Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Мордовиянь государственнай камернай хорть художественнай руководителец, республикань искусствань Заслуженнай деятельсь П.В.КАРТАШОВ: «ХОРОВОЙ СИМФОНИЧЕСКЯЙ КАПЕЛЛАСЬ ЛЕЗДЫ КЕПОДЕМС ИСКУССТВАНЬКОНЬ ОД СЕРЬС!»

Тяддень 22 ноябрьста Мордовиять столицаса отчётнай концертса васьфтьсы-ётафтсы эсь 30 кизонь юбилеенц Мордовия Республикань государственнай камернай хорсь.

 

Академическяй искусствань тя коллективть творчествац цебярьста содаф аф аньцек Мордовия Республикаса и Российскяй Федерациянь лия региоттнень эса, коса компактнайста эряйхть мокшэрзят, но и омба масторса. Хорсь ламоксть арсесь Межрегиональнай, Всероссийскяй и Международнай хоровой фестивалень лауреатокс, аф весть казендевсь Мордовия Республикань Оцюнянь и Государственнай премияса, теенза максф Мордовия Республикань народонь культурнай наследиянь пяк питни объектонь статус.

 

Тячиень номерса Мордовия Республикань государственнай камернай хорть тяниень творческяй эряфонц и сай пингонди планонзон-арьсеманзон колга лувиеньконди азонды тя коллективть художественнай руководителец, республикань искусствань Заслуженнай деятельсь П.В.Карташов.

 

—Мордовия Республикань Правительствань 2019 кизонь 12 августонь Распоряжениянц коряс МР-нь государственнай камернай хорсь сувафтф «Мордовская государственная филармония—Республиканский дворец культуры» государственнай бюджетнай учреждениять составс. Но задачатне, конат путфтольхть коллективти сонь панжемстонза, ашесть полафта.

 

Лиякс мярьгомс, камернай хорсь зрительхненди пачфнесы странань, республикань  национальнай моронь морамань  культурать академическяй искусствань форматса. Кода и тяда инголе, хорть репертуарса, Мордовиянь и Россиянь композиторонь произведенияда башка, улихть мировой классиконь шедеврат.

 

Тяддень 23 сентябрьста «Ару вайгялень пиндолдома» концертса, конань мархта Мордовскяй государственнай филармониясь панжезе концертнай 78 сезононц, камернай хорсь Н.Кошелевать, С.Терхановонь, Г.Сураевонь-Королёвонь и республикань лия содаф композиторхнень мороснон мархта тяфта жа моразень С.Рахманиновонь, М.Глинкань, А.Вивальдинь, Д.Пуччининь  произведенияснон.

 

А 27 сентябрьста Республиканскяй культурань дворецса «Барочнай музыкань илядь» лем ала ётафтовсь минь коллективоньконь и Мордовия Республикань государственнай камернай оркестрать марстонь концертсна. Кода няевсь, сон пяк тусь зрительхнень мяльс. Сяс тя коллективть мархта ладяме ни творческяй кеме соткст, конатнень вельде минь аноклатама концертнай марстонь од программат.

 

Фкять синь эздост зрительхне няйсазь тяддень 22 ноябрьста Мордовия Республикань республиканскяй Культурань дворецть сценанц лангса. Тя концертсь кармай лемтьф Мордовия Республикань государственнай камернай хорть 30 кизонь юбилеенцты.

 

Юбилейнай концертса кармайхть кайгома  Мордовиянь, Россиянь и омба масторонь содаф композиторхнень произведениясна мокшень, эрзянь, рузонь, итальянецонь кяльса. Сембе ня произведениятне хороньконь репертуарса эряйхть ни аф фкя киза и фалу тушендыхть зрительхнень мяльс.

 

Синдедост башка, юбилейнай концертса кайгозевихть од произведеният, коса минь коллективоньке ёрай кеняртьфтемс зрительть!

 

—Павел Владимирович, содаф, республикань государственнай камернай хорсь ётай кизотнень пингста сатомшка сидеста улендсь Международнай, Всероссийскяй фестивальса, а тяфта жа яксесь гастрольс странань маластонь и ичкоздень региоттненди. Кода ащихть тефне  тядде?

 

—Коронавируснай пандемиять инкса ладяф ограничениятнень сюнеда тейнек савсь атказамс фестивальхнень и ичкоздень гастрольхнень эзда.

 

Тядде минь  работаме Саранскяйса и республикань райоттнень эса. Концертоньконь ётафтомста, конешна, нолявихть тевс санитарнай нормань сембе вешфксне.

 

Тяддень кизоть аделавомс минь карматама макссема концертт республикань вузонь, колледжень студенттненди «Пушкинская карта» проектть рамкаса. И, конешна, макстама концертт лия зрительхнендивок кода республикать столицаса, стане и райоттнень эзга.

 

Сай кизонди творческяй планцонк арьсефт и фестивальхть, и оцю гастрольхть. Хорть репертуароц няевиста козякофтф од произведенияса, сяс тейнек ули мезе няфтемс и фестивальса, и гастрольса.

 

Надиян: сай кизоня пандемиять инкса ладяф ограничениятне лафчептовихть и тейнек сембе арьсефть  удалай ётафтомс эряфс.

 

—Кода содаф, камернай хорсь—тя академическяй искусствань коллектив, коса покодихть оцю профессионализма мархта творческяй ломатть. Кода тяниень пингть ащи тевсь тяфтама кадратнень мархта?

 

—Конешна, культурань тяфтама коллективса, кода республикань государственнай камернай хорсь, ули кода работамс аньцек оцю квалификация и творческяй оцю потенциал мархта артистти. И тянь тейне тячи ули кода азомс хоронь эрь солистть, артистть и сотрудникть колга.

 

Кода содаф, искусстваса фалу ули коза касомс. Сяс камернай      хоронь сембе          артисттне и монцьке синь мархтост фалу тонафнетяма. Касфнесаськ квалификацияньконь консерваторияса, культурань вузса и лия учреждениятнень эса.

 

Тя пингста минь тяфта жа сатомшка няевиста касфтоськ хоронь артистонь лувксть. Кда нинге кафта кизода инголе хорса морась 26 артист, то тяни эздост коллективса  оцю квалификация мархта 36 творческяй ломань. И, конешна, тяфтама составса хорть морамац кайгозевсь ламода сяда вииста, келиста и валдста!

 

—Владимир Павлович, кодама тяниень пингонь инь оцю мяльце-арьсефце, конань  сяда курок ёралеть ётафтомс эряфс?

 

—Кода содасы зрителеньке, Мордовия Республикань государственнай камернай хорсь колмогемонь кизоста, мзярс сон работай академическяй искусствань сфераса, нолдась тоса творческяй кеме юрхт. И, койсон, тячи хорти сась пинге тиемс нинге фкя аськолкс, кона сувафтсы сонь странань содаф  хоровой коллектифнень ёткс.

 

Лиякс мярьгомс, сась пинге пуроптомс фкя коллективс Мордовия Республикань государственнай камернай хорть и республикань государственнай камернай оркестрть. Эста ня коллектифнень эзда шачи Мордовия Республикань хоровой симфоническяй капеллась, кона лихтьсы республикань лама национальностень моронь и морамань культурать ламода сяда няевикс уровеньц!

 

—Удалаза арьсефонте.

 

—Сюкпря!

 

В.Нестеров.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022