Поиск по сайту: 
 

Архив
 апрель 
 2019 
пн вт ср чт пт сб вс
1234567
891011121314
15161718192021
22232425262728
2930     

 
 

 

Тема дня

Ётафтовсь мокшень и эрзянь кялень недяля

М.Е.Евсевьевонь лемса МГПИ-са
16 апрельста Мордовияса и Российскяй Федерациянь ламоц региоттнень эса, коса компактнайста эряйхть мокшэрзятне, ётафтовсь Мокшэрзянь кяльхнень Всероссийскяй шисна.
Тя шити М.Е.Евсевьевонь лемса МГПИ-нь филологическяй факультетса арьсефоль ётафтомс мордовскяй кялень недяля. Праздникть ушедомда ковда инголе ульсь азф Мордовия Республикань и Российскяй Федерациянь        субъекттнень, коса компактнайста эряйхть мокшэрзятне, общеобразовательнай организациянь студенттнень и школаса тонафнихнень ёткса «Мордовский (мокшень, эрзянь) язык и литература в контексте культуры XXI века»  научно-исследовательскяй работань Всероссийскяй конкурс. Конкурсанттненди ульсь кода примамс участия тяфтама номинациятнень коряс, кода научнай статьясь, научно-методическяй разработкась, веб-проектсь, компьютернай презентациясь.
25.04.2019 №16

 

Мордовия Республикань Оцюнять В.Д.Волковонь Очижить мархта поздравленияц


 

Эряскодода: пингсь аф учи!

 Кельгома ялгат!
Пингсь содай ётаманц. Вов ни нилеце недялясь моли, кода ушетф 2019 кизоть омбоце пяленцты «Мокшень правда» газетаньконди сёрматфтомась. Кода няеви подпискань даннайхнень эзда, ламотне нинге ашесть тяштьфте родной кяльса лисенди газета. Кой-кона райоттнень эса сёрматфтомась моли валом и стакаста. Сяс эряви эряскодомс, маластонь пингть ни моледа почтовай связень отделенияв и тяштьфтеда «Мокшень правда».
 Минь газетаньконди можна тяштьфтемс республикань сембе уженятнень эса. И тясть юксне: «Мокшень правдась» фкя инь интереснай и уцез газетась мокшэрзянь крайсонк.
6 ковонди сёрматфтомать питнец 336 цалковай, 3 ковонди—128 цалковай.
Минь надиятама мокшень ломаттнень лангс, што синь сяда товга лядыхть мархтонк, тяштьфтихть «Мокшень правда» 2019 кизоть омбоце пяленцты. Вдь газетась минцень, мокшетнень, масторлангса фкясь и тяконясь.
Индекссь—П4719.
25.04.2019 №16

 

РОДНОЙ КЯЛЬСЬ ЭРЯВИ КЕЛЬГОМС И КОРОДОЗЬ ВАНФТОМС


 

кулемс и шарьхкодемс фкя-фкянь


 

СИНЬ КАСФТЫХТЬ АФКУКСОНЬ ПАТРИОТТ

19 апрельста Саранск ошень «Идень творчествань дворецса» тифтольхть итокт и казьфтольхть «Учитель года—2019» республиканскяй конкурсонь участникне. Сцена лангс лисендсь  райононь и ошень 22 тонафты. Сембе синь лиссть сяськикс эсь муниципальнай районгаст, коса примасть участия сядот школань представитель.
Пялькстомась ётась аф тёждяста, учительхненди савсь няфтемс эсь пряснон уроконь максомаса, компьютерть содамаса, шачема-касома ширеть колга экскурсиянь ётафтомаса, кштимаса, морамаса маштомошиснон. Тя задачать лац пяшкодезь вете учительхне, конат лиссть суперфиналу. Нят: Саранск ошень 17№ школань тонафтысь Э.Н.Гончарова, Рузаевка ошень 9№ школань географиянь тонафтысь М.Н.Ермакова, Ромоданова посёлкань 1№ школань тонафтысь С.Ю.Кадомцева, Большеберезниковскяй общеобразовательнай школань историянь вятись Д.Н.Самсонов, Теньгушева поселкань 1№ школань тонафтысь Е.Н.Хлебина. Синь эздост жюрись азозе инь достойнайть, кие сяськсь тя конкурсса. Тя Рузаевка ошень 9№ школань географиянь тонафтысь Марина Николаевна Ермаковась. Казненди теенза максф сяськиень диплом и телевизор.
25.04.2019 №16

 

Национальная тематика

Родной кяльса диктантонь сёрмадыхнень лувкссна коль касы

19 апрельста Мордовияса, а стане жа Россиянь лия субъекттнень эса ётафтфоль «Мокшень и эрзянь кяльса диктант» международнай участия мархта Всероссийскяй образовательнай акциясь. Аноклазе сонь Финно-угорскяй народонь культурань Поволжскяй центрась Мордовия Республикань Культурань, национальнай политикань и архивнай тевонь министерствать лезксонц вельде. Тядде диктантсь ётафтовсь котоцеда. Вельденза сембонди, кинь ульсь мялец, ульсь кода варжамс-няфтемс родной кяльть содаманц коряс эсь виензон.
Саранскяйса диктантсь ётафтфоль Н.П.Огарёвонь лемса Мордовскяй госуниверситетса, М.Е.Евсевьевонь лемса Мордовскяй государственнай педагогическяй институтса, а стане жа ошень 25№ средняй общеобразовательнай школаса. Республикань муниципальнай райоттнень и Россиянь лия региоттнень эса ётафтома вастокс арасть школатне, библиотекатне, Культурань куттне.
25.04.2019 №16

 

МАЗЫХТЬ МОКШЕНЬ СТИРЕНЬКЕ

Тячи газетасонк    азонттама мазы и асу мокшень стирнять Екатерина Базаркинать колга.
Шачсь-кассь Катя Краснослободскяй райононь Мокшень Парка велеса. Велесь аф оцю, но мазы эсь перьфпяленц мархта. Шабакс пингстокиге няевсь, што Катя тевонь кельги. Сембе кудъетконь тевса лезды тядянцты. Кочки переса, якай жувататнень мельге, пара мяльса пиди-пани.
Корхнихть, ломанть асушиц шаченды мархтонза. Тяфта лиссь тячиень героиняньконь мархтовок. Ефси емланяста приметафоль-няйфоль стирть морамань асувоц. Катять тядяц нинге ниле кизоняса марязе стирнянц горняй, пайгоня лаца кайги вайгяленц и  вятезе клубу морама. Морай рузонь, мокшень морот, но мекольцетне теенза сембода малат. Сидеста примси участия творческяй конкурснень эса. Аф кунара примсесь участия «Серебряная музыка», «Живи, народная душа!», «Панжема» конкурснень эса. Машты Катя пяк лац гитараса морама. Тянди тонадсь мокшень стирнясь сонць. Тя тевса лезды теенза интернетсь. Кельгома репертуароц—В.Цоень моронза.
25.04.2019 №16

 

В Госсобрании РМ

Мордовиять мархта содафтсть сай пингонь управленецне

Ётай недялять, 18 апрельста, МР-нь Государственнай Собраниять Председателец В.В.Чибиркин васетькшнесь Российскяй Федерациянь Президентть видеса Народнай хозяйствань и государственнай службань российскяй академиянь Государственнай службань и управлениянь институтонь парламентаризмань и межпарламентскяй сотрудничендамань кафедрать вятиенц В.В.Бакушевонь и тонафнемань заведениянь магистранттнень мархта.
В.В.Чибиркин азондсь инжихненди республиканьконь колга, шарфтомок башка мяль промышленностьса и велень хозяйстваса     проекттнень эряфс етафнемаснонды, а стане жа инновационнай продукциять нолнеманцты. Корхтафоль местнай самоуправлениять мархта сотф кизефкснень колга. В.В.Чибиркин китькстазе, што межбюджетнай отношениятнень ладямаснон и законодательствать мяльс сявондезь вятемаснон коряс Мордовиять опытоц тонафнефоль федеральнай уровенень специалисттнень мархта и сявф мяльс странань сембе территориятнень виияфнеманкса законодательнай базать анокламста. Стане жа лама корхтафоль Госсобраниянь депутаттнень населениять мархта работамаснон колга.
25.04.2019 №16

 

Пуромкшнесть од парламентарийхне


 

В Правительстве РМ

Владимир Волков ётафтсь социальнай сферань отраслятнень эса национальнай проекттнень эряфс ётафтомаснон коряс совещания


 

Рузаевский район: высокоскоростной интернет в каждую школу

Картофель—Второй хлеб

Картофель по праву считают «вторым хлебом», его выращивают повсеместно и нередко владельцы приусадебных участков полагают, что это простая и нетребовательная в уходе культура. Однако вырастить его и собрать хороший урожай непросто.
В первую очередь успех во многом зависит от правильного выбора сорта. Возделывать следует такие сорта, которые обладают максимальной урожайностью, устойчивостью к болезням, вредителям и хорошими вкусовыми качествами. В настоящее время филиал ФГБУ «Россельхозцентр» по Республике Мордовия организует реализацию сортов картофеля отечественной селекции среднеранней группы—Манифест, Бриз и среднепоздней—Вектар Белоруссии с отличными вкусовыми качествами.
Основной проблемой всех огородников являются болезни и вредители картофеля, которые снижают урожайность. Поэтому особая роль в процессе возделывания отводится защите от вредителей и болезней посадок картофеля, а дачники, как правило, не имеют достаточных знаний для организации данных мероприятий.
25.04.2019 №16

 

Здоровье

Докторсь тонць

Акша пря панчфть колга
Акша пря (ромашка) панчфне лездыхть кельмофтевомать, гриппть пингста, сяс мес эсост улихть эфирнай вайхть. Сяконди 70 процентта кирьфтасы сярятьфть. И нинге акша пря панчфсь—противовоспалительнай и противомикробнай касыкс.
*Вишке козсь етай колма шиста. Пидеда 5-6 аф оцю модамарь (кеднек). Ведть тясть пяярде, каяда эзонза акша пря панчфонь, пейдишень (шалфей), пяшень (липа), календулань, эвкалиптонь тишет (сурбряшкань). Пси модамарьть тапасть, семботь шорясть, каяда 1 чайнай куцюня симомань сода. Вельхтясть прянтень нардамаса и тарксесть ваймонтень кастрюлять вельхксса 10 минутат. Ингаляцияда меле 10-20 минута ащеда вельхтяфста. Тиендеда тяфтама процедурат колма шит. Кда тинь температура, нльне аф оцю, тяфтама процедура тиендемс аф мярьгондеви.
*Штоба пчкафтомс отитть, кели бинтста стада ниле кяскавнят (кядьлапшшкат) и пяшкодесть акша пря панчфса. Кафта кяскавнятнень путость пси коське пачкалгс (эждема плитать лангса) и лямбоняста путомат пилетненди. Тя пингть эжихть лия кафта кяскавнятне. Полафнесть синь, мзярс аф кельмихть. Венц лангс лямбе кафта кяскавнятнень кадость пилетнень лангс, кемокстамок вазьняса или руцяса. Тяфтама компрессне сетьмофтьсазь сярятьфть.
25.04.2019 №16

 

Религия

Эняльдень Матронушкати максомс знак…

Аньцек кодама специалистонди ашень яка урмазень мархта, мезьса аньцек ашень  пчкафне пря…
Колма кизода инголе карязсон эвондась гриза—оцю, пцтай 3 сантиметрат. Улендсь, што сярятьфть сюнеда нльне ашень якав, ашень ащев озада. Весть кулень бабанянь колга, кона маштсь тяфтама урмань пчкафтома. Сонь сембе шназь. Кенярдень, срхкань теенза мирдезень мархта. Кудонц инголе ульсь кувака очередь, савсь учендомс несколька част. И вов мон лисень ни машинаста и срхкань сувамс кудозонза, тя пингть малазон лоткась автомобиль. Панжевсь кенкшсь, и эздонза прянц лихтезе православнай батюшка и мярьгсь: «Мезенди тон сать тя бабать шири? Сон вдь церькаву аф якай. Сяда пара, кда молят святой васттненди». Эста мон ашине кулхцонда. Кода тяфта? Вдь тяшка очередь ащень. Колавсь мялезе. Сембонь еткста, кие тоса ащесь, священниксь сюцемань аньцек монь. Да и бабаське ашезь лезда. Лядондсь аньцек фкя—тифтемс операция. Ламос ашень согласиндакшне, вдь монь шабазе нинге емланяль. Кода тяса оду пуроптомс вийхть? Вдь операцияда меле аф мярьгондеви кепсемс сталмот.
25.04.2019 №16

 

Тинь кизефнеде


 

Обо всем понемногу

Сявф эряфста

Сяда тов кеняртьфнийть аватнень, кельгомняй!
Монь мирдезе пяк мазы. И аф аньцек мон тяфта арьсян, сембе содаф ава ялгане тянь мархта согласнайхть. Ули эсонза мезень-бди мялень салай, виде ронга, алянь, цють восточнай мазышиц.
Минь эряме мархтонза нильгемонь киза, и сембе тя пингть ванан мазышинц лангс и мялезе касы. Но теенза мезевок тянь колга аф корхнян. И сембе эряфозень кородса аватненди. Васенце шитненькиге шарьхкодень, мирдезе аф аньцек монь. Подъездса, ульцяса, лавкаса, инжикс улемста, ваймамста, работаса—сембе вастова  аватнень сельмосна лангозонза крфазь крфайхть. А сон, афпаркссь, мархтост корхни, сембонди пееди, рахси, сельмонзон пиндолфнесыне лангозост, ну и целайнек, марясы прянц бта калсь ведьса.
 Мон кельгса сонь наряжамс, содасасть, кода фкя анекдотса азондови, мзярда авась ваны етайть-потайть лангс—сянь пряса фкя мяль, а авась арьси, вов ба тяфтама куртка мирденцты. Тяфта и мон—эстокиге рамсян однят, модас и размерс коре, хуш и мирдезе аф пяк прафты щапненди. Но монь пяк мялезе, штоба мазышиц улель щаф и мазы щамбяльса. И себе одкспингозень кородыне сонь, хуш вестевок ашень куленде, што сон монь полафнесамань лиянь лангс.
Кода-бди весть фкя авась азондсь ингольден эсь мирденц колга: «Кулине, што мирдезе якай лия авас. Но сон фалу утци кудса, ярмаконц макссесы, иттнень мархта возси, дачав арнетяма марса семьянек, отпусконьконь етафнесаськ марса. Кда нинге козовок чепафни кержи шири, тязовок кенерькшни, эста флаг кядезонза».
25.04.2019 №16

 

28 апрельста—Очижись


 

Шять, кондясти

Ляпе мебельть лангста
пятнатнень ётафтомасна
Рдазу пятнатнень ули кода ётафтомс аммиачнай спиртонь 3 процентонь растворса. Искусственнай замшать лангста пятнатне сяда лац ётафтовихть хозяйственнай сапоньца шоваф губканяса. Пятнать начфтомс лямбе ведьса, сяльде сапонь шовса шовамс летьке нуланяса и меколи шокшемс летькть кагодонь салфеткаса.
Парафинть или штать эзда пятнатне курокста ётафтовихть тяфта: васенда тапасть-кргасть парафинонь вярдень слойть, а сяльде гладендасть утюгса кагодонь пачк.
 
Кода сяда куватьс ванфтомс лофцть  шапамомада
*Штоба лофцсь ванфтоволь сяда ламос свежайста, нльне пси шитнень, эряви лакафнемс сонь кафксть шити: шобдава и илять, а ванфтомстонза вельхнесть сонь таватксса.
*Лофцсь шокшсыне курокста сембе шинетнень. Сяс аф эряви путнемс лофцть ваксс тяфтама продуктатнень, кода брынза сырть, калхнень, маринаттнень и стак тов.
*Штоба лофцсь афоль шяе, васенда оргалдость кастрюлять кельме ведьса, сяльде каясть лофцть. Аф эряви ванфнемс лофцть алюминиевай кядьгоса, полафты таньфоц и шинец.
25.04.2019 №16

 

Пеетькс пакшкат


 

Экономика

«Ксенон» идёт в ногу со временем

На торжественном собрании, посвященному профессиональному празднику—Дню светотехника Республики Мордовия, Председатель Государственного Собрания РМ В.В.Чибиркин отметил: «Это очень важный праздник! Мы собираемся в 20-й раз  и всегда гордимся промышленным потенциалом. Трудом нескольких поколений светотехников создавалась основа социально-экономического развития родного края. От эффективности вашей работы во многом зависит продвижение передовых светотехнических технологий, улучшение качества жизни людей, в связи с новыми требованиями к освещению. Предприятиям нужно активнее участвовать в федеральных проектах и все инструменты для этого есть. За последние 2 года в светотехническом кластере региона создано 2 тысячи рабочих мест. Объем реализации продукции за год вырос на 10 процентов. Наибольший вклад в это вложили заводы—«Лисма», «Ксенон», Ардатовское светотехническое предприятие, ВНИИИС имени А.Н.Лодыгина».
25.04.2019 №16

 

Юмор и сатира

Пеетькшнезь


 

 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин