Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ФАЛУ КАРМАЙ ЭРЯМА ЁТКСОНК

Мордовиянь Народнай писательсь Михаил Лукьянович Сайгин ульсь минь газетаньконь фкя инь кунардонь и пяк цебярь ялгац. Сонь лувондомонза и эзонза тяшнема ушеткшнесь нинге ётай веконь комозце кизотнень, мзярда лемоцоль «Од веле». А сяльде колмогемонце кизотнень, мзярда работась «Комсомолонь вайгяль» газетаса, мзярда марса «Мокшень правдань» журналисттнень мархта шнакшнезе, цебярьгофнезе од велеть, од эряфть, од ломанень тефнень-вешфкснень.

 

Войнаста мрдамда меле покодсь «Мокшень правдаса».

 

М.Л.Сайгин шачсь 1913 кизонь 21 ноябрьста Ковылкинскяй райононь мокшень Ёжка велеса, сокаень-видиень семьяса. Сон нинге ёмланяста лядсь урозкс. Аляц шавовсь   фронтса васенце империалистическяй войнань кизотнень, а тядяц кулось, мзярда Михаил Сайгинонди ульсь аньцек вейхкса кизот. Эсь велесост аделазе начальнай школать, Саранскяйса—Совпартшколать, а сяльде—КПСС-нь ЦК-ть видеса Высшай партийнай школать.

 

Кода азоськ ни, ульсь Великай  Отечественнай войнаса, танковай взводонь и ротань командироль. Боевой тевонзон инкса казьф лама орденца и медальса.

 

Мордовскяй литературав сась войнада ингольдень кизотнень. Сёрматкшнесь книгат  и покодсь тяка пингть разнай вастса. «Мокшень правдада» башка комсомольскяй работасоль, ульсь Ковылкинань «Знамя Ленина» районнай, меле—«Комсомолонь вайгяль» республиканскяй газетаса, мордовскяй радионь редакторкс, «Мокша» журналса ответственнай секретарькс и редакторкс, партиянь Мордовскяй обкомса инструкторкс.

 

М.Л.Сайгин содаф лувихненди кода комозть малава книгань автор. Сон Мордовиянь Заслуженнай и Народнай писатель, республикань Госпремиянь лауреат. Эсь творчестванц, эсь книганзон мархта Михаил Лукьянович фалу кармай эряма мархтонк, ётксонк. Тяфтама ломаттне аф кулсихть.

 

Касфнемазь газетась

 

Весть, мон эзраелень ни, тонафнень школаса, щенязе Краснослободскяйста усксь газета. Лемоцоль «Од веле». Кармань лувома, а тоса сёрматф мокшекс, минь кяльсонк, сон сяшкава фатязень мяльнень! Лувондыне оду-оду.

 

Велеса мон аделань ниле класст. Содайне церькавонь алфавиттьке. Тонадонь лувондома. И коль вешендине «Од веле» газетать. Тоста тонаткшнень наизусть стихт.

 

Комсь вейхксыеце кизоня сувань комсомолу. Монь, 17 кизоса цёрать, кучемазь тонафнема Средневолжскяй   совпартшколав.

 

Меле сявондемазь работама Ковылкинскяй районнай газетав.  Тяса пингта пингс макссевсть страницат мокшень кяльса и сятнень аноклакшнема путомазь монь. А мокшекс тяштема тонафнень «Мокшень правдать» эзда, конань лувондыне Ковылкинаса.

 

Сяльде эстееньге савсь ётамс Саранскяи, тоса лисендсь иттненди «Комсомолонь вайгяль» газета. Эзонза работама сявомазь 1937 кизоня. Тя газетать и «Мокшень правдать» редакциясна ульсь бта фкя редакция. Работаме фкя кудса. Партийнай и комсомольскяй организацияньке марстоннетольхть. Курок комсомолонь секретарть Норкинонь сявозь армияв и вастозонза лядонь мон. Пуромкссонк ванондовсть марса  кафцьке газетань тефне.

 

1941 кизоня ушедсь войнась. Мрдань тоста мянь 1947 кизоня. Сявомазь «Мокшень правдав». Тястонь ламоц работникнень лац содалине нинге войнада инголе. Эста редакторкс ульсь Андрей Дмитриевич Горькин—шачемас коре Торбеевскяй райононь Мокшень Ювня велеста, заместительсель Фёдор Сергеевич Руськин. Сёрмань отделть вятезе Герасим Андреевич Игнатьев, культурань и литературань отделть—Василий Михайлович Сурков, промышленнайть—Михаил Андреевич Кяшкин. Эрь, а велень хозяйстваннеса Илья Прокофьевич Кишняковонь мархта минь кафонектолеме.

 

Работакшуволь Илья Прокофьевич. Маштоль тяштема. И сон меколи арась ни содаф писателькс.

 

Эста велева телефонца звонцемась стакаль, автобуст ашесть яксе, вишке машинат ашельхть. Но велеряйхне газетать кельгозь, тяштьфнесть. Минцьке якаме командировкас, алашаса пачкотькшнеме.

 

Пяк итцемазь районца эряй эсь корреспондентоньке. Ковылкинскяй районца Василий Радин, Краснослободскяйса—Дмитрий Офтин, Зубово-Полянскяйса—Василий Челмакин.

 

Эста редакцияса работайхнень ламосна фронтовиктольхть. Кепотьксонди, Иван Филиппович Чумаков покотькшнесь и лама тяшнель войнада инголивок, тянивок. Лиятнень коряс сяда тонафнефоль. Аделсесь педтехникум, рабфак, пединститут. Но эста сонь сявозь «Правда» газетав собкоркс… А монь путомазь вастозонза—редакторонь заместителькс. Сафневсь.

 

«Мокшень правдаса» работань 1950 кизоть самс. Меле сявомазь партиянь обкому пропагандань отделу национальнай печатть коряс инструкторкс. И тосонга ванонь мокшень и эрзянь газетатнень, журналхнень, радиопередачатнень мельге.

 

Эстонга «Мокшень правдась» ульсь тейне сембода кельговикс. Эзонза стаки тяшнелень и статьят, и расскаст, и лия жанрань материалхт.

 

Редакцияса покодихне касондсть творческяй ширде, а сяльде арсесть СССР-нь Писателень членкс. Тя—Иван Чумаков, Пётр Левчаев, Яков Пинясов, Василий Ардеев (Виард), Максим Бебан, Анатолий Тяпаев. Мон аф корхтан ни  оттнень колга—сятнень эзда сядонга лама. Эрь, а редакторхне ульсть цебярь партийнай работникт. Аф тёждяль редакторонь вастсь. Обкомсь газетатнень мельге ванць оржаста. Вешсь казямста. Оржаста ванцть редакциянь платтнень тиендемаснон пяшкотькшнемаснон, газетаста критикать и мерань примсематнень мельге.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022