Поиск по сайту: 
 

Архив
 июль 
 2022 
пн вт ср чт пт сб вс
    123
45678910
11121314151617
18192021222324
25262728293031

 
 

 

Юмор и сатира

КЕЛЬГОЗЕ УФАЙКИН РАХСЕМАНЦ

Соня цють аф марнек       ошенц ётась.

 

Кенярдсь—пара мусь

 

                                        работа.

 

Мешень водяй ульсь

 

                           контора ошса.

 

Соня секретарша тяни

 

                                            тоса.

 

Оцюняц Уфайкин Проня,

 

Кодак няезе—и шназе.

 

Мялезонза тусь пяк Соня,

 

Покодема и примазе.

 

Ато ульсь сонь

 

                            секретаршац,

 

Кой-кит няендезь и рахасть.

 

Арьсесть колганза аф

 

                                       парста,

 

Мес цють аф крхтапа якась.

 

Мяштец штада, юбканяц

 

                                   нюрьхкяня,

 

Эрь, а кенженза кувакат.

 

Пронянь рьванц мяльс

 

                                    ашезь ту,

 

Пельсь—прянц шаракофтсы

 

                                     мирденц.

 

Лия секретарша муль сон—

 

Кошардозе,

 

Короц ашезь кирдев…

 

Сонявок хуш якась

 

                                 моднайста,

 

Но сонь мяштец аф прокс

 

                                    штадоль.

 

Щафоль сон най одняса,

 

Щафоль сон—што нада!

 

Сась, няк мазы шляпаса,

 

Панчфу сарафанца.

 

Ушедсь сей-тов якама

 

Сери кочкярянзон лангса.

 

А Уфайкин нинге аяш,

 

Кабинетонц панжезе.

 

Ведь графинозонза каясь,

 

Кару лиендсь—панезе.

 

ххх

 

Курокста ни эвондась

 

Сонць Прокофий,

 

Сонць Уфайкин.

 

Пелендсть кой-

 

             кит эздонза,

 

Озондсть нльне

 

               Шкайти—

 

Афолезе нолда

 

                            сонь

 

Тячи тага рахсема.

 

Ато прокс аф машты сон

 

Апак сингорякшнек ащема.

 

Сембода пяк аватнень

 

Дразнязень Уфайкин.

 

Анок цють аф аварьфтемс,

 

Кда архнефт пяк трватне.

 

Кизефнезе Аксякать:

 

—Кодамат тон авась?!

 

Вадендьсак вдь краскаса

 

Мирдцень—мзярда палат.

 

Акся нльне мазоми.

 

А Уфайкинть каршес

 

Мезевок аф азови.

 

Оцюня сон—арьсек!

 

Нинге кяженц сафнезе

 

Сидорова Натань,

 

Мзярда тага рахсезе,

 

Шяяренза мес кувакат.

 

Курок, кле, афи фатят,

 

Лангозост тонць шятят.

 

—Тянкса тямак изгорда!—

 

Ната музе, мезе азомс.

 

—Тянкса тейть мон

 

                                 выговор,—

 

Мярьгсь Уфайкин,—казян!..

 

Сонянь апрякамска сон,

 

Козк сувась, туфталня мусь:

 

—Сери кочкярятне тонь

 

Мялезон, кле, исть ту.

 

Покор-покор!—лангсост

 

                                             якат,

 

Мярьгат, эськт кияксти

 

                                         вачкат.

 

Сетьмоняста якак тяса.

 

Покодят аф кузенцяса…

 

Соня прянц нльне шуказе.

 

—Ванды, кле, щаян

 

                                босоножкат.

 

И Уфайкин тянкса шназе:

 

—Молодчинат—щаят

 

                               босоножкат!..

 

Эрь, а тяни, кле, тяза

 

Сембонь серьгядить,

 

                     тихтяма пуромкс.

 

Речь мон аф кувака азан…

 

ххх

 

Сембе пуромсть курок.

 

Анна щакась поздазе.

 

Сон главбух—изь пеле.

 

Но мес тячи поздазе,

 

Каендазь сон меле.

 

Соньге изь ужяльде

 

Оцюняц Уфайкин,

 

Сембе ширде, сембе пяльде

 

Ванозе и рахси:

 

—Анна-свет Ивановна,

 

Мес валом пяк шерьхкондят?

 

Учсеть, сайхть тонь

 

                                 кандомот?

 

Кандомс  стакат—

 

                                  эчкомоть…

 

Аннаканьке комафтсь прянц,

 

Мярьгат, кургоц сяпиясь.

 

Ёфси ашезь учсе тянц,

 

Аннаканьке кяжиясь.

 

Мусь Уфайкинти ответ,

 

Лемдезе уфамонь ноляйкс.

 

Сюцезе, сон рахси мес,

 

Сембонь лангс килькшканзон

 

                                              ёряй.

 

Стясь Уфайкин.

 

—Но-но-но!—

 

Анна щакать кардазе:

 

—Лоткак! Тяса аф кино!..

 

Ливозть конястонза

 

                                      нардазе.

 

ххх

 

Салаване сей сувась

 

Тя конторать ваныец.

 

Митя атя сей сувась,

 

Кивок ашель паниец.

 

Салаване ётась сон

 

Акша холодильникти.

 

Панжезе… Путсь мезе сон,

 

Ашезь содав киндивок.

 

Кагодс ашкотф салу калхт

 

Путсь—цютькада

 

                                    шинияфт.

 

Мялезонза тусть—пяк

 

                                           пархт.

 

Лавкаста ульсть рамафт нят.

 

Шиниясть мзярда—

 

                                  фатясть,

 

Мишендезь «со скидкой».

 

Пандсь синь инксост атясь

 

Аньцек пяле питне.

 

ххх

 

Сембе сетьмость, а

 

                              Уфайкин

 

Ёрась ушедомс эсь реченц.

 

Шалхкозонза, шять, сонць

 

                                   шяйтанць

 

Вдруг аф пара шине эцесь.

 

Козк Уфайкин тянц

 

                                    никсась,

 

Секретаршанцты ювадсь:

 

—Соня, коста, азк, тя аеркс

 

                                   шинесь?

 

Соня абондсь, апак

 

               каштортт ащесь…

 

И вдруг мзолгодсь:

 

—Прокофий Львович, мзярс

 

                               тон ашелеть,

 

Тяса ашель… кодамовок

 

                                           шине…

 

Мярьгат, пораф боцькя

 

                                      лопадсь,

 

Сембе ашесть кирде—

 

                    рахасть, рахасть.

 

Кяденц кеподезе оцюнясь,

 

И лоткасть.

 

Кяжияф Уфайкин мековасу

 

                                        якась.

 

Меле мярьгсь сон:

 

—Пуроптама ванды…

 

ххх

 

Омбоце шинявок шись изь

 

                     учсе—лиссь.

 

А Уфайкинть кядьса ручкась

 

                                       кштись.

 

Тяштсь приказ сон:

 

Сялги кялю секратаршать

 

                                      панемс…

 

Но изь прядов тяштьфоц,

 

Вдруг циннязевсь

 

Телефоноц,

 

Теенза гайфтсть вярде.

 

Вайгяльсь казямкс кулевсь,

 

                                   нардекс.

 

Серьгядезь сонь:

 

—Оцю куду сак!

 

Седи ваксста корхнетяма…

 

«Тя—аф стак!»—

 

Смеказе Уфайкин и срхкась,

 

Кавлалонза фатязе

 

                             портфеленц.

 

Вярде кодама куля кундась?

 

Азозь, мезьда сон кунара

 

                                    пелендсь.

 

Медю вастста апак учсек

 

                                   валхтозь,

 

Валхтозь и нльне изь сюце.

 

Шять, Уфайкинть, кле,

 

                                      касфтозь:

 

Тувонь фермав покодема

 

                                         кучезь.

 

Анатолий Тяпаев.

 


21.10.2021 №41
 
 
 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин