Поиск по сайту: 
 

Архив
 февраль 
 2018 
пн вт ср чт пт сб вс
   1234
567891011
12131415161718
19202122232425
262728    

 
 

 

Национальная тематика

«КУЛЬТУРНАЙ ПОЛИТИКАНЬ СТРАТЕГИЯТЬ—ЭРЯФС!»


 

МОКШЭРЗЯНЬ КУЛЬТУРАНЬ ФЕСТИВАЛЬСЬ—ТАТАРСТАН РЕСПУБЛИКАНЬ ЧЕРЕМШАН ВЕЛЕСА

Аф кунара Татарстанца Черемшанскяй райононь Черемшан велеса ульсь  оцю пуромкс—Мокшэрзянь культурань фестиваль. Фестивальсь етась мялень салайста. Тя няевсь кода выступлениятнень, стане и участникнень коряс.
Татарстан Республикань Мокшэрзятнень автономияснон председателенц Н.М.Сабитовать валонзон коряс, Мокшэрзянь культурань фестивальсь пуропнесь 300-да лама ломань—ансамблень представительхть, мораень коллектифт, культурань работникт… Национально-культурнай пуромксненди сувсесть Поволжьяса и маластонь региоттнень эса эряй мокшэрзятнень эряфснон-ащефснон, культурансон, Черемшанскяй районца мокшэрзянь культурать колга выступленият и доклатт, творческяй коллектифнень выступлениясна. Мекольцетнень ётксольхть Самарскяй областьста инжихне—Шенталинскяй райононь Сире Шенталаста «Лейне» идень, Тимяшеваста «Килейне» ансамбльхне, Челновершинскяй райононь Сиделькина велеста «Мазы лей» коллективсь.
16.02.2018

 

События

САРАНСКЯЙСА «ЛЫЖНЯ РОССИИ-2018» АКЦИЯСА ПРИМАСЬ УЧАСТИЯ 4 ТЁЖЯНЬДА ЛАМА ЛОМАНЬ


 

МОРДОВИЯСЬ ЛАЦ АНОКЛАЙ ФУТБОЛСА МИРОНЬ ЧЕМПИОНАТТИ


 

Люди и дела

Валда пильгокит


 

Юмор и сатира

Синтьф пейхть

Мокшень писательсь Федор Федорович Пьянзин шачсь1940 кизонь 10 июньцта Старошайговскяй райононь Сарга велеса. Средняй школать аделамда меле тонафнесь Саранскяйса строительнай училищаса, сяльде работась арматурщикокс, слесарькс, учителькс и сяка пингть заочна тонафнесь Мордовскяй госуниверситетса.
 Лама киза макссь журналистикань тевти, ульсь ответственнай секретарькс «Трудовая правда» старошайговскяй, «Призыв» лямбирскяй, «Заря» кочкуровскяй районнай газетатнень эса, редакторкс «Резинотехника» заводонь «Трибуна рабочего» многотиражнай газетаса. Пара валса сонь лятфнесазь и «Мокша» журналсовок, коса фкя пингть стане жа работась. И, конешна, литературнай творчестванц виияфтомаса кеподемаса оцю талекац М.Горькаень лемса литературнай институтть, коса сон ушедсь тонафнема 1968 кизоня и конань аделамда меле мрдась Мордовияв.
 Сонь перанц алда лиссть «Кда кенярят поездти…», «Мука эряфса вастцень», «Васедемат», «Азк аньцек видеть» и лия лем ала книгатне. Тушендыхть лувихнень мяльс сонь рассказонза, новелланза, юморесканза.
 Аф ваномок сянь лангс, што писательсь кунара ни аш шиса, мялямсь колганза эряй ломаттнень седиса. И, конешна, васендакиге шачема-касома Сарга велесонза. Газетаньконь тячиень номерсонза печатласаськ Федор Пьянзинонь  фкя пеетьфти азксонц.
16.02.2018

 

АННА ЩАКАСЬ АЗОНДСЬ…

Радионь кулхцонды  кельгома ялгат! Ушеттама передача велень труженикненди. Минь студиясонк траксонь потьни ветеранць Анна Ивановна Фермина. Сон мзяроце кизось ни кирдьсы доярка ялганзон ёткса васенце вастть, потьни инь лама лофца. Теенза кунара ни можналь тумс пенсияс, но сон стаки трудендай, стаки няфни пример оттненди и эряфкшуфненди. Тон, Анна Ивановна, мондедон кафксть сяда сирят. Можна тейть мярьгондемс Анна  щакай?
—Можна.
—Вов и пара. Анна щакай, радионь кулхцондыхненди интересна ули содамс, кода тон кизоста кизос потьнят тняронь лофца. Пади, азсак эсь опытцень?
—Мон корхтама аф мастяран.
—Ся, Анна щакай, аф беда. Тон, няйсак, тевса цебярьдонга цебярь мастярат. А беседань вятемаса лезттама. Мон карман кизефнемот, а тон отвечат. Стане пара ули?
—Пара.
—Эста ушеттама. Содаф, лама лофцонь сатомаса васенцесь—корматне. Народнай валмуворкссь корхтай: «Траксть лофцоц—кяльбеса». Вдь стане, Анна  щакай?
—Стане.
—Тинь колхозонте меля аноклась кемонь тёжятть тонна грубай корма, сняра жа силос, колма тёжятть тонна якстеряпс, турнепс, усксь тёжяньшка тонна комбикорма. Цифраса мон ашень эльбяде?
—Ашеть.
—Но тон, Анна щакай, содасак, што пользас туй ся кормась, кона андоманди лац аноклави. Виденц азыне?
—Виденц.
—И тинь колхозсонт сембось тиендеви, штоба шужярсь макссеволь траксненди керсефста, штоба симольхть синь топодемс саратовскяй закваскада. Тяфта, Анна щакай?
—Тяфта.
—Тяниень пингонь животновоттне ладяйхть наукать и передовой практикать мархта. Ня валхне ладяйхть тейтьке, Анна щакай. Тон кулхцондсак, мезе указовайхть траксонь и вазнянь мельге якамать коряс зоотехниксь и ветврачсь. Траксонь одархненди потямда инголе и меле массажень тиендема тонафтонзе зоотехниксь?
—Зоотехниксь.
—А вазыяма траксти лезнят ветврачть указоваманц коряс?
—Сонь.
—Тон, конешна, пичедят, штоба кардса фалу улель ару и коське, а кожфсь свежай.
Сясы группасот жувататне тазат и аф сярятькшнихть, урадома случайхть кунара ни ашельхть. Виде, ашельхть?
—Ашельхть.
—Лисенди, што лофцонясь траксть кяльбесонза и дояркать кядьбесонза?
—Видеце.
—Тяни тейть, Анна щакай, традиционнай кизефкс: кодапт платтне? Кизоньберьф эрь траксста вете тёжятть килограмма лофца потямс надияфнеть?
—Надияфнень.
—А потямс ерат, конешна, вете тёжятть кафта сятт килограммань?
—Варжаса...
—Удалаза, Анна щакай, тевце. Спасиба тейть интереснай рассказонкса, работацень колга лац азондоманкса. Радионь кулхцондыхне, конат кулезь минь передачаньконь, сатыхть польза тонь опытцень эзда. Анна Ивановна, тон, улема, мокшэрзянь кунардонь моротнень кельгсайть?
—Кельгсайне.
—И пара мяльса кулхцондолить «Эрзянь Полюнять»?
—Ага.
—Радионь кулхцонды ялгат, инь цебярь дояркать Анна Ивановна Ферминать мяленц коряс морави «Эрзянь Полюнясь».
Велень труженикненди передачась аделавсь. Аноклазе сонь журналистсь Мария Кутькина. Сёрмадода тейнек, тусь ли мялезонт передачаньке!
 
М.БЫЧКОВ.
 
 

 
16.02.2018

 

 
 
 

 
НОВОСТИ
 
 

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019  № 24
 

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин