Поиск по сайту: 
 

Архив
 январь 
 2021 
пн вт ср чт пт сб вс
    123
45678910
11121314151617
18192021222324
25262728293031

 
 

 

Национальная тематика

«Мокшень правдать» 100 кизонь топодеманцты

Мокшетне оцю мяльса васьфтезь эсь васенце газетаснон

 

Вейхкса ковда меле, а сяда видеста азомс, 2021 кизонь 24 сентябрьста «Мокшень правда» газетаньконь юбилеец. Топоди 100 киза, ёт Москуса лиссь «Якстере тяште» газетать васенце номероц.

 

Пцтай колма кизот сон печатлакшневсь мокшень и эрзянь кяльса. Но эряфсь няфтезе, што тяфтама газетась тапарякшнесы лувить, инголенза путни стакат-сталмот. Тяряфнематне мокшень и эрзянь кяльхнень эзда тиемс сембонди шарьхкодеви литературнай кяль, ашесть удала. Савсь эняльдемс вяре ащихненди сянь колга, штоба мокшень лувихненди панжемс од газета.

 

Тяфтама газетакс арась «Од велесь» (тяниень «Мокшень правдась»). Сон ушедсь лисендема 1924 кизонь 1 майста Пенза ошса, кода партиянь Пензенскяй губернскяй комитетть Мордовскяй секциянц печатнай органоц.

 

Васенце кофнень редакцияти сашендовсь работамс стака условияса. Ашесть сатне кялень содай работникне, помещениятне, полиграфическяй базась. Но од журналистонь аф оцю коллективсь изь эводе сталмотнень зда. Васенце номерхнень редактировандазень партиянь Пензенскяй губкомть Мордовскяй секциянц секретарец И.И.Московкин, а  газетав материалхнень аноклакшнезень асу литературнай редакторсь И.Г. Черапкин, кона тиендезе тя важнай и почётнай тевть куломозонза. Вов мезе эсь пингстонза сон пачфнесь сянь колга, кода лиссь мокшень газетать васенце номероц.

 

«1924 кизонь апрель ковть песта ни, губкомса Мордовскяй секциянь ся пингонь секретарсь И.И.Московкин ласьксь ГУБОНО-в, коса мон работань, панжезе кабинетозень кенкшенц да вярьгак вайгяльхть ювади:

 

—Маряйть, ВКП(б)-нь ЦК-сь мярьгсь нолямда Пензаса мокшень газета, макссь тя тевонди ярмактка!

 

—Ва тев! Газетать вельде сяда лац туй мокшень кялень тонафнема тевське и лия лама пара ули эздонза мокшетненди.

 

Илять пуромоме заседанияс: мон, Московкин, Кузьмин да Пензань  педтехникумонь студентт.  Семботь арьсеськ курокста. Сёрмадоме постановления: 1) газетать нолямс колма недяляти весть; 2)  органць сонць ВКП(б)-нь губкомсь и губисполкомсь, сяс редакторонь тевть инкса отвечай И.И.Московкин, а газетать анокласы И.Г.Черапкин и лемдемс сонь ответственнай секретарькс; 3) газетась кармай лисендема мокшень кяльса; 4) васенце номероц нолдама маень васенце шитнень; 5) ня шитнень арьсема лем газетати.

 

Эстокиге азфтольхть предложеният: лемдемс газетать  «Мокшень вайгяль», «Мокшень правда», «Од веле», ульсть лия мяльхтька.

 

Омбоце  шинякиге       ВКП(б)-нь губкомсь примазе «Од веле» лемть. Максоме Пензаса лисенди «Трудовая правда» газетав объявления, коса эняльдеме совпартшколаса и педтехникумса тонафнихненди, лия ломаттненди пачфнемс кулят редакцияв.

 

Курокста кармасть сашендома сёрмат. Сёрматне сашендольхть разнай сёрматфса. Сембе ня материалхнень одукс тяшнине. Но работамс весялаль, сяс мес сембе вастста ялгатне лездольхть, кие мезьса маштсь. Работайсь ськамонолень и редакцияса, и типографияса, и сёрмадыхненди указовамаса, и редакционнай лия тевса. Тяса пяк лездсь тейне инголи рузонь газетава и типографиява работакшнемась. Эстонь пингонди газетась лиссь аф кальдявста».

 

«Печатьса лиссь, а ашель мезьса ускомс редакцияв,—сяда тов пачфнесы И.Г.Черапкин.—Молень педтехникумонь студенттненди, тердине газетанкса. Типографиясь ичкозель ошть кучкаста. Но сянь лангс апак ватт, студенттне мяль вельде мольсть газетанкса, кандозь редакцияв, губисполкомть зданияс.

 

Нинге молембачк ялгатне лувондозь газетать. Сяка шинякиге «Од велесь» тусь кядьста кядьс».

 

Редакцияв кармасть сашендома сёрмат странаньконь сембе уженянзон эзда. Вов мезень колга тяштьфоль синь эсост. «Изба-читальняв пуромкшнесь пяк лама ломань,—пачфнесь Темниковскяй уездонь Лесное Ардашево велеста Чалдышкин ялгась, кона работась Велень советса. Васенда газетать лувозь вярьгак вайгяльхть. Сяльде кармась ётнема кядьста кядьс, сонь лувондозь и тага лувондозь. Поздна илядьти корхтамась мольфтевсь газетать колга: крестьяттнень мяльсноль содамс, кода можна сёрматфтомс «Од велеть», кинь ули правац тяшнемс тоза и стак тов. А меколи  келеса аноклафоль приветственнай сёрма редакциять лемс».

 

Нинге фкя сёрма. Сонь сёрмадозь Спасскяй уездонь Анаю велень эряйхне. «Нльне аф мушенттама валхт лацкас азомс синь,—корхтави эсонза,—кода кенярдезь васьфтезь сонь родной кяльса лисьф газетать. «Од велесь» няфнесы тейнек кить од эряфти, азондсы-толкавасы, мезе эряви содамс и тиемс—кода тиемс».

 

Башка мяль шарфтфоль велень корреспонденттнень мархта работать шири. Эрявсь аф аньцек лездомс теест, но и содамс кажнайть. Редакциясь тернезень эсь селькоронзон кирдемс  кеме соткст, лездомс теенза сяда лац няфнемс народть эряфонц.

 

Редакциять тердемац тусь велень активисттнень мяльс. Тяда меле сяда лама кармась сашендома редакцияв сёрмада, кассь селькорхнень лувкссна. Тя макссь возможность 1924 кизоть пестонза ни ётафтомс мокшень селькоронь васенце губернскяй совещаниять.

 

Рабселькоровскяй активть касоманц мархта ряцок кассь сонць газетаське. Сёрмада кармась сашендома сняра, што ёмла газетати ашесть тяльгонде. Савсь путомс кизефкссь форматть касфтоманц колга. И курок тя кизефкссь ванфоль. 9-це номероц лиссь оцю форматса, лиякс мярьгомс, пцтай колмонь-крда сяда оцюста.

 

«Од велесь» лисендсь, кочксесь од вийхть. Касондсь сонь тиражец. Кда васенце кизоня эздонза нолявсь 2000 экземпляр, то омбоце кизоня ни 3000.

 

Мзярда тиевсь Мордовияса округ, а тя ульсь 1928 кизоня,  «Од велесь» ётафтови Саранскяи. Тяда меле теенза максфоль «Мокшень правда» лем.

 


03.12.2020 №47
 
 
 

 
НОВОСТИ
 
 
 
 

РОССИЙСКЯЙ ПЕЧАТЕНЬ ШИТЬ МАРХТА!

Мордовиянь массовай информациянь средствань кельгома работникт! Кельгома ветератт! Седи ваксста поздравляндатядязь тинь профессиональнай праздниконтень—Российскяй печатень шить мархта!

 

Тя шись пуропнесыне марс разнай профессиянь ломаттнень: журналисттнень, редакторхнень, издательхнень, полиграфисттнень, почтань работникнень, печатнай продукциянь  каннихнень—сембонь сятнень, кие эрь шинь трудса тиендьсы минь республиканьконь и сембе странать фкя информационнай пространстванц.

 

Ламошкада тинь работантень вельде Мордовия Республикась тячи—тя стабильнай регион, коса фкя-фкянь мархта ладязь эряйхть лама национальностень и конфессиянь представительхне, лац решандакшневихть экономическяй и социальнай прябалатне, пяшкотькшневихть виияфтомань федеральнай и региональнай программатне. Минь опытоньконь колга эрь шиня корхнихть общероссийскяй уровеньца, тянь мархта ладямок Мордовиять цебярь имидженц кода вииямань оцю потенциал мархта перспективнай территориянь.

 

Инголе минь лама марстонь работадонк промышленностьса, аграрнай секторса, социальнай сфераса. Минь карматама тиендема семботь од производствань и рабочай вастонь тиеманкса, финансовай системать одкстоптоманкса, асу од ломаттнень, конат каннихть польза ёмла родинати, ширеснон кирдеманкса. Тяса пяк важнай сембе ширде ваномась и курокста тевонь тиемась, виде оценкань максомась и региональнай СМИ-тнень позицияснон принципиальностьсна, крхкаста и сембе ширде мольфтеви процессненди и событиятненди сувамась. Надиян марстонь цебярь работать лангс, кона кармай лездома минь родной Мордовияньконь виияфтомаса.

 

 Благодарностень инь лямбе валхт азомат печатень ветераттненди. Информациянь максомань курокстонь пингсь, информациянь пачфтемань каналхне тячиень шить пяк полафтсть и стаки полафнихть сяда тов. Но сякокс отрасляса работань фундаментокс лядондыхть мархтонт ладяф профессионализмань койхне, аф озадонь седихть ащемась, тяштемаса маштомошинте! Арьсян теенть, тинь мала ломанентенди шумбраши, творческяй од сатфкст, благополучия и панчфокс панжема. Российскяй печатень шить мархта!

 

Мордовия Республикань

 

Оцюнять аф лама

 

пингс тевонзон

 

тиендисна А.А.Здунов.

 

15.01.2021  № 1
 
 
 
 

Газетать киц

Кельгома ялгат! Кода ни пачфнеськ, сай кизонь 24 сентябрьста топоди 100 киза ёт Родинаньконь столицаса—Москуса лиссь мокшэрзянь «Якстере теште»  газетать васенце номероц. Тя шись и арась шачема шикс мордовскяй национальнай печатти. Сон ульсь афкукс центральнай газетакс сембе мокшетненди и эрзятненди. Сонь сёрматфнезь-мишендезь Пензенскяй, Тамбовскяй, Самарскяй, Симбирскяй, Саратовскяй, Нижегородскяй и лия губерниятнень эса.
«Якстере тештесь», кона лисендсь мокшень и эрзянь кяльса, тернезень лувихнень кирдемс кеме соткст редакциять мархта, пачфнемс мордовскяй народть тевонзон, арьсеманзон и пичефксонзон колга. Лувихне няйсть эздонза ялга, советонь, содамошинь максси. Сон лезнесь теест тиемс письменностьснон, литератураснон, касфнезе национальнай самосознанияснон.
Честь мархта сяда тов мольфтезе тя тевть «Од веле» газетась, кона  кармась лисендема мокшень кяльса 1924 кизоста сявомок Пензаса. Сон лама тись мокшень кяльть грамматическяй норманзон ладямаса, мордовскяй литературать и искусствать виияфтомаса.
«Од велеть», а сяльде «Мокшень правдать» ламоц воспитанниконза кассть оцю квалификациянь журналистокс и цебярь редакторкс.
Юбилеень карша аш кода аф лятфтамс пара валса газетать редакторонзон, конат кизоста кизос мольфтезь национальнай изданиять тевонц, теенза макссезь сембе эсь содамошиснон, асуснон и седиень псиснон. Нят П.С.Глухов, И.И.Московкин, И.В.Шотин, Л.Е.Бажанов, С.Б.Леонтьев, Н.С.Шестов, Г.А.Игнатьев, П.К.Ежов, П.В.Шавензов, А.Д.Горькин, Ф.С.Руськин, В.М.Сурков, Н.И.Учватов, П.П.Кулешов. Ужяленди, конацка эздост аш ни шиса. Сяс тячи макстама аньцек лятфнемат.
Лятфнихть ингольдень редакторхне
П.Глухов, «Якстере теште» газетать редактороц
«Апак ватт оцю сталмотнень лангс, 1921 кизонь 24 сентябрьста Москуса лиссь «Якстере теште» газетать васенце номероц. Тя ульсь РКП(б)-нь ЦК-ть мордовскяй секциянц органоц. Васенце редакторкс кемокстафоль М.М.Евсеев. Газетать нолямаса активнай участия примсесть Е.С.Окин и Ф.И.Завалишин.
Газетать эрь номеронц оцю мяльса васьфнезь кода эрзянь, стане и мокшень лувихне, и активнайста лездсть теенза.
1925 кизоня, мзярда улень редакторкс ни мон, газетаса оцю мяль шарфневсь литературнай виень пуроптомати. Тейнек васенце произведенияснон тяштезь Ф.Чесноков, И.Кривошеев, Я.Григошин и лиятне. Оцю лезкс макссесь Ф.Завалишин, кона эста работась «Беднота» газетаса.
Мокшэрзянь васенце газетать заслуганза пяк оцюфт. Сонь традициянза, козя опытоц тячемс лезнихть национальнай печатть виияфтоманцты».
И.Шотин, «Од веле» газетать редактороц
«Од веле» газетась ульсь РКП(б)-нь Пензенскяй губкомть и губисполкомть органцна. Сон ушедсь лисендема 1924 кизонь 5 майста. Васенце номерхнень редактировандазень партиянь губкомть мордовскяй секциянц секретарец И.И.Московкин, а сяльде редакторкс путфолень мон. Пяк лездсь газетати асу литературнай редакторсь И.Г.Черапкин, кона тиендезе тя важнай и почётнай тевть куломозонза.
Ся кизотнень Пензав работама кучфтольхть Шишканов, Кузькин, Петербургский и  лия ялгатне, кармасть сашендома тонафнема мокшень  цёрат и стирьхть. Газетать перьф пуроптфтольхть местнай мокшень ломатть. Материалхт ушедсть сашендома губерниять, а стане жа Советскяй Союзть сембе вастонзон эзда, коса эрясть мокшет. Велень    корреспонденттне пачфнесть, кода молихть занятиятне школаса,  лац-аф работайхть изба-читальнятне.
«Од велесь» мольфтсь народть ёткса воспитательнай оцю работа, лездсь касомс мокшень асу ломаттненди—композиторхненди, писательхненди, конатнень моросна, стихсна и рассказсна печатлакшневсть газетать страницанзон эса».
Н.Шестов, «Мокшень правдать» редактороц
«Мокшень правдаса» редакторкс кармань работама 1934 кизоня. Ся кизоня Мордовскяй автономнай областсь тифоль автономнай республикакс. Мокшэрзятненди тя ульсь пефтома кенярдемакс.
Пароль сявок, што колхозс пуроптфтольхть крестьянскяй хозяйстватнень 65 процентсна, тифоль 27 МТС и 45 совхоз. Оцю населениять грамотностец пачфтьфоль 90 процентти, аноклафоль всеобщай начальнай образованияти ётамась.
Шарьхкодеви, што сембе ня кизефкснень вакска ашезь ётне  и «Мокшень правдась». Но сембода оцю мяль шарфнеме мокшень велеть культуранц кеподеманцты. Клупнень, изба-читальнятнень, медпункттнень, школатнень работаснон колга корреспонденцият можналь няемс газетать эрь номерсонза».
10.12.2020  № 48
 

«Бизнес-сообществать мархта васедематне кармайхть ётафневома сидеста»

7 декабрьста Мордовия Республикань Оцюнять аф лама пингс тевонзон тиендисна Артём Здунов васетькшнесь предпринимательскяй сферань представительхнень мархта. Корхтамась мольфтевсь ся кизефкснень коряс, конат пичефтьсазь бизнес-сообществать. Предпринимательхне азондозь Мордовиянь вятити прябалатнень, конат эвондакшнихть эпидемическяй условиятнень пингста работамста. Кой-кона кизефксне кармайхть ванондовома коронавируснай инфекциять келемоманц инголдаманц коряс оперативнай штабть маластонь заседаниясонза.
Артём Здунов китькстазе, што тяфтама васедематне кармайхть ётафневома сидеста, а тячиень повесткась аноклафоль синцень участникнень мархта. Лама корхтафоль тяниень пингонь противоэпидемическяй ограничениянь условиятнень пингста предпринимательхнень работаснон колга.
«Талина» компаниянь группать президентоц, промышленниконь и предпринимателень Российскяй союзонь региональнай отделениять и работодателень Мордовскяй объединениять председателец Виктор Бирюков азозень эсь мялензон-арьсеманзон общественнай объединениятнень рольснон касфтомаснон коряс, конат няфнесазь министерстватнень и ведомстватнень видеса бизнес-сообществать интересонзон.
«Ламоц кизефкснень ули кода решандамс ведомственнай уровеньца, кда тя аф лисенди, эста—системась аф работай»,—китькстазе Артём Здунов.
Стане жа примаф предложения аноклакшнемс региональнай бизнес-сообществань представительхнень рейтингснон. Рейтингть тиемста мяльс сявови предприятияса пандови заработнай платась, вииякшнеманкса нолдаф инвестициятне и налоговай пандоматне. «Тейнек эряви содамс, кие канды ярмакт республикав, а кие Мордовияста лихнесыне синь. Кие панды цебярь зарплата, а кие аф. Тя кармай честнайста»,—мярьгсь региононь вятись.
Тяда башка, васедемаса корхтафоль сянь колга, кода кармай работама Од кизонь илатнень пингста питаниянь сферась. Стане жа корхтамась мольфтевсь Роспотребнадзорть и лия контрольно-надзорнай ведомстватнень мархта марстонь работать, илань карша ваймама шинь ярмаркатнень ётафтомаснон колга.
10.12.2020  № 48
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин