Поиск по сайту: 
 

Архив
 март 
 2018 
пн вт ср чт пт сб вс
   1234
567891011
12131415161718
19202122232425
262728293031 

 
 

 

Тема дня

РОССИЯНЬ ОДС КОЧКАФ ПРЕЗИДЕНТСЬ

Россиянь народсь 18 мартста ётафтф президентскяй кочкаматнень эса няфтсь оцю активность и мудрайши. Избирательнай участкатненди сашендсь 54 миллион 400 тёжянь ломань—тя сембе избирательхнень пяледа ламосна—и пцтай 77 процентсь эздост максозь эсь вайгяльснон инь достойнай кандидатть—Владимир Владимирович Путинонь инкса. Тя рекорднай показательсь. И тя аф стак. Президентть Путинонь пингста кельгома Россияньке няевиста сяда эреклась, вииясь, кассь-кеподсь авторитетоц марнек мирса. И ломаттне пара мяльса азондсазь, што сявф курссь виде и сонь эряви мольфтемс сяда товга.
В.В.Путинонь Президентокс тага кочкамац ащи кеме гарантиякс сянди, што Отечестваньке сядонга касы-виияй, ломаттнень эряфсна сядонга цебярьгоды.
Владимир Владимирович ветексть ульсь ширесонк, лама ни кенерсь тиемс и тии Мордовияти. Кода и марнек странати.
22.03.2018

 

Мокшэрзянь крайсь—

Аф юкставихть В.В.Путинонь валонза, конатнень сон азозень фкя пресс-конференцияса журналисттненди мокшэрзянь крайть колга. Кле, Мордовияса аш козя сырьевой база: аш аф уголь, аф нефта, аф газ. Но, аф ваномок тянь лангс, республикась лац касы-вииякшни, оцю мяль тяса шарфневи социальнай ширети, парста решандакшневихть национальнай кизефксне. Мезень колга тя корхтай? А сянь, што Мордовия Республиканьке арси коль сяда содавикс, касонды сонь авторитетоц странаса, сон путневи примеркс лия региоттненди.
И шарьхкотьф, ня сатфксне сатневихть федеральнай центрать, странань руководствать ширде эрявикс лезксонь максомать вельде. Тянь колга республикасонк эряйхне лац содайхть, тянь колга фалу мяляфтыхть и пароть лангс отвечайхть пароса. Тя нинге весть пяк лац няфтевсь 18 мартста етафтф президентскяй кочкаматнень пингста. Избирательнай участкатненди сашендсть республикань сембе избирательхнень … процентсна, … процентсь максозь вайгяльснон странань тяниень руководствать курсонц, В.В.Путинонь инкса. Тя фкя инь цебярь показательсь странаса. Да и целайнек Владимир Владимирович ня президентскяй кочкаматнень эса сатсь оцю сатфкс, сяськсь васенце турста ни.
И тя аф стак. Пингсь и эряфсь няфтезь: В.В.Путинонь лангс можна кемоста надиямс, странаньконь «руленц» ваксса тячи эряви именна тяфтама ломань.
А тяни нюрьхкяняста пачфттяма-азонттама сянь квалма, кода етасть президентскяй кочкаматне Мордовия Республикать столицаса—Саранскяйса и кодама мяльса сашендсть ломаттне избирательнай участкатненди.
22.03.2018

 

Пресс-конференцият


 

Культура

Морай Александра Куликовась!

Россиянь и Мордовиянь Народнай артисткать, Мордовия Республикань Государственнай премиянь лауреатть, Славань III степенень орденонь кавалерть, Мордовия Республикань, Рузаевка и Темников ошень почетнай гражданинть Александра Куликовать лемоц лац содаф аф аньцек республикасонк, но и эздонза ширеса. Вии, седиень-ваймонь токай вайгялец лездсь велень стирняти арамс кельговиксокс тежятть ваныти. Эсь творческяй кинц артисткась ушедозе 1962 кизоня «Умарина» моронь и кштимань государственнай ансамбльса. Тяда меле сон лама киза морсекшнесь «Лайме» вокально-инструментальнай ансамбльса, конанди ульсь художественнай руководителькс.
Александра Куликовать творческяй киц козя гастролень ширде. Артисткать вайгялец кайгсь аф аньцек Россияса, но и лия ширеса: Германияса, Чехословакияса, Финляндияса, Польшаса, Венгрияса, Китайса, Белоруссияса, Украинаса, Молдавияса, Киргизияса, Таджикистанца, Чувашияса.
Россиянь и Мордовиянь Народнай артисткати удалась няфтемс морамань асушинц «Россия» государственнай концертнай залса, П.И.Чайковскяень лемса концертнай залса, Союзонь Кудонь Колоннай залса, Россиянь Правительствать кудса и столицань лия инь оцю концертнай площадкатнень лангса. «Мелодия» грамзаписень Всесоюзнай фирмась нолдазе моронзон мархта «Я люблю свою Россию» дискть-гигантть. А.Н.Куликовать моронза кайгихть Всероссийскяй радиоса, телевиденияса. 1980 кизоня артисткать эряфонц и творчестванц колга снимандафоль «Уледа павазуфт, ломатть» фильма.
22.03.2018

 

Юмор и сатира

КОДА ВАНТЕЙ АВА ВИДЕШИ ВЕШСЬ

22.03.2018

 

 
 
 

 
НОВОСТИ
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

Виктор Михайлович ЛОБАНОВ

10.09.2020  № 35
 
 
 
 

ЛЮДИ И ХЛЕБ!

На полях Ковылкинского района продолжается битва за рекордный урожай

 

По оперативным сведениям диспетчерской службы Министерства сельского хозяйства и продовольствия Республики Мордовия земледельцы Ковылкинского района по-прежнему  удерживают лидерство на уборке зерновых и зернобобовых культур. На 25 августа аграрии района уже намолотили свыше 110000 тонн нового урожая, поля убраны с 70 процентов имеющихся площадей. Средняя урожайность по району составляет около сорока центнеров с гектара, озимая пшеница  дала по 44 центнера с гектара.

 

 

—Никогда ранее таких высоких намолотов в нашем районе не было,—рассказывает глава Ковылкинского муниципального района Н.П.Комусов.—Двадцать, даже десять лет назад все это казалось фантастикой, а сейчас—реальные цифры. Причём  эти цифры выросли в разы. Это, прежде всего, результат умелого проведения агротехнических, технологических и организационных мероприятий. Люди по другому стали относиться к земле, все работы на полях выполняются с большой ответственностью, на совесть, с устремлением в будущем собрать богатый урожай.

 

03.09.2020  № 34
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин