РЕСПУБЛИКАНЬ Оцюнясь Владимир Волков примась участия совещанияса, конань ётафтозе

Мордовиянь Оцюнясь Владимир Волков 23 октябрьста видеосвязень режимса примась участия совещанияса, конань ётафтозе округонь субъектонь оцюнятнень мархта ПФО-са РФ-нь Президентть полномочнай представителец Игорь Комаров. Совещаниясь лемтьфоль социально-экономическяй и общественно-политическяй кизефксненди.

Совещанияда инголе Игорь Комаров макссь вал государственнай регистрациянь, кадастрань и картографиянь (Росреестр) Федеральнай службань руководительть заместителенцты Алексей Штейниковонди, кона азондсь эряфс ётафневи проекттнень колга, конатнень эзда фкясь—«Недвижимостень Единай государственнай реестрть эрявикс даннайса пяшкодемац». Ванондовсть Росреестрть и властень региональнай оргаттнень мархта вятеви марстонь и лия эрявикс кизефксне.
Игорь Комаров азсь спасибамань валхт ПФО-нь региоттнень оцюняснонды вайгялень максомань Единай шить анокламста и ётафтомста цебярьста ладяф работанкса и нинге весть поздравляндазень Рустам Миннихановонь, Олег Николаевонь, Дмитрий Махонинонь и Иван Белозерцевонь кочкаматнень эса сяськоманкса.
«Региононь сембе окрукнень эса ётафтф 2,5 тёжянь избирательнай кампания, пяшкотьф 23 тёжянь мандат и кочксеви должность. Округть эзга явкась средняйста ульсь 43 процент»,—мярьгсь полномочнай представительсь.
Совещаниять пингста полпредсь и ПФО-нь субъектонь оцюнятне ванозь и тисть анализ ПФО-нь региоттнень здравоохранениянь системаснон COVID-19-са сярядихненди медицинскяй лезксонь максомань анокшиснонды.
«Оцюкс лядонды инфекциянь келемомань коэффициентсь, 24 августста сявомок марнек округть эзга сон ашезь валгонда 1 алу, 22 октябрти арась ни 1,08. Урмать вишкста келемомац кассь 15,9 процентста сявомок 11-12 сентябрень даннайхнень коряс 20 процентти, сявомок мяльс 22 октябрень даннайхнень»,—отмечазе Игорь Комаров.
Тячиень шити васенце задачатнень лувксса, РФ-нь Полпредть валонзон коряс, тя  Россиянь Здравоохранениянь министерствать рекомендациянзон пяшкотькшнемасна. Игорь Комаров башка мяль шарфтсь свободнай койка-вастонь фондть лувксонц касфтоманц, госпитализациянь структурать и эсь пингстонза коронавирусса сярядихнень пачфнемаснон, эрявикс лекарственнай средстваса обеспечендамать лангс.
Стане жа полпредсь отмечазе эсь пингстонза урмать муманкса COVID-19 коряс тестированиянь и лабораторнай диагностикать лувксснон касфтомаснон важнайшиснон.
Корхтамок пси ярхцамбяльса школаса тонафнихнень обеспечендамаснон колга, Игорь Комаров лятфтазе, што тя задачась ульсь путф Россиянь Президентть Владимир Путинонь Посланиясонза Федеральнай Собранияти.
COVID-онь пандемиясь, полпредть валонзон коряс, стакалгофтозе тядде окружной общественнай проекттнень эряфс ётафтомаснон. Тяконь мархта, кода азозе Игорь Комаров, удалась панжемс од возможностть и коммуникациянь спосопт од ломаттнень и гражданскяй обществать мархта.
Совещаниять пингста корхтафоль и лия кизефкснень колга, конат ащихть полномочнай представительть башка контроленц ала, тя—аварийнай эряма вастста ломаттнень ётафтомасна, энергоресурсонь потребительхнень платежнай дисциплинаснон касфтомац, граждаттнень долевой строительствань участникнень праваснон араламасна, округонь региоттнень эса коррупциять профилактикац.