Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Артём ЗДУНОВ: «ТЕНЬГУШЕВСКЯЙ РАЙОНЦЬ—МИНЬ СТРАТЕГИЧЕСКЯЙ ТЕРРИТОРИЯНЬКЕ»

 

Васедемать ушетксста республикань руководительсь отмечазе, што Теньгушевскяй районць границать крайса и республикати ащи стратегическяй территориякс, и пяк важна муниципалитетти максомс сембе эрявикс ширень кирдемать.

 

«Аф кунара мяль вельде ваноськ Васенце каналса Шокша велеть колга сюжетть,—мярьгсь Артём Здунов.—Мялезе содамс тиньцтонт, кодама стака-сталма мархта васьфни районць и велесь, кодама лезкс теенть эряви». Ольга Куткинась азондозе, што Теньгушевскяй районца эряй 9,5 тёжянь ломань—тя сисем велень поселеният. Трудоспособнай ломаньда—5,5 тёжянть малава, эздост 2 тёжяттненди аш коса работамс, теест сашендови арнемс ярмаконь добувама вахтас Москуву.

 

«Рабочай вастонь аф улемась—тя минь главнай прябаланьке»,—мярьгсь райононь оцюнясь.

 

Артём Здунов лац-ряц кизефнесь территориять потенциальнай возможностензон, инвесторхнень мархта райононь администрациять работанц колга, производствань алу площадкань анокламать колга. Тяконь лувксса республикань руководительсь лоткась 3 тёжятть оцю сюра мархта жуватанди оцю молочнай комплексонь строямать коряс российско-венгерскяй проектть лангс. Пандемиять инкса сонь эряфс ётафтомац моли аф сяшкава курокста, кода арьсекшневсь, Артём Алексеевич макссь поручения республикань Велень хозяйствань министерствати сявомс тя кизефксть башка контроль алу. Ванондовсть районти и лия производственнай проекттне.

 

Республикань Оцюнять аф оцю пингс тевонзон тиендисна башка китькстазе, што Теньгушевати аш аф важнай и важнай направленият: сембось, мезсь заняф ломаттнень заняфшиснон мархта, эряви ваномс и ётафтомс эряфс. Васендакиге корхтамась мольфтеви народно-художественнай промыслатнень виияфтомаснон колга. Теньгушевскяй мастерхне заняфт шуфтонь матрёшкатнень анокламаснон и сёрмадомаснон мархта, эсь продукцияснон пачфнесазь Москуву, но пандемиять инкса, кода мярьгсь Ольга Куткинась, вешфкссь теест прась.

 

Республикань руководительсь отмечазе, што эряви лисендемс торговай интернет-площадкатненди, конат арасть тячиень шити пяк кондястиксокс. Тя афкуксонь возможность народнай умелецненди получамс доход и виияфтомс эсь ремесласнон.

 

Башка мяль шарфтфоль рабочай васедемаса районть проблемнай вастонзонды, тяконь лувксса сятнень лангс, конатнень колга корхнихть райононь эряйхне социальнай сетьтнень эса.

 

Региононь руководительсь азозе, што ваны населениять пеняцяманзон мельге сембе райоттнень эзга, и мярьгсь муниципалитетонь руководительхненди сяда курокста примсемс мерат ня пеняцяматнень коряс. Теньгушевскяй районть прябалань кизефксонзон ёткса азфтольхть ульцяса светонь аф улемась и симомань ведть кальдяв качествац кой-кона населеннай пункттнень эса, тротуархнень аф эсь пингстонза чистендамасна, а стане жа келазень оцю лувксть куттнень малас сашендомасна. Ольга Куткинась мярьгсь: кда сявомс ведть качестванц, тяса районти эсь вийсонза тевсь аф ладяви, эряви республиканскяй    власттнень лезкссна. Артём Алексеевич кошардсь лац-ряц ваномс кизефксть и азомс тя прябалать решандамаса предложеният.

 

Васедемаса башка ванондовсть Шокша велеть виияфтоманц коряс кизефксне. Артём Здунов мярьгсь азомс ся направлениятнень, конатнень коряс эряви ширень кирдема. «Теньгушевскяй району мон курок саян, тяконь лувксса и Шокша вели. Карматама мархтонт работама и карман лездома»,—мярьгсь Артём Алексеевич.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022