Поиск по сайту: 
 

Архив
 июль 
 2022 
пн вт ср чт пт сб вс
    123
45678910
11121314151617
18192021222324
25262728293031

 
 

 

Юмор и сатира

Стака он

Эх и он няень ётай веня! Аф он, а дива. Онцтон мон, бта аф монан, а рьвязян, Алду. Прясон руця, лангсон нула, пильгсон сери кочкяря туфлят.

 

А коса, шта, арьсян, Алдувозе? Шарфтонь фталу, и эсь сельмоненди аф верондан. Алдувозе, бта аф рьвязе, а монан. Лапотьф койкати и офтокс крнай. Уды.

 

Арьсян, катк мирдезе, эрь ина Алдузе—уды, а мон ся ёткть кудонь тефнень тисайне.

 

Сембонди содаф, кудонь работась аф стака: кяскафт аф каннемат, шочкт аф веляфнемат. Кудса пульхкомась шямоню трёшниковок аф тии. Пежетьтоба! Тинь, алянят, пяк тяда эводе, кда онцтонт монь лацон вдруг кудазоравакс аратада. Камозяда стане, кода мон камозянь. Катк мирденте—ну, ина, рьвянте—удыхть. Тясть токсе. Вов и моннеське, кода ни азыне, кевадаф, а мон ся шовор Люся стирнязень и Вова цёранязень эшеляйне и матыне.

 

Вов и сембе кудонь тевозе. Тяда башка, кядьгонятнень штайне-нардайне, ковёрхнень шукадине, кияксть тяине. Да и сембе. Деряй тя лама?

 

Тоса тага кой-мезе тиень: паннень цюлкат, петфнень па- нархненди пунят, мирдезень костюмонц утюгса ётайне и шаба нулатнень муськине.

 

Тя вдь ёфси аф стака.

 

Тиине сембонь, озань и ащан: а кда ни озать, прясот аньцек кодама мяль аф шары. Арьсян, кода тяни шобдава мирдезти сафтомс, мезе теенза завтраконди пидемс. Сяда танцтиня.

 

Арьсян, вов тянь пидеса, тонань рястаса-пуштса, да, пожалы, пинге ни ваймамска. Ёрань ни велямс, да лядьсь мялезон: вай, да мон вдь нинге тага фкя тев юкстань—нинге шалхконь нардамань руцянятне муськомат да гладендамат. Катк мирдезе шалхконц ожазонза аф нарнесы.

 

Гладендайне, велянь койкати и нувазевонь. Вдруг маряса: мирдезе—ну, Алдузе—тостиесамань бокс:

 

—Стяк, ава, Вовась кати-мес тихольди.

 

Мон эняльгодонь:

 

—Шять, тон стялеть. Мон вдь аньцек мадонь.

 

—Мле,—корхтай,—сяконь и ёрань! Тон шачфтыть, тон и стяк!

 

Стянь, а шабась начка потмоса. Полафтыне вастонянц, косьфтайне нуланянзон и пяле частшка эсонза меки матнень.

 

Тага велянь. Кати удонь, кати аш? Маряса: мирдезе тага бокс тостядемань:

 

—Кулят, рьвя, Люсясь кати-мезе анай!

 

Стянь, молень Люсяти:

 

—Мезе тейть, стирняй? Симоманяце сась?

 

—Аха.

 

—Архт тонць.

 

—Тоса шобда... Вятемак.

 

Мзярс мековасу вятнине, варжакстонь вальмяти—кармась валдашкодома. Аш мзярда ни ваймамска. Эряви завтрак анокламс: шабатненди лофцоня лакафтома и маннай ямня пидема.

 

Ушедонь завтраконь пидема. Монць арьсян, ожу снярс кияксть штаса.

 

Штайне кияксть, андыне шабатнень, а тоса прважайне идень саду. Вов и сембе тевне.

 

Сембось цебярь, арьсян, вов кда нинге мирденьке тонадольхть шабань нулань муськома и соронь тяема. Сон вдь, арьсян, тя наукась аф пяк стака. Арифметикась тяса вдь простой: васенда тон шабатнень мельге якак, сяльде—мон.

 

Али кияксть. Тя ёткшить тон штайть, сай ёткшить мон штаса. Кда, арьсян, меки мирдекс аран, карман рьвязти седикс-ваймокс лездома.

 

Арьсеманень шорязень Вовась. Аварьгодсь, и мирдезе—Алду—койкаста пешкодсь:

 

—На, Вовать сявк! Штак и антк!

 

Вов и эста эводемать эзда сргозень. Плманжане трнатыхть, ронгозе вяри-вяри комотни, седиезе пялязкс шави.

 

Ванан: Вовась аф аварди, а пееди. А монь кельгома рьвязе ащи вельхкссон и корхтай:

 

—Стяк и шамацень штак. Мон ни уштонь-явафтонь. Завтраксь, нява, шра лангса эсот ни учи.

 

«Шкабаваскяй-корьмолець!—арьсян.—Пара, што тя аньцек он!»

 

—Алду!—корхтан.—Мака панчфкяй, тячи кияксть штаса мон.

 

Рьвязе пеедезевсь, паламань щёкати и ляпоняста-ляпоняста мярьгсь:

 

—Тонь, Егор, мезе мархтот? Афоли, сярятькстоть?

 

—Аяш, ашень сярятькста.

 

—Ну, эста,—корхтай,—спасиба пара валозт.

 

Цебярь монь рьвязе! Пожалы, сави тонадомс шабань нулань муськома и кияксонь штама.

 

Юрий Азрапкин.      

 


20.01.2022 №2
 
 
 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин