и Виктория Кудашкинатне сидеста примсихть участия аф фкя лацонь конкурсса, пялькстомаса. Аф весть ни лисендсть сценать лангс «Шумбрат, Мордовия!» Народнай творчествань республиканскяй фестивальть пингста. Маштыхть ваныхнень инголе пряснон вятема, фалу весялат, эрьгафт.
Кизонь каникулатнень пингста стирнятне-сазорнятне тевфтома аф ащекшнихть. Синь сашендыхть щаваснон шири Инсарскяй райононь Мокшень Пою вели и вийс коре лезнихть теенза эрь кодама тевса.

27.08.2020 №33
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин