Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Национальная тематика

МОРОТ, МОРОТ—МОКШЕНЬ МОРОТ!

Старошайговскяй райононь Сире Теризморга велень народнай хорсь лац содаф сембонди. Сон—аф аньцек Сире Теризморгать, Старошайговскяй районть, а марнек республиканьконь гордостец. Тя творческяй коллективсь Всероссийскяй и международнай конкурсонь лауреат, Мордовия Республикань Госпремиянь лауреат. Сонь кшиса-салса васьфнезь Ульяновскяйса, Пензаса, Нижняй Новгородса, Ижевскяйса. Сире Теризморгань аватне и стирьхне аф весть концерт мархта ульсть Эстонияса, Финляндияса, Венгрияса.

 

Но сембода мяляфтовикс, улема, лядсь 1967 кизось. И тя аф стак. Тя кизоня 16 сентябрьста сявомок 1 октябрти молемс хорсь ульсь Родинаньконь столицаса—Москуса. Сон примась участия странань самодеятельнай искусствань фестивальса, тись лама выступления ошень инь содаф сценатнень лангса. Минь тячи лувихненди нюрьхкяняста азонттама тянь колга.

 

Но сембода мяляфтовикс, улема, лядсь 1967 кизось. И тя аф стак. Тя кизоня 16 сентябрьста сявомок 1 октябрти молемс хорсь ульсь Родинаньконь столицаса—Москуса. Сон примась участия странань самодеятельнай искусствань фестивальса, тись лама выступления ошень инь содаф сценатнень лангса. Минь тячи лувихненди нюрьхкяняста азонттама тянь колга.

 

Сире Теризморгань хорсь кафксоксть лисендсь Москувонь оцю сценатнень лангс и кеняртьфнезень столицань зрительхнень мазыдонга-мазы мокшавань нарядса и народнай мороса. Хорть сембе выступлениянзон шназь и смотрань комиссиясь, и зрительхне. Аф юкстави сонь выступленияц Москувонь гарнизононь фкя частьса.

 

Зрительхнень ёткса ащи  странаньконь героец, легендарнай лётчиксь, мокшалясь Михаил Петрович Девятаев. Хорсь морай сонь колганза мора. Геройть мяльс пяк лад, а морайхне эрь од куплетть таргасазь нинге сяда мазыста. Концертсь  арась оцю праздникокс, а хорть тянкса казезь.

 

Сяка жа шиня Теризморгань хорсь морась лама тёжянь зрительхнень инголе М.Горькаень лемса паркса и получась тяса тага фкя грамота. Стане жа сон оцю сатфкс мархта выступандась архитекторонь оцю Дворецса, Зуевонь лемса клубса, Чайковскяень лемса концертнай залса и колмоксть—Кремлянь Съездонь Дворецса. Хорти тага макссть кафта грамотат: профсоюзонь ЦК-ть и Россиянь Культурань министерствать ширде. Тяда башка, эрь хористкать казезь грамотаса и оцю премияса.

 

Мекольдень оцю пуромксса РСФСР-нь Культурань министерствань и оргкомитетонь представительхне пяк шназь Сире Теризморгань хорть дисциплинанц и азсть теенза благодарность.

 

Сире Теризморгань народнай хорсь мрдась куду. Но кажнай участникть седиса лядсть Москувонь оцю впечатлениятне. Няйф лама артистта, лама самодеятельнай певецта, хорда и танцевальнай коллективда. Ули мезе сявомс лия коллектифнень опытснон эзда и тянь вельде кеподемс нинге сяда вяри.

 

Морось кеподьсы мяльцень, валдоптсы седицень, лезды сяськомс стакатнень-сталмотнень. Тянь лац содазь минь атяньке и бабаньке, лац содасазь и оттне.

 


10.09.2020 №35
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин