Поиск по сайту: 
 

Архив
 ноябрь 
 2020 
пн вт ср чт пт сб вс
      1
2345678
9101112131415
16171819202122
23242526272829
30      

 
 

 

Наука и жизнь

«Музыкафтома аф шарьхкодьса эсь прязень»

Тячи азонттама лувиеньконди аф лама музыкать и теенза тонафнемать колга. Газетаньконь инжиец—И.М.Яушевонь лемса государственнай музыкальнай театрань гобоень группань ведущай концертмейстерсь О.А.Видяскина. Ольга Александровна шачсь Саранскяйса, тонафнесь Л.П.Кирюковонь лемса Саранскяень музыкальнай училищаса, меле аделазе М.И.Глинкань лемса Нижегородскяй государственнай консерваториять. Театрань оркестраса морамда башка О.А.Видяскина заняф педагогическяй тевса. Сон тонафни студентт и итть гобойса морама Саранскяень музыкальнай училищаса и 4№ музыкальнай школаса.
—Ольга Александровна, ушетксонди, азонтт, пожалуйста, гобой музыкальнай инструментть колга.
—Гобойсь—тя шуфтста тиф духовой инструмент. Сонь историяц тушенды кунардонь пинкненди. Кепотьксонди, нинге Древняй Египетса минь эрадонк инголе III тёжянь кизотнень пингста содафоль гобойть атянь-атяц «мемет-сь». Средняй векста ульсть гобойть лаца лама инструментта пцтай сембе странатнень эса. Кепотьксонди, мокшэрзянь народнай музыкальнай инструменттнень ёткста ули кода лятфтамс шалмейть и нюдить, конат стане жа ащихть раднякс гобойти. Тя морамать гайнямац сембе инструменттнень ёткста лия, сон пяк кайги, мазы и седиень токай. Гобойсь ноляви тевс камернай музыкаса и симфоническяй оркестраса сольнай инструментокс. Сонь вайгяленц вельде латцеви марнек оркестрать морамац. Сидеста композиторхне нолясазь тевс гобойть музыкаса национальнай колоритонь няфтеманкса. Нинге азома ся, што тя инструментсь сувафтф Гиннесонь рекордонь книгати, кода мораманди инь стака инструментсь.
—Азонтт аф лама эсь колгат, кода музыкась сувась эряфозт?
—Мон шачень музыкань кельгиень семьяса. Атязе морсесь балалайкаса, алязе—гармонист, тядязе  морай гитараса. Тяда башка, нинге идень садса салсезе мялезень музыкальнай залса ащи пианинась. Конашкава мялезоноль, мзярда воспитательсь морсесь мархтонза. Улема, эста шачсь эсон музыкати кельгомась. Тяни, ужяленди, сидеста идень саттнень эса ноляйхть тевс музыкальнай записть, фонограммат. И тя пяк и пяк кальдяв! Эряви, штоба иттне куленделезь живой музыкать. Вдь аньцек сон афкукс саласы мяльть, эждьсы седить. Минь театрасонк сидеста няфнетяма шабатненди спектакльхть, коса содафнесаськ синь музыкальнай инструменттнень мархта. Содалесте, конашкава иттнень мялезост ня спектакльхне. Кепотьксонди, «Петя и врьгазсь» ёфкссь няфневи оркестрать мораманц коряс, залу пуромкшни фалу лама ваныда.
—Театрань оркестраса  морси 50 малава музыкант. Лисендихть-аф эльбятькст марса морамста?
—Конешна лисендихть. Мзярс тят репетированда, музыканттне сякокс лядыхть ломанькс. (Пееди). Уленди, кинь кальдяв прянь марямац, кинь туйхть шири мяленза-арьсеманза. А стане жа лисендихть эльбятькст механическяй туфталонкса. Кепотьксонди, инструментса кодамовок фкя нотань пунясь ашезь кеподе и тянкса колсеви гайнямась. Тяда башка, уфамста инструментса кочксеви-пуромкшни летьке, а ведь путерькскятненди ули кода пандомс кодамовок нотань варянять и тя ни сатни музыкать коламанцты.
—Ольга Александровна, мезе азолеть музыкальнай театрав сайхненди?
—Улель пяк пара, кда ломанць сашендоль концертс аф аньцек мазы музыкань кулхцондома, но и сонь шарьхкодемонза. Кда мон саян театрав оперань кулхцондома и инголькиге ашень содафта мезень колга сон, маряви-аф оперась тейне мялень салайкс? Кати-кати. Кепотьксонди, Европаса, театрав сембе сайхне инголькиге содафнихть, мезень колга пачфневи операть или балетть эса, лувондсазь буклеттнень. И эста сценаста морамась педа-пес пачкоди ломанть седис-ваймос. Но миньцонк, ужяленди, театрав аф сембе сайхне сявондьсазь мяльс тя правилать.
—Эрь шарфтсаськ корхтаманьконь музыкати тонафнемать колга. Ули тяфтама сидеста васьфневи прябала, мзярда иттне, аделамок музыкальнай школа, аердакшнихть музыкать эзда, оду вестевок аф сявондьсазь кядезост музыкальнай инструментть. Мес тяфта лисенди? Кодамот тянь коряс мяльхне-арьсематне?
—Да, тя оцю прябала. Минь, педагокне, фалу корхнетяма тя кизефксть коряс эсь ёткованк. Но тяса кирдема мяльса ся, што музыкати тонафнемась—тя аф тёждя тев, сон веши лама виень путомада. А музыкальнай школась водендаф сай пингонь профессионалонь касфтомати, а аф весяласта пингонь ётафнемати. Образовательнай системаса улихть программат, коса сёрматф, мезе маштома шабати тя или тона класса тонафнемста. И тянь вешсазь педагокне эсь тонафниснон эзда.
Эсь ширден мон тяряфнян аф люпштамс шабатнень лангс «эряви» валса. Васендакиге, монь мялезе арамс тонафниезти ялгакс. И кда няйса, што  сон сизеф, колаф мялец, лафчепнесайне уликс вешфкснень. Эряфса аф уленди стане, штоба шабась фалу оцю мяльса тонафнель музыкати. Кода эрь тевса, улихть вяри касомат и улихть алу валгомат.
Стане жа тонафнемань тевсон фалу кирдьсайне мяльсон эсь педагогонень. Синь вестевок вихца ашемазь кошяря, сяс эздон лиссь музыкант. Васенце тонафтыезе Е.М.Елизаров, ужяленди, сон аф кунара тусь эряфста. Валда лятфнемат! Сон васенцекс содафтомань гобой инструментть мархта, и тянкса теенза оцю спасиба. Вдь монь мялезель арамс пианисткакс. И кода меле содавсь, пианисттненди стака мумс работа, синь эздост фалу лама. А гобойса морайда, кепотьксонди, Саранскяйса аньцек кафоненк.
Консерваториянь педагогозе—П.И.Федьков. Сон тонафтомань морама Европань музыканттнень лаца, сяс мес сонць тонафнесь Францияса. Тяни сон морси Мариинскяй Государственнай академическяй театрать Приморскяй сценанц лангса Владивосток ошса.
Музыкати тонафнемаса содама ся, што, кда ломанць арай профессионалкс, эста сон получай стама профессия, кона арай теенза кельгома тевкс. Кепотьксонди, мон лувса эсь прязень павазукс. Аф содаса, кода эрялень музыкафтома.
—Кулендень тяфтама мяльхть-арьсемат тядятнень-алятнень ёткса, кле, кда шабась сидеста сярятькшни эрь кодама кельмофтевомань урмаса, сон эряви водендамс духовой инструментса морама, и шумбрашинь сембе прябалатне ётайхть. Мезе тянь коряс азолеть?
—Монга сидеста кулендьса тя корхнемать тядятнень-алятнень эзда. Виде, што тя туфталонксовок водендакшнесазь иттнень духовой инструментса морама. Аф содаса кие ся врачсь, кона тяфта арьси. Но ялгакс люпшталине сонь кяденц, сяс мес аф кадондсамазь тонафнифтома. (пееди). Содама ся, што уфамань (духовой) инструментса морамста ваймось аф тарксеви шалхкова, най кургонь пачк. Но, кда музыкантть пантф шалхкоц, а морамста нинге заняф кургоц, тяфта теенза ули пяк стака. Сяс мон аф шарьхкодьса, кода духовой инструментсь лездови шалхконь урматнень пингста. Да, уфамань инструментса морайхнень тазат тевлавсна, но, сяка пингть, пяк сизефт. Вдь уфазь морамста аш кода тарксемс ваймоть кода фалу. Копорень и пеконь пукшетне най ащихть кемокстафста, моли люпштама пря уйти. Аф стак вдь духовой инструментса морайхне тушендыхть пенсияс сяда инголи. Нинге минь ули кода ряцок арафтомс спортсметтнень мархта. Тейнек, кода спортсметтненди, эряви тренировандамс эрь шиня, лиякс, вишкста юмайхть-колавихть маштомошитне. Да и концертта меле музыкантсь стане сизси, бта ётась ласькозь лама вайгяльбе. Ну, конешна, тя сизефсь канды седиень петема, кенярдема и вишкста ётни залу пуромф ваныхнень кядень цяпамаснон эзда.
—Сюкпря, Ольга Александровна, корхнеманкса.
Т.ПЕТРОВА.

22.10.2020 №41
 
 
 

 
НОВОСТИ

ПОЛОЖЕНИЕ

о конкурсе «Всероссийская общественная премия за сохранение языкового многообразии «Ключевое слово»
Конкурс «Всероссийская общественная премия за сохранение языкового многообразия «Ключевое слово» (далее - конкурс) - это общероссийский открытый конкурс на лучшую реализацию проектов, направленных на содействие сохранению языкового многообразия Российской Федерации, поощрение работ по созданию в России условий и возможностей, обеспечивающих равное и уважительное отношение ко всем народам, населяющим Россию, их языкам, традициям, ко всему, так называемому, нематериальному наследию любой, даже самой малочисленной народности. Конкурс призван подчеркнуть многогранность России как страны с уникальным языковым многообразием, поощрить особый вклад лауреатов в сохранение языкового наследия Российской Федерации, а также продвижение русского языка за рубежом.
Организатором конкурса является Федеральное агентство по делам национальностей.
Сроки проведения конкурса — с 9 ноября по 1 декабря 2020 года.
1. Цели и задачи конкурса
1.1.  Цели:
1.1.1.  Выявление и общественное признание заслуг выдающихся специалистов в сфере сохранения языкового многообразия Российской Федерации, привлечение внимания общественности к этой теме, а также популяризация знаний о языках в России.
1.2. Задачи:
1.2.1.  Поощрение лучших проектов, связанных с сохранением языкового многообразия на территории России.
1.2.2.  Определение и поощрение общественных деятелей, оказывающих важное влияние и вносящих неоспоримый вклад в сохранения языкового многообразия в России.
1.2.3.  Создание дополнительной формы работы по сохранению культурной идентичности народов России и ее языкового многообразия.
1.2.4.  Определение и поощрение лучших практик, влияющих на процессы сохранения языкового многообразия в России.
2.  Участники конкурса
2.1.  Участвовать в конкурсе могут совершеннолетние граждане Российской Федерации и юридические липа, зарегистрированные на территории Российской Федерации; авторы иди авторские коллективы, представители общественных, коммерческих и некоммерческих организаций, осуществляющих деятельность, направленную па сохранение и развитие языков народов Российской Федерала и.
2.2.  Для участия в конкурсе соискатели представляют:
*  заявку по форме, прилагаемой к настоящему Положению;
*  проект, сопровождаемый пояснительными материалами с сказанием его названия, а втора/авторского коллектива, сроками осуществления проекта, проблематикой проекта, его целями и задачами и так далее.
2.3.  Соискатель может подать заявке на одну из представленных номинаций по своему усмотрению.
2.4.  Участники конкурса несут ответственность за нарушение законодательства Российской Федерации об авторских и смежных правах.
2.5.  Соискатели, подавшие заявку на участие в конкурсе, тем самым подтверждают свое согласие на обработку своих персональных данных организатором конкурса в объеме, необходимом для подведения итогов конкурса и публикации его результатов.
3. Требования к заявке и документации конкурса
3.1.  К участию в конкурсе допускаются проекты, реализованные в 20.19-2020 г.г.
3.2.  Заявка на соискание премии подается по форме (Приложение 1) и должна включать в себя следующую информацию:
*  Название проекта;
*  Номинация, в которую подается проект;
*  Автор шили авторский коллектив проекта;
*  Описание и суть проекта;
*  Проблематика проекта;
*  Цели и задачи проекта;
*  Показатели результативности проекта (количественные качественные):
*  Данные, характеризующие общественную значимость проекта:
*  Территория реализации проекта;
ЗАЯВКА
на участие в конкурсе «Всероссийская премия
за сохранение языкового многообразия «Ключевое слово»
1. Название проекта
__________________________________________________________
2. Номинация, в которую подается проект
__________________________________________________________
3.Автор и/или авторский коллектив
__________________________________________________________
4.Описание и суть проекта
__________________________________________________________
5.Проблематика проекта
__________________________________________________________
6.Цели и задачи проекта
__________________________________________________________
7.Показатели результативности проекта (количественные/качественные)
__________________________________________________________
8.Данные, характеризующие общественную значимость проекта
__________________________________________________________
9.Территория реализации проект
__________________________________________________________
10.Целевые аудитории проекта
__________________________________________________________
11. Контактные данные
моб. телефон__________________
эл. почта______________________
25.11.2020
 

«Единая Россия» будет добиваться увеличения финансирования госпрограммы развития села

 Партия займется этим вопросом совместно с Правительством по итогам первого квартала следующего года

 

            К вопросам финансового обеспечения программы «Комплексное развитие сельских территорий» «Единая Россия» и Кабмин вернутся в марте 2021 года, когда обычно готовятся поправки в бюджет, сообщил Председатель партии Дмитрий Медведев по итогам расширенного заседания общественного совета партпроекта «Российское село», которое прошло 19 ноября на площадке партии. В дискуссии приняли участие министр сельского хозяйства Дмитрий Патрушев, глава Минфина Антон Силуанов, представители профессионального сообщества и регионов.

        «Мы недавно разговаривали по этому поводу с председателем Правительства Михаилом Владимировичем Мишустиным. Договорились, что по итогам 1 квартала следующего года «Единая Россия» совместно с Правительством вернется к вопросу финансового обеспечения  программы комплексного развития сельских территорий.      Традиционно весной готовятся поправки в бюджет. В приоритетном порядке проработаем возможность увеличения финансирования мероприятий по развитию села», — сказал Дмитрий Медведев. Он обратился к депутатам фракции «Единой России» в Госдуме «зафиксировать это в постановлении, которое будет приниматься при рассмотрении бюджета в третьем чтении».

        Реализация госпрограммы «Комплексное развитие сельских территорий» началась в этом году, партия принимала непосредственное участие в подготовке документа, напомнил Дмитрий Медведев. В программу вошли почти все регионы страны. По его словам, в ходе ее реализации, до конца года планируется, что будет выдано порядка 30 тысяч сельских ипотечных кредитов, реализовано почти 4 тысячи проектов по благоустройству сельских территорий с участием жителей, введено более 800 километров распределительных газовых сетей и более 600 километров автомобильных дорог.

       При этом в проекте бюджета на 2021 год на реализацию программы запланировано порядка 31 миллиарда рублей — это меньше, чем предполагалось изначально. В то же время на развитие села направлены мероприятия целого ряда других стратегических проектов. «Это и строительство школ, детских садов, домов культуры, спортивных объектов, и поставка передвижных мобильных медицинских комплексов (так называемых «поездов здоровья»), и подключение к Интернету, и выплаты по программам «Земский учитель» и «Земский доктор», и многое другое», — сказал Дмитрий Медведев.

        Председатель партии напомнил, что «Единая Россия» подготовила поправки ко второму чтению бюджета, которые направлены на поддержку сельских территорий. В общей сложности на создание инфраструктуры на селе — строительство школ, детских садов, домов культуры, спортивных объектов — в 2021 году потратят порядка 210 миллиардов рублей.

      Обеспечить равные возможности для саморазвития для жителей села и городских жителей — одна из ключевых задач партии, отметил, в свою очередь, секретарь Генсовета «Единой России» Андрей Турчак.

       «Решение этой задачи невозможно без обеспечения достойного уровня сельского здравоохранения, образования, социальной сферы, культуры, коммуникаций — все эти сферы в зоне особого внимания «Единой России»», — сказал он и напомнил, что эти приоритеты «Единая Россия» отстаивала во время работы над проектом бюджета на 2021-2023 годы. Например, по инициативе партии в документе предусмотрели около двух миллиардов рублей на покупку 304 передвижных медицинских комплексов для населенных пунктов с численностью населения меньше ста человек. «Такие «передвижные поликлиники» дают возможность пройти диагностику на современном оборудовании, сдать анализы, получить помощь квалифицированных специалистов. В следующем году такую помощь получат 24 региона», — отметил Андрей Турчак.

      Кроме того, поправки партии ко второму чтению проекта бюджета предусматривают развитие социокультурной инфраструктуры на селе. «С учетом ранее предусмотренного финансирования они позволят построить более 300 домов культуры, переоснастить около тысячи ДК, создать условия для занятий спортом в более чем девятистах (907) сельских школах, поставить более 100 автоклубов для обслуживания сельского населения», — подчеркнул Андрей Турчак.

       Также он сообщил, что уже в следующем году «Единая Россия», Минстрой и Минсельхоз начнут собирать заявки на строительство социокультурных комплексов на селе, в пилотных регионах программу начнут реализовывать в 2022-м. Речь идет о строительстве зданий, в которых под одной крышей смогут размещаться сразу несколько учреждений социальной сферы — например, администрация, школа, детский сад, ФАП, ДК, библиотека, почта, платежные терминалы и так далее. Это позволит минимизировать государственные расходы, что особенно важно для регионов с низкой бюджетной обеспеченностью.

       Кроме того, совместно с Правительством и «Газпромом» партия проработает предложения по газификации сельских территорий. «Ключевое — это определить единого оператора газификации, ответственного за бесплатное доведение газа от магистрального трубопровода непосредственно до домовладений. Кроме того, мы предложили предоставить гражданам возможность получать все услуги по подключению газа через «единое окно» МФЦ», — сказал Андрей Турчак.

        Напомним, сейчас Кабмин готовит окончательный вариант плана мероприятий по развитию газификации и газоснабжения регионов. Он разрабатывается по поручению Президента России Владимира Путина.

 

      --В регионе ведется работа по улучшению сельских территорий, поддержке всех форм хозяйствования на селе. Оказывается содействие в разработке региональных целевых программ поддержки агропромышленного комплекса и экспорта сельскохозяйственной продукции, развитию садоводства и огородничества.

     В ходе реализации госпрограммы «Комплексное развитие сельских территорий» проведены заседания Конкурсной комиссии по отбору проектов на 2020 год.  Было отобрано 84 проекта по благоустройству сельских территорий.  

     На региональном уровне разработаны законодательные инициативы о поддержке молодых специалистов в сельскохозяйственном производстве. В соответствии с Указом Главы Республики Мордовия «О дополнительных мерах по подготовке и закреплению молодых специалистов в сельскохозяйственном производстве» предусматриваются: аграрные стипендии из республиканского бюджета и стипендии от работодателей студентам- с высшим образованием -4 тыс. рублей; со средним профобразованием -3 тыс. рублей;  ежемесячное пособие к заработной плате молодым специалистам, которые выплачиваются первые три года работы для выпускников: с высшим образованием – 8 тыс. рублей, со средним профессиональным образованием – 6 тыс. рублей ежемесячно; подъемные молодым специалистам, которые выплачиваются первые три года работы для выпускников- с высшим образованием – 100 тыс. рублей, со средним профессиональным образованием – 70 тыс. рублей ежегодно.

  - В рамках федерального партийного проекта «Российское село» в муниципальных районах Республики Мордовия регулярно проводятся профориентационные мероприятия по повышению престижности аграрных профессий среди учащейся молодежи, ведется информирование сельского населения о существующих мерах государственной поддержки в области развития сельского хозяйства и социального развития сельских территорий»- отметил Региональный координатор партийного проекта «Российское село», Депутат Государственного Собрания республики («Единая Россия») Николай Амбаев

 

20.11.2020
 

Тифт итокт «Мон кочксеса Мордовиять» конкурсти

11 ноябрьста А.С.Пушкинонь лемса Национальнай библиотекаса Мордовия Республикань Культурань, национальнай политикань и архивнай тевонь министерствась тись итокт «Мон кочксеса Мордовиять» профориентационнай работань конкурсти. Сон водендаф сянкса, штоба тердемс республикав тонафнема Российскяй Федерациянь лия региоттнень эзда од ломаттнень. МР-нь Культурань, национальнай политикань и архивнай тевонь министерствать, Образованиянь министерствать ширень кирдемаснон пингста национально-культурнай автономиятне азонкшнихть абитуриенттненди Мордовиянь вуснень эса тонафнемать цебярь ширензон колга.
Тядде ширезонк содамошинь пуропнема састь 1048 од стирь-цёра РФ-нь 54 субъектста. Тя аф ваномок сянь лангс, што приемнай кампаниясь вуснень эса етафтфоль пандемиянь условиятнень пингста. Мекольце вете кизотнень Мордовияв тонафнема лия регионцта састь 5 тёжяньда лама од ломань.
Региононь национально-культурнай автономиятне, конат инь лац вятьсазь профориентационнай работать, казьфт дипломса и благодарностьса. А призерхне нинге получасть ярмаконь премият.
I степенень диплопт и 80 тёжянь цалковаень лувксса премият казьфт Нижегородскяй областень «Лисьмапря» и «Ялгат» мокшэрзянь культурнай центратненди. Нижегородскяй областьста Мордовияв тонафнема тядде састь 367 од ломань. II степенень дипломса и 60 тёжянь цалковаень лувксса премияса казьф Пензенскяй областень национально-культурнай автономиясь. Шабрань тя регионцта ширезонк содамошинь пуропнема састь 170 стирь-цёра. III степенень дипломса и 40 тёжянь цалковаень лувксса премияса казьф Ульяновскяй областень национально-культурнай автономиясь. Ширдест республиказонк тонафнема тядде састь 149 абитуриент.
Эряви азомс, «Мон кочксеса Мордовиять» профориентационнай работань конкурссь тядде ётафтови сисемцеда. Кизоста кизос сон лезни водендамс республиказонк коль сяда лама ёню, асу од ломань.
Пуромксса, кона ётась онлайн-режимса, примасть участия МР-нь культурань, национальнай политикань и архивнай тевонь министрсь С.Н.Баулина, сонь васенце заместителец А.И.Карьгин, официальнай лия ломатть.
О.ЕВДОКИМОВА.
19.11.2020  № 45
 

Моли «Шумбрат!» республиканскяй национально-фольклорнай илась

2020 кизонь 16 ноябрьста сявомок 13 декабрти молемс Мордовия Республикаса ётай «Шумбрат!» Республиканскяй национально-фольклорнай илась.
«Шумбрат!» Республиканскяй национально-фольклорнай илась—тя Мордовия Республикань фкя инь мялень салай эрь кизонь национальнай праздниксь. Тядде коронавирусонь пандемиять сюнеда сон ётафтови  онлайн-форматса.
Илась лезды виияфнемс морамань, обрядовай национальнай фольклорть, цебярьгофнемс Мордовия Республикань Национальнай культурань центратнень работаснон, тиендемс сяда содафокс национальнай литературать, национальнай кяльса лисенди периодическяй изданиятнень.
Илать пингста онлайн-форматса ётафтови «Шумбрат!» национальнай песенно-обрядовай творчествань Республиканскяй фестивальсь-конкурссь. Мордовия Республикань муниципальнай райононь, Саранск ошень округонь народнай моронь фольклорнай коллектифне и ансамбльхне няфтьсазь конкурсса творческяй онлайн-номерснон «Морамань фольклор» и «Обрядовай фольклор» номинацияса. Фестивальть гала-концертоц няфтеви 13 декабрьста 14.00 частста онлайн-форматса rdnt13 официальнай сайтса, YouTube-каналса, социальнай сетьтнень группасост: ВКонтакте—https://vk.com/rdnr13, Одноклассники
https://оk/ru/rdnt13, Народнай творчествань Республиканскяй кудть сайтса.
Илать пингста вановихть Национальнай культурань центратне: мокшэрзяннесь, рузоннесь, татароннесь. Стане жа жюрити няфтевихть национальнай литературань и национальнай кяльса лисенди периодическяй изданиянь видео-презентациятне, конатнень анокласазь центральнай районнай библиотекань сотрудникне.
«Шумбрат!» национально-фольклорнай илась арай цебярь интернет-площадкакс Мордовия Республикань нароттнень национальнай культураснон, койснон-обуцяснон, фольклорснон ванфнеманкса.
19.11.2020  № 45
 

Мокшавась Г.А.Сярдова: «Ковылкинань Сире Драка велесь козя коензон-обуцянзон мархта»

Галина Александровна Сярдова шачемас-касомас коре Мордовиянь Ковылкинскяй райононь Сире Драка велеста. Эряфонь киц ушедсь Вельмякиттнень лама идень семьясост, а меле пачфтезе мокшавать Тольятти ошу. Но мокшэрзянь масторть эзда ширеса эрямстовок Галина Александровна аф юксни минцень коеньконь-обуцяньконь колга, ванфтсыне синь и пачфни квалмаст содафонзонды.
Г.А.Сярдовать колга «Мокшень правда» газетаса пачфнеме «Мокшаваня» рубрикаса. Морафтыхнень мяльс тусь мазы вайгяль, асу, машты кядь мокшавась и сонь щамоц, конань эзда сельмоце аф явфтови. Тольятти ошса эрямста Галина Александровна ладясь кеме соткст тостонь Мокшэрзянь культурнай центрать и сонь участниконзон мархта, ушедсь морсема «Лайме порась» творческяй коллективса. Кочказень, пуроптозень марс мокшавань щамонзон-карямонзон и тяни гордостень марязь щашендсыне синь ётафневи пуромксненди (ужяль, но пандемиять сюнеда лувкссна ламода кирсь), фотосессиятненди.
19.11.2020  № 45
 

КОРХТАФОЛЬ КИ ЛАНГОНЬ БЕЗОПАСНОСТЕН МЕРАТНЕНЬ КОЛГА

12 ноябрьста Саранскяйса видеоконференциянь режимса ётась ки лангонь движениять безопасностенц обеспечендаманц коряс Комиссиять заседанияц. Пингстонза тифтольхть итокт 2020 кизонь 10 кофненди. Кода китькстазе Мордовиянь Правительствать Председателец Владимир Сушков, республикаса кирсть аварийностень основной показательхне: дорожно-транспортнай происшествиятнень лувкссна кирсь 5,4 процентта, авариятнень пингста токафта и ранендафта арась 9,9 процентта сяда кржа. Владимир Сушков азозе, што мелянь тяка пингть коряс ДТП-нь пингста шавфнень лувкссна кирсь аф ламода, аньцек 1,8 процентта.
«Ки лангонь движениять безопасностенц эзда ащи марнек транспортнай инфраструктурать эффективнай работац и регионть социально-экономическяй вииякшнеманц кемошиц,—мярьгсь МР-нь Правительствать Председателец,—эряви шарфнемс башка оцю мяль уликс кизефкснень решандамаснонды».
19.11.2020  № 45
 

«Тяддесь велень хозяйствати арась инь удалафокс республикать марнек историясонза!»

13 ноябрьста Республикань Кудса ётась торжественнай собрания, кона лемтьфоль Велень хозяйствань и перерабатывающай промышленностень работниконь шити. Мероприятиясь ётафтфоль санитарно-эпидемиологическяй вешфкснень мяльса кирдезь: участникне нолдазь тевс маскатнень и перчаткатнень, кирдсть социальнай дистанция, а шида тяда инголе тисть тест коронавируснай инфекциять лангс. Илань мероприятияти видеоконференциянь режимса полаткшнесть республикань сембе райоттне, аграрийхнень лемс лямбе валхт азсь Мордовия Республикань Оцюнясь Владимир Волков.
«Седи ваксста поздравляндатядязь Велень хозяйствань и перерабатывающай промышленностень работниконь шить мархта!—приветствовандазень Мордовиянь велень труженикнень Владимир Волков.—Сембе  минь васьфнесаськ тячиень шить цебярь настроения мархта и гордостень марязь. Туфталсь тянкса сатомшка оцю—тяддесь велень хозяйствати арась инь удалафокс республикать марнек историясонза!»
Республикаса кочкаф рекорднай урожай, сатф инь оцю касома лофцонь продуктивностть коряс, кирневихть сиволень и алонь производствать коряс эсь рекордоньке. Тяда башка, тевс нолдафт мировой уровенень несколька производства.
19.11.2020  № 45
 

мордовиянь строительхнень тевдост лама

Мордовиянь Оцюнясь Владимир Волков ётафтсь ипотечнай кредитования мархта программатнень ширень кирдемаснон мархта эряма вастть строяманц коряс кизефксненди  лемтьф совещания. Совещанияса примасть участия Мордовиянь Правительствать Председателец Владимир Сушков, Правительствать Председателенц заместителец—МР-нь строительствань, транспортонь и дорожнай  хозяйствань министрсь Виктор Цыганов, Саранск ошень округонь оцюнясь Пётр Тултаев.
Республикань Оцюнясь шарфтсь башка мяль эряма вастонь строямать эрявиксшинцты и «Жильё и городская среда» национальнай проектть, конань азозе Россиянь Президентсь, эряфс ётафтоманцты. Лятфтасаськ, Владимир Путин путсь задача странаса эряма вастонь строямань объёмтнень пачфтемс 120 миллион квадратнай метра кизоти.
«Доступнай эряма вастть строямац—приоритетоньконь эзда фкясь маластонь кизотненди,—азозе Владимир Волков.—Башка васта тяса занци ипотечнай программатнень виияфтомасна. Тяниень пингть Мордовияса эряма вастть 90 лама процентоц,  кона регистрировандави первичнай рынкаса, рамсеви ипотечнай кредитованиять вельде».
Целайнек 2020 кизонь 9 ковста, аф ваномок пандемиять лангс, республикаса кредитнай организациятне макссть 5 тёжяньда лама эряма вастонь рамамс ипотечнай кредит—касомась 112,5 процент мелять тяка пингонцты. Льготнай ипотекать программанц коряс 6,5 процент ставкать коряс максф 750 лама кредит. Лятфтасаськ, тя программась, кона васенда арьсефоль 2020 кизонь 1 ноябрть самс и лац няфтезе прянц, кувалгофтфоль 2021 кизонь 1 июльти. Тя лезды аф аньцек цебярьгофтомс ламоц семьятнень эрямань условияснон, но и кирдемс строительнай отраслять ширенц.
Тияк, Президентть «РФ-ть виияфтомань стратегическяй задачанзон и национальнай цельхнень колга» Указонц коряс, 2024 кизоти ипотекать коряс средняй ставкати улема 8 процентта ёмлакс. Льготнай ипотекань программать вельде целевой тя показательть удалась сатомс пингта инголе: тяни странать эзга средняй ипотечнай ставкась 7,5 процент. Мордовияса 2020 кизонь сентябрьста сон 7,11 процентоль.
Совещаниять пингста ванфтольхть республикаса эряма вастонь строямань, тяконь лувксса Мордовскяй ипотечнай корпорациять мархта, кона сувси инь оцю застройщикнень ёткс—сонь талеканцты сашендови эксплуатацияс сувафневи лама квартирань эряма вастть шилеце пяльксоц, перспективатне.
12.11.2020  № 44
 

СТАрошайговскяй райононь новотроицкое велеса панчф мемориальнай комплекс

4 ноябрьста, Народнай единствань шиня, Мордовиянь Оцюнясь Владимир Волков ульсь рабочай поездка мархта Старошайговскяй районца. Новотроицкое велеса етась торжественнай церемония, конань пингста путфтольхть панчфт Великай Отечественнай войнаса шавф воиттнень памятникснонды.
«Тячи велеть эряфса важнай события—петемда меле минь панчсаськ Великай Отечественнай войнаса шавф воиттненди памятникть и од благоустроендаф парковай зонать. Шарфты мяль, мес тисаськ минь тянь тячи—Народнай единствань шиня и Победать 75 кизостонза,—мярьгсь Владимир Волков.—Тя мемориалсь строяфоль велеряйхнень мархта 35 кизода тяда инголе землякснон—геройхнень лятфнеманкса. Ломаттнень колга, конат максозь эсь эряфснон сянкса, штоба минь эрялеме сетьме менель ала, единай и великай странаса».
Великай Отечественнай войнань кизотнень аньцек Новотроицкяйста фронту тусь 500 малава ломань. 205 ломанць еткстост меки ашесть мрда. Ламотне няфтсть героизма и мужества, мезенкса казьфтольхть боевой орденца и медальса. «Сяс минь священнай долгоньке—ванфтомс сембе пингс народоньконь великай подвигонц колга мялямть, пачфтемс сай пингонь поколениятненди геройхнень лемснон и военнай реликвиятнень»,—мярьгсь Мордовиянь Оцюнясь.
Памятникть благоустроендаманкса нолдафоль 2 миллионда лама цалковай республиканскяй бюджетста. Нинге 800 тежяньда лама цалковай нолдаф аф бюджетнай источникнень эзда—тя «Новотроицкий» агрохолдингть средстванза.
Панчфнень памятникти путозь Мордовиянь Оцюнясь Владимир Волков, МР-нь Правительствать Председателенц васенце заместителец—велень хозяйствань и продовольствиянь министрсь Владимир Сидоров, МР-нь Государственнай Собраниянь депутатсь Владимир Руженков, Старошайговскяй райононь оцюнясь Геннадий Мухин. Минута кашт аф молезь ащемда меле етафтфоль молебен Отечествань аралайхненди памятникть святиндаманкса.
Владимир Волков стане жа ванозе Победань Паркть, кона благоустроендафоль «Велень территориятнень комплекснайста виияфнемасна»  МР-нь государственнай программать мяльса кирдезь. Одкстоптф памятникта башка, тяни тяса улихть брусчаткаса ацаф тротуархт, латцефт эземнят, тиф освещения, озафтфт сянгяря касыкст.
Республикань Оцюнясь спасибась агрохолдингонь руководствати бизнесть социальнай ответственностенц и родной велеснон колга заботендаманкса. Велень территориятнень комплекснайста виияфнемаснон коряс программать мяльса кирдезь тяса строяфтольхть ламоц социальнай объекттне: стадионць, идень садсь, социальнай центрась, коза сувсихть ФАП-сь, библиотекась, велень клубсь и концертнай залсь. Тяда меле велеть полафтсь марнек шамаликоц, тифт цебярь условият эряманди, велеряйхнень ули лац пандови работасна. Вели работама водендакшневихть тевонь содай специалистт, пуропневихть од семьят, шачендыхть шабат, агрофирмась стройси эсь работниконзонды од эряма вастт. Тядде новосельясна ульсь ни колма семьятнень, нинге ниле куттне тяниень пингть самай строявихть. А сембоц 2005 кизоста сявомок агрофирмась строясь пцтай 50 куд эсь специалистонзонды.
Республикань Оцюнясь надияфтсь, што велень территориятне  республикаса кармайхть виияфневома сяда товга, тяконь лувксса нацпроект-тнень коряс средстват нолдавихть Новотроицкое вели. «Кафта од ульцят строявихть Новотроицкяйса. Минь примаме решения, агрофирмась строяй кутт, а республикась нолдай ярмакт благоустройстванди, кинь строяманди,—мярьгсь Владимир Волков.—Но кит строявихть аф аньцек од ульцятнень эзга, карматама петнемост и сятнень, конатненди эряви ремонт. Штоба ломаттнень тяса улельхть тяфтама жа условиясна, кода и ошса.
Синць Новотроицкяень эряйхне и эсь велеснон, и предприятияснон инкса маряйхть гордость.
«Мон работан агрофирмаса нилеце кизось, тевозе мялезон, пандыхть лац,—азозе од специалистсь, инженерсь-механиксь Юрий Поликарпов.—Тядде тейнек макссть эряма васта, строясть од куд од ульцяса. Монь кафта емла шабане, сембось, мезе эряви, ащи маластонь вастса: и школась, и идень садсь, и сембось лядыкссь. Сембе условиятне од семьятненди!»
Республикань Оцюнясь спасибась Новотроицкяень эряйхненди трудонкса и велеть коензонды-обуцянзонды кородозь малаткшнеманкса, поздравляндазень Народнай единствань шить мархта, арьсесь сембонди шумбраши, мир и благополучия.
12.11.2020  № 44
 

Совещанияса ванондовсть республикань агропромышленнай комплексть виияфтоманц мархта сотф кизефксне

Мордовиянь Оцюнясь Владимир Волков 6 ноябрьста ётафтсь республикань агропромышленнай комплексть виияфтоманц мархта сотф кизефкснень коряс совещания. Ванондовсть аграрийхнень тя кизонь работань итогсна и платтне сай пингонди. Совещанияса примасть участия Мордовиянь Правительствать Председателец Владимир Сушков, Правительствать Председателенц васенце заместителец—МР-нь велень хозяйствань и продовольствиянь министрсь Владимир Сидоров, министрть заместителенза Иван Учайкин и Олег Литяйкин.
Лятфтасаськ, што велень хозяйствань тя сезонцта Мордовиясь кочкась сёронь и зернобобовай культурань рекорднай урожай—1 миллион 713 тёжянь тонна—тя 350 тёжянь тоннада сяда лама 2019 кизоть коряс. Средняйста гектарста сявфоль 36,7 центнер урожай. И погодань условиятне ульсть аф пяк цебярьхть. Мордовиянь Оцюнясь китькстазе, што получамс рекорднай урожай удалась касыксонь касфнихнень тевонь содазь и маштозь работамаснон вельде.
«Тяни республикань аграрнай производстваса тевс нолявихть сембода передовой технологиятне, тяконь лувксса модатнень аэрокосмическяй мониторингсна, касыксонь араламань эффективнай метоттне, оцю репродукциянь видьмотнень тевс нолямасна, наукать мяльса кирдезь, удобрениятнень сувафнемасна. И тя работась фалу цебярьгофневи»,—мярьгсь Владимир Волков.
МР-нь велень хозяйствань и продовольствиянь министрсь Владимир Сидоров азозе республикань Оцюняти, што цебярь основа тиф и сай кизонь урожайть алу—видеф 184 тёжянь гектар озимой культура.
Аф ащихть вастса и жуватань касфнихне. Алхнень, сивольть и лофцть производстваснон коряс, Мордовиянь фкя эряйть мяльс сявозь, республикась, кода фалу, занцесыне инголи моли позициятнень странаса, кизоста кизос цебярьгофнемок эсь показателензон. 2020 кизоське тяфтама. Главнай результаттнень эзда фкясь—лофцонь стадать продуктивностенц касфтомац, тя задачать Мордовиянь Оцюнясь Владимир Волков путнезе республикань Государственнай Собранияти Посланиясонза. Васень оценкать коряс, планц коре путф показательсь—7 тёжятть килограмма лофца кизоти фкя траксста ули ётаф.
Совещаниять пингста ванфтольхть велень хозяйствань производительхнень государственнай ширень кирдемаснон, тяконь лувксса удобрениянь и техникань рамамань, льготнай кредитованиянь, а стане жа инвестиционнай проекттнень эряфс ётафтомань кизефксне.
12.11.2020  № 44
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин