Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

«Сообщество» форумсь—Саранскяйса!

24-25 августста Саранскяйса ётафтовсь Российскяй Федерациянь Общественнай палатань «Сообщество» форумсь, коса ульсь 750-да лама участник странань 45 регионцта. Нят—РФ-нь и региональнай Общественнай палатань, од ломанень общественнай организациянь, Мордовиянь и странань лия региоттнень эзда государственнай властень представительхть, «Россиянь  лидерхт», «Монь Мордовиязе» конкурсса сяськихть и гражданскяй обществань активист.
Форумсь панжевсь И.М.Яушевонь лемса государственнай музыкальнай театраса «Социальнай лифттне: самореализациянди возможностень тиемась» лем ала пленарнай сессияса. Сяльде участникне 24-25 августста форумонь программать коряс Н.П.Огаревонь лемса Мордовскяй государственнай университетть аудиториясонза ётафтсть экспертнай сессият, «круглай шрат», панельнай и экспертнай дискуссият, интерактивнай мастер-класст и проектнай сессият. Пингстост ванондовсть, кодама лезкс эряви макссемс од ломаттненди, конатнень ули мяльсна касомс управленческяй и профессиональнай лия сфераса.
Тяда башка, ванонтфтольхть Приволжскяй федеральнай округонь социальнай инь цебярь проекттне и синь эряфс ётафтомаснон коряс рабочай опытсь.
«Сообщество» форумть работанц мельге видеоконференциянь режимса тяфта жа ульсь кода ваномс Российскяй Федерациянь эрь регионцта.
«Сообщество» форумонь «Социальнай лифттне: самореализациянди возможностень тиемась» лем ала Пленарнай сессиять эсь выступлениянц мархта панжезе Российскяй Федерациянь Общественнай палатань секретарсь Л.Ю.Михеева.
—Шумбратада, кельгома ялгат,—мярьгсь сон сессияс пуромфненди.—Тейне пяк пара панжемс тячи Россиянь Общественнай палатань «Сообщество» форумть Саранскяйса. Седи ваксстонь сюкпря сембонди, кит мархтонк залса и кит странань лия региоттнень эса работайхть мархтонк видеоконференциянь режимса. Тячиень форумса минь карматама корхтама социальнай лифттнень колга. Синь вельдест странань эрь од ломанти макссеви возможность няевиста кеподемс эсь профессиональнай уровеньцнон тя или тона сфераса. Но сатомс тя сатфксть, конешна, кармай аф тёждя. Сяс «Сообщество» форумса эсь опытснон колга од ломаттненди кармайхть азондома сят, конатнень улихть ни няевикс сатфкссна профессиональнай сфераса, лисемок сяськикс «Россиянь лидерхне» и федеральнай лия проекттнень эса, а тяфта жа региональнай конкурснень эса. Эсь опытснон од ломаттненди тяфта жа пачфтьсазь бизнес-сообществань, гражданскяй обществань эксперттне и лидерхне, Мордовиянь и странань разнай региононь государственнай властень представительхне.
Надиян, «Сообщество» форумсь эсь потенциалонц вельде канды лама цебярьда Мордовия Республикань и Россиянь лия региоттнень эзда од ломаттненди. Сятненди, кит профессиональнай сфераса касомда меле кармайхть касфтома-виияфтома эсь шачема-касома регионцост экономикать, велень хозяйствать, культурать, гражданскяй обществань институттнень и эряфонь лия сфератнень!
Сяльде форумс пуромфнень Мордовия Республикань Оцюнять аф лама пингс тевонзон тиендиснон А.А.Здуновонь лемста приветствовандазень республикань Государственнай Собраниять Председателец В.В.Чибиркин.
—Шумбратада, «Сообщество» форумонь участникт!—лямбоста мярьгсь пуромфненди В.В.Чибиркин.—Мордовия Республикань Оцюнять аф лама пингс тевонзон тиендиснон А.А.Здуновонь лемста арьсян теенть цебярь работа и азондан оцюдонга оцю сюкпря Россиянь Общественнай палатати Саранск ошть форумонь ётафтома вастокс кочкаманкса.
Мордовия Республикань столицась—инжиень кельги ош. Тяса минь фалу ётафнетяма оцю мероприятият, коса уленди ламодонга лама ломань. Футболть коряс Миронь чемпионатть матчензон пингста, конат ётафтовсть Саранскяйса, кепотьксонди, ульсь 300000 лама болельщик омба масторонь кемотть странаста. И сембе синь азсть-кадсть цебярьдонга цебярь мяльхть-арьсемат Мордовия Республикать, сонь столицанц и ломанензон колга.
Кельгома ялгат, Артём Алексеевич Здунов надияй: «Сообщество» форумонь участникне, конат састь Саранскяи Россиянь пцтай сембе региоттнень эзда, «круглай  шраса», экспертнай сессияса и форумонь лия мероприятиятнень эса содафтсазь фкя-фкянь эсь профессиональнай козя опытснон мархта. И тянь вельде тиихть-кандыхть лама цебярьда кода Мордовия Республикать экономиканцты, культуранцты, велень хозяйстванцты, стане и Россиянь лия региононь эряфонь сембе сфератненди.
Тяда башка, койсонк, «Монь Мордовиязе» республикань кадровай проектть лаца—«Сообщество» форумсь, кона ётафтови «Социальнай        лифттне: самореализациянди возможностень тиемась» лем ала, тяфта жа панжи касомань профессиональнай од кит сембе участникненди!
Сяда тов «Сообщество» форумонь Пленарнай сессияса сонь рабочай шинь повестканц коряс тисть выступленият Мордовиянь и Россиянь лия региононь государственнай властень, общественнай организациянь и гражданскяй обществань институтонь представительхне. Нят—Мордовия Республикань Оцюнять и Мордовия Республикань Правительствать Администрациянц руководителенц васенце заместителец Б.Ф.Хайрутдинов, республикань Общественнай палатать председателец И.В.Капитонов, «Россиясь—возможностень страна»      АНО-нь генеральнай директорсь А.Г.Комиссаров, Культурнай инициативань Президентскяй фондонь генеральнай директорсь Р.В.Карманов и лия содаф ломаттне, конат лац-ряц содасазь, кода странаса работайхть социальнай лифттне и мезе эряви тиемс тяниень пингонь од ломаттненди эсь пряснон няфтеманкса.
Пленарнай  сессияда меле «Сообщество» форумть рамкаса 24-25 августста «круглай шрань», панельнай дискуссиянь, экспертнай советонь и лия форматса Н.П.Огарёвонь лемса Мордовскяй государственнай университетса ётафтовсь 29 мероприятия. Вятезь синь РФ-нь Общественнай палатань профильнай комиссиянь председательхне и  синь заместительсна. Экспертокс эрь мероприятияса ульсть Мордовия Республикань, Москувонь и странань лия региоттнень эзда государственнай властень, общественнай организациянь, наукань, культурань, образованиянь, велень хозяйствань, промышленностень и экономикань представительхне.
Форумонь мероприятиятнень эса ванфтольхть цифровой технологиянь, велень хозяйствань, национальнай культурань, образованиянь, гражданскяй обществань, предпринимательствань и эряфонь лия сферань инь няевикс кизефксне, конатнень эряфс ётафтомста тяниень пингонь од ломаттненди ули кода няфтемс эсь пряснон. И тянь вельде кеподемс профессиональнай сяда сери уровеньц.
Форумонь эрь мероприятиять итогонзон коряс, сонь участниконза сёрмадсть и кемокстасть рекомендацият. Синь вановихть «Сообщество» форумонь итоговай сессияса, кона ётафтови тяддень ноябрьста Российскяй Федерациянь Общественнай палатаса.
В.Нестеров.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022