Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

А.С.Лузгин: «Мокшень правдась»—Россиянь инь цебярь региональнай национальнай газетатнень ёткста фкясь»

Сай кизоть «Мокшень правда» газетаньке васьфтьсы эсь оцю юбилеенц. Теенза топоди 100 киза! Сембе тя пингть изданиясь аськоляй кяденьбецек мокшень ломаттнень мархта. Синь эряфсна-ащефсна, тевсна-сатфкссна, пичефкссна номерста номерс мушендыхть васта газетать лопанянзон лангса. Касфни мяль, мес пяк ламотненди «Мокшень правдась» арась цебярь ялгакс. Улихть лувиеньке, конат морафнесазь газетать аф фкя кемотть киза ни. Фкясь синь ёткстост республикаса содаф ломанць, Мордовскяй (мокшень и эрзянь) народть Межрегиональнай общественнай организациянц Исполкомонц председателец, историческяй наукань докторсь, профессорсь А.С.Лузгин. Ня шитнень корреспондентоньконди удалась васедемс Александр Степановичень мархта и максомс теенза кой-кодама кизефкст.
—Республикань национальнай изданиятне—«Мокшень правда» и «Эрзянь правда» газетатне аноклайхть васьфтемс 100 кизонь юбилейснон. Кодамот, Александр Степанович, тонь мяльхне-арьсематне национальнай печатть колга, кодама васта, койсот, занцихть ня изданиятне мокшэрзятнень, марнек республикать эряфса?
—Пяк оцю васта. Синь, можна мярьгомс, республикать национальнай шамаликсна. Изданиятнень оцю путкссна литературнай кяльхнень тиевомаса, национальнай интеллигенциять пуроптомаса, национальнай самосознаниять касфнемаса. Тячи газетатне лезнихть ванфнемс мокшень и эрзянь кяльхнень, культурать, койхнень-обуцятнень, и аф аньцек ванфнемс, но и нолямс синь тевс. Газетатне арасть национальнай кадрань анокламаса афкуксонь кузенцякс. Тяса касфтф и воспитандаф  лама содаф писатель, поэт, ученай, журналист, вузонь преподаватель. Аш кода аф отмечамс национальнай изданиятнень оцю вастснон обществаса ладямать, фкя-фкянь шарьхкодемать кемокснемаса. Синь аф панцихть «пси» факттнень мельге, а тонафнесазь лувиснон улемс пара ваймокс, сяда ёнюкс, смузюкс.
Тячи ня кафта изданиятне ламода полафтсть. Синь улихть сайтсна, социальнай сетьтнень эса эсь группасна. Тя, арьсян, тиендьсыне синь сяда малакс лувити, лезни мушендомс од ялгат, газетань тяштьфтихть.
—Тяниень пингть моли 2021 кизоть васенце пяленцты периодическяй изданиятненди, тяконь лувксса мокшень и эрзянь кяльса лисенди газетатненди, подписной кампаниясь. Мезе азолеть национальнай изданиятненди сёрматфтомать колга?
—Конешна, ингольдень кизотнень коряс тиражсна газетатнень няевиста кирсь. Туфталда тянди лама, а фкя инь васенцесь синь ёткстост—велеряйхнень киремасна. Оттне тушендыхть ошу-коза, шабат пцтай аш, вели лядондыхть аньцек сире ломатть. Лиякс мярьгомс, кржа лядонды мокшень и эрзянь кяльса газетань лувида, а вдь изданиятне васендакиге молихть вели. Но, сембе сяка, «Мокшень правдась», кепотьксонди, няфни сёрматфтомать коряс аф кальдяв результатт. Нльне тяддевок, пандемиянь стака условияса теенза удалась пачфтемс тираженц кафта тежяньда лама экземплярс. Тя инь оцю тиражсь сембе национальнай газетатнень и журналхнень ёткста. Няеви, ломаттненди кельгови изданиясь, синь лядондыхть мархтонза стака пингстовок.
—Александр Степанович, тон лама киза ни морафнесак «Мокшень правдать». Мезьса тушенды сон мялезт?
—Койсон, «Мокшень правдась»—Россиянь инь цебярь региональнай национальнай газетатнень ёткста фкясь. Пяк лац арьсеф-смекаф изданиять эса материалхнень латцемасна. Васенце страницась ни саласы мяльцень. Тяса най макссеви удалаф фотография, материал велень эряфста или зарисовка производствань передовиконь колга, пачфневи республикань Оцюнять оцю пуромксса участвовандаманц квалма. Лац няевихть анонсне. Сявсак кядезт газетать и васенце лопанять эзда ни содасак, мезень колга пачфневи-азондови сяда тов. Эсь лацонне изданиять мекольце полосац. Кда путомс сонь лия газетатнень ёткс, мон апак эльбятть шарьхкоделине, што тя «Мокшень правдать» лопаняц, сонь ули сонцень «шамаликоц».
Тушендыхть мялезон юмористическяй материалхне. Пара, мес макссевихть юморескасна кода шиста туф авторхнень, стане и тяниень пингонь сермадыхнень, кода И. Вешкин и Н.Циликин.
Удалафста лисенди «Мокшаваня» рубрикась. Лувсайть-тисайть ня материалхнень и аньцек дивандакшнят, кодама машты кятть, сембе  вастова кенерькшнихть минь мокшаваньке. А кодама мазыхть синь щамсна!
Нинге мялезе башка лятфтамс «Минь семьяньке» страницать. Тяниень пингть, мзярда оржаста ащихть демографиять мархта сотф кизефксне, сядонга пяк касонды материалхнень питнесна, коса азонкшневи лама идень касфты семьятнень колга.
Пара мяльса лувондса «Кода эрясть и эряйхть мокшетне» рубрикать. Тяни сидеста корхневи сянь колга, што велетне сраткшнихть-калаткшнихть, но вдь эсост нинге лядсь тняра цебярьда. Тяса эряйхть трудонь кельги, машты кядь ломатть, лама вастова тячивок улихть хозяйстват, ванфтовсть школатне. Тянь колга эряви азонкшнемс.
Аф юксни «Мокшень правдась» ширеса эряй мокшэрзятнень колгавок и тиенди пяк лац. Кда номерть эса улихть тяфтама материалхт, мон лувондсайне синь васенцекс. Тейнек, Мордовскяй (мокшень и эрзянь народть) Межрегиональнай общественнай организациянцты, пяк важна содамс ломаттнень колга, конат вятьсазь общественнай организациятнень региоттнень эса, мезе тиендеви ширесост кяльть, культурать ванфнеманкса.
—Сюкпря, Александр Степанович, работаньконь шнаманкса. Тяка пингть, койсот, мезсь аф сатни газетать лопанянзон лангса?
—Арьсян, аф сатомшка макссеви проблемнай материалда, тяконь лувксса национальнай кяльхнень ванфнемаснон коряс. Тянкса эряви водендакшнемс минцень ученаеньконь, сотцемс-азонкшнемс синь мяльснон-арьсемаснон. Сяда келиста нолямс тевс Интернетть возможностензон. А нинге улель пара няемс газетать лопанянзон лангста од сёрмадыхнень материалснон. Хуш миньцонк улихть идень изданият, сякокс ладяль печатлакшнемс синь «Мокшень правдасовок».
—Спасиба, Александр Степанович!
О.ЕВДОКИМОВА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022