Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

СПАСИБА ТЕЙТЬ, АРЬСИ ПИСАТЕЛЬ

Арьси писатель, мезе таколфтсы седицень, мзярда сёксень илядня комать акша кагод лопанять вельхксс? Мезе тейть тошкай Музась? Шять, сянь, штоба эняльделеть минь веконьконди ванфтомс Модать-масторть лангса ломанть.

 

Шамасот эвондай пеетьфкя, и сёрмадат строчкат сёксеть аськолксонзон колга, серьгядьсак лувить няемс тя пингть мазышинц: тарксемс ваймонц шобдавань расав кожфса, кундамс зарять валдонянц, васьфтемс шить васенце сюролданзон, варжакстомс иттнень лангс, конат кизонда ласькондемада меле нинге ашесть тонада партаснон ваксса сетьмоняста ащема.

 

Поздна илядьта меле сашенды шобда весь. А тонь строчкатне серьгядихть ваймама шитнень лисемс природав, дачаса кенерьф марьхнень варжама, шабратнень мархта пецёнка модамарьда ярхцама. Конашкава танцтихть синь ару кожфса.

 

Сай мяльце мадомс коське тишеть лангс, конань эса шивалду кизоть сембе танцти шинянза. Кда матодоват, шять, кульсайть, кода морайхть паксянь циледихне и конашкава тёждялгоды ронгце, мярьгат, келептьсайть пацятнень и лийкстат.

 

Арьси писатель, тон мярьгондят лувити аф эряскодомс мрдамс куду. Тон мярьгондят теенза лоткамс и варжакстомс, конашкава мазыхть вирть тюсонза. И лувись сай куду аф ськамонза—мархтонза сай эсь киганза масторбети валги шись. Тон тонафтат кельгома эряфть эрь аськолксканц. Ванды тага сайхть од суткат, частт, минутат, синь улихть ни лият—синь кандыхть лия тюст, таколдомат, кенярдемат. Сайхть и лия сёксет. Эряфсь ётни, кода ёндол. Сон фкя.

 

Тон тонафтат сонь эрь аськолксонц няема.

 

Сёксеть мазышиц кошярясыне писательхнень сёрмадома. Сёксень кувака иляттнень шачендыхть книгатне.

 

Тон панчсак вальмяцень и кельме ведьбутерькскятне, мярьгат, сувайхть седиезт. Синь кода сельмоветть—авардихть сятнень инкса, кие аф няйсыне сёксеть мазы тюсонзон, хуш и шачсь сёксенда.

 

Писатель ялгай, тонь сельмоведце шоворсь пизембутьксненди. Тон авардят и кульсак, кода пиземсь чакай вальмазт, мярьгат, тя сась ялгаце. Пара мяльса корхнелеть мархтонза. И кульсак сонь вайгяленц, кодак сявсак ялгацень Григорий Пинясовонь «Вирявань руця» зрнянь лангакс книганц. Яфиесайть лопанятнень и тошкат эстейть: «Тяшкава седи ваксста кельгозь природать колга тяшти аньцек ся ломанць, кона шачсь вчёк тя пингть». И тя афкукс виде.

 

Григорий Пинясов сёрмадсь: «Лесник ялгазень мархта молеме вирьге. Афи вирьге, а бта праздниконди наряжаф дворецова. Келуфнень лопасна нинге шобда-сянгярятольхть, но сёралснонды повфнесть ни зрнякс тюжя лопанят. Тяфта сиретькшни ломанть шяярензон ёткса эвондакшнихть сия-шарженят. Ушторхневок кармасть сотнема прязост кодама-повсь тюсса коняфксснон. Сянгяря лопаснон ёткса васьфневихть и тюжазат, и толкс палыхть. Варманять уфамста кой-конат сязевихть тарадбеняста и савор шарондозь-вельсезь лиихть алу, бта пращсихть и сенем менельть, и кизоньберьф тошкси ялгаснон мархта. Шять, содасазь: модать лангста синь мзярдовок ни аф кеподевихть вяри, аф эждевихть шинь сюролдаса, аф варжакстовихть пиже шадоса жольняй перьфпяльти, аф кульсазь элякоткшни нармонень мороть».

 

Аварди писатель, сигаретаце мадсь, а тон ванондат панжада вальмава и аф марясак, кода валонттанза пиземсь.

 

Кяжи вармась сязендьсы вень шобдать пакшень пакш, шорясы кельме пиземть мархта и ёрясы вальмятненди и кудонь стенатненди.

 

«Лисень летьке, кельме вирьста панда пряняти, варжакстонь перьфпяльге. Няйса, види ширеса, вирьбулонять трвава, крьвязсть пизелонь кярьмасне. Вай, афолезь крьвясте вирть. Аф, аф, аф крьвязи. Тосот пожарникне—якстерь мяште снегирьхне. Эхи капиихть кенерьф кстыда... Варжакстонь цють шири и няень—афи азови—мезе. Сеелень салмоксокс тувоськотф озипне шобда-сянгярят. Вийда эсост—аф кельмода, аф мезьда аф пелихть».

 

Сизеф писатель, тон кржа удоть, но пеедят. Шобдава стяят, кда и сюне, а якстерь пизелкссь кеняртьфттянза, кода мазы зарясь.

 

Туят работама, а кицень валозе вень пиземсь, сон штафкя-нардафкя, и шуфттнень лопасна зрняса ацасазь кицень.

 

Арьси писатель, тонь сёрматфце лезды тейть аськолямс ётаф векнень пачк, варжакснемс ичкоздень сай пинкненди, «валгондомс» философиянь крхкатненди, арьсекшнемс ломаттнень шкайгиснон квалма.

 

А эсонт сембода питнись—ломанень асувонте, писателень асувонте.

 

Эсь сёрматфсонт тинь эреклафнесасть эздонк кунара туф ломаттнень: кельгома ялгантень и содафонтень.

 

Спасиба. Карксэземге сюконян теенть.

 

Татьяна ПИНЯСОВА.

 

Италия—Рим.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022