Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Наши мокшанские сыновья и дочери

БИОГРАФИЯСТА СТРОЧКАТ...


 

ЭРЬ МОРОЦ ЭЖДИ ВАЙМЕ

Мордовиянь Заслуженнай артисткать Любовь Князьковать лемоц республикасонк содаф пяк лац. Стака мумс стама ломань, кинди афоль кельгов сонь творчествац. Лисемок сценать лангс, артисткась васенце минутаста ни салсесы ваныть мяленц седиста-ваймоста моли вайгяленц, эсь мазышинц и публикать инголе прянь вятеманц мархта. Сон, мярьгат, нолни ши валдоня—лямбе вайме и паронь арьси, эрь  кулхцондыть-ваныть мархта мушенды эрявикс кяль, кажнайть токасы седиенц. Природать мархта максф асушись и оцю трудса-вийса сатф профессионализмась лездсть артисткати сатомс Мордовиянь фкя инь цебярь морсиень лемть.

 

Сят, кинди удалсесь корхнемс Любовь Князьковать мархта, лац содасазь, кодама сон пара и панжада вайме ломанць. Фалу весяла, эрьгав, сельмонза крфайхть марнек перьфпяльти оцю кельгомаса.

 

Аф кунара Любовь Петровна васьфтезе эсь юбилеенц. Тя и арась туфталкс артисткать мархта од васедеманьконди. Седикс-ваймокс корхнемста морсись лятфтазе идькс пингонц, творческяй кинц ушедоманц, азондсь сай пингонди арьсеманзон колга.
 

 

17.05.2019

 

Тема дня

НАРОДТЬ ПОДВИГОЦ АФ ЮКСТАВИ


 

ЛЯМБЕ ВАСЕДЕМА РЕСПУБЛИКАНЬ КУДСА


 

«МОКШЕНЬ ПРАВДА»—УЦЕЗ (ЛЬГОТНАЙ) ПИТНЕСА


 

В.И.Карасёвонди—100 киза!


 

Национальная тематика

Мокшэрзянь народть Всероссийскяй VII съездонцты


 

КОРХНЕДА ИДЕНТЕНЬ МАРХТА МОКШЕКС

Пяк пичефти ся фактсь, што кизоста-кизос мокшень кяльса корхтай ломаттнень лувкссна кири. Минць, кда нинге кода аф кода корхтатама мокшень кяльса, а вов иденьке или уноконьке аф лувсазь, аф марясазь сонь  кода эсь шачема кяльснон. Тя лисенди сяс, мес шабась васенце валонц азсы аф мокшекс, а рузкс. Пяк ризнафтсамазь ся семьятне, конат синць алят-ават мокшет, лац содасазь эсь шачема кяльснон, а идьснон мархта корхтайхть рузкс. Монь койсон, тя оцюдонга оцю пеже шабать инголе—аерфтомс, аф максомс теенза сянь, мезсь теенза максф Шкайть эзда. Лиякс тевсь ащи, кда семьятне пуропневихть аф фкя национальностень. Но и тясовок ули кода ванфтомс шачема кяльть, улеза аньцек мяль. Эряфсон мон васьфнень тяфтама семья, мзярда тядясь корхни пиженястокиге шабанзон мархта эсь шачема кяльсонза, а алясь—сонцень шачема кяльсонза. Лисендихть пяк дивандафты результатт! Иттне фкя пингоня содайхть кафта кяльхть. Аляснонды синь пшкятькшнихть фкя кяльса, тядяснон мархта корхнихть омбоцеса. А ульцяса, идень садикса, школаса  синь лац и курокста тонадозь рузонь кяльть. Конашкава ёнюфт ня родительхне, кодама питнидонга питни козяши синь макссть эсь идьснонды. Вдь кода корхтави: мзяра ломанць содай кяльда, снярксть сон ломань.

 

Тя прябалать колга мон корхнень мокшень кялень учительницать Лариса Васильевна Ишаевать мархта. Шачемас коре сон Темниковскяй райононь Пакся Ордаж велеста. Тядянза-алянза Матрёна Ивановна и Василий Николаевич Исаефне трудонь кельги ломатть, эряфоньберьф работасть колхозса. Лама кельгомада, вийда путсть эсь шабаснонды, касфтсть шнама ломатть.
 

 

 
17.05.2019

 

События

ГОСДУМА ЕДИНОГЛАСНО ПРИНЯЛА В ПЕРВОМ ЧТЕНИИ ПОПРАВКИ ТУРЧАКА В ЗАКОН О МЕСТНОМ САМОУПРАВЛЕНИИ


 

Здоровье

Кизефкс-ответ


 

КУНАРДОНЬ РЕЦЕПТТНЕНЬ КОРЯС


 

АПК

КИЕ ТИЕНДИ ЗИЯН САЙ ПИНГОНЬ УРОЖАЙТИ


 

МЕС ЭРЯВИ КАСФНЕМС РЯПС


 

КОДА МАШФТОМС ЛАЙМОНЬЗИТНЕНЬ


 

Обо всем понемногу

МУСЬКОПНЕ УЛИХТЬ АРУФТ

17.05.2019

 

ПИВАНЬ МАСКАТ ШЯЯРЬХНЕНДИ


 

МИЗЕ ЭЛЕКТРОННАЙ БРАСЛЕТТЬ


 

Пеетькс пакшкат


 

Письма из села

Лувись—газетась—лувись


 

ПРОФЕССИЯНЬ ЯРМАРКА


 

УЛЕНЬ ЭРЯФТЬ И КУЛОМАТЬ ЁТКСА


 

КАЗЬФТОЛЬХТЬ ИНЬ ЦЕБЯРЬХНЕ


 

Юмор и сатира

ВИЗДЕМА


 

ПЧКАФТЫ СЁРМА


 

 
 
 

 
НОВОСТИ
 
 

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019  № 24
 

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин