Поиск по сайту: 
 

Архив
 апрель 
 2018 
пн вт ср чт пт сб вс
      1
2345678
9101112131415
16171819202122
23242526272829
30      

 
 

 

Наши мокшанские сыновья и дочери

Мокшень поэтть Е.С.Тимошкинонь шачема шиста 90 кизонь топодемати

СЯЛГИ КЯЛЬСА-ВАЛСА«Мокшень правда» газетаньконь редакцияц лездсь лисемс эряфонь кить лангс и макссь творческяй пацят пцтай сембе мокшень писательхненди и поэттненди. Ули кода тянь азомс и поэтть Егор Сергеевич Тимошкинонь колга. Сон тонафнесь школаса, ульсь армияса, а меле сявфоль «Мокшень правдав». Тяса сон покодсь аф фкя киза. Тяста ушедозе эсь творческяй кувака кинц.
Газетада меле Егор Сергеевич лама киза работась станок ваксса. И сембе вастса кельгома тевкс теенза ульсь стихонь сёрмадомась. Эсост шназе трудть, шачема мастороньконь. Оржаста сёрмадсь афсатыкснень, эсь прянь няихнень, ворбетлятнень колга.
Поэтическяй васенце произведениянза печатлафтольхть 1955 кизоня. Сяльде кармасть мельцек лисендема книганза. Лувихнень мяльс тусть стихонь и поэмань «Седись морай», «Заря ланга», «Тёждя пацят» книганза. Стихонза ётафневсть и рузкс. «Красота» книганц ётафтозе Валентин Ермаков, а иттненди лемтьф «Петух-драчун» книганц—Василий Егоров.
Содаф Е.С.Тимошкин и кода сатирик, юморист. Тя ширдень асувонц колга пачфнихть «Панчфт и палакст», «Лямбе валхт и оржа налхт» сборниконза.
Прозаса Егор Сергеевич васенцеда варжазе виенц заводса работамста. «Мокша» журналса печатлафоль «Петрович» повестец, а меле Мордовскяй книжнай издательстваса нолдафоль «Маря» повестец. Сёрмадсь мекольдень шинзон самс.
А шачсь Е.С.Тимошкин 1928 кизонь 23 апрельста Темниковскяй райононь Ивановка ёмла веленяса. Кулось 1992 кизонь 16 декабрьста. Тяддень 23 апрельста теенза топодель 90 киза.
Алува печатласаськ Е.С.Тимошкинонь кой-кона пеетькшнемань стихонзон.
20.04.2018

 

Национальная тематика

«Мокшэрзянь кяльхне культуратнень диалогса» Всероссийскяй конференцияста

Мордовия Республикать столицаса 13 апрельста «Мокшэрзянь кяльхне культуратнень диалогса» лем ала етась Всероссийскяй научно-практическяй конференция.
Форумть марстонь вийса аноклазь и етафтозь Мордовиянь Культурань, национальнай политикань, туризмань и архивнай тевонь, Образованиянь министерстватне, Финно-угорскяй народонь культурань Поволжскяй центрась и Мокшэрзянь народть Межрегиональнай общественнай организацияц.
Пленарнай заседанияда башка, Всероссийскяй конференцияса сонь теманц коряс етасть мастер-класст, дискуссият, работасть секцият. Эсост кялень политикать коряс специалисттне, научнай, литературань и журналистикань деятельхне, мокшэрзянь кяльхнень тонафнемаснон коряс учебниконь и методическяй пособиянь сермадыхне, мокшень и эрзянь кялень педагокне, библиотекань, музеень, архивонь, национальнай центрань и национально-культурнай общественнай объединениянь представительхне, конат састь конференцияс кода Мордовияста, стане и Россиянь пцтай сембе лия региоттнень эзда, коса компактнайста эряйхть мокшэрзятне, азондозь эсь мяльснон, кода ванфневихть и виияфневихть ширесост мокшень и эрзянь кяльхне, литературась, информационнай изданиятне и мокшэрзянь культурась.
Всероссийскяй научно-практическяй конференциять итогонза ванондовсть «Мокшэрзянь кяльхне Россиять политкультурнай пространстваса» лем ала «круглай шраса», кона етафтовсь тяка шиня.
Тяфта жа пингстонза кемокстафоль Всероссийскяй научно-практическяй конференциять Резолюцияц, кона кучеви государственнай властень оргаттненди.
20.04.2018

 

Шачема ши мархта!СЮРЕСА СЁРМАДЫ МАСТЕРИЦАТЬ ЛЕМОЦ СОДАФ АФ

СЮРЕСА СЁРМАДЫ МАСТЕРИЦАТЬ ЛЕМОЦ СОДАФ АФ
АНЬЦЕК МОКШЭРЗЯНЬ КРАЙСА
Сюресь, виндернятне, кячкаскясь арасть теенза цебярь ялгакс пяк лама кизода инголе. Мархтост работамати зрнянь кядь мастерицать, Старошайговскяй райононь Лемдяй велень мокшавать Мария Ивановна Бикеевать кивок ашезе тонафта. Сяда виденц азомс, тя асусь максф теенза Шкайть мархта. Мокшавась шарьхкодезе тянь, кармась теенза башка мялень шарфнема, виияфнемонза, макссемок тя тевти сембе пингонц. Тяни, улема, аш стама ломань мокшэрзянь масторса, кона афолезе куленде лемонц. Аньцек лятфтасак, кода эрсь эстокиге отвечай: «А! Тя сюреса сермадысь!» Тя афкукс тяфта. Мордовия Республикань культурань Заслуженнай работниксь Мария Ивановна Бикеева сюреса сермадомать вельде арась содафокс марнек республикаса. Выставкатнень пингста панаронза, нардаманза салсесазь сембонь мяльснон. Ванцайть синь, ащат маласост, корхнят Мария Ивановнань мархта и бта кизонь пси шиня лихтибряста кельме ведьта копордат, потмоват срады эшеня, ваймоце теждялгоды.
Кочкамок лия тефнень эзда сюреса сермадомать, сай пингонь мастерицась нилеце класса тонафнемста ушедсь теенза башка мялень шарфнема. Оцю спасиба азонды учительницанцты, кона водендазе тянди.
20.04.2018

 

МАЗЫХТЬ МОКШЕНЬ СТИРЕНЬКЕ


 

Обратная связь (Газета - Читатель)

Лувись—”Мокшень правдать” колга


 

В Правительстве РМ

Мордовиянь Оцюнясь ётафтсь рабочай васедема Саранск ошень мэрть Пётр Тултаевонь мархта


 

События

Пингсь веши эздонк оцю, ответственнай работа


 

ВАНФТ региональнай партийнай дискуссияТь ИТОГОНЗА


 

Обо всем понемногу

Тундань панчфне кеняртьфтихть


 

Юмор и сатира

КОДА ПЕТУНЧИК


 

 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин