Поиск по сайту: 
 

Архив
 октябрь 
 2020 
пн вт ср чт пт сб вс
   1234
567891011
12131415161718
19202122232425
262728293031 

 
 

 

Национальная тематика

МЕЗЕ ТЯШТСЬ—ПИТНИ ЛОМАТТНЕНДИ

Краснослободскяй районца нинге мувихть эряфкшу ломатть, кит мяляфтсазь, кода Колапа велень эряйхне ётай веконь 30-це кизотнень якасть В.И.Ленинонди эсь пичефксснон и эняльдемаснон азондома. Марнек мокшэрзянь народсь тянь колга кармась содама Сире Синдру велень поэтть И.В.Чигодайкинонь «Кши и сал» поэманц лисемда меле.
И.В.Чигодайкинонди 11 сентябрьста топодель 100 киза. Поэтть шачема велесонза (Сире Синдруса) ётафтфоль оцю ила, конань аноклазь и ётафтозь Мордовиянь Писателень союзсь, «Поддержка» общественнай организациясь, «Слобода» Краснослободскяй райононь литературнай объединениясь, Старосиндровскяй поселениянь культурань и образованиянь покодихне и поэтть раднянза.
Илать ушетксонцты арась тястоконь школась, коса сай пингонь поэтсь пуропнесь  содамошит. Школать кенкшензон ваксста стенати кемокстафоль мемориальнай доска, кона мзярс ащесь вельхтяфста-кяшфста. Доскать котф алда штафтомац максфоль кафта (сире и од) поколениянь  представительхненди: тя аймакса шачф учёнайти, Н.П.Огарёвонь лемса МГУ-нь профессорти, Сире Синдруть летописеценцты (тяфта лемнесазь велеряйхне) В.Ф.Кирдяшовонди и тястоконь школаса тонафнихненди Алина Исайкинати, Дарья и Денис  Дмитриевичненди. Валхтомок мемориальнай доскать лангста котфть, сельминголенк эвондась акша тюсонь памятнай плита, конань лангс сёрматф, што тя школаса 1928 кизоста сявомок 1935 кизоти молемс тонафнесь мокшень поэтсь И.В.Чигодайкин.
—Иван Васильевич Чигодайкин тись няевикс путкс минь республиканьконь литературанц касоманцты. Сон, кода поэт, кадсь эсь лувиензонды стихт, конат пяшксет ся пингонь ваймопожфса,—мярьгсь митингть панжемста «Слобода» литературнай объединениять руководителец В.В.Бирюков.—Минь задачаньке, штоба ваймонь вешфксне земляконьконь творчестванцты афольхть юма.
И.В.Чигодайкинонь творчестванц и эряфонь кинц колга азондомста велень                  библиотекать заведующаец О.С.Базаркинась лятфтазе илас сафненди:
—Поэтсь шачсь-кассь крестьянонь вейхкса шаба мархта семьяса. Аляц—васенце войнань и гражданскяй войнань участник, штурмовандазе Зимняй Дворецть, ульсь Смольнайса, удалась кулхцондомс В.И.Ленинонь. Сембе ня событиятнень колга эсь мялензон-арьсеманзон сон азонкшнезень цёранцты—сай пингонь поэтти. И.В.Чигодайкин, кода и ламоц идькс пингонь ялганза, шумордазе Сире Синдрунь школать-семилеткать. Сяда тов—Краснослободскяй    педучилищать, Саранск ошень пединститутонь филфакть, Горьковскяй  партшколань журналистикань отделениять—нят учебнай заведениятне, коса поэтсь кочкась-пуроптсь содамошит и тонафнесь профессияс. А нинге теенза савсь ётамс Великай    Отечественнай войнать толонзон пачк Москуть и Сталинградть араламста, Курскяй битваса, Ясско-Кишиневскяй операцияса. Войнать васенце шистонза сявомок Победань шити молемс сон аф аньцек тюрсь оружияса фашистскяй захватчикнень каршес, но пераса, няфтемок пря цебярь журналистокс и  литработникокс «Боевая красноармейская», «Гвардеец» дивизионнай газетатнень эса, мезенкса и ульсь казьф Якстерь Звездань кафта орденца и аф кржа медальса.
Фронтта меле работась мордовскяй изданиятнень и промпредприятиянь газетатнень редакцияса, Мордовскяй радиокомитетса.  
Васенце стихонза мокшень кяльса кармасть эвондакшнема «Мокшень правдаса» 1938 кизоня, а рузонь кяльса «Щорс» васенце стихоц  лиссь «Красная Звезда» газетаса 1954 кизоня.
«Шачема мастор»—тя поэтть васенце стихонь сборникоц шачема краенц и сонь ломанензон колга. 1959 кизоня Мордовскяй книжнай издательствась нолдазе И.В.Чигодайкинонь «Кши и сал» поэманц. Пингта меле тя поэмась лиссь рузонь кяльса (переводчиксь И.Пиняев)—лувить мяльс тусь, шнафоль сембонь мархта. СССР-нь Писателень союзу поэтсь примафоль 1966 кизоня. 1985 кизонь 21 ноябрьста поэтсь кадозень мала ломанензон, лувиензон. Калмаф Саранскяйса.
И.В.Чигодайкин стихт сёрмадсь тядянь-алянь—мокшень—кяльса. Сяс теенза лемтьф иласа ламоц валонь азыхне корхтасть поэтть шачема кяльсонза. Нят: Мордовиянь Заслуженнай писательсь Н.Б.Голенков, «Синдровчане» землячествань члеттне В.Ф.Кирдяшов и А.Ф.Петербургская, филологическяй наукань кандидатсь О.И.Корнеева—поэтть стирец. Эздост эрсь лямбе валса корхтась поэтть творчестванц колга и кажнайть выступлениясонза кайгсь мяль: И.В.Чигодайкинонь лемоц аф эряви юкснемс, сяс мес сон ульсь афкуксонь валонь мастер, маштсь эсь стихонзон вельде (тя маряви тячемс) сувамс лувить ваймос, а сембось тя веши поэтть произведениязон нолдамс башка книгаса.
А кодама поэтонь юбилей стихфтома?! Конешна, синь лувфтольхть школать инголе сёксень ару кожфть ала. Тяса жа поэтть стирец О.И.Корнеева тись школаса тонафнихненди мяльс туф казнет. Сон эсь валсонза азсь тяфтама мяль: «Иван Васильевич 35 киза ни аш мархтонк, и пинге сонь стихонзон нолдамс рузонь кяльса башка сборникса, штоба сяда келиста содафтомс поэтть творчестванц мархта и рузонь кяльса лувихнень.  Минь аноктама максомс финансовай лезкс тя тевса, эряви аньцек переводчик». Тя мяльть ширенц кирдезе «Книга» издательскяй Кудть оцюняц Н.Б.Голенков. Шабатненди книгань каземда меле сон мярьгсь: «100 кизонь юбилейсь, афкукс, цебярь туфталсь, штоба тиемс пара тев—нолдамс И.В.Чигодайкинонь стихонзон башка книгаса рузонь кяльса. И минь аноктама тянь тиемс».
Илас саф инжихне ульсть велень библиотекаса. Тяса васедсть «Поэту—фронтовику» сельмованфонь салай книгань выставкать мархта. Инжихне синцьке шумос ашесть ляда. Тяфта, кепотьксонди, «Слобода» литобъединениянь представительхне  В.В.Бирюков и А.Н.Юрин казезь библиотекати и эсь книгаснон, и книгатнень («Мелодия слов», «Память Победы»), конат нолдафтольхть аф кунара литобъединениять виенц вельде Краснослободск ошть 450 кизонь топодеманцты и Победать 75 кизонь топодеманцты.
Праздниконь илась мольсь сяда тов эсь киганза и вятезень сонь участниконзон «Мокшень куду», или лиякс нинге синць куд «азорхне» лемнесазь «Ялгаксшинь куду». Тяса инжихнень каванязь мокшень суронь эчке пачаса, позаса и сиволень цёмараса. И пцтай сембе ярхцамбяльсь аньцек-аньцек таргафоль тя кудонь пянакудста.
А кодама праздник или ила мокшень велеса ётни мокшень морофтома? Вов и тянивок И.В.Чигодайкинонь племянникоц Ф.П.Тултаев сявозе кядезонза баянонц и ушедсь морама. Тоса ни шратнень ваксс озафневок ашесть кирде, синьге сюлмазь эсь вайгяльснон баянца морайть морос. Но шра ваксстонь моротнень «сюрекиснон» вятезь   Сире Синдру велень «Мокшаваня» фольклорнай ансамбльть представителенза, конат наряжафтольхть   мокшень щамса-карямса, мезсь илати макссь афкуксонь праздникшинь тюс.
И.В.Чигодайкинонь юбилеенцты, эряви азомс, лемтьф илась удалась. И тя сяс, мес Сире Синдру велеса нинге улихть ломатть, конат афкукс старандайхть и путнихть оцю вийхть, штоба ванфтомс мокшень койхнень-обуцятнень, аф ваномок тяниень пингонь велетнень киса уликс прябалатнень лангс.
Н.Циликин,
«Мокшень правдать» эсь корреспондентоц.
 

01.10.2020 №38
 
 
 

 
НОВОСТИ

«РАДУЕМСЯ ДОСТИЖЕНИЯМ, СТРОИМ ПЛАНЫ НА БУДУЩЕЕ»

Честный, справедливый, понимающий—эти качества присущи бессменному руководителю Ключ-Сузгарьевского хозяйства Рузаевского района Н.Б.Амбаеву. Под его руководством общество с ограниченной ответственностью Агро «К-С» давно славится своими достижениями в производстве молока, мяса, сбором больших урожаев зерновых и зернобобовых культур, заготовкой кормов. Не стал исключением и этот 2020 год. Благодаря слаженной работе земледельцев, в хозяйстве валовый сбор урожая зерновых составил почти 9000 тонн, отдельные участки дали по 50 и более центнеров с гектара. Здесь заготовлен полуторагодичный запас кормов, в лучшие агротехнические сроки провели посев озимых культур. Новые рекорды и у животноводов. К концу года надой от каждой фуражной коровы в хозяйстве составит 8500 килограммов. Это один из лучших показателей в районе. Больше, чем в прошлом году, будет произведено и продано мяса.
22.10.2020  № 41
 

ПАНЖЕВСЬ УПРАВЛЕНИЯНЬ ОД ЦЕНТРА

20 октябрьста Саранскяйса  Печатень кудса ётась регионть мархта управлениянь Центрать, кона аф кунара панчфоль Мордовия Республикаса, работанц ладяманцты лемтьф пресс-конференция.
Пресс-конференцияса примасть участия Мордовия Республикань Оцюнять Администрациянц Руководителенц васенце заместителец В.В.Маресьев, МР-нь регионть мархта управлениянь Центрать руководителенц тевонзон тиендисна А.И.Барашихин, регионть мархта управлениянь Центрать руководителенц заместителенц тевонзон тиендисна В.В.Курзаев, Мордовия Республикань информатизациянь и связень министрть васенце заместителец—цифровой развитиянь Управлениять начальникоц О.А.Соколов.
Кода мярьгсь В.В.Маресьев, Мордовия Республикань Оцюнясь В.Д.Волков азозе Мордовия Республикань Оцюнять Администрациянц и сонь Руководителенц А.А.Богатовонь кураторкс регионть мархта управлениянь Центрати. Кирдемок мяльса сянь, што Россияса тя центратнень тиемаснон мархта сотф кизефкснень мольфтьсыне «Диалог»     АНО-сь. Сявомок тянь мяльс, примафоль решения МР-нь регионть мархта управлениянь Центрать тиемс Печатень Кудть видеса. Центрать сембе работниконза кармайхть улема «Диалог» АНО-нь штатнай работникокс.
22.10.2020  № 41
 
 

Фалу палы шачема вастти кельгомась

Краснослободскяй райононь Сире Синдру велеса эряйхть мокшет. Тянемс кой-коста спорсихть велеть лемонц колга. Финцне корхтайхть, што лемсь лиссь Сивинь ляйть эзда, конань трваса ащи велесь. А омбонцне сотнесазь «Сёвонь» («глина») и «Трва» («берег») валхнень мархта. Сире Синдрусь афкукс ащи сёвонь вастса.
Сявомок мяльс тяниень пингть, велеса ломаттнень лувкссна аф ёмла—тёжянть малава эряй. Ужяль, велеть инь цебярь пингоц ётась. Тяни сон коль шами. А Советскяй  пингть Сире Синдрусь нльне ульсь райцентракс, тяса работась типографиявок, кона нолясь эрь недялянь «Голос стахановца» газета.
Сире Синдрунь кафта этажса школась тяни Учхозскяй школать пяльксоц, тоза якай комозьшка шаба. Но мокшень ломаттне сяка аф юмафнесазь потмонь толняснон, покодихть: кинь перец, кинь кудонь жуватанза, кие панкт, имошт кочкай. Но пеняцямаснон аф кельгсазь. Синь афкукс кельгсазь эсь шачема-касома вастснон!
22.10.2020  № 41
 

В Саранске состоялась Российская детская фольклорная Ассамблея.

 

         9-11 октября 2020 года в Республике Мордовия состоялся значимый форум для юных хранителей нематериального культурного наследия России – Российская детская фольклорная Ассамблея. Она проводилась в рамках федеральной целевой программы «Культура России» (2019-2024 гг.) на 2020 год при поддержке Министерства культуры Российской Федерации, Министерства культуры, национальной политики и архивного дела Республики Мордовия. Ассамблея является творческим проектом Государственного Российского Дома народного творчества им. В.Д. Поленова и Республиканского Дома народного творчества Мордовии.

 

         На сцене Республиканского Дворца культуры состоялись конкурсные прослушивания 150 участников из Воронежской, Тамбовской, Тверской, Ярославской областей, Республики Коми, Республики Мордовия, г. Санкт-Петербурга и других регионов Российской Федерации. Юные артисты продемонстрировали яркое и неповторимое народное творчество, основанное на фольклорном материале. На суд жюри и зрителей участники Ассамблеи представили самобытные гостевые, свадебные, хороводные, обрядовые песни и фрагменты народных праздников, включающие элементы народных игр. Участники Ассамблеи исполняли как известные, так и малораспространенные образцы народного музыкального творчества. Каждый участник старался показать специфику и локальное своеобразие народно-певческих традиций своего региона.

 

         В первый конкурсный день право посоревноваться в песенном творчестве предоставили самодеятельным артистам из Мордовии. Первым номером выступил коллектив Республиканского Дома народного творчества фольклорный ансамбль «Пувама» (руководитель Елена Кутаева). В конкурсную программу ансамбля были включены народные мокшанские народные песни «Гаройть Маряц» («Герасимова Мария») и «Лиседа, ялгат, лиседа» («Выходите, друзья, выходите»). Самые маленькие участники Ассамблеи Варвара Модина и детский фольклорный ансамбль «Меремчата» (руководитель Анна Федорова) удивили жюри своим артистизмом и яркой индивидуальностью. Юная гармонистка Ксения Журавлева (руководитель Николай Турусов) из Атюрьевского района продемонстрировала виртуозную игру на тульской гармошке, исполнив русские народные пени «Возле речки, возле моста», «Варенька». Солистка Полина Петрова (руководитель Анна Бутылкина) из Ковылкинского района очаровала зрителей своим лирическим голосом. Хорошие вокальные данные показала Анастасия Кашина (руководитель Мария Громова) из Лямбирского района. Участники фольклорного ансамбля «Лаймоня» (руководитель Маргарита Ильина) Республиканской детской музыкальной школы-интернат представили отрывок мордовского национального праздника «Роштувать куд» («Рождественский дом»), где показали многоголосный стиль исполнения мордовских народных песен и самобытные песенно-обрядовые традиции мордовского народа.

 

         10 октября юные участники Ассамблеи из регионов Российской Федерации показали всю ширь и многообразие традиционной культуры России. Каждый участник старался показать визитную карточку своего региона, исполнив песни, основанные на местном фольклорном материале.

 

         Особой манерой исполнения удивил Артем Меркулов (руководитель Ольга Стурова) из Воронежа. Он исполнил протяжную песню села Каверье Семилукского района Воронежской области «Вы пойдемте, рябятенки». Второе конкурсное произведение - страдания села Замартынье Липецкой области «Канарейка».  Артем сам себе аккомпанировал на балалайке.

 

         Впечатлили выступления участников из села Зеленец Сыктывдинского района Республики Коми. Детский фольклорный ансамбль «Латоточки» (руководитель Лариса Якунина) и юные солисты Дарья Абдуллаева и Олег Иванов (руководитель Мария Альхименок) продемонстрировали как русские народные песни, так и самобытные лирические народные песни и задорные частушки на коми языке.

 

         Особо эмоциональным было выступление ансамбля казачьей песни «Живая старина» (руководители Николай и Людмила Провоторовы) из г. Санкт-Петербурга. Ансамбль носит имя кавалера ордена Александра Невского контр-адмирала в отставке Анатолия Дмитриевича Климова. Юные питерские казаки с удовольствием и максимальной отдачей показали весеннее-летний обряд хутора Яминский Волгоградской области  «Люлейка».

 

         Участница из Тамбова Анна Сиземина очаровала зрителей Тамбовскими прибасками из репертуара М.Н. Мордасовой «Ваня-Ванюрок» и удивительной игрой на гуслях.

 

         Образцовый фольклорный ансамбль «Забавушка» (руководитель Елена Синицина) из г. Твери показал фрагмент обряда «Троица», основанный на самобытном этнографическом материале Тверской области.

 

         Ярославскую область представили сразу два коллектива: образцовый детский фольклорный ансамбль «Каруселька» (руководители Любовь Карамышева, Татьяна Голубкова) и фольклорный ансамбль «Усладушка» (руководитель Василина Евдокимова). Несмотря на то, что оба коллектива представили народно-песенные традиции Ярославской области, каждый из них отличался своей особенной подачей местного песенного материала.

 

         Для руководителей детских фольклорных коллективов в рамках Ассамблеи была проведена учебно-практическая лаборатория «Проблемы и специфика подготовки к детским конкурсам». Перед руководителями ансамблей выступили: Рогачева Лидия Геннадьевна - специалист по народно-певческому жанру Государственного Российского Дома народного творчества имени В.Д. Поленова; Модина Екатерина Олеговна - художественный руководитель народного фольклорного ансамбля «Мерема» Центра культуры городского округа Саранск, заслуженный работник культуры Республики Мордовия, преподаватель института национальной культуры;  Тюрина Татьяна Владимировна - художественный руководитель ансамбля казачьей песни и пляски имени С. Балабана «Разгуляй» Мордовской государственной филармонии, заслуженный работник культуры Республики Мордовия. Своим опытом работы поделилась Ольга Леонидовна Стурова  из г. Воронеж, которая рассказала о традиционной хореографии юга России (бытовые танцы, пересек, сольная пляска). Специалисты рассказали о специфике работы с детским фольклорным коллективом, о подборе репертуара. На творческой лаборатории руководители детских фольклорных коллективов напрямую общались с членами жюри, получили объективные ответы по критериям оценивания творческих работ, общались с коллегами, делились опытом.

 

         Для юных артистов из регионов России были организованы обзорные экскурсии по городу Саранск. Участники побывали в Мордовском Республиканском объединенном краеведческом музее имени И.Д. Воронина, Мордовском Республиканском музее изобразительных искусств имени С.Д. Эрьзи, Мемориальном музее военного и трудового подвига 1941-1945гг.

 

         Большим подарком для участников Ассамблеи стал Гала-концерт лауреатов и дипломантов Российской детской фольклорной Ассамблеи, где состоялась церемония награждения.

 

            Российская детская фольклорная Ассамблея прошла на высоком организационном и творческом уровне. Проведение Российской детской фольклорной Ассамблеи, несомненно, способствует сохранению и популяризации нематериального культурного наследия народов Российской Федерации, формированию единого культурного пространства, развитию народных традиций в области художественной культуры.

 

         Мероприятия, в рамках Российской детской фольклорной Ассамблеи проводились с соблюдение всех санитарно-эпидемиологических требований, связанных с распространением новой коронавирусной инфекцией COVID- 19.

21.10.2020
 

Владимир Волков ульсь «Октябрьская» агрофирмаса

МР-нь Оцюнясь Владимир Волков 8 октябрьста ульсь «Октябрьская» агрофирмаса. Республикань руководительсь ванозе кукурузать зернанди урядаманц и предприятиять производственнай од площадканц—зерносушильнай комплексть, а тяфта жа агрофирмань руководствать мархта ванозь велень хозяйствань сезонть итогонзон.
Кода азозе республикань Оцюняти агрофирмань директоронь Советть председателец Иван Андин, тяни зерновойхнень урожайностьсна лувондови 46 центнер эрь гектарста, сявомок мяльс кукурузать, конань нинге ашезь уряда, кармай 60 центнер гектарста. Зернать валовай производствац лувондови 123 тёжянь тоннаса, эздост 50 тёжянь тоннась кукурузань зерна, кона ноляви тевс сарасненди корманди. Штоба зернась афолезень юмафта эсь качестванзон, сонь эряви эстокиге косьфтамс лядемдонза меле—тя пяк важна. Сяс предприятиясь рамазе ни зернань косьфтамань котоце комплексть. Тяни зерносушилкатне работайхть сембе пингть и косьфтайхть кафтонь тёжятть тонна зерна суткати.
15.10.2020  № 40
 

«МОКШЕНЬ ПРАВДА»—МОКШЕНЬ ЭРЬ СЕМЬЯТИ

Мокша ялганьке! Нинге весть лятфтасаськ: омбоце ковсь ни моли 2021 кизоть васенце пяленцты минь тонь мархтот кельгома «Мокшень правда» газетаньконди сёрматфтомась. Кда нинге ашеть тяштьфте теенза, эряскотт почтав. Тяк тарксе пингть.
«Мокшень правдась» мокшэрзянь крайсонк фкя инь интереснай печатнай изданиясь. Газетасонк лисендихть «Кода эрясть и эряйхть мокшетне», «Минь содаф мокшень ломаненьке», «Мазыхть мокшень стиреньке», «Мокшаваня», «Од ломанень клуб», «Од вий», «Цятконя» и лия мялень салай страницат. Эрь номерста мутада советт и рекомендацият сянь коряс, кода пчкафтомс пря народнай средстватнень вельде, кода получамс перень сёронь сяда козя урожай и стак тов. Эрь номерса макссеви юморонь и сатирань уженя. Пандат аньцек 340 цалковай и кота кофт родной кяльса лисенди газета кармайхть каннема эряма вастозт. Колма ковонди тяштьфтемать питнец 170 цалковай. Газетать индексоц П4719.
15.10.2020  № 40
 
 

«МОРАЙ ШУФТА» КОНКУРСТИ

Мордовиять столицаса шумордавсь II Межрегиональнай фестивальсь—«Поющее дерево» шуфтста керсиень конкурссь. 5 шиста Россиянь 7 регионцта мастерхне шуфтста керсесть-тисть 12 скульптура, конат лядыхть Саранскяи.
Конкурсонь жюринь члеттнень валснон коряс, тядде сембе работатне салайхть мяль. Ёткстост ульсь стака кочкамс инь цебярть.
Ну а фестивалень сяськикс арась Кочкуровскяй райононь Подлеснай Тавласта Петр Рябов. Сон тись шуфтста «Ледстнемань селмот» (Лятфнемань пацят) композиция. II степенень сертификат максфоль Владимир Алмановонди, Московскяй областьста мариецти. Сон казсь республикати «Варда» шуфтста скульптура, кона тиф мокшэрзянь народнай ёфкснень коряс. III степенень сертификатсь максфоль Московскяй областьста Николай Гетьманонди. Композициянц лемоц «Шачф вирьса».
Фестивальть торжественнайста сёлгомдонза инголе шуфтста керсихнень ёткса ётафтфоль бензопиласа шуфтста вишкста керсемань конкурс. Участникненди эрявсь 45 минутаста няфтемс эсь асушиснон. Тяса васенце вастсь максфоль Владимир Алмановонди и осетрань скульптуранцты, омбоцесь—Петр Рябовонди и корож скульптуранцты, колмоцесь—Александр Туркичевонди и шуфтста тиф озаманяти.
Лятфтасаськ, «Поющее дерево» шуфтста керсиень Межрегиональнай конкурссь ётафневи Саранскяйса «Шумбрат!» фольклорно-этнографическяй фестивальть рамкаса.
01.10.2020  № 38
 

ИТТНЕНЬ АРАЛАФШИСНА—ВАСЕНЦЕ ВАСТСА

Шавшиста, 29 сентябрьста, Мордовия Республикань Пресс-центраса ётафтфоль пресс-конференция, конань пингста корхтамась мольфтевсь «Детство без опасности» федеральнай проектть колга. Пуромксса примасть участия Мордовия Республикань транспортть коряс Государственнай комитетть председателец В.А.Кандрин,     МР-ть эзга МВД-нь Госавтоинспекциянь Управлениять начальникоц С.Н.Гагарин, Мордовия Республикань здравоохранениянь министрть заместителец Н.Е.Романович, «Детство без опасности» проектть вятиец Кристина Ляписова (Моску ошсь) и лият.
Тядятненди-алятненди «Детство без опасности» федеральнай образовательнай программась васенцеда ётафтови эряфс минь республикасонк. Проектть коряс родительхне тонафтовихть сянди, кода аф пелезь арфнемс шабаснон автомобильса. Тренинкне ётафтовихть Мордовскяй республиканскяй центральнай клиническяй больницяса.
Проектсь ётафтови эряфс «О национальных целях и стратегических задачах развития Российской Федерации на период до 2024 года» Российскяй Федерациянь Президентть 2018 кизонь 7 майста 204№ Указонц и 2024 кизоти молемс ки лангонь безопаснай движениянь Стратегиять эряфс ётафтоманц мяльса кирдезь, «Безопасные и качественные автомобильные дороги» национальнай проектть и «Безопасность дорожного движения» федеральнай проектть пяшкодеманкса.
«Детство без опасности» проектсь арьсеф колма кизонди. Ушеткссь теенза путфоль 2019 кизоня. Меля проектонь тренинкне ётафтфтольхть странань 30 регионца. Цють пяле кизода ламоста аноклафоль-ётафтфоль 989 занятия, конатнень пингста перинатальнай центратнень и шачфтомань куттнень эса тонафтфоль 3 тёжятть од тядя и сай пингонь родительхть. Тядде проектсь ётафтови эряфс 35 регионца и тняра жа субъектса сон ули нолдаф тевс 2021 кизоня.
Сембоц 2019 кизоста сявомок 2021 кизоти молемс «Детство без опасности» проектсь ули ётафтф эряфс 85 региононь 100 лама ошса. Тя пингста перинатальнай центрань сотрудникне несколькаксть недяляти кармайхть пуропнема тренинкт сянь коряс, кода ладямс автомобильть эса идень креслатнень и кирдемань лия устройстватнень, кода вятемс прять ки лангса, кда машинать эса ули шаба, а стане жа азондови коляска мархта кить туркс ётамань правилатнень колга.
О.ЕВДОКИМОВА.
01.10.2020  № 38
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин