Поиск по сайту: 
 

Архив
 август 
 2022 
пн вт ср чт пт сб вс
1234567
891011121314
15161718192021
22232425262728
293031    

 
 

 

Религия

Ушедсь Великай постсь

Великай постсь—сембода важнайсь и кувакась православнай сембе посттнень ёткста. Тя инь оцю илати—Валда Очижити анокламань пинге. Великай постть эшксса ащи пустыняса Спасительть нильгемонь шинь поставаманц колга лятфнемась, а мекольце страстной седмицась ладяф  Иисус Христость модать лангса эряфонь мекольце шинзон, муцсеманзон и куломанц квалма лятфнеманкса.
Анокламок Очижити, минь аруяфнесаськ ронгоньконь и ваймоньконь сембе ся пежеть  эзда, мезсь шоряй тейнек маладомс Менеленнети. Кда Великай постть пингста тейнек удалай мянемс ингольдень обжакшневоматнень эзда, простямс вракнень, кода минь простякшнесамазь Сонць Шкабавазсь, аруяфтсаськ ёненьконь кальдяв мяльхнень-арьсематнень эзда—минь малаттама сянди, кодамкс Шкабавазть мялецоль няемс минь.
постсь ащи кафта пяльксста:
1.Святой Четыредесятницась—Великай постонь васенце нильгемонь шитне.
2.Страстной Седмицась—Очижида инголе мекольце недялясь.
Кда Четыредесятницать пингста минь аськолятама Шкайть каршес, Страстной Седмицать пингста Шкайсь моли тейнек. Сон сай великай мучениятнень, арестовандамать, Голгофать, Тайнай Вечерять, аду валгомать вельде, и тяда меле ни малады Очижити. Тяфта марса Шкайть мархта минь васьфнесаськ сембода главнай христианскяй илать—Очижить.
Постть смузец сянь эса, штоба тонадомс кирдевомшкати (воздержание). Ярхцамбяльхненди, весялготкшнематненди кирдевомшкать вельде тейнек ули кода тонадомс кирнемс эсь страстеньконь. Постсь лезни сяда лац содамс эсь пряньконь. Уленди, постсь арси ломанти сталмокс, а сонць ломанць ушеткшни кяжиякшнема. Тевсь сянь эса, што постсь лихнесыне лангу ломанть эса «уды» грехнень и страсттнень. И тя цебярь возможность ушедомс тюремс каршезост. Постта меле фалу кепотькшни мяльсь, седись пяшкотькшни кенярдемада сяс, мес удалась сяськомс кой-кона пежетнень и маладомс Шкабавазти.
Великай постсь ладяфоль нинге апостольскяй пинкнень и васенда мольсь аньцек 24 шиста сявомок 40 шити молемс. Тя пингть христиаттне педа-пес атказакшнесть эрь кодама ярхцамбяльда. Ронгонь-ваймонь аруяфтоманкса кочкафтольхть вержись и пяденцясь.
Кота шинь постсь кой-кона поместнай церькафнень эса эвондась III векть кучкаста кода Иисус Христость земной эряфонь мекольце шинзон колга лятфнема.
IV-V векнень церькавсь азозе Великай постть обязательнайкс сембе верондайхненди. Ся, кие ашезь постава, мзярошка пингс аерфневсь церькавть эзда—тяфтама случайхне лятфневихть Вселенскяй соборонь правилатнень и Святой отецнень сёрматфснон эса.
Великай постть кувалмоц V векста савор-савор касфневсь 40 шис, лиякс азомс, тиендевсь Пустыняса Иисус Христость поставаманц лаца. Стане жа тняра ши поставасть сят, кинь мялецоль кстиндафтомс, сяс мес тяда инголе кстиндафнесть аньцек несколькаксть кизоньберьф, тяконь лувксса и Очижинь карша.
Васенда 40 ши поставасть язычникне, конатнень мяльсноль кстиндафтомс и арамс христианкс. Сяльде теест Страстной Седмицать пингста поладсть и церькавонь служайхне, штоба кирдемс сай пингонь братияснон ширеснон.
Поставамста мяльса кирдевсь вов мезсь—ярхцамбяльсь улеза уцез и курокста пидеви, а ванфтф ярмакнень и пингть эрявсь нолдамс тевс благотворительностенди и богослужениятнень эса участвовандаманди. Постнай обеттнень вельде ванфневсь ярмаксь, кона макссевсь ашуфненди.
Тядде Великай Постсь ушеды 15 мартста. 2 майста православнай христиаттне васьфтьсазь Очижить.

18.03.2021 №10
 
 
 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин