Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ВЛАДИМИР ПУТИН АРЬСЕСЬ МОРДОВИЯ РЕСПУБЛИКАНЬ ОЦЮНЯКС КОЧКАФ АРТЁМ ЗДУНОВОНДИ ОЦЮ САТФКСОНЬ РАБОТА!

25 сентябрьста Россиянь Президентсь Владимир Путин видеоконференциянь режимса васетькшнесь Российскяй Федерациянь субъекттнень эса высшай должностной васттненди кочкаф ломаттнень мархта. Региононь вейхкса од Оцюнятнень лувксса васедемаса примась участия Мордовия Республикань Оцюнякс кочкаф Артём Здунов.

 

Васендакиге государствань руководительсь поздравляндазень сембонь Российскяй Федерациянь субъекттненди Оцюнянь васттненди кочкамаснон мархта. «Тинь сембонь ули ни тяфтама работань оцю опытонте, тинь содасасть, конашкава сон стака, веши лама вийда, шарьхкодьсасть, што лангозонт путневи оцюдонга оцю ответственность ломаттнень инголе. И тяса эряви эрь шиня  кемокснемс синь верондамаснон, работамс теест, работамс, кода миньцонк корхнихть, илештень кятть, седикс-ваймокс, няфнемс, што тинь эсь вастсонттада, што афкукс достойнайхтяда тя оцю вастти, и конкретнай тевса аноктада няфнемс кочкамада ингольдень программатнень и надияфнемантень пяшкотькшнемаснон. Эряви водендакшнемс эсь управленческяй командантень регионца инь оржа социальнай, экономическяй прябалатнень решандамаснонды и, конешна, регионть эффективнайста, и сяда курокстонь виияфтоманцты»,—азозе Владимир Путин.

 

Россиянь Президентсь азсь несколька важнай направления, конатнень коряс эряви строямс региононь одс кочкаф Оцюнятненди эсь работаснон субъекттнень виияфтоманкса. Васендакиге корхтамась мольфтевсь национальнай проекттнень эряфс ётафтомаснон колга, идень мархта семьятнень и лия категориянь граждаттнень, ёмла и средняй бизнесть ширеснон кирдемаснон колга, здравоохранениянь первичнай звенать одкстоптоманц, ташта эряма вастста одс ётафтомать, ошень и велень территориятнень благоустройстваснон колга, куттненди газонь нолдамать, а стане жа китнень, транспортнай и социальнай инфраструктурань объектонь строямать колга.

 

Сянкса, кода башка отмечазе Президентсь, региоттнень эзда эрявкснихть лац-ряц арьсеф и эсь пингстонь заявкат, грамотнайста, тевонь содазь ся средстватнень, конат получафт федеральнай центраста, карьхцямасна, а софинансированиянь сфераса—лац ладяф, эсь пингстонза эсь обязательствань пяшкотькшнемась.

 

 

Государствань руководительсь лятфтась субъектонь од оцюнятненди сембе пингть кирдемс соткст ломаттнень мархта, сявондемс мяльс синь советснон, штоба содамс синь мяльснон-арьсемаснон, кулхцондомс, кулемс синь предложенияснон. «Эряви мушендомс ломаттнень мархта марстонь кирдемань соткст. Политикне и управленецне сатнихть сатфкст, кда работайхть панжадоста, седи ваксста и тевонь содазь. Верондан, што тяфтама качестватне тинь улихть, и мялезе арьсемс теенть цебярь, няевикс результатт сай пингонь работасонт и, инь главнайсь, сембе пингть мяляфтомс, што государственнай службась—эрьда нинге весть тянь колга азсаськ—служба, а тя валть эзда производнай глаголсь—«служение». Сяс службась—тя васендакиге служамась. Служамс ломаттненди, конат макссть теенть доверия занямс тяфтама оцю постт и надияйхть тинь цебярь работантень лангс»,—мярьгсь Россиянь Президентсь.

 

Владимир Путин корхнесь одс кочкаф эрь губернаторть мархта. Мордовиянь Оцюняти Артём Здуновонди государствань руководительсь тяфта жа арьсесь сатфкст, отмечамок цебярь результаттнень и работань темпнень, конатнень няфнесыне регионць: «Задачадонт тинь аф кржа сяда ингольденнеть коряс. Ков сяда оцю планкась, тов сяда келихть горизонттне, тов сяда лац шарьхкодеви ся, што эряви тиемс нинге пяк лама. Аф карман азондома нинге весть сянь, конань колга минь корхнеме инголи. Надиян, што  работась кармай мольфтевома сяда товга тяфтама жа темпса, конань тинь кочкасть мекольдень пингть. Мялезе арьсемс теенть сатфкст!»

 

Одкс кочкаф Мордовиянь Оцюнясь Артём Здунов азсь спасибамань валхт государствань руководительти  максф довериянкса и башка отмечазе: «Арьсян, што «Единая Россия» партиять и субъектонь Оцюнять кочкамань серьёзнай результатоц ащихть тонь ширень кирдемацень эзда. Мялезе азомс, што минь сембе команданьке водендаф конструктивнай цебярь работанди. Карматама старандама. Оцю спасиба!»

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022