Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Тема дня

Мордовиянь Оцюнясь: «ЛИСМА» ЗАВОДОНЬ ПЛОЩАДКАТНЕНЬ ЭСА ЭРЯВИ ТЕВС СУВАФНЕМС ТЯНИЕНЬ ПИНГОНЬ ОД ПРОИЗВОДСТВАТ»

 

Мордовиянь Оцюнясь Владимир Волков 25 августста ётафтсь «Лисма» заводть виияфнеманц коряс рабочай совещания. Эсонза примасть участия МР-нь Правительствать Председателец Владимир Сушков, Правительствать Председателенц заместителенза Александр Седов и Игорь Чадов, «Интерфармгласс» компаниять генеральнай директороц Тимур Шарипов и «Лисма» заводть исполнительнай директороц Игорь Константинов.

 

Лятфтасаськ, «Лисма» заводть работанц кемокстаманц коряс задачась путфоль Мордовиянь Оцюнять мархта Государственнай Собранияти Посланиясонза. Республикань Правительствати и Минпромти мярькфоль максомс сембе ширдень лезкс инвесторти предприятиять видеса инвестиционнай проекттнень эряфс етафтомаса. Фкя инь васенцетне ёткстост—оцю технологиянь клянцеконь производствать панжемац и тяниень пингонь светодиоднай продукциянь нолдамась. Кафцьке проекттне—импортонь полафнихть.

 

«Интерфармгласс» компаниять генеральнай директороц Тимур Шарипов азондсь Владимир Волковонди тиф работать колга. Сон пачфтезе, што целайнек сембось моли арьсефть коряс пачфтьф Санкт-Петербургста и нолдаф тевс Саранскяйса светодиоднай светильниконь анокламанкса оборудованиясь, аноклаф и прважаф боросиликатнай клянцекста трубань (синь эрявихть нефтяникненди) промышленнай партиясь. Но пандемиять сюнеда эвондаф ограничениятнень инкса, кандовсь лия пингс импортнай оборудованиять пачфтемац.

 

«Лисма» заводсь—Мордовиянь фкя инь оцю предприятиясь, и тейнек эряви нолямс тевс тяса тяниень пингонь од производстват, панчсемс дополнительнай рабочай вастт»,—китькстазе Владимир Волков.

 

«Минь шарфнетяма башка мяль тястонь специалисттнень лангс, ломаттнень, конатнень правас коре ули кода лемдемс «Лисмань» патриотокс,—мярьгсь «Лисма» заводть исполнительнай директороц Игорь Константинов.—Сяс минь старандатама аф кирьфнемс рабочайхнень лувксснон, кит лама киза аноклакшнесть лампат, конат тячи аф нолявихть, теест аш вешфкс рынкаса или синь сиредсть. Мольфтеви тонафнема, ломаттне ётафневихть лия участкав, синь тонаткшнесазь тяниень пингонь продукциять».

 


03.09.2020 №34
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин