Поиск по сайту: 
 

Архив
 апрель 
 2021 
пн вт ср чт пт сб вс
   1234
567891011
12131415161718
19202122232425
2627282930  

 
 

 

В Правительстве РМ

«РЕСПУБЛИКАСА УЛИ КОЗА НОЛДАМС ТЕВС ИНВЕСТИЦИЯТНЕНЬ»

Мордовия Республикаса инвестициятнень тевс нолдамаснон коряс совещаниять 26 февральста етафтозе Мордовиянь Оцюнять аф лама пингс тевонзон тиендисна Артём Здунов. Республикань вятить мяленц коряс, регионть инвестиционнай возможностенза нолявихть тевс аф эффективнайста, тяда башка, лия ошень поставщикне ащихть васенце вастса республикать вешфксонзон пяшкотькшнеманкса госзакупкатнень тиемста. «Тянь нолямс аш кода! Мордовияса ноляви или ули кода нолямс семботь, мезсь эряви региононь эряйхненди, но госзакупкатнень рамкаса поставкатнень 50 лама процентсна моли республикать эзда ширеста»,—мярьгсь Артём Здунов и макссь поручения МР-нь Экономикань, торговлянь и предпринимательствань министерствати вятемс муниципальнай образованиятнень инвестиционнай паспортснон анокламаснон коряс работать.

 

Васендакиге Артём Здунов азсь мяль кода можна сяда келиста нолямс тевс минцень товаропроизводителеньконь возможностьснон. «Кепотьксонди, больницятненди и     соцобеспечениянь учреждениятненди ляпе инвентарть, текстильть, васта лангакснень. Минздравсь должен лувомс экономическяй выгодать, арьсемс единай комбинатть-прачечнайть панжеманц коряс, кона кармай лац-ряц макссемост ня услугатнень, кода тиендеви ламоц региоттнень эса. Тяда башка, тянь мархта улихть панчфт од рабочай вастт. Сембось, кода корхнихть, «пильгалонк», а тейнек аш кода сявомс!»—мярьгсь Мордовиянь Оцюнять аф лама пингс тевонзон тиендисна. Вакска нолдаф возможностень примеркс Артём Здунов азозе сянь, што полиграфическяй услугань рынкаса аш тястоконь типография, аш идень ошкянь, спортивнай комплексонь и благоустройствань тевса эрявикс лия составляющаень тястоконь производительхть. «Тястоконь производительхнень и поставщикнень мархта эста ули кода кемокстамс  сембе пингонь контракт, синь сяда тов кармайхть эсь конструкцияснон обслуживандамост, кирдемост»,—мярьгсь региононь вятись.

 

Стане жа Артём Здунов макссь поручения МР-нь Правительствать Председателенц васенце заместителенцты Владимир Сидоровонди лац-ряц  арьсемс, кода республикань предприятиятнень эса   нолдамс тевс полезнай аф металлическяй ископаемайхнень, конат улихть Мордовиять территорияса. «Кой-кона оцю предприятияньке шуварть, известть эсь производстваснонды пачфнесазь шабрань областтнень эзда—мес тяфта лисенди? Ваномс тя кизефксть, вдь тя минь экономическяй касондомань резерваньке!»

 

Республикаса панчф оцю технологиянь производстватнень эса тястоконь полезнай ископаемайхнень тевс нолямаснон мархта сотф тя и лия кизефкснень Мордовиянь Оцюнять аф лама пингс тевонзон тиендисна мярьгсь ваномс Промышленностень министерствати, Технопаркти и Н.П.Огаревонь лемса МГУ-нь научнай объединениятненди.

 


04.03.2021 №
 
 
 

 
НОВОСТИ
 

КИЗОНЬ КОФНЕНЬ ИТТНЕНЬ ВАЙМАМАСНОН И ШУМБРАШИСНОН ПЕТЕМАСНОН ЛАНГС ШАРФТОМА БАШКА МЯЛЬ

7 апрельста МР-нь Оцюнять аф лама пингс тевонзон тиендиснон Артём Здуновонь видеса совещанияса ванондовсть кизонь кофнень иттнень ваймамаснонды лемтьф кизефксне. Региононь руководительсь ётафтф работать мзярс лувондсы аф педа-пес лац-ряц тифокс. Тя важнай направлениясь веши сяда цебярьста аноклама, инь пяк сянь эса, мезсь токсесы досугонь ладямать и иттнень ваймама пингть аралафшиснон обеспечендамаснон.

 

 

 
Кода азозе МР-нь Правительствать Председателенц заместителенц тевонзон тиендисна Галина Лотванова, тядде планц коре кармай работама 337 лагерь, эздост 22-сь стационарнай (санаториятнень базаса), и шитемба улемань 315 лагерь образовательнай организациятнень и социальнай учреждениятнень базаса. Тяконь мархта Галина Лотванова отмечазе, што инголи работай 23 лагерсь тяни республикаса сёлкфт ташта, калада инфраструктураснон инкса, хуш синь ащихть Мордовиять инь мазы вастонзон эса.

 

15.04.2021  № 14
 

МОРДОВИЯНЬ УЧЁНАЙХНЕ ТИСТЬ НАУЧНАЙ ПОДВИГ!

15.04.2021  № 14
 
 
 

ЛОМАТТНЕНЬ ЭРЯФСНОН ЦЕБЯРЬГОФТОМАНКСА

31 мартста Мордовиянь Оцюнять аф лама пингс тевонзон тиендисна Артём Здунов ВКС-нь режимса примась участия МР-нь Промышленностень, наукань и од технологиянь министерствать расширеннай коллегиясонза. Совещанияса примасть участия Россиянь Промышленностень и торговлянь министерствать региональнай промышленнай политикань и проектнай управлениянь Департаментонц директороц Виталий Хоценко, региональнай отраслевой министерствань представительхне, республикань инь оцю производствань вятихне тисть итокт кизоньберьфонь работаснонды.

 

Артём Здунов шарфтсь мяль, што регионца трудса заняфнень нилецекс пялькссна покодихть промышленностьса, тя республикань экономикать флагманонзон эзда фкясь. Мордовиянь Оцюнять аф лама пингс тевонзон тиендисна азозень тематнень, конатнень коряс эряви мольфтемс корхтама коллегиять пингста. Васендакиге тя собственностень и предприятиятнень вятемаснон коряс кизефксне. Эряви содамс, кие ащи выгодань получайкс, кие отвечай трудовой коллектифнень инкса. Прябалакс арси собственностень праватнень кядьста кядьс ламоксть ётнемасна, мезсь шоряй предприятиятненди лац-ряц вииякшнемс.

 

08.04.2021  № 13
 

ЗАСЕДАНИЯСЬ ЛЕМТЬФОЛЬ КОРРУПЦИЯТЬ КАРШЕС ТЕВОНЬ МОЛЬФТЕМАТИ

МР-нь Оцюнять аф лама пингс тевонзон тиендисна Артём Здунов 30 мартста ётафтозе Мордовия Республикаса коррупциять каршес тевонь вятемать коряс Комиссиять заседаниянц. Заседанияса ванондозь 2020 кизоня коррупционнай преступлениятнень мархта сотф ситуациять. МР-ть эзга МВД-ть информациянц коряс, ётай кизоня сембе провоохранительнай оргаттне мусть коррупциять мархта сотф 205 преступления, инь оцю талекасна тиф государственнай властень сфераса и сотф разнай уровенень должностной лицатнень оцю вастса улемста закононь колсемать мархта. Приоритетнай направлениятнень эзда фкясь—национальнай       проекттнень эряфс ётафтомста правонарушениятнень инголдамасна, 2020 кизонь работань итокнень коряс, внутренняй тевонь оргаттнень мархта лихтьф 14 тяфтама преступления, корязост карьхцне лувондовсть 1 миллион цалковайть малава, синь мрдафтфт меки. МР-нь Оцюнять аф лама пингс тевонзон тиендисна азозе, што карьхцнень мрдафтомаснон коряс работась пяк важнай—средстватне улест мрдафтфт экономикати и нолдафт республикать виияфтоманцты.

 

08.04.2021  № 13
 

АРТЁМ ЗДУНОВ АЗСЬ СТРАНАНЬ ПРЕЗИДЕНТТИ РЕГИОТТНЕНЬ ФИНАНСОВАЙ СИСТЕМАСНОН ШУМБРАЛГОФТОМАСНОН КОРЯС ПРЕДЛОЖЕНИЯТ

Россиянь Президентсь Владимир Путин мярьгсь кафта недяляньберьф арьсемс тядде региоттнень дополнительнай финансовай ширень кирдемаснон коряс параметрат, штоба сявомс мяльс тя кизефксть Федеральнай Собранияти сай пингонь посланиясонза. Тянь колга азфоль Правительствань члеттнень мархта совещанияса, кона ётафтовсь 31 мартста.

 

«Федерациянь субъекттнень  финансовай положенияснон минь сембе пингть кирдьсаськ контроль ала,—мярьгсь Владимир Путин.—Мекольдень пингть эряфс ётафтовсь лама мера, штоба кирдемс региоттнень ширеснон и максомс теест эрявикс лезкс—васендакиге, конешна, сявоньдсайне мяльс решениятнень, конат примафтольхть пандемиять пингста». Странань Президентсь лятфтазе, што меля нолдафоль 280 миллиард цалковай прямой дотация и нинге 223 миллиард цалковай специальнай бюджетнай кредитт. «Российскяй экономикать пильге лангс стяфтоманцты тенденциятне нинге аньцек кемокснихть, минь тянь лац содасаськ. Аф сембе субъекттнень эса минь няйсаськ деловой активнайшить касоманц, сяс региоттнень доходнай базасна ламода аф стабильнай. Тянкса мялезе кулемс коллеганень, губернаторхнень эзда регионцнон финансовай состоянияснонды анализ, а стане жа предложеният сянь колга, кодама од решеният эрявихть, штоба аф аньцек обеспечендамс региональнай финанснень стабильнайшиснон, но и касфтомс экономическяй вииямать, вов мезсь ащи тейнек целькс—тиемс РФ-нь эрь субъектть кемоста виияфтоманкса основа».

 

08.04.2021  № 13
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин