Поиск по сайту: 
 

Архив
 апрель 
 2019 
пн вт ср чт пт сб вс
1234567
891011121314
15161718192021
22232425262728
2930     

 
 

 

Наши мокшанские сыновья и дочери

«ЭСОН УЛИ ОЦЮ КЕЛЬГОМА ЭРЯФТИ»

28 апрельста эсь шачема шинц васьфтезе мокшэрзянь содаф языковедсь С.З.Деваев. Теенза топодсь 88 киза. Мокшалять эряфонц оцюшка пяльксоц сотф мокшень кяльть тонафнеманц мархта. Колмогемонь ветие киза Семён Захарович работась М.Е.Евсевьевонь лемса Мордовскяй государственнай педагогическяй институтса, а пенсияс лисемдонза меле и тячиень шити самс заняф научнай работаса. Ня шитнень Семён Захарович  ульсь редакциясонк и пара мяльса отвечась корреспондентоньконь кизефксонзон лангс.
—Семён Захарович, пара улель, кда азондолеть аф лама эсь колгат, коса шачеть-касоть, лятфталить идькс пингцень.
—Эряфонь крнязень орадомац ушедсь Зубово-Полянскяй райононь Сире Потьма велеста. Семьясонк колма шабатольхть. Браднень еткста мон ёмлась. Аляньке, Захар Филиппович, тяка веленнель, ётазе Великай Отечественнай войнать, повсь пленц, а войнать шумордамда меле, кода и сембе пленнайхне, прважафоль Колымав. Мзярс мольфтевсь следствия и алязе кирдевсь тюрьмаса, тядязе, Александра Петровна, работцесь Москуса. А сяс касфтомазь атязе и бабазе. Атязе, Филипп Ермолаевич, стане жа войнань участник, етазень Васенце мировой войнань толу-качаму китнень, лама пинге кирдевсь пленца Германияса.
30.04.2019 №17

 

Тема дня

1-це Маень Тундань и Трудонь праздникть мархта!

Тяддень тундать шамаликоц эвондась кода-бди ёфси апак учсек: ламоль-ламоль ловда и вдруг—сон аш ни, солась. Нардазь-нардавсь паксятнень, лашмотнень лангста, а сяльде вирьхнень потмоста. Солась оцю ловсь, но шада ведьта аф ламоль, нльне ляйхне лацкас ашесть лисенде берякстост.
«Тялонь летьконясь сувазе модать»,—пара мяльса корхтайхть сёронь касфнихне. Модась ушедсь тёждяста ваймонц тарксема. Ушедсь живондама марнек природась.
Тяфта сашенды ширезонк Васенце майсь. Тяфта или пцтай тя лаца ушеткшневи тундань инь мазы ковсь. Ломаттне кельксесазь и шнашендсазь сонь.
Тядде Васенце майть миньцонк мокшэрзянь крайсонк эряйхне васьфнесазь пара мяльса. И тя аф стак. Мордовиясь тяни занци достойнай васта Российскяй региоттнень ёткса. Лац няеви, што коль сяда и сяда касонды промышленнай производствась, улихть аф ёмла сатфкст социальнай сфераса. Велень труженикне кепотьф мяльса покодихть тундань паксяса, тиендихть кеме фундамент тяддень урожайть алу. Сембось тя кеняртьфти, кошяряй работамс нинге сяда лац, сяда оцю пользань кандозь.
Пяк лезды ломаттненди эрь шинь тевсост-заботасост народнай морось. Сон фалу токай седи, кепси мяль. Морамста и моронь кулхцондомста юксневихть пичефксне и сталмотне, потнихть фталу ризфне, ломанть эса эвондакшнихть од вийхть и эрьгя.
Малаткшни праздникть мархта тинь, кельгома ялгат!
30.04.2019 №17

 

Мордовия Республикань Оцюнять В.Д.Волковонь Тундань и трудонь праздникть мархта поздравленияц

Республикань кельгома эряйхть! Седи ваксста поздравляндатядязь тинь Тундань и Трудонь праздникть мархта!
1 маень праздниксь няфнесы эсь мархтонза поколениятнень оцю опытснон, конат путсть оцюдонга оцю путкс минь Родинаньконь виияфтоманцты. Тячи социально-экономическяй виияфтомаса Мордовиять эрь аськолксоц, минь марстонь эрь сатфксоньке обеспечендави сядот тёжятть ломанень виень и эсь прянь аф ужяльдемань трудса.
Ня шитнень минь азонттама благодарностень валхт трудонь ветераттненди, конатнень ответственностень марямасна, трудонь кельгомасна и козя опытсна кармай фалу ащема кепотьксокс од поколениятненди, формировандама ломанень и деловой качестватнень.
Инь пара коень мольфтемакс лувондови Трудонь Ломаттнень чествовандамасна, трудовой пялькстомаса итогонь тиемась, профессиональнай маштомошиса пялькстомась. Тя уважениянь максома государствать ширде эсь гражданонзонды, конат эсь кядьсост тиендьсазь минь странаньконь и минь республиканьконь благополучиянц.
30.04.2019 №17

 

Владимир Сушков ульсь Кочкуровскяй районца


 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019 №17

 

Моли газетаньконди сёрматфтомась

Эряскодода почтав!
Кельгома ялгат! Тяни эсь кяльсонк лисенди газетать инь стака  пингоц. Моли 2019 кизоть омбоце пяленцты теенза сёрматфтомась. Тя тевсь, кода пачфнеськ ни, кой-коса мольфтеви валом и стакаста. Сяс эняльттяма сембе мокшетненди: эрьда лезттама фкя и сяка мокшень газетаньконди, мутама ярмаконя теенза тяштьфтемс. Вдь «Мокшень правдась» эсь ширденза лезды ванфтомс тейнек кяленьконь, культураньконь, народоньконь ваймонц.
Мокшень газетась, кода азондсазь синць лувихне, фкя инь интереснай газетась мокшэрзянь крайсонк, сон тушенды сембонь мяльс, кие сёрматфнесы и морафнесы. Да и газетась фкя инь уцезсь республикаса, сон нльне сяда уцез «районкатнень» коряс.
Теенза тяштьфтемать питнец:
6 ковонди—336 цалковай,
3 ковонди—168 цалковай.
Газетать индексоц—П4719.
Эряскодода почтав. Тоса учихть эсонт. Пингсь содай ётаманц.
30.04.2019 №17

 

Национальная тематика

Мокшень и эрзянь кяльхнень тонафнемаснон и виияфтомаснон коряс тевонь вятемась

Мокшэрзянь народть Всероссийскяй VII съездонцты
2018 кизоня Мордовия Республикань Правительствать видеса гуманитарнай наукань Научно-исследовательскяй институтти топодсь 85 киза. И сембе тя пингста мокшень и эрзянь кяльхнень тевсна вятевихть-мольфтевихть кяльхнень тонафнемаснон коряс отделса, кона  институтсонк инь сиресь. 1932 кизоста сявомок, отделса ульсть аноклафт и васенце учебникне мокшень-эрзянь кяльса, ётафтф васенце лингвистическяй экспедициясь. 1935 кизоня нолдафоль васенце орфографическяй валкскясь, конань аноклаецоль М.А.Рогов. 1936 кизоня аралафоль «Теньгушевский (шокша) диалект как результат скрещения» лем ала кандидатскяй васенце диссертациясь, конань сёрмадозе Т.П.Миронов. 1938 кизоня «Мокшень и эрзянь кяльхне» специальностть коряс панчфоль аспирантура. Тя пингс тяфта жа ётафтфтольхть  кялень научнай 5 конференцият. 1933 кизоня—кялень васенце пуромкссь, 1934 кизоня—омбоцесь, 1935 кизоня—колмоцесь, 1938 кизоня—нилецесь и 1993 кизоня—кялень ветеце пуромкссь.

30.04.2019 №17

 

ЛЯМБЕ И МЯЛЯФТОВИ ИЛА


 

Пачфнихть Санкт—Петербургста

Корхтафоль финно-угорскяй кяльхнень ванфтомаснон колга
20-21 апрельста Санкт-Петербург ошса Финляндиянь институтса ётафтовсь «Финно-угорские проекты в области языка и культуры» семинар, коса примасть участия пцтай сембе финно-угорскяй нароттне, тяконь лувксса и мокшэрзятне.
«Живой язык» международнай проектсь, кона финно-угорскяй кяльхнень ванфнеманкса тевс нолнесыне комикснень, марса Финляндиянь институтть мархта 20 апрельста ётафтсть семинар сятненди, кит тядянь-алянь кяльхнень тонафнемста башка мяль шарфнихть художественнай ширети, тяконь   лувксса комиксненди. Семинарс пуромсть пцтай сембе финно-угорскяй народонь представительхть. Ульсть инжихть Финляндияста, Эстонияста, Карелия, Удмуртия, Коми, Марий-Эл, Мордовия республикатнень эзда, Ханты-Мансийскяй автономнай округста, Пермскяй крайста и лия вастста. Эрь субъектонь представительсь нюрьхкяняста содафтозень пуромфнень эсь тядянь-алянь кяленц мархта и азондозе, мезе тиендеви шачема ширесост кяльть ванфтоманкса-виияфтоманкса. Мордовияста пуромксса примасть участия Н.П.Огаревонь лемса МГУ-нь филологическяй факультетонь тонафнись К.Сайгутина и    М.Е.Евсевьевонь лемса  МГПИ-нь филологическяй факультетонь студентсь В.Антонов.
30.04.2019 №17

 

«ТЯДЯНЬ-АЛЯНЬ КЯЛЬСЬ ЭРЯВИ ВАНФТОМС!»


 

В Госсобрании РМ

Национальнай проекттнень—эряфс!

Россиянь парламентаризмань шити
23-24 апрельста, Россиянь Парламентаризмань шида инголе, Санкт-Петербургса етасть Российскяй Федерациянь Федеральнай Собраниять видеса РФ-нь законодателень Советть мероприятиянза. Мордовиять эзда эсост ульсь Мордовия Республикань Государственнай Собраниять Председателец В.В.Чибиркин. 25 апрельста пресс-конференцияса, кона ётась республикань Государственнай Собранияса, сон азондозень журналисттненди эсь мялензон тя мероприятиятнень колга.
Кода мярьгсь Владимир Чибиркин, 23 апрельста сон ульсь образованиянь и наукань коряс законодателень Советть комиссиянц заседанияса и «Практические рекомендации субъектам Российской Федерации по участию в национальных проектах» семинарса. Синь вятезь РФ-нь Федеральнай Собраниянь Федерациянь Советть Председателец Валентина Матвиенко и РФ-нь Федеральнай Собраниянь Государственнай Думать Председателец Вячеслав Володин.
 
30.04.2019 №17

 

Рузаевский район: высокоскоростной интернет в каждую школу

ПАРТИЙЦЫ ОКАЗАЛИ ПОМОЩЬ ЧЕМПИОНКЕ РОССИИ ПО АРМРЕСТЛИНГУ


 

Во всероссийских субботниках «Единой России» в апреле приняли участие больше миллиона человек


 

«Единая Россия» проведет «Диктант Победы» на 1233 площадках в России и 23 зарубежных странах


 

Здоровье

7 аськолкст давлениять ладяманцты


 

Лувись—лувити


 

Ветеранам о ветеранах

Ветераттнень колга школаса мяляфтыхть


 

МАСТОР ЛАНГОНЬ ИНЬ СИРЕ ЭРЯЙСЬ

Аф кунара поздравлениянь валхт эсь 117 шачема шистонза примась итальянкась Эмма Морано. Седиста моли лямбе валхт сиренять лемс азсь нльне сонць Италиянь президентсь Серджо Маттарелла.
Эряфкшу авась шачсь 1902 кизоня лама идень семьяса. Теенза савсь няемс-кирдемс кафта мировой войнань сталмот. Пингстонза полафтсть колма корольхть, кефкие Римскяй Папа. Меля Моранонди максфоль Римскяй Папать Францисконь личнай благословенияц.
Тячемс сиренясь эряй Вербания родной провинциясонза. Шобдава обязательна сивонди кафта верок алхт анемияда. Шять, тя максси теенза эрьгя. «Виденц азомс, кой-коста мон сембе сяка колсеса режимть и ярхцсян кекста»,—азозе кувака эряфонь эряйсь.
Итальянецне маряйхть гордость марнек мирса-масторса содаф землячкаснон инкса. Эмма Моранонь 117 кизонцты аноклафоль театрализованнай представления.
30.04.2019 №17

 

Васьфтезе вейхксогемонце шачема шинц

Торбеевскяй райононь велетнень эса аф лама ломаньда, конатненди вейхксогемонь и вейхксогемоньда ламонь киза. Но синь улихть. Велень поселениятнень эса гордостень марязь лятфнесазь синь лемснон, аф юкснесазь, старандайхть вийс коре лезнемс.
Аф кунара эсь 90 кизонь юбилеенц отмечазе Жукова велень эряйсь, тылонь труженицась, велень хозяйствань ветеранць М.С.Орькина. Кода азозь  Населениять социальнай ширде араламанц коряс отделса, Матрена Степановна  нинге отькорь, сонць якай эсь мельганза, вятьсы уликс хозяйстванц. Кеняртькшни эрь шити и мзярдовок аф пеняцяй эсь эряфонц лангс. Да и  пеняцямска аш мезенкса. Сонь кельгсазь и  фалу мяляфтсазь иденза, конатнень эзда сиренять сисем, а стане жа   кемгафтува унокоц и уноконь кемгафксува идец. Сембе синь арасть цебярь ломанькс. Матрена Степановна шнафты мархтост пря.
30.04.2019 №17

 

Кельгомати кизотне аф шоряйхть


 

Пенсионерхнень тонафтсазь компьютерть тевс нолнема


 

Люди и дела

Геройкс аф шачендыхть, геройкс арсихть


 

Обо всем понемногу

Пеетькс пакшкат


 

Мезе аньцек аф уленди


 

Наша семья

«Пяк кельгсайне ниле иднень, но содавсь, што колмотне аф моннет»


 

ШАБАТИ ФАЛУ АЗОНКШНЕСА ВИДЕШИТЬ


 

Психологонь советт


 

Письма из села

Переса и садса


 

Юмор и сатира

Пеетькшнезь, сингорязь


 

 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин