Поиск по сайту: 
 

Архив
 май 
 2017 
пн вт ср чт пт сб вс
1234567
891011121314
15161718192021
22232425262728
293031    

 
 

 

Наши мокшанские сыновья и дочери

ЛЯТФНЕЗЬ КОМПОЗИТОРХНЕНЬ СУРАЕФНЕНЬ-КОРОЛЁФНЕНЬ


 

Тема дня

ЁТАЗЕНЬ ТОЛУ КИТНЕНЬ


 

События

СЮКОНЯТАМА ТЕЕНТЬ, ВОЙНАНЬ ВЕТЕРАТТ И ТЫЛОНЬ ТРУЖЕНИКТ!


 

Михаил Бабич поздравляндазень округонь эряйхнень Великай Отечественнай войнаса Победань шить мархта


Кельгома ветератт! Приволжскяй федеральнай округонь кельгома эряйхть!
Поздравляндатядязь тинь Великай Отечественнай войнаса Сяськомань шить мархта. Минь народоньконди 9 маень праздниксь—историяса башка ши. Тя шись—великай странань эряйхнень аф азови конашка мужествань, мезьсовок аф синневи-тапави воляшинь и ваймонь виишинь национальнай гордостень марямасна.
Сизьгемонь кафтува кизода инголе шумордавсь инь кяжи и лама веронь шудефти мировой войнась. Минь сюконятама геройхнень инголе, конат шавовсть Великай Отечественнай войнаса и кулость ранатнень эзда эвакуационнай госпитальхнень эса. Минь воляшиньке и возможностеньке трудендамс, тонафнемс, касфтомс иттнень, эрямс и кельгомс—тя заслугась Великай Отечественнай войнань кизотнень Родинань аралайхнень.
Минь азонттама оцю уважения и оцю спасиба виень аф ужяльдезь трудендаманкса тылонь труженикненди и сембонди сятненди, кие меки кеподезе пильге лангс срафтф-калафтф войнань кизотнень пингста странать, кемокснезе государствать экономическяй и военнай виенц.
Мирнай пингть сяськоматне валдоптфт минь атяньконь и атянь-атяньконь подвигса, и эрсь эздонк мяляфтсыне эсь героензон, эсь мала и радня ломанензон. Тя мялямсь аф нардави сятненди, конат ёрайхть одукс сёрмадомс странать славнай историянц, няфтемс лиякс войнань событиятнень или минь предканьконь подвигснон. Историческяй правдать аралама стясь минь «Бессмертнай полконьке»—мезьсовок аф сяськови народонь мялямсь.
Сюконятама пильгозонт теенть, Великай Отечественнай  кельгома ветератт и тылонь труженикт, мялямста мзярдовок аф нардави подвигонтень инкса, конатнень тинь тиесть войнань кизотнень. Сембе пингс мяляфтома сембонди, кие максозе эряфонц Отечествать воляшинц инкса!
Праздник мархта, кельгома ялгат! Великай Победань шить мархта!
15.05.2017 №18

 

Наталия Андрюшечкина: «Проекты «Единой России» - это неотъемлемая часть партийной деятельности»


 

Как жили и живут мокшане

ОЦЮ МОКШЕНЬ ПАШАД


 

Люди и дела

“ТРАКСОНЬ ПОТЯМАСЬ—ТЕВСЬ АЛЯННЕ”


 

Юмор и сатира

КАФТА ШАРЫ ЛАНГСА

Тядде отпускозень арьсень ётафтомс аф нона кизотнень лаца походга-куване яказь. Ялга яказь аф семботь ётасак, аф семботь няйсак. Тядде ёрань рамамс кодамовок транспорт.
Но кодама? Савсь ламос тапсемс пря. Автомашина? Лувине, кда кочксемс ярмак, эста руленц ваксс озан аньцек комозце отпускстон. Мотоцикла? Пяк лама ни вятниснон ёткса токавида. Пади, мопед? Тя транспортть усолонц монцьке лацкас ашине шарьхкотькшне—аф велосипед, афи мотоцикла, ванат, кати моторсь алять усксы, кати алясь моторть.
И вов аф кунара магазину усксть мотороллерхт. Однят, сенемнят, варжакстонь инструкциязост, и седиезе солась. Кле, мотороллерсь туристти инь цебярь ялга: двигательса кота алашань вийхть, уски сон кафта ломатть, скоростецка сатомшка. И мезсь нинге пяк кеняртьфтемань—мотороллерть макссазь рассрочкас. Тяфтама машина тейне и эрявсь.
Сась отпускс тума шизе, получань ярмакт и—видеста магазину.
Вятьса валда-сенем «чудать», а монць прянь шнафтозь варжакснян кафта пяли: «Няйсасть-аф, ломатть, кодама парши добувась Круглов Мишка. Алять тяни сонцень транспортоц!»
А пачкодень куду, лиякс арьсезевонь, кармань эсь мархтон корхнема: «Мотороллер рамать? А маштат ардома? Аф! И аш вятиень праватневок. А штоба получамс прават, эрявихть содамс арнемань правилатне, максома экзамен».
Правилатнень эзда мон сяконь и содань, што якстерь толсь машинать лоткафтсы, а сянгярясь нолдасы инголи. Да ся нинге прясоноль, што водительти ардомста аф мярьгондеви валондомс ломатть.
Мезе тиема? Кармаме смексема-арьсекшнема рьвязень мархта марса. Кода тя уленди фалу, васенцекс азозе эсь мяленц рьвязе.
—Отпусконьконь ётафтсаськ тядязень ширеса, тоса шуринце тонафттанза ардома—сон шофёр. А моторкацень сявсаськ автомашинаса.
Тяфта и тиеме.
Тинць шарьхкодьсасть, васенце шиня арнемс ашезь сав: каванянь коль шуринть эса—соннет бензиттне-вайхне, сон тонафтыське.
Омбоце шобдаваня мотороллерть лихтеськ карденяста. Мазыель машинась, шить каршеса пиндолдсь. Шуринозе шарондсь перьфканза, кати-мес хмкснесь, мезенди-бди кучкорязень кафцьке шарыхнень, азозе: «Озак». Пильгса кафксть-колмоксть ряфцодезе рычагть, моторсь рназевсь, и минь цятордозь-лакштордозь туме ардозь.
—Паксяв листяма,—пшкядсь вятиезе.—Тоса столбас аф поват.
—Мес?
—Столбат аш.
Лисеме паксяв, шуринць мярьгсь валгомс мотороллерозень лангста и кармась арнема ськамонза, кле, эрявихть содамс машинать сембе промозонза. Сотцесь эсост ламос: то пялязкс ранкфнезе моторть, лиендсь бурякс, то прокс кашкомфнезе—шашнесь черепаха лаца.
Мекпяли лоткась ваксозон, варжакстсь частонзон лангс и шлёпадезе кядьлапшса конянц.
—Вай! Да мон тяфта работама поздаса. Аф макссак «алашацень»? А ялга тяста тейть аф куватьс молемс.
Куду савсь мрдамс кафта пильге лангса. Ашень кенере пачкодемс, маткать мархта рьвясь тейне корхтайхть: «Миша, лездолеть, модамарьхне копанямат. Шуринце, тонць содасак, най стирьхненди прафты...»
Машиназе афоль уле—копанялень, а тяни заботане лият. Азыне, кати-мес шулкфтыхть казьфоне, сявонь инструкцият-правилат и велянь садняв эшкс вастоняс.
Шуринць сась иляденди. Машинась рдаз потмоса. Модяряф вятниецка.
—И мезенди тя штукать рамайть?—тага кучкордезень шарыхнень.—Аньцек асфальт ланга арнемс, а аф тияне. Цють ашемань калафта рдазга ётафтомстонза.
Машинась савсь штамс тейне. И ужнамда меле шуринць корхтай: «Афолить макса мотороллерцень? Тейне шабра вели эряви молемс...»
Савсь максомс. А шобдава машинать штайне нинге весть.
Иляденди тага лисеме пакся ушу. Шуринць кармась тонафтомон. «Велосипедса арнеть? Мотороллерсовок тонадат. Мзярда срхкат вастстот, саворне ноляк сцеплениять и касфнек газть...»
И вов мон эряфсон васенцеда озань машинань вятема. Семботь кармань тиендемонза стане, кода тонафтомазь: ноляса сцеплениять, касфнеса газть, а машинась вастстонзонга ашезь срхка. Эста, кода эряви, пувордайне газонь ручкать и нолдайне сцеплениять. Мотороллерсь трнатозевсь, бта сявозе маштыкс урма, и торхцадсь, мярьгат, алаша лотка крайти маладомста. А инголи ашезь срхкав. Шуринць кяжиясь.
—Тяфта тон частонь потмоста яжасак моторть. Хуш и аф монцень мотороллерсь, а ужяль. Ватт, кода эряви...
Сон озась и валомне срхкась вастстонза. Ардомбачк ни ювадсь: «Учемак илять!»
Савсь учемс аф илядьс, а мянь омбоце шобдавас. Лангозонза ашень кяжия, сяс мес тяни вастстон срхкавонь ни, ладяйне скоростть, а сяльде колмоцеть и вармакс лиень паксянь киге.
Кота алашань вийхне лийфтьсамазь, лийфтьсамазь инголи. Кеняртькшнян: конашкава лац тиень, мес рамань мотороллер!
Ашень кенере педа-пес шнамс эсь прязень, ванан, крута шаркс вирть шири. Хуш и паксяса столбат аш, а тяса шуфтта пяшксе. Ашень кенере кирьфтамс скоростть, кода мотороллерсь сонць тусь эчке тумоть лангс, и эстокиге сельмостон лийсть цяткт...
Мзярс ащень кунф, аф содаса, а козк панжине сельмонень, ванан—вельхкссон шуринозе.
—Тейть аф мотороллерс, а велосипедска афоль эряв озсемс,—кармась сюцемон.—Рамать тапайть, а сядонга пяк—коняцень. Коняце пчкяй, а рамась сави петемс мастерскойсонк.
Шуринць нолдазе моторть—сон работась!—и курокста кяшевсь сельмингольде.
Аф азовомшка сярядсь конязе. Мзярда пачкодень куду, рьвязе цють содамань. Да мезе рьвясь! Варжакстонь ваномава—монць эсь прязень ашине сода. Нилешка ши савсь рязондомс кудса—вдь тяфтама шамаса ломань ёткс аф лисят.
А меле шуринозень кати-коза прважазь командировкас, и мон кармань тонафнема шитьке. Эх, и аф тёждя тя тевсь! Сембода стакась вастста срхкамась. Паксяса пара, ков тят шаркста, тоза и ардат. А велеса? Бта кати-мезень вий таргасы мотороллерть куд стенатнень шири.
Ульцява ардомаське аф ламбама. Тон ёрат сяда цебярь вастонява ётамс, а машинась кати-мес эци лотконятненди и каворксненди. Сяконь ватт, праят, да нинге моторсь эрь мезне лоткси работамда. Ручкань шарфнемати кядне сяшкава пуворсть, бта аф арнень-ваймосень, а вирь керонь.
А тяса нинге шабрань цёрокшсь Витькась вермодевсь эзон. Арнемс ёрай мотороллерсон.
—Кулхцонтт, Витек,—корхтан,—тя машинась аф шабань, а оцювонь. Ули велосипедце, и арнек.
—А мон, Миша щеняй, мотороллерсонга маштан. Тонценьге тонафтте.
И виде, маштсь. Моньге кармась тонафнемон. Недяляшкада меле вармакс лиендень велень и паксянь китнень эзга. Шуринозеньге командировкац аделавсь, сась, кизефнесамань.
—Кода? Нинге ашить синне «алашацень»? Аде паксяв, арнетяма.
—Вов мезе,—корхтан,—тейть, пожалуй, сави якамс работама ялга. Мялезе мольсь пильгса ункснемс вайгяльбетнень. А рьвязти азыне:—Ванды молян автоинспекцияв экзаменонь максома. Аноклак путешествияс.
—Тон ванка, кодама тячи числась!
Варжакстонь календарти, и лонтядсь седиезе: отпускозе аделавкшневсь вандыда меле.
И мезе, мле,—сембось нинге инголе. Сай кизоть сякокс тутама походс. И аф ялга, а кафта шары лангса!
Ю.КУЗНЕЦОВ.
15.05.2017 №18

 

 
 
 

 
НОВОСТИ

В общественных приемных «Единой России» стартовала акция «Собери ребенка в школу»

Традиционная августовская акция «Собери ребенка в школу» стартовала в общественных приемных Председателя «Единой России» Дмитрия Медведева. Цель акции – не только помочь малообеспеченным и многодетным семьям обеспечить детей необходимыми учебниками и вещами, которые могут пригодиться детям в школе, но и предупредить проблемы, возникающие при подготовке к новому учебному году.
Как рассказала председатель Комиссии Президиума Генерального совета «Единой России» по работе с обращениями граждан к Председателю Партии, вице-спикер Совета Федерации Галина Карелова, общественные приемные организовали «горячие линии» и привлекли к участию в них представителей профильных департаментов и министерств по вопросам образования. Каждый желающий может позвонить по телефону и задать интересующий его вопрос, связанный с организацией учебного процесса.
«Квалифицированные эксперты дадут ответ или рекомендации по решению возникшей проблемы. Кроме того, в общественных приемных начались тематические встречи, в которых участвуют учителя, родители, представители общественных организаций. Депутаты «Единой России» всех уровней, партийные представители исполнительной власти в регионах проводят встречи с гражданами, посвященные подготовке к учебному году», – отметила она.
По словам Кареловой, на контроле приемных – выполнение требований пожарной безопасности и готовности к чрезвычайным ситуациям, защищенность от террористических угроз, соблюдение санитарных правил и норм, состояние пищеблока, учебных классов, актового и спортивного залов, уровня охраны и многое другое.
Подобные проверки уже прошли в Ставропольском, Пермском, Хабаровском краях, Республиках Коми, Дагестан, Чеченской Республике, Московской, Самарской, Омской, Брянской, Тамбовской, Липецкой, Томской, Ульяновской, Тульской областях.
«Эта августовская акция давно стала хорошей традицией общественных приемных Партии. Наша общая задача – сделать все, чтобы и дети, и родители, и педагоги начали учебный год в хорошем настроении, чтобы в школах было комфортно, интересно и безопасно», – заключила Карелова.
 
- В этом году  ежегодная  благотворительная  акции «Здравствуй, школа!»   пройдет  в республике   в 10-ый раз. Её организаторы -  Мордовское региональное отделение Партии «ЕДИНАЯ РОССИЯ», республиканское  отделение Общероссийского благотворительного общественного фонда «Российский фонд милосердия и здоровья» и Федерация профсоюзов Мордовии. В подготовке акции  постоянно  принимают  участие  представители депутатского корпуса,  многие предприятия и организации региона,  индивидуальные  предприниматели.  Только в  Саранске    организован  сбор школьных принадлежностей и денежных средств для 1оо   первоклассников  из многодетных и малообеспеченных семей.   Акция  пройдет во всех районах республики. Хочется пожелать  ребятам всего наилучшего! Пусть они будут старательными и целеустремленными, а мы  будем стараться  им в этом помогать»- подчеркнул  Секретарь  Регионального отделения партии, Председатель Государственного Собрания  республики Владимир  Чибиркин.
 
15.08.2018
 
 
 
 
 
 
 

Мундиальти сембе строяфсь кармай ламос служама ошень эряйхненди

15 июньцта Саранскяйса 2018 кизонь футболть коряс Миронь чемпионатонь ошень пресс-центраса етась Мордовиянь Оцюнять В.Д.Волковонь пресс-конференцияц. Республикань вятись азондсь чемпионатонь матчнень примамаснонды анокламатнень колга, а меле отвечась журналисттнень кизефксснон лангс.
Мордовиянь Оцюнясь азозе, што мундиальть етафтоманкса тиф сембось, мезе арьсекшневсь тиемс, республикась педа-пес анок мировой первенствать примаманцты.
—Саранскяйть Миронь чемпионатти анокламанцты оцю оценка макссь Российскяй Федерациянь Правительствать Председателенц заместителец В.Л.Мутко,—китькстазе В.Д.Волков.
Кода азозе республикань Оцюнясь, турнирти анокламать пингста ошса эвондасть эрямань од кварталхт, строяфт кутт и кит, панжезень кенкшензон тяниень пингонь аэропортовай комплекссь. Няевиста мазоптозе Саранскяйть «Мордовия Арена» стадионць, кона, В.Д.Волковонь валонзон коряс, чемпионатта мелевок аф кармай ащекшнема тевфтома. Мундиальда меле сон кармай кудонь аренакс «Мордовия» футбольнай клубти. Тяса стане жа кармай тренировандама детско-юношескяй командась.
—Минь тисаськ семботь, штоба эреклафтомс идень футболть,—мярьгсь республикань Оцюнясь.—Стадионца ушедыхть етафневома «Кожаный мяч» пялькстомат, касфтовихть цебярь тренерхт, нолдавихть дополнительнай средстват.
21.06.2018  № 24
 

ФУТБОЛСЬ КАНДЫ НАРОТТНЕНДИ МИР!

21.06.2018  № 24
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин