Поиск по сайту: 
 

Архив
 апрель 
 2021 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Тема дня

Васетькшнесть од писательхне

2021 кизонь 11 мартста А.С.Пушкинонь лемса Национальнай библиотекаса ульсь «Литература без границ» республиканскяй «круглай шра» Zoom платформать лангса, конань эса примасть участия од писательхне и издательхне.
«Круглай шрать» работаса примасть участия: Мордовия Республикань Заслуженнай писательсь, «Книга» Издательскяй кудть директороц Н.Б.Голенков, Мордовия Республикань Народнай писательсь, «Странник» од ломанень журналть главнай редактороц К.В.Смородин, од писательхне: Л.А.Рябова, Т.П.Мокшанова, Н.М.Чумбаева, М.П.Ерёмина, М.В.Аникина и лиятне.
Дискуссиять пингста ванондовсть кизефксне:
—идень книгатнень нолямаснон прябаласна;
—«Странник» журналть од авторонза;
—Мордовиянь национальнай литературать од авторонза;
—МР-са  тевонь ушеткшни од авторхнень и аф аньцек  синь произведенияснон публикацияснонды ресурсне;
—«Якстерь тяштеня» национальнай изданиять ролец касы поколениять духовно-патриотическяй воспитандамаса;
—«Сятко» журналса од лепне;
—кяльть и литературать ванфтомасост литературно-художественнай изданиятнень рольсна («Мокша» журналть кепотьксса).
«Странник» од ломанень журналть главнай редактороц К.В.Смородин содафтозень кулхцондыхнень «Новые имена» рубрикать мархта. Азондсь ся авторхнень судьбаснон колга, конат тя или тона кизотнень печатлакшневсть журналса. Т.П.Мокшанова шарфтсь мяль, што тячи од авторть улихть возможностенза няфтемс эсь прянц. Тянкса эсь произведениятнень эрявихть няфнемс интернетса, примсемс участия конкурснень эса. Тя канды результат и асу писательть лангс шарфтыхть мяль. И эста литературась кельгома тевста арай работакс. «Сятко» журналть главнай редакторонц заместителец Л.А.Рябова азондсь «Вал» литературнай организациять колга, шарфтсь мяль литературнай творчестваса заняф студенттнень ширеснон кирдемаснон мархта сотф прябалать лангс.
«Якстерь тяштеня» журналонь отделонь редакторсь Н.М.Чумбаева азондсь кода журналсь работай од авторхнень мархта.
«Сятко» журналть ответственнай секретарец М.П.Ерёмина пачфтсь од авторхнень колга, конатнень публикациясна лисендихть журналса.
«Мокша» журналть ответственнай секретарец М.В.Аникина корхтась родной кяльть и литературать ванфтомаснон мархта сотф темать квалма «Мокша» журналть кепотьксса.
«Вайгель» радиоста Марина  Стешина тердезень од авторхнень мархтост сотксонь кирдема.
Мордовия Республикань Заслуженнай писательсь Н.Б.Голенков азондсь иттненди книгань нолямань прябалатнень, од авторхнень мархта работать колга. Казсь «Книжная палата» отделти книгат и, кирдемок мяльса од авторхнень, азозе, што писательти эряви оржа ёнь, а нинге лама работама, штоба арьсемс мезевок одня. Дискуссиянь сембе участникне састь мяльс, што цебярь произведениятне тиендьсазь миртьке сяда цебярькс.
Е.Дорожкина,
МР-нь А.С.Пушкинонь лемса Национальнай библиотекань библиограф.

25.03.2021 №11
 
 
 

 
НОВОСТИ
 

КИЗОНЬ КОФНЕНЬ ИТТНЕНЬ ВАЙМАМАСНОН И ШУМБРАШИСНОН ПЕТЕМАСНОН ЛАНГС ШАРФТОМА БАШКА МЯЛЬ

7 апрельста МР-нь Оцюнять аф лама пингс тевонзон тиендиснон Артём Здуновонь видеса совещанияса ванондовсть кизонь кофнень иттнень ваймамаснонды лемтьф кизефксне. Региононь руководительсь ётафтф работать мзярс лувондсы аф педа-пес лац-ряц тифокс. Тя важнай направлениясь веши сяда цебярьста аноклама, инь пяк сянь эса, мезсь токсесы досугонь ладямать и иттнень ваймама пингть аралафшиснон обеспечендамаснон.

 

 

 
Кода азозе МР-нь Правительствать Председателенц заместителенц тевонзон тиендисна Галина Лотванова, тядде планц коре кармай работама 337 лагерь, эздост 22-сь стационарнай (санаториятнень базаса), и шитемба улемань 315 лагерь образовательнай организациятнень и социальнай учреждениятнень базаса. Тяконь мархта Галина Лотванова отмечазе, што инголи работай 23 лагерсь тяни республикаса сёлкфт ташта, калада инфраструктураснон инкса, хуш синь ащихть Мордовиять инь мазы вастонзон эса.

 

15.04.2021  № 14
 

МОРДОВИЯНЬ УЧЁНАЙХНЕ ТИСТЬ НАУЧНАЙ ПОДВИГ!

15.04.2021  № 14
 
 
 

ЛОМАТТНЕНЬ ЭРЯФСНОН ЦЕБЯРЬГОФТОМАНКСА

31 мартста Мордовиянь Оцюнять аф лама пингс тевонзон тиендисна Артём Здунов ВКС-нь режимса примась участия МР-нь Промышленностень, наукань и од технологиянь министерствать расширеннай коллегиясонза. Совещанияса примасть участия Россиянь Промышленностень и торговлянь министерствать региональнай промышленнай политикань и проектнай управлениянь Департаментонц директороц Виталий Хоценко, региональнай отраслевой министерствань представительхне, республикань инь оцю производствань вятихне тисть итокт кизоньберьфонь работаснонды.

 

Артём Здунов шарфтсь мяль, што регионца трудса заняфнень нилецекс пялькссна покодихть промышленностьса, тя республикань экономикать флагманонзон эзда фкясь. Мордовиянь Оцюнять аф лама пингс тевонзон тиендисна азозень тематнень, конатнень коряс эряви мольфтемс корхтама коллегиять пингста. Васендакиге тя собственностень и предприятиятнень вятемаснон коряс кизефксне. Эряви содамс, кие ащи выгодань получайкс, кие отвечай трудовой коллектифнень инкса. Прябалакс арси собственностень праватнень кядьста кядьс ламоксть ётнемасна, мезсь шоряй предприятиятненди лац-ряц вииякшнемс.

 

08.04.2021  № 13
 

ЗАСЕДАНИЯСЬ ЛЕМТЬФОЛЬ КОРРУПЦИЯТЬ КАРШЕС ТЕВОНЬ МОЛЬФТЕМАТИ

МР-нь Оцюнять аф лама пингс тевонзон тиендисна Артём Здунов 30 мартста ётафтозе Мордовия Республикаса коррупциять каршес тевонь вятемать коряс Комиссиять заседаниянц. Заседанияса ванондозь 2020 кизоня коррупционнай преступлениятнень мархта сотф ситуациять. МР-ть эзга МВД-ть информациянц коряс, ётай кизоня сембе провоохранительнай оргаттне мусть коррупциять мархта сотф 205 преступления, инь оцю талекасна тиф государственнай властень сфераса и сотф разнай уровенень должностной лицатнень оцю вастса улемста закононь колсемать мархта. Приоритетнай направлениятнень эзда фкясь—национальнай       проекттнень эряфс ётафтомста правонарушениятнень инголдамасна, 2020 кизонь работань итокнень коряс, внутренняй тевонь оргаттнень мархта лихтьф 14 тяфтама преступления, корязост карьхцне лувондовсть 1 миллион цалковайть малава, синь мрдафтфт меки. МР-нь Оцюнять аф лама пингс тевонзон тиендисна азозе, што карьхцнень мрдафтомаснон коряс работась пяк важнай—средстватне улест мрдафтфт экономикати и нолдафт республикать виияфтоманцты.

 

08.04.2021  № 13
 

АРТЁМ ЗДУНОВ АЗСЬ СТРАНАНЬ ПРЕЗИДЕНТТИ РЕГИОТТНЕНЬ ФИНАНСОВАЙ СИСТЕМАСНОН ШУМБРАЛГОФТОМАСНОН КОРЯС ПРЕДЛОЖЕНИЯТ

Россиянь Президентсь Владимир Путин мярьгсь кафта недяляньберьф арьсемс тядде региоттнень дополнительнай финансовай ширень кирдемаснон коряс параметрат, штоба сявомс мяльс тя кизефксть Федеральнай Собранияти сай пингонь посланиясонза. Тянь колга азфоль Правительствань члеттнень мархта совещанияса, кона ётафтовсь 31 мартста.

 

«Федерациянь субъекттнень  финансовай положенияснон минь сембе пингть кирдьсаськ контроль ала,—мярьгсь Владимир Путин.—Мекольдень пингть эряфс ётафтовсь лама мера, штоба кирдемс региоттнень ширеснон и максомс теест эрявикс лезкс—васендакиге, конешна, сявоньдсайне мяльс решениятнень, конат примафтольхть пандемиять пингста». Странань Президентсь лятфтазе, што меля нолдафоль 280 миллиард цалковай прямой дотация и нинге 223 миллиард цалковай специальнай бюджетнай кредитт. «Российскяй экономикать пильге лангс стяфтоманцты тенденциятне нинге аньцек кемокснихть, минь тянь лац содасаськ. Аф сембе субъекттнень эса минь няйсаськ деловой активнайшить касоманц, сяс региоттнень доходнай базасна ламода аф стабильнай. Тянкса мялезе кулемс коллеганень, губернаторхнень эзда регионцнон финансовай состоянияснонды анализ, а стане жа предложеният сянь колга, кодама од решеният эрявихть, штоба аф аньцек обеспечендамс региональнай финанснень стабильнайшиснон, но и касфтомс экономическяй вииямать, вов мезсь ащи тейнек целькс—тиемс РФ-нь эрь субъектть кемоста виияфтоманкса основа».

 

08.04.2021  № 13
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин