Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Ульяновскяй областень мокшэрзянь национально-культурнай автономиять председателец В.А.СОФОНОВ: «ЭРЬ КИСЬ ЁТАВИ МОЛИТИ!»

Кода минь пачфнеськ «Мокшень правдать» тяда ингольдень номерсонза, 17 мартста Мордовиять столицаса Мордовскяй (мокшень и эрзянь) народонь Межрегиональнай общественнай организациянь Исполкомсь ётафтозе тяддень  васенце заседаниянц. Пингстонза Исполкомонь члеттне, конат састь заседанияс Москуста, Санкт-Петербургста, Татарстан, Башкортостан Республикатнень эзда, Самарскяй, Пензенскяй, Нижегородскяй областтнень и Российскяй Федерациянь лия субъекттнень эзда, коса вятьсазь эсь тевснон Межрегиональнай организациять отделениянза, ванозь инь няевикс кизефкснень, конат теест эрявихть пяшкодемс тяддень кизоть кувалмоста.

 

Тячиень номерса ня и лия кизефкснень колга, конат тячи ащихть  Межрегиональнай организациять и сонь региональнай отделениянзон инголе, эсь мялензон лувиеньконди азондозень Исполкомонь членць, Ульяновскяй областень мокшэрзянь национально-культурнай автономиять председателец В.А.Софонов.

 

—Пара мялезон, мес Исполкомть заседанияса мархтонк тяфта жа работасть Мордовия Республикань Оцюнять аф лама пингс тевонзон тиендисна А.А.Здунов, республикань Оцюнять Администрациянц, Правительствань, Государственнай Собраниянь, Саранск ошень Администрациянь, высшай образованиянь учреждениянь, национальнай творческяй интеллигенциянь и печатнай изданиянь представительхне. Сяс тейне тячи ули кода азомс: сембе кизефкснень, конат кепсевсть и ванондовсть Исполкомть заседанияса, марстонь вийса тейнек пяшкодевихть сяда цебярьста и курокста.

 

—Владимир Анатольевич, конат ня кизефкснень эзда путовихть васенце вастти Ульяновскяй областень мокшэрзянь национально-культурнай автономиять тяддень работасонза?

 

—Койсон, сембе тефне, конатнень пяшкотькшнесазь Мордовскяй (мокшень и эрзянь) народонь Межрегиональнай общественнай организациясь и сонь региональнай отделениянза, няевикст и пяк эрявикст. Сяс мес синь тиемстост Мордовия Республикаса и Россиянь лия региоттнень эса, коса  компактнайста эряйхть мокшэрзят, ванфневихть-касфневихть мокшень и эрзянь кяльхне, народоньконь национальнай культурац и коенза.

 

Но тяка пингть эряви азомс: тя кизонь инь няевикс и эрявикс кизефкснень ёткса васенце вастса ащи фкя кизефкс, конань лац-ряц пяшкодеманц лангса тейнек сембонди эряви эрьгавста и маштозь работамс. Мон корхтан Населениянь Всероссийскяй переписть колга, кона странаса арьсекшневи ётафтомс тяддень 23 августста сявомок и 30 сентябрти молемс. И, конешна, шарьхкотьф: тейнек эряви тиемс семботь, мезсь эздонк ащи, Всероссийскяй переписть итогонзон коряс народоньконь марстонь лувксонц аф прафтоманкса-кирьфтаманкса!

 

—Кодама работа тя и национальнай лия эрявикс кизефкснень пяшкодеманкса кармай вятема Ульяновскяй областень мокшэрзянь национально-культурнай автономиясь?

 

—Койсон, тяддень Всероссийскяй переписть итогонзон коряс народоньконь марстонь лувксонц аф прафтоманкса тейнек эряви кеподемс мокшэрзятнень национальнай самосознанияснон. Тянь ули кода тиемс национальнай аф фкя лацонь мероприятиянь ётафтомать вельде.

 

Кепотьксонди, Ульяновскяй областьса 29 мартста ётафтовсь региональнай видеосовещания. Пингстонза мокшэрзянь национально-культурнай автономиянь  представительхне областень образованиянь Управлениянь руководительхнень, школань  директорхнень мархта ванондозь, кода тонафневихть мокшэрзянь литературась и мокшень и эрзянь кяльхне Ульяновск ошса и областень муниципальнай райоттнень эса. И, эряви азомс, мокшень и эрзянь кяльхнень, национальнай литературать и культурать тонафнемаснон коряс Ульяновскяй областьса тефне ладяфт сатомшка лац.

 

Кепотьксонди, тяниень пингть школаса мокшень и эрзянь кяльхнень, мокшэрзянь литературать и национальнай культурать тонафнесазь 1814 ученик. Ётай кизоть коряс ня тонафнихнень лувкссна кассь 20 процентта.

 

Тяфта жа тя тонафнемань кизоня Ульяновскяй областень Кузоватовскяй райононь Кивать велень школаса, коса директоркс работай О.В.Милешина, шабатне 1-це класста сявомок и 4-цети молемс ушедсть тонафнема эрзянь кяльть.

 

Койсон, Всероссийскяй переписьта инголе кеподемс мокшэрзятнень национальнай самосознанияснон тейнек тяфта жа няевиста лездыхть мокшэрзянь кялень Всероссийскяй шись и Ульяновскяй областень «Шумбрат» Межрегиональнай фестивальсь. Сон арьсекшневи ётафтомс Ульяновск ошса тяддень майть песта.

 

Тяда башка, конешна, Ульяновскяй областень мокшэрзянь национально-культурнай автономиясь арьси ётафтомс национальнай илат областень муниципальнай эрь районца, коса компактнайста эряйхть мокшэрзят. Койсон, ня мероприятиятне тяфта жа сувафтсазь эсь путксснон Всероссийскяй переписьта инголе мокшэрзятнень национальнай самосознанияснон кеподемаса-касфтомаса. Сяс мон надиян: Ульяновскяй областьса Всероссийскяй переписть итогонзон коряс, тейнек удалай аф аньцек ванфтомс, но и цютькада касфтомс мокшэрзянь народть марстонь лувксонц.

 

—Народоньконь марстонь лувксонц ванфтоманкса тейнек, мокшетненди и эрятненди, Всероссийскяй переписть пингста эсь национальностеньке эряви сёрматфтомс «мордва» валса.

 

—Афкукс тяфта. Мордва лемть коряс минь, мокшетнень и эрзятнень, содасамазь сембе мирса. Сяс Всероссийскяй переписть пингста тейнек сембонди эсь национальностеньконь эряви азомс-сёрматфтомс «мордва» валса. Тяфта эряви тиемс, историческяй видешить ванфтомада башка, мокшэрзянь народть переписть итогонзон коряс марстонь лувксонц аф прафтоманкса.

 

Кинь ули мялец няфтемс эсь прянц народоньконь субэтносса, койсон, можна сёрматфтомс эсь национальностенц тяфта: «мордвин—мокша, мордвин—эрзя, мордовка—мокша, мордовка—эрзя». Но «мордва» валти национальностеньконь сёрматфтомста эряви улемс васенце вастса.

 

—Владимир Анатольевич, койсот, кодама кизефкст эрявихть ваномс тя кизонь «Волгась—ялгаксшинь ляй» Международнай этнокультурнай экспедицияса?

 

—Кода содаф, «Волгась—ялгаксшинь ляй» Международнай этнокультурнай экспедициясь тядде ётай 20-да ни. Тейнек сашендовсь аф весть работамс тоса. Сяс мон лац содаса сонь позитивнай потенциалонц, кона сувафтсь лама цебярьда мокшень и эрзянь кяльхнень, национальнай культурать, коеньконь ванфтоманкса и виияфтоманкса.

 

Тяддень  юбилейнай экспедицияса, кялень и культурань  кизефкста башка, тейнек тяфта жа эрявихть ваномс кизефксне, конат сотфт мокшэрзянь национальнай работать од уровеньц кеподеманц мархта.

 

Лиякс мярьгомс, койсон, сась пинге тейнек тиемс-панжемс Мокшэрзянь Всероссийскяй национально-культурнай автономия. Тиемс татархнень, чувашнень и Российскяй Федерациянь лия нароттнень лаца, конатнень улихть ни аф аньцек Всероссийскяй национально-культурнай автономиясна, но и Всемирнай конгрессна.

 

Тиемс тяфта, койсон, эсонк кошарды сонць Пингсь!

 

—Удалаза арьсефонте, Владимир Анатольевич.

 

—Сюкпря. Эрь кись ётави аньцек сянди, кие ланганза моли.

 

В.Нестеров.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022