Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Наука и жизнь

ТОНАФНЕМА ВАСТОНДИ КОЧКАЗЬ Н.П.ОГАРЁВОНЬ ЛЕМСА МГУ-ть

Катерина Курмышкина, биологическяй факультетонь студентка:

 

—Шачемас-касомас коре мон Ульяновскяй областьста. Сидеста сашендови кулендемс кизефксть: «Мес тонафнема вастонди кочкайть Мордовиять, мес ерат тумс ичкози тядянь-алянь кудть эзда?» Саранск ошсь кельговсь тейне нинге школаса тонафнемста. Кемонце класса тонефнемста сашендонь тяза экскурсияс, няине-ваныне университетть и шарьхкодине: тонафнемс мялезе аньцек тяса. Сяльде сембе вийса кармань аноклама экзаметтненди. Максыне синь, эряви азомс, аф кальдявста, баллне сатсть, штоба поступамс бюджетнай вастс. Тяни мон Н.П.Огарёвонь лемса Мордовскяй госуниверситетонь студенткан, омбоце недялясь ни молихть занятияньке. Кенерень лац содафтомс фкя группаса тонафни ялганень мархта, етксост аф кржа монь лацон лия регионцта сафта. Тушендыхть мялезон тястонь преподавательхне, синь азонкшнесазь семботь шарьхкодевиста и мялень салайста, кой-коста нльне афи фатян, кода етай парась.

 

 

Ангелина Вишнякова, медицинскяй институтонь студентка:

 

—Шабакскиге оцюволь мялезе арамс врачекс, пчкафнемс ломатть. Профессияти кельгомась, улема, етась тейне алязень эзда. Виде, сон пчкафни аф ломатть, а жуватат. Мордовияв сань Самарскяй областень Тольятти ошста. Саранскяйса тонафнесть и тонафнихть содафоне, ялгане. Лама шнамань валда кулендень Н.П.Огаревонь лемса МГУ-ть колга. Эсь сельмосон тя ошть няине меля, и сон педезь педсь седиезон. Тяни монь ушедсь од эряфозе—студенческяйсь. Арьсян сон кармай теждя, весяла, максы крхка содамошит, од содафтомат. Сембе студенттненди арьсян оцю сатфкст тонафнемаса и катк сембонь пяшкодевихть мяльсна-арьсемасна.

 


10.09.2020 №35
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин