Поиск по сайту: 
 

Архив
 апрель 
 2021 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Демография

В.Н.ВОЛКОВА: «СЕМБОДА ГЛАВНАЙСЬ ТЕЙНЕК—ВАНФТОМС ТЯДЯТЬ И ОДС ШАЧИТЬ ШУМБРАШИСНОН»

Демографиянь кизефксне кода республикасонк, стане и марнек странаса лядондыхть оржакс. Пичефти, мес кизоста кизос кири одс шачихнень лувкссна, а кулсихнень, меколанкт, касонды. Мекольдень пингть тя прябалать машфтоманкса лама тиендеви федеральнай уровеньца. Тяфта, кафта кизода тяда инголе, тевс сувафтфоль «Демография» национальнай проектсь, конань васенце целенза—касфтомс шачихнень лувксснон и кувалгофтомс ломаттнень эряфснон. Васенцетнень ёткса проектть эряфс ётафтоманцты поладсть шачфтома куттне. Ня шитнень корреспондентоньке ульсь «Шачфтома куд» МР-нь ГБУЗ-са, коса корхнесь главнай врачть клинико-экспертнай работать коряс заместителенц, высшай категориянь врачть В.Н.Волковать мархта. Валентина Николаевна азондсь учреждениять работанц колга, а стане жа макссь советт аватненди, конатнень мяльсна арамс тядякс и шачфтомс шумбра шабат.

 

—Валентина Николаевна, Саранскяйса шачфтома кудсь панчфоль 1986 кизоня. Мезсь полафтсь работасонза тя пингста?

 

—Эряфсь аф ащекшни фкя вастса, и минь старандатама вятемс работаньконь пингть сембе вешфксонзон мяльса кирдезь.  Мекольдень кизотнень, тяконь лувксса «Демография» нацпроектть рамкаса, миньцонк ламода одкстоптф уликс оборудованиясь, шачфтомать примамста тевс нолявихть тяниень пингонь технологиятне и од методикатне, тяфтамотне, кода озонотерапиясь и рефлексотерапиясь. Тячи миньцонк улихть дыхательнай аппаратт и реанимационнай оборудования. Кда шабась шаченды пингта инголе или кодамовок патология мархта, ули сембось теенза лездоманкса. Хуш шачфтома кудть тевонзон ёткс аф сувси пингта инголе шачф шабатнень мельге якамась, тянь мархта заняф перинатальнай центрась, но мзярда сон сёлгондови санитарнай обработкас, минь сявондьсаськ функциянзон эсь лангозонк. И тянкса, азса тага весть, миньцонк ули сембось. Тячи учреждениясонк тифт условият сянкса, штоба шачемда меле шабась афоль сявондев тядять эзда, а васенце шиста сявомок синь ащельхть марса. Тяда башка, тяни шачфтысь и атнайнясь сяда курокста нолявихть куду, сяда сидеста шачфтомда меле колма шинь ётазь ни. Лятфтама и кризиснай центрать колга, кона работай учрежденияньконь видеса и вяти аватнень ёткса просвещающай работа. Кеме соткст кирттяма авань консультациятнень мархта. Сембода главнайсь тейнек—ванфтомс тядять и одс шачить шумбрашиснон.

 

—Республикань мзяра од эряй шачсь тиньцонт меля? Ётксост сяда лама стирняда или цёраняда?

 

—Меля «кудсонк» белай свету эвондась 2478 шаба. Статистикас коряс, цёраняда етксост сяда лама. А нинге 2020 кизоня миньцонк шачсть 46 кафтаськат.

 

—Сембода оцю и ёмла шачф иднятне, конатнень тейть сашендовсь няендемс?

 

Мзярс работан, сембода оцю шабась шачсь миньцонк меля, сонь сталмоц ульсь 5200 килограмма. А инь емла «пациентоньконь», виденц азомс, пельксоль сявомс кядезонк, тя ульсь 900 граммань сталмоса аньцяй ломання. Мельганза якаме тязк, а мзярда сон кочкась эрявикс сталма, ётафтоськ идень больницяв. Тячи тя шумбра-таза шаба.

 

—Тячи, ужяленди, аф кржа семьяда, коса миртти-рьвяти путневи «бесплодие» диагнозсь. Койсот, мезсь арси тянди туфталкс и кода шачфтома кудсь лезни тя прябалать решандамаса?

 

Афкукс тя кизефкссь пяк пичефти. Кода сотцеви статистикать эзда, Россияса эрь котоце семьясь лувондови аф шачфтыкс. Туфталда тянди лама. И васенцесь, койсон, кяшф тячиень од ломаттнень прянь вятемаснон эшксс. Шабатне тяни пяк рана «касондыхть», аф шуроста 12-13 кизоса ни ушеткшнесазь половой эряфснон, мезсь тиенди зиян синь репродуктивнай системаснонды. Ся аватнень мархта, конат васьфтсть тяфтама прябала мархта, минь работатама башка. Сявондьсаськ сембе эрявикс аналиснень, ётафнетяма обследования, штоба мумс аф шачфтомати туфталхнень. Тяда меле кочксеви пчксемань схемась. Тяка пингть обследования ётама алятивок, сяс мес аф шачфтомати туфталсь аф най авать шумбрашинц эса. Кда лекарстватнень вельде урмась аф пчкафневи, полатне прважсевихть ЭКО (экстра-корпоральное оплодотворение) процедурас перинатальнай центрав. 2013 кизоста сявомок ЭКО-сь тиендеви питнефтома. Сонь вельденза республикаса шачсь 800-та лама шаба.

 

—Валентина Николаевна, Саранскяень шачфтема кудсь кирни соткст лия региононь шачфтома куттнень мархта?

 

—Конешна. «Демография» нацпроектть рамкаса минь сотрудниконьке ётнихть тонафнема Иваново и Казань ошень симуляционнай центратнень эса. Тяса теест ули кода практикаса тонафнемс тя или тона техникать. Тяда башка, минь сидеста ётафнетяма видеоконсультацият федеральнай медицинскяй центратнень, эрь кодама региононь шачфтома куттнень мархта.  Опытса полафтомась, кода и любой тевса, миньцонковок пяк эрявикс.

 

—Мекольдень кизотнень арасть моднайкс тяфта лемневи партнёрскяй шачфтоматне. Тиньцонт ули тяфтама практика?

 

—Тя тевсь тейнек кунара ни аф одня. Тячи ули кода азомс, што миньцонк сембе шачфтоматнень пяледа ламосна семейно-ориентированнайхть, мзярда авась шачфтомста лезксонди тернесы мирденц. Тянкса «кудсонк» тифт кафта башка палатат.

 

—Мзяра кизоса авати сяда пара шачфтомс?

 

—Штоба афольхть эвонда осложненият шабать кандомста и шачфтомста, инь пара пингсь 25 кизоста сявомок 35 кизоти молемс. Сяда одста или сяда эряфкшуста шачфтомста касонды пелькссь кода тядять, стане и шабать шумбрашинцты.

 

—Валентина Николаевна, макст, пожалуйста, совет аватненди: кода шачфтомс шумбра шаба?

 

—Сембе мирса кунара ни примаф корхтамс инголенди арьсеф пекиямать колга.  Мирттненди-рьвятненди, анокламок арамс тядякс-алякс, эряви етамс сембе ширдень медицинскяй обследования. Кда мувихть кодамовок хроническяй урмат, синь пчкафтомат, и аньцек тяда меле аноклама пекиямати.

 

Ламоц аватне, пекиямок, ушеткшнихть вельф ужяльнема эсь пряснон. Тиендемс тянь аф эряви. Пекиямась тя аф кодамовок «урма», а природать мархта ладяф норма. Шачфтомозонт отькорьста вятесть прянтень, сяда лама улендеда ару кожфса, якседа бассейнав, тиендеда гимнастика. Ярхцседа витаминца козя ярхцамбяльда и сяда сиденяста няфнеда пря враченди.

 

—Сюкпря, Валентина Николаевна!

 

О.ЕВДОКИМОВА.

 


01.04.2021 №12
 
 
 

 
НОВОСТИ
 

КИЗОНЬ КОФНЕНЬ ИТТНЕНЬ ВАЙМАМАСНОН И ШУМБРАШИСНОН ПЕТЕМАСНОН ЛАНГС ШАРФТОМА БАШКА МЯЛЬ

7 апрельста МР-нь Оцюнять аф лама пингс тевонзон тиендиснон Артём Здуновонь видеса совещанияса ванондовсть кизонь кофнень иттнень ваймамаснонды лемтьф кизефксне. Региононь руководительсь ётафтф работать мзярс лувондсы аф педа-пес лац-ряц тифокс. Тя важнай направлениясь веши сяда цебярьста аноклама, инь пяк сянь эса, мезсь токсесы досугонь ладямать и иттнень ваймама пингть аралафшиснон обеспечендамаснон.

 

 

 
Кода азозе МР-нь Правительствать Председателенц заместителенц тевонзон тиендисна Галина Лотванова, тядде планц коре кармай работама 337 лагерь, эздост 22-сь стационарнай (санаториятнень базаса), и шитемба улемань 315 лагерь образовательнай организациятнень и социальнай учреждениятнень базаса. Тяконь мархта Галина Лотванова отмечазе, што инголи работай 23 лагерсь тяни республикаса сёлкфт ташта, калада инфраструктураснон инкса, хуш синь ащихть Мордовиять инь мазы вастонзон эса.

 

15.04.2021  № 14
 

МОРДОВИЯНЬ УЧЁНАЙХНЕ ТИСТЬ НАУЧНАЙ ПОДВИГ!

15.04.2021  № 14
 
 
 

ЛОМАТТНЕНЬ ЭРЯФСНОН ЦЕБЯРЬГОФТОМАНКСА

31 мартста Мордовиянь Оцюнять аф лама пингс тевонзон тиендисна Артём Здунов ВКС-нь режимса примась участия МР-нь Промышленностень, наукань и од технологиянь министерствать расширеннай коллегиясонза. Совещанияса примасть участия Россиянь Промышленностень и торговлянь министерствать региональнай промышленнай политикань и проектнай управлениянь Департаментонц директороц Виталий Хоценко, региональнай отраслевой министерствань представительхне, республикань инь оцю производствань вятихне тисть итокт кизоньберьфонь работаснонды.

 

Артём Здунов шарфтсь мяль, што регионца трудса заняфнень нилецекс пялькссна покодихть промышленностьса, тя республикань экономикать флагманонзон эзда фкясь. Мордовиянь Оцюнять аф лама пингс тевонзон тиендисна азозень тематнень, конатнень коряс эряви мольфтемс корхтама коллегиять пингста. Васендакиге тя собственностень и предприятиятнень вятемаснон коряс кизефксне. Эряви содамс, кие ащи выгодань получайкс, кие отвечай трудовой коллектифнень инкса. Прябалакс арси собственностень праватнень кядьста кядьс ламоксть ётнемасна, мезсь шоряй предприятиятненди лац-ряц вииякшнемс.

 

08.04.2021  № 13
 

ЗАСЕДАНИЯСЬ ЛЕМТЬФОЛЬ КОРРУПЦИЯТЬ КАРШЕС ТЕВОНЬ МОЛЬФТЕМАТИ

МР-нь Оцюнять аф лама пингс тевонзон тиендисна Артём Здунов 30 мартста ётафтозе Мордовия Республикаса коррупциять каршес тевонь вятемать коряс Комиссиять заседаниянц. Заседанияса ванондозь 2020 кизоня коррупционнай преступлениятнень мархта сотф ситуациять. МР-ть эзга МВД-ть информациянц коряс, ётай кизоня сембе провоохранительнай оргаттне мусть коррупциять мархта сотф 205 преступления, инь оцю талекасна тиф государственнай властень сфераса и сотф разнай уровенень должностной лицатнень оцю вастса улемста закононь колсемать мархта. Приоритетнай направлениятнень эзда фкясь—национальнай       проекттнень эряфс ётафтомста правонарушениятнень инголдамасна, 2020 кизонь работань итокнень коряс, внутренняй тевонь оргаттнень мархта лихтьф 14 тяфтама преступления, корязост карьхцне лувондовсть 1 миллион цалковайть малава, синь мрдафтфт меки. МР-нь Оцюнять аф лама пингс тевонзон тиендисна азозе, што карьхцнень мрдафтомаснон коряс работась пяк важнай—средстватне улест мрдафтфт экономикати и нолдафт республикать виияфтоманцты.

 

08.04.2021  № 13
 

АРТЁМ ЗДУНОВ АЗСЬ СТРАНАНЬ ПРЕЗИДЕНТТИ РЕГИОТТНЕНЬ ФИНАНСОВАЙ СИСТЕМАСНОН ШУМБРАЛГОФТОМАСНОН КОРЯС ПРЕДЛОЖЕНИЯТ

Россиянь Президентсь Владимир Путин мярьгсь кафта недяляньберьф арьсемс тядде региоттнень дополнительнай финансовай ширень кирдемаснон коряс параметрат, штоба сявомс мяльс тя кизефксть Федеральнай Собранияти сай пингонь посланиясонза. Тянь колга азфоль Правительствань члеттнень мархта совещанияса, кона ётафтовсь 31 мартста.

 

«Федерациянь субъекттнень  финансовай положенияснон минь сембе пингть кирдьсаськ контроль ала,—мярьгсь Владимир Путин.—Мекольдень пингть эряфс ётафтовсь лама мера, штоба кирдемс региоттнень ширеснон и максомс теест эрявикс лезкс—васендакиге, конешна, сявоньдсайне мяльс решениятнень, конат примафтольхть пандемиять пингста». Странань Президентсь лятфтазе, што меля нолдафоль 280 миллиард цалковай прямой дотация и нинге 223 миллиард цалковай специальнай бюджетнай кредитт. «Российскяй экономикать пильге лангс стяфтоманцты тенденциятне нинге аньцек кемокснихть, минь тянь лац содасаськ. Аф сембе субъекттнень эса минь няйсаськ деловой активнайшить касоманц, сяс региоттнень доходнай базасна ламода аф стабильнай. Тянкса мялезе кулемс коллеганень, губернаторхнень эзда регионцнон финансовай состоянияснонды анализ, а стане жа предложеният сянь колга, кодама од решеният эрявихть, штоба аф аньцек обеспечендамс региональнай финанснень стабильнайшиснон, но и касфтомс экономическяй вииямать, вов мезсь ащи тейнек целькс—тиемс РФ-нь эрь субъектть кемоста виияфтоманкса основа».

 

08.04.2021  № 13
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин