Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Тема дня

ФКЯ ИНЬ ОЦЮ КОЗЯШИСЬ—ЯЛГАКСШИСЬ

Аньцек ня шитнень, а сяда видеста азомс, 7 сентябрьста ушедозе эсь кинц «Волга—река мира. Диалог культур волжских народов»  Международнай этнокультурнай XIX-це экспедициясь. Тядде сон лемтьф Великай Отечественнай войнаса Победать 75 кизонцты. Экспедициянь участникнень ёткса учёнайхть, культурань, образованиянь работникт, общественнай организациянь вятихть, журналистт и стак тов.

 

 

Синь пара мяльса азондыхть Волгать трвава эряйхненди мокшэрзянь народть историянц и тячиень тевонзон колга. Синь седикс-ваймокс корхнихть фкя-фкянь мархта, панчсесазь фкя-фкянди седиснон, азондсазь эсь пичефксснон и кенярдемаснон, марса  морсихть мокшень, эрзянь, рузонь и лия народонь морот, сиде моронят. А марстоннесь эсост ся, што сембе синь пяк кельгсазь эсь Родинаснон, эсь шачема-касома крайснон, эсь койснон, эсь родной кяльснон.

 

Аш кода аф няемс сянь, конашкава кельгсазь Поволжьянь нароттне мокшэрзянь культурать, конашкава мала теест сон.

 

Шарьхкотьф, тяддень экспедицияса башка мяль шарфтови военнай тематикати. Якави воинскяй славань мемориалхненди, тяконь лувксса легендарнай Мамаев курганти, «Сталинградская битва» мемориальнай комплексти и стак тов.

 

Мордовиянь архивисттне анокласть «Поклонимся великим тем годам» выставка, а саранскяень музыканттне путыхть патриотическяй моронь концерт.

 

Сяда келиста и лац-ряц тянь и ламоть лиять колга азонттама газетаньконь сай номерсонза.

 


10.09.2020 №35
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин