Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Тема дня

МИНЬЦОНК КАБЕЛЬНАЙ КЛАСТЕРСЬ ФКЯ ИНЬ ОЦЮСЬ СТРАНАСА

Мордовиянь Оцюнясь Владимир Волков 27 августста ульсь  «Лидер-Компаунд» АО-са. Региононь вятись марса МР-нь Правительствать Председателенц заместителенц-промышленностень, наукань и од технологиянь министрть Александр Седовонь мархта ванозь од производственнай линиятнень и корхтасть предприятиять генеральнай директоронц Анатолий Бузлаевонь мархта од инвестиционнай проекттнень эряфс етафтомаснон колга.

 

Лятфтасаськ, «Лидер-Компаунд» заводсь Россияса и СНГ-са фкя и тяка предприятиясь, коса нолявихть кабельнай промышленностти пероксиднай сшивкань изоляционнай материалхт. Сембе продукциясь—импортонь полафни. Тяниень пингть средняй напряжениянь силовой кабелень экраттненди изоляционнай материалхнень коряс заводсь занцесы российскяй рынкать 67 процентонц, а пероксиднай сшивкань изоляционнай материалхнень коряс—47 процентонц.

 

Кода азозе республикань Оцюняти предприятиять вятиец, январьста-июльста производствань объемтне 2019 кизонь тяка пингть коряс кассть  151,8 процентта. Тя сатовсь закаснень лувксснон касомаснон вельде, тяконь лувксса экспортнайхнень (башка Беларусь Республикав).

 

2020 кизонь васенце кварталть инвестиционнай проектть эряфс етафтоманц рамкаса тевс сувафтф безгалогеннай аф горючай компаундть производстванц коряс од оборудования.  Производственнай мощностсь—10 тежятть тонна кизоти. Тя производствать панжеманкса строяф од производственнай корпус, конань площадец 1500 квадратнай метра.

 

Мордовиянь Оцюнясь шарфтсь мяль производствать сяда тов виияфтоманцты.

 

«Республиканскяй кабельнай кластерсь фкя инь оцюсь странаса—мяльса кирдевихть кода объемтне, стане и ноляви продукциять аф фкя лацоньшиц,—азозе Владимир Волков.—Минь учендьсаськ, што тядде кабельнай сембе предприятияньке нолдайхть 30 миллиард цалковаень питнес продукта. Но фкя инь васенцесь—тейнек удалась сатомс кабельно-проводниковай продукциять производстванц пяшксе цикланц. Минь нолятама алюминиевай и серень катанка, аф фкя лацонь кабельхть, тяконь лувксса оптоволоконнайхть, сонцень оптическяй волокнать, сяда товолдонь планцонк—анокламс оптоволокнать ноляманкса заготовкат и ару кварц. Кда тяса, тя предприятияса, афольхть нолява компаунтт, минь кабельнай заводоньконди саволь рамсемс синь омба масторста. И сембе продукциясь, кона тячи аноклакшневи тя заводса, импортонь полафни».

 

Тяниень пингть предприятияса строяви нинге фкя производственнай корпус, коса кармайхть нолявома саморегулирующай эжди кабельхть. Нолдамс тевс тя производствать арьсекшневи 2020 кизонь нилеце кварталть.

 

Инвестиционнай проекттнень эряфс етафтоманкса предприятиясь получась государствать эзда льготнай кредитт Промышленностень виияфнемань региональнай и федеральнай фонттнень эзда—200 миллионда лама цалковай.

 

Тяни предприятияса работайхть 80 ломань, ламоц производственнай процессне автоматизированнайхть. Среднемесячнай заработнай платась 2020 кизонь январьста-июльста ульсь 42 тежянь цалковай (110 процент 2019 кизонь тяка пингти). Саморегулирующай эжди кабелень производствать тевс сувафтоманц мархта панжеви нинге 30 рабочай васта.

 

Мордовиянь Оцюнясь макссь оцю оценка предприятиять работанцты и шназень производственнай площадкатнень келептемаснон коряс планцнон.

 


03.09.2020 №34
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин