Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ПИСАТЕЛЬ, КОНА МАШТСЬ ПЕЕТЬКШНЕМА

Мокшэрзянь журналистикаса и литератураса лац содаф журналистть и писательть Михаил Степанович Моисеевонь лемоц. Сонь стихонза, очерконза, фельетононза, рассказонза, поэманза, повестенза кельговсть лувити. А инь цебярь произведениянза печатлакшневсть аф аньцек Мордовияса, но и Москуса, Ижевскяйса, Сыктывкарса, лия вастса.

 

Шачсь Михаил Степанович 1939 кизонь 17 октябрьста Москуса, а кассь Торбеевскяй райононь Сире Пяцера мокшень велеса. Тяза тядянза-алянза мрдасть меки войнань кизотнень. Велень школать аделамда меле мокшень цёрась тушендсь Казахстанонь целинав. Сяльде работась стройкаса, сахаронь тии заводса.

 

1962 кизоня сай Саранскяи. Кармай тонафнема Мордовскяй госуниверситетса. Няемок мокшень цёрать сёрмадомань оцю асувонц, сявови литсотрудникокс «Мокшень правдав». Эсь эряфстонза комсь ветиеда лама киза сон макссь родной кяльса лисенди газетати: ульсь литературнай сотрудникокс, корреспондентокс, отделонь заведующайкс. Тя пингста Михаил Моисеев эсь ёненц и седиенц пачк ётафтсь тёжятть факт и события, тёжятть ломанень судьба, конат  мусть васта статьянзон, очерконзон, зарисовканзон, интервьюнзон и лия жанраса сёрматф седиень токай материалонзон эса. Ламоц очерконза лемтьфтольхть мокшэрзянь содаф писательхненди, культурань работникненди. Синь ётксост—профессорсь Н.И.Черапкин, поэтсь-песенниксь П.Черняев, прозаикне В.Виард, П.Левчаев, редакторсь В.Сурков, поэтсь И.Кудашкин, журналистсь П.Вельматов, лиятне. Лама интереснай, питни сёрмадсь сон эсь земляконц, сембе мирти содаф мокша ломанть, Советскяй Союзонь Геройть, легендарнай лётчикть Михаил Петрович Девятаевонь колга. Синь ётксост улихть и пьеса, и поэма, и документальнай азкст. Одкстоптозе и поладозе и Михаил Девятавонь «Побег из ада» книганц.

 

Михаил Степанович пяк кельгозе сингоряманц-рахсеманц. Тя лац приметневсь сембонди, кие васьфнесь мархтонза. Фталга сонь тякокс и лемнезь—Кячказ. «Мокшень правдаса» работамстонза лама киза мельцек аноклакшнезе и пеетькшнемань «Кячказ» уженять, коса сидеста печатлакшневсть сонцень юмористическяй азксонза, фельетононза. Сяльде 1979 кизоня Мордовскяй книжнай издательстваса нолдафоль пеетьфти азксонь книганяц. Лемоц—«Кячказ». Тя книжкась арась васенцекс писательть творчествасонза, кона меле козякофтовсь лама лияса. Лувись лямбоста примазень «Атякшень шонгарям», «Куцемат—сюцемат», «Колма горенцят», «Пяльди вармат» книганзон. 1977 кизоня лиссь «Оду аф няйсамасть» повестец, а 2009 кизоня—«Эряфть аф лоткафтсак» книгац.

 

Лятфтасаськ: М.С.Моисеев фкя пингть «Мокшень правдаста» ётнесь Мордовскяй книжнай издательствав, коса покодсь редакторкс. Сон аноклакшнезень мокшень писательхнень и поэттнень книгаснон печатьс, и лама мезьса лезнесь од сёрмадыхненди.

 

И коса Михаил Степанович афоль покоде, сембе вастса эсь прянц няфнезе эсь тевонь кельгикс и эсь тевонь лац содайкс, оцю ответственностень маряй ломанькс. Тянь вельде сон сатсь оцю уважения и авторитет       журналисттнень, писательхнень и лувихнень ёткса.

 

Эсь пара тевонзон, республикать инголе заслуганзон инкса М.С.Моисеев сатсь лама казне. Сон казьф «Журналист» журналть Почётнай дипломонц, МАССР-нь Верховнай Советть Президиумонц, РСФСР-нь культурань работниконь профсоюзонь ЦК-ть издательстватнень, полиграфиять и книжнай торговлять коряс РСФСР-нь Госкомитетть Почётнай грамотаснон мархта, а 1997 кизоня теенза максфоль Мордовия Республикань культурань Заслуженнай работниконь лем.

 

Тячи лувихненди макссаськ М.С.Моисеевонь пеетьфти азксонц.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022