Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

МОРДОВИЯНЬ ПРОМЫШЛЕННАЙ ПРОЕКТТНЕ ВИИЯФНЕВИХТЬ

12 октябрьста Москуса ётафтовсь Российскяй Федерациянь промышленностень и торговлянь министрть Денис Мантуровонь и Мордовиянь Оцюнять Артём Здуновонь рабочай васедемасна. Ванондовсть регионть промышленнай виияфтоманкса важнай проекттнень эряфс ётафтомаснон коряс кизефксне.

 

Васедемать ушетксста Денис Мантуров отмечазень республикать промышленнай производствань индексонь стабильнай показателензон. Тяфта, кепотьксонди, тяддень январьста сявомок июль ковти молемс индексонь показательхне сяда оцюфтольхть, кда сявомс марнек странать эзга—1,1 процентта. Тяконь мархта, Мордовия Республикать доляс сашендови кели колеянь магистральнай грузовой вагононь общероссийскяй производствать пцтай ветецекс пяльксоц, накаливаниянь лампань, дуговой и светодиоднай лампань, 5 процентть малава—цементонь и фанерань нолямась. Совещаниять пингста кепсевсь оптическяй волокнань нолямать виияфтоманц коряс кизефкссь и Мордовия Республикаса радиоэлектроннай промышленностень сфераса промышленнай технопарконь тиемась. Саранскяйса 2016 кизоста сявомок работай «Оптиковолоконные Системы» АО-сь—фкясь и сякось Евразийскяй экономическяй союзть территорияса оптическяй волокнань ноляйсь.

 

«Промышленностень и торговлянь министерствась кирнесы МР-нь Правительствать Россиять территорияса оптоволоконнай кабелень нолямать технологическяй этапонзон мельге контрольть виияфтоманц коряс предложениянц ширенц, тяконь лувксса кода васенце аськолкснень эзда фкять—кабельть лангс знакнень путомаснон, конат няфнесазь отечественнай продукциять башка импортнайть эзда»,—отмечазе Денис Мантуров.

 

Мордовиянь Оцюнясь китькстазе, што Россиянь Промышленностень и торговлянь министерствась тись ни нормативнай базать тиеманц и мерань примамать коряс оцю работа, кона водендаф российскяй производительхнень ширень кирдемаснон инкса. Примаф мератнень результатсна—2021 кизонь 9 кофнень пингста сатфт 1,8 миллион вайгяльбе кувалмоса ОВС-нь производствань оптическяй волокнань мишендемань рекорднай объёмтне, ётай кизонь тяка пингть коряс кассь колмоксть. Тяконь мархта, отечественнай рынкаса российскяй волокнать доляц тядде арась 24 процент, 2018 кизоня ульсь 9 процентт.

 

Радиоэлектроннай промышленностень сфераса промышленнай технопаркть проектонц Мордовияса ули кода ётафтомс эряфс государствать ширде ширень кирдемань од механизмань рамкаса. Сяда тов тя производствась касфтови «Светотехника» индустриальнай паркть территорияса, конань тиемац сувафтф 2022-2026 кизотнень Мордовиять социально-экономическяй виияфтоманц программанцты. Радиоэлектроннай, светотехническяй и стекольнай промышленностень сфераса од производстватнень тиеманкса арьсекшневи нолдамс тевс «Лисма» заводть модань участканц и имущественнай комплексонц.

 

Тяфта жа васедемаса ванондовсь республикань народнай художественнай промыслатнень ширень кирдемаснон коряс кизефкссь. Денис Мантуров примазе Артём Здуновонь Мордовиянь производительхнень народнай художественнай промыслань организациятнень лувксс сувафтомаснон колга предложениянц, конатнень ширесна кирневи федеральнай бюджетонь средстватнень вельде, а стане жа регионть сувафтоманц колга предложениять территориятнень ванфтомаснон и койхнень-обуцятнень виияфтомаснон ширень кирдемаснон коряс «ТЕТРА» пилотнай проектти.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022