Поиск по сайту: 
 

Архив
 апрель 
 2021 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Культура

Мордовскяй (мокшень и эрзянь) народонь Межрегиональнай общественнай организациять председателец, филологическяй наукань докторсь, профессорсь Ю.А.МИШАНИН: «ИНГОЛЕ—ТЕВДА ЛАМА!»

—Юрий Александрович, ётай кизонь мероприятиятнень эзда, конатнень аноклазень и ётафтозень Мордовскяй (мокшень и эрзянь) народонь Межрегиональнай общественнай организациясь Мордовияса и Россиянь лия региоттнень эса, койсот, конат кандсть инь лама цебярьда мокшэрзянь национальнай культурать, кяльхнень, российскяй нациянь нароттнень ёткса сембе ширдень соткснень виияфтомаснонды?

 

—Мордовскяй (мокшень и эрзянь) народонь Межрегиональнай общественнай организациять тевонзон уровеньцнон сяда цебярьста шарьхкодеманкса, эряви азомс: Российскяй Федерациянь тяниень пингонь историяса мокшэрзянь организациясь—странань национально-культурнай васенце организациятнень эзда фкясь!

 

Мокшэрзянь общественнай организацияти сувси 31 региональнай и 75 районнай отделения. Мордовия Республикада башка, синь вятьсазь тевснон Российскяй Федерациянь лия субъекттнень эса, коса компактнайста эряйхть мокшэрзят. Нят—Татарстан, Башкортостан, Чувашия, Крым Республикатне, Самарскяй, Ульяновскяй, Пензенскяй, Нижегородскяй, Оренбургскяй областтне и странань лия региоттне.

 

Ётай кизоть кувалмоста мокшэрзянь общественнай организациясь Мордовия Республикаса и Российскяй Федерациянь лия субъекттнень эса, коса компактнайста эряйхть мокшэрзят, ётафтсь лама Всероссийскяй, межрегиональнай, республиканскяй, областной и районнай значениянь мероприятия. Синь вельдест ванфтовихть и виияфтовихть мокшень и эрзянь кяльхне, мокшэрзянь национальнай культурась, народоньконь историческяй мялямоц, од поколениятнень патриотокс касфтомасна и российскяй нациянь нароттнень ёткса фкя-фкянь шарьхкодемась и фкя-фкянь мархта ладямась. И, койсон, сембе мероприятияньке, конатнень пандемиять инкса тейнек савсь ётафтомс онлайн-форматса, сатозь эсь цельснон—тиезь эсь тевснон!

 

Кда корхтамс ётай кизонь инь няевикс мероприятиятнень квалма, эряви азомс: эздост сатомшка лама. Нят—«Патриотизмань и гражданскяй марстоньшинь урокт» Всероссийскяй образовательнай проектсь, кона лемтьфоль Советскяй Союзонь Геройть М.П.Девятаевонь легендарнай подвигонцты, «Нациять гордостец» Межрегиональнай образовательнай проектсь, кона лемтьф мокшэрзянь и лия народонь представительхнень няевикс путксснонды Мордовиять социально-экономическяй и этнокультурнай виияманцты-касоманцты, «Шумбрат» Межрегиональнай фольклорно-этнографическяй илась, «Морай шуфта» народнай скульпторонь Межрегиональнай II фестивальсь-конкурссь, «Мастеронь  Мордовиясь» Республиканскяй проектсь и, конешна, «Волгась—ялгаксшинь ляй. Волжскяй нароттнень культураснон диалогсна» Международнай этнокультурнай экспедициясь.

 

—Кодама мероприятият, Юрий Александрович, арьси ётафтомс Мордовскяй (мокшень и эрзянь) народонь Межрегиональнай общественнай организациясь тядде? И конат эздост, койсот, эсь эрявксшиснон коряс  лия мероприятиятнень ёткса лисихть-арайхть васенце вастти?

 

—Мокшэрзянь Межрегиональнай организациять тя кизонь рабочай планозонза сувафтф 60-да лама мероприятия. Ётксост улихть международнай, Всероссийскяй, межрегиональнай, областной и районнай статусонь проектт. И сембе синь эсь уровеньцост пяшкотькшнесазь ся вешфкснень-задачатнень, конат ащихть организациять инголе.

 

Тяфта жа, эряви азомс, Мокшэрзянь Межрегиональнай организациясь и сонь отделениянза сембе мероприятияснон ётафнесазь эряфс кода республикаса, стане и Россиянь лия региоттнень эса Мордовия Республикань Культурань, национальнай политикань и архивнай тевонь, Образованиянь министерстватнень, государственнай властень лия оргаттнень лезксснон вельде. Эрявикс лезкс организацияти мероприятиянзон анокламста и ётафтомста тяфта жа макссихть Н.П.Огарёвонь лемса Мордовскяй государственнай университетсь и М.Е.Евсевьевонь лемса МГПУ-сь, Финно-угорскяй народонь культурань Поволжскяй центрась, Мордовиянь и Россиянь лия региононь общественнай организациятне.

 

Кда корхтамс мероприятиятнень квалма, конат эсь эрявиксшиснон коряс организациять работаса лисендихть васенце вастти, эста эряви азомс: сембе мероприятияньке ащихть васенце вастса. Ащихть васенце вастса сяс, мес марса тиихть фкя тев—ванфтыхть и виияфтыхть мокшень и эрзянь кяльхнень, мокшэрзянь национальнай культурать, койхнень-обуцятнень, национальнай промыслатнень и ремеслатнень, национальнай литературать и печатть, российскяй нациянь нароттнень ёткса межкультурнай, межрелигиознай и межнациональнай соткснень эса.

 

Тяка пингть, койсон, лувити эряви содамс Мокшэрзянь Межрегиональнай организациять главнай мероприятиянзон колга, конатнень ётафтсыне сонць или коса кармай покодема сонь активоц. Нят—«Масланцясь—мокшэрзякс» илась, кона ётафтови Москуса, Мокшень и эрзянь кялень Всероссийскяй шись, «Евсевьевскяй 57 лувоматне» Международнай научно-практическяй конференциясь, «Акша келу» и «Велень Озкс» Мордовиянь государственнай национально-фольклорнай илатне, «Шумбрат» Межрегиональнай фольклорно-этнографическяй илась, «Мокшень правда» и «Эрзянь правда» газетатнень 100 кизонь юбилейсна, Девинскяй лувоматне, С.Д.Эрьзянь 145 кизонь юбилеенцты лемтьф мероприятиятне, «Нациять гордостец» Республикань культурно-образовательнай проектсь, Абрамовскяй лувоматне, «Мокшэрзянь монь щамбялезе» интернет-акциясь, «Надькинскяй лувоматне» Международнай VIII научно-практическяй конференциясь, «Волгась—ялгаксшинь ляй. Волжскяй нароттнень культураснон диалогсна» Международнай ХХ этнокультурнай экспедициясь и лия оцю мероприятиятне, конат лемтьфт населениянь Всероссийскяй переписти.

 

Койсон, населениянь Всероссийскяй переписть Мордовия Республикаса и Российскяй Федерациянь лия субъекттнень эса, коса компактнайста эряйхть мокшэрзят, тейнек мероприятияньконь вельде эряви ётафтомс тяфта, штоба сёрматфтомать итогонзон коряс аф прафтомс мокшэрзянь народть марстонь лувксонц.

 

Тяддень февральста Мокшэрзянь Межрегиональнай организациять Исполкомонц заседанияса минь нинге весть ванцаськ населениянь Всероссийскяй переписти аноклаф мероприятиятнень и ушедсаськ работать.

 

—Юрий Александрович, кода тядде Мордовскяй (мокшень и эрзянь) народонь Межрегиональнай общественнай организацияса кармай мольфтевома грантонь сатомать коряс работась?

 

—Кода и ётай кизотнень, минь лац-ряц вятьсаськ работать. Кепотьксонди, 2019 кизоня организацияньке Президентскяй грантонь Фондонь конкурсса сатсь сатомшка оцю грант. Ня ярмакнень лангс 2020 кизоня минь ётафтоськ эряфс Всероссийскяй уровеньца «Геройть колга мялямсь аф содай кулома» историко-патриотическяй проектть, кона лемтьфоль Советскяй Союзонь Геройть М.П.Девятаевонь подвигонцты.

 

Тяддень январьста Мокшэрзянь Межрегиональнай организациясь тага сяськсь Президентскяй грантонь Фондонь конкурсса. Сатоме пцтай 1500000 цалковай. Синь нолдавихть тевс мокшень и эрзянь кяльхнень, национальнай культурать ванфтомаснонды и виияфтомаснонды лемтьф мероприятиятнень эряфс ётафтомста.

 

И, конешна, грантонь сатомать коряс работать минь эрьгавста карматама мольфтемонза тядде и сяда тов.

 

—Удаласт, Юрий Александрович, сембе тевонте, мяленте-арьсефонте.

 

—Сюкпря. Пара валхне-арьсематне тейнек эрявихть: вдь инголе—тевда лама!

 

В.Нестеров.

 


21.01.2021 №2
 
 
 

 
НОВОСТИ
 

КИЗОНЬ КОФНЕНЬ ИТТНЕНЬ ВАЙМАМАСНОН И ШУМБРАШИСНОН ПЕТЕМАСНОН ЛАНГС ШАРФТОМА БАШКА МЯЛЬ

7 апрельста МР-нь Оцюнять аф лама пингс тевонзон тиендиснон Артём Здуновонь видеса совещанияса ванондовсть кизонь кофнень иттнень ваймамаснонды лемтьф кизефксне. Региононь руководительсь ётафтф работать мзярс лувондсы аф педа-пес лац-ряц тифокс. Тя важнай направлениясь веши сяда цебярьста аноклама, инь пяк сянь эса, мезсь токсесы досугонь ладямать и иттнень ваймама пингть аралафшиснон обеспечендамаснон.

 

 

 
Кода азозе МР-нь Правительствать Председателенц заместителенц тевонзон тиендисна Галина Лотванова, тядде планц коре кармай работама 337 лагерь, эздост 22-сь стационарнай (санаториятнень базаса), и шитемба улемань 315 лагерь образовательнай организациятнень и социальнай учреждениятнень базаса. Тяконь мархта Галина Лотванова отмечазе, што инголи работай 23 лагерсь тяни республикаса сёлкфт ташта, калада инфраструктураснон инкса, хуш синь ащихть Мордовиять инь мазы вастонзон эса.

 

15.04.2021  № 14
 

МОРДОВИЯНЬ УЧЁНАЙХНЕ ТИСТЬ НАУЧНАЙ ПОДВИГ!

15.04.2021  № 14
 
 
 

ЛОМАТТНЕНЬ ЭРЯФСНОН ЦЕБЯРЬГОФТОМАНКСА

31 мартста Мордовиянь Оцюнять аф лама пингс тевонзон тиендисна Артём Здунов ВКС-нь режимса примась участия МР-нь Промышленностень, наукань и од технологиянь министерствать расширеннай коллегиясонза. Совещанияса примасть участия Россиянь Промышленностень и торговлянь министерствать региональнай промышленнай политикань и проектнай управлениянь Департаментонц директороц Виталий Хоценко, региональнай отраслевой министерствань представительхне, республикань инь оцю производствань вятихне тисть итокт кизоньберьфонь работаснонды.

 

Артём Здунов шарфтсь мяль, што регионца трудса заняфнень нилецекс пялькссна покодихть промышленностьса, тя республикань экономикать флагманонзон эзда фкясь. Мордовиянь Оцюнять аф лама пингс тевонзон тиендисна азозень тематнень, конатнень коряс эряви мольфтемс корхтама коллегиять пингста. Васендакиге тя собственностень и предприятиятнень вятемаснон коряс кизефксне. Эряви содамс, кие ащи выгодань получайкс, кие отвечай трудовой коллектифнень инкса. Прябалакс арси собственностень праватнень кядьста кядьс ламоксть ётнемасна, мезсь шоряй предприятиятненди лац-ряц вииякшнемс.

 

08.04.2021  № 13
 

ЗАСЕДАНИЯСЬ ЛЕМТЬФОЛЬ КОРРУПЦИЯТЬ КАРШЕС ТЕВОНЬ МОЛЬФТЕМАТИ

МР-нь Оцюнять аф лама пингс тевонзон тиендисна Артём Здунов 30 мартста ётафтозе Мордовия Республикаса коррупциять каршес тевонь вятемать коряс Комиссиять заседаниянц. Заседанияса ванондозь 2020 кизоня коррупционнай преступлениятнень мархта сотф ситуациять. МР-ть эзга МВД-ть информациянц коряс, ётай кизоня сембе провоохранительнай оргаттне мусть коррупциять мархта сотф 205 преступления, инь оцю талекасна тиф государственнай властень сфераса и сотф разнай уровенень должностной лицатнень оцю вастса улемста закононь колсемать мархта. Приоритетнай направлениятнень эзда фкясь—национальнай       проекттнень эряфс ётафтомста правонарушениятнень инголдамасна, 2020 кизонь работань итокнень коряс, внутренняй тевонь оргаттнень мархта лихтьф 14 тяфтама преступления, корязост карьхцне лувондовсть 1 миллион цалковайть малава, синь мрдафтфт меки. МР-нь Оцюнять аф лама пингс тевонзон тиендисна азозе, што карьхцнень мрдафтомаснон коряс работась пяк важнай—средстватне улест мрдафтфт экономикати и нолдафт республикать виияфтоманцты.

 

08.04.2021  № 13
 

АРТЁМ ЗДУНОВ АЗСЬ СТРАНАНЬ ПРЕЗИДЕНТТИ РЕГИОТТНЕНЬ ФИНАНСОВАЙ СИСТЕМАСНОН ШУМБРАЛГОФТОМАСНОН КОРЯС ПРЕДЛОЖЕНИЯТ

Россиянь Президентсь Владимир Путин мярьгсь кафта недяляньберьф арьсемс тядде региоттнень дополнительнай финансовай ширень кирдемаснон коряс параметрат, штоба сявомс мяльс тя кизефксть Федеральнай Собранияти сай пингонь посланиясонза. Тянь колга азфоль Правительствань члеттнень мархта совещанияса, кона ётафтовсь 31 мартста.

 

«Федерациянь субъекттнень  финансовай положенияснон минь сембе пингть кирдьсаськ контроль ала,—мярьгсь Владимир Путин.—Мекольдень пингть эряфс ётафтовсь лама мера, штоба кирдемс региоттнень ширеснон и максомс теест эрявикс лезкс—васендакиге, конешна, сявоньдсайне мяльс решениятнень, конат примафтольхть пандемиять пингста». Странань Президентсь лятфтазе, што меля нолдафоль 280 миллиард цалковай прямой дотация и нинге 223 миллиард цалковай специальнай бюджетнай кредитт. «Российскяй экономикать пильге лангс стяфтоманцты тенденциятне нинге аньцек кемокснихть, минь тянь лац содасаськ. Аф сембе субъекттнень эса минь няйсаськ деловой активнайшить касоманц, сяс региоттнень доходнай базасна ламода аф стабильнай. Тянкса мялезе кулемс коллеганень, губернаторхнень эзда регионцнон финансовай состоянияснонды анализ, а стане жа предложеният сянь колга, кодама од решеният эрявихть, штоба аф аньцек обеспечендамс региональнай финанснень стабильнайшиснон, но и касфтомс экономическяй вииямать, вов мезсь ащи тейнек целькс—тиемс РФ-нь эрь субъектть кемоста виияфтоманкса основа».

 

08.04.2021  № 13
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин