Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Республикань Оцюнять рабочай васедеманза

11 октябрьста Мордовиянь Оцюнясь Артём Здунов ётафтсь рабочай васедема Мордовия Республикать эзда сенаторть Пётр Тултаевонь мархта. Ванондовсть Мордовиять социально-экономическяй виияфтоманц и республикань Правительствать федеральнай властть мархта марстонь работань вятемать коряс кизефксне, парламентть верхняй палатасонза республикать интересонзон ширень кирдемаснон коряс марстонь работань направлениятне.

 

Пётр Тултаев азсь спасибамань валхт Мордовиянь руководительти максф довериянкса. «Тейне улемс сенаторкс—тя оцю ответственность, и мон карман старандама эсь работасон улемс кода можна сяда полезнайкс республикати»,—мярьгсь сон.

 

Мордовиянь Оцюнясь азозе, што Пётр Тултаевонь профессиональнай опытоц лезды няфтемс прянц культурать, образованиять, национальнай политикать виияфтоманц коряс кизефкснень эса. «Сембе ня направлениятне пяк важнайхть, республикаса ётафневихть эряфс национальнай проекттне, эряви, штоба минь активнайста тяса работалеме,—отмечазе Артём Здунов.—И, конешна, надиян, што Тон сяда тов кармат мольфтемонза финно-угорскяй направлениять коряс работать. Тейнек эряви виияфнемс национальнай эсьлацоньшиньконь, занцемс сембоса, мезсь тянь мархта сотф, работамс марса международнай организациятнень мархта—Тонь улихть тянкса сембе полномочиятне. Арьсян Тейть сатфксонь саты работа од вастса!»

 

***

 

 

11 октябрьста Мордовиянь Оцюнясь Артём Здунов ётафтсь рабочай васедема Россиянь боксонь Федерациять генеральнай секретаренц Кирилл Щекутьевонь мархта. Ванондовсть регионца боксть виияфтоманц и содафокс тиеманц коряс марстонь тевонь вятемань кизефксне.

 

Мордовияса бокссь—спортонь инь главнай виттнень эзда фкясь, спортивнай резервать анокламац мольфтеви 6 учреждениятнень эса, коса занци пря 1170 ломань. Боксть коряс Российскяй Федерациянь сборнай командать составс сувсихть республикань 6 спортсметт.

 

Васедемаса отмечафоль, што регионца уликс спортивнай инфраструктурась максси возможность виияфнемс спортонь тя видть.

 

«Виияфтомань уликс программать рамкаса минь арьсекшнетяма 4 кизоста кафксть касфтомс иттнень лувксснон, конат  заняфт боксса—Мордовияса тяфта жа улихть тянкса сембе возможносттне»,—мярьгсь Кирилл Щекутьев. Россиянь боксонь Федерациянь руководительсь мярьгсь Артём Здуновонди арамс оцюнякс региональнай ассоциациянь наблюдательнай советти.

 

Тяда башка, ширетне састь фкя мяльс пуроптомс республикаса авань боксть виияфтоманц коряс старандаматнень, сяс арьсекшневи ётафтомс Мордовиять площадкасонза федеральнай уровенень оцю пялькстомат.

 

Тяфта жа ванондозь регионца студенческяй боксонь лигать виияфтоманц и Мордовиянь боксонь Федерациять мархта спортивнай базатнень материально-техническяй ширде кемокстамаса марстонь работать вятеманц коряс кизефкснень.

 

Мордовиянь Оцюнясь мярьгсь ваномс республикаса спортсметтнень-профессионалхнень зрелищнай бойснон эзда фкять ётафтоманц коряс возможностть. «Мазы спортивнай шоусь—тя инь цебярь вариантсь боксть содафокс тиеманкса!»—азозе Артём Здунов.

 

Васедемаса примасть участия МР-нь спортонь и од ломанень политикань министрть тевонзон тиендисна Александр Савилов, боксть коряс Россиянь Заслуженнай тренерсь, авань сборнайть старшай тренероц Альберт Муталибов.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022