Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Боражса музь эсь павазснон

Темниковскяй райононь границать ваксса ащи Атюрьевскяй райононь мокшень Бораж велесь. Тяста лиссь лама содаф ломань. Ётксост учёнайхть, журналистт, учительхть! Да и тянивок тяса эряй лама шнама, трудонь кельги семьяда. Фкясь синь ёткстост Кузьминофне. Пётр Иванович шачсь-кассь Боражса, Елена Андреевна—шабрань Кушкса. Марса эряйхть 25 киза. Кафта шабасна. Оцю стирьсна, Мария, аделазе аф кальдявста школанц, получась высшай образования. Н.П.Огаревонь лемса Мордовскяй госуниверситетса тонафнесь психологокс. Тяни эряй и покоди Москуса.
Никита Кузьминов сатни сатфкст тонафнемаса и кудонь тевса. Сон тонафни кемонце класса Мокшень Козловкань средняй общеобразовательнай школаса. Цёрать мазы вайгялец. Аф весть аралакшнезе школать честенц райононь, республиканскяй пялькстоматнень эса, коса лисендсь сяськикс и призёркс. Тянивок сембоса надияма васта. Аляц якай Москуву ярмаконь добувама. Вахтаньберьф цёрась кудса и жуватань урядайсь, и лия тевонь тиись.
П.И.Кузьминов—велень простой мокшаля. Аделазе Боражень кафкса кизонь школать. Покодсь «Сосновский» совхозса, ульсь управляющайкс Боражень отделенияса. Водендась-пуроптсь семья. Арьсесь, што шачема-касома велестонза козовок и мзярдовок аф туй. Тумс, видекс, козовок ашезь ту. Кудоц, хозяйствац, семьяц, аньцек кеняртькшнемс и эрямс. Но пинкне полафтсть. Хозяйствась ушедсь срадома. Зарплатань пандомать мархта тефне кальдявгодсть. Пирьфоц пяшксе жуватада, ули нешкоперец. Можналь кярьмодемс вирень тефненди. Но, кода сонць виденцясь, аш ков мимс велень хозяйствань продукциять. А семьясь тряма.
—Вов и тунь Москуву работама,—азозе Пётр Иванович.—А тяфтак сизень оцю ошть эзда. Боражда мала и цебярь васта аш.
П.И.Кузьминовонь зрняннет кяденза. Сафтсы сембоса. И срупт шапи, и плотниконь тевса сафтсы. А нешкнень перьфке ушедсь шарома нинге шабакс.
—Минь фалу кирнеме нешкопере,—азозе мокшалясь.—Тевсь пяк стака, ответственнай. Маштома нешкопереса работама. Тя тевти, конешна, ашень тонафне, но эряфонь школазе, опытозе пяк оцю.
Мирденц ширенц кирдьсы рьвац, Елена Андреевна. Мзярда алясь Москуса, сембе  тефне лангсонзот. Сембоса лезды Никита цёрасна.
—Тянь кальдявоц аш, мзярда шабась машты и нешкнень перьфке шарома, и жувататнень мельге якама,—мярьгсь Пётр Иванович.—Оцювонь эряфса тя кондясти. Велеса кармай эряма, шабакс кочкаф опытсь, содамошитне пяк эрявкстыхть. Ошу туй, кармай дачаняц, мода пакшкац. Синь мельгаст стане жа ванома, кирдемат.
И тянь мархта аш кода аф согласиндамс. Тонафтсы алясь цёранц и техникать мархта работама. Соньфтемонза велеса стане жа аш кода.
Елена Андреевна сафтсы сембоса. Аш стама тев, конань афолезе сода, афолезе машта. И тянь ширде Пётр Иванович павазу ломань. Туй вахтас, кудонц инкса аф ризнай. Сон цебярь азоравань кядьса.
Ламос од мокшалять мархта корхнеме велень эряфть колга. Мзярдовок ашезь каендакшне, што лядсь Боражу эряма. Тядянза-алянза, Татьяна Тимофеевна и Иван Гаврилович, касфтозь сонь трудонь кельгикс, сталмода аф пели ломанькс. Но пичефти лиясь, аш коса покодемс. Од алятне, аватне ащихть тевфтома. Улендяряль Боражса, Мокшень Козловкаса работа, ломаттне афолезь кадонда семьяснон пяле ковс и сяда ламос. Тянь цебярец аш. Но тиемска аш мезе.
—Мон велеть инкса,—азозе Петр Иванович.—Аньцек катк сон эряй.
И.ВЕШКИН.
Снимкаса: Кузьминофнень семьясна.
Фотось авторть.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022