Поиск по сайту: 
 

Архив
 декабрь 
 2022 
пн вт ср чт пт сб вс
   1234
567891011
12131415161718
19202122232425
262728293031 

 
 

 

Происшествият

ПИКССЕЗЬ АЛЯТЬ КУЛОМС 

Мес тяни ламоц од цератне кельгсазь винада, пивада копорямаснон? Енюфненди, тевса заняфненди аш мзярда якамс кафетнень-меснень ланга, шаракофнемс пряснон алкогольнай симомбяльса.  А пулю кяскавса вачкотьфне кодак копордайхть аф ламошкань, арайхть врьгазонь кодямокс и ушедыхть приключениянь вешендема.  То ломань стак ащемда обжайхть, то эцихть мезеньге салама. Теньгушевань кафта оболтусневок (фкяти 30, омбоцети 15 киза) кельгозь винада копорямаснон. Ся шиня синь симсть вельф лама, шаракодсть прясна и ушедсть пяляскоткшнема. Пикссезь 49 кизоса алять, ердазь седялу. Еразь одукс лябамс сонь, но ся кашт изь моле. Мзярс афтерьксне копорясть, алясь ни кулось.
 Но тя ашезень талакофта зверень седи ломаттнень. Синь сувасть 51 кизоса алять ширес и ушедсть пикссемонза. Сон савсь ускомс больницяв. Пара нинге лядсь шиса. А преступникне кундафт и улихть судендафт.

БРАКОНЬЕРХНЕ НАКАЗАФТ ШТРАФСА  

Моли тундань охотань пингсь. Охотникненди мярьгондеви шавомс кой-кодама нармонь, зверь. Шачема ширень перьфпяльть кельгиенза мзярдовок аф кеподьсазь ружьяснон сярдть, норкать и лия зверьхнень и звернятнень лангс.  Но улихть стамотка, конат арьсихть, улема, тяфта: «Мондедон меле катк хоть сембось ваяй ведьс».
 
Но тяфтапне эрявихть овснемс. Кода пачфнихть Россельхознадзоронь охотнадзоронь отделста, тундань охотать ушедомда меле кундаф 165 браконьер. Тяфта, Рузаевскяй райононь браконьерсь шавсь яксярга. А кода содаф, охотендамс лангозост тядде аф мярьгондеви. Тянкса теенза савсь пандомс кафта тежятть цалковай штраф. Теньгушевскяй райононь фкя охотниксь шавсь американскяй породань норка. Тя звернять шавоманкса охотниксь штрафовандаф 4 тежятть цалковайс.
 

ВЯТИХНЕ 
Саранск ошень Ленинскяй районнай судса судендавихть кафта преступникт. Синь муворгофневихть разбойнай тевонкса, автомашинань саламанкса, оружиянь и боеприпасонь ванфнеманкса. Кода содазе следствиясь, 1995 кизоня Саранскяйса пуроптфоль преступнай группа, конань составс сувсесть Печников, Аникин, Ерюшев и лиятне. 

 
 Печников ульсь бандань главарькс. Сон тиендсь платт, явондозе салаф паршить, няфнезе, коса сонь ванфнемс и мишендемс.
Вов аньцек фкя преступления, конань тиезь бандань участникне 1998 кизоня.  Синь састь фкя авать кудс, щафтсть прязост капроновай цюлкат и чакасть кенкшти. Преступникне содазь ни, што авать мирдец аш кудса и сяс мярьгсть: «Минь кандоме мирдцти ярмакт!» Авась аф содаф амбалхненди, кода эсь щенянзонды,  панжезе кенкшть и повсь преступникнень кядьс. Синь прафтозь авать кияксти, пандозь кядьса кургонц. Нельгозь золотань уськонянц, пильксонзон, а меле грабазь квартирать. Саласть паршида 80 тежянь цалковаень питне. Тумстост бандиттне сотнезь скотчса кяднек-пильгонек, ашкодозь одеяласа и коверса.
И тяфтама разбойда ульсь аф фкя. Преступникне улихть судендафт.
 

УЛЬСЬ СЯДА ЛАМА 

Тядде 411 пожархнень эзда 336 ульсь частнай куттнень эзга. Кальдяволь тянь ширде тевсь Дубенскяй, Ельниковскяй, Торбеевскяй райоттнень эса. Инь лама ломаньда юмась-арась Ичалковскяй, Зубово-Полянскяй, Рузаевскяй, Темниковскяй районца. Пожархнень пингста лама карьхцьта тиевсь Атяшевскяй, Дубенскяй, Инсарскяй и Теньгушевскяй райоттнень эса.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022