Поиск по сайту: 
 

Архив
 сентябрь 
 2019 
пн вт ср чт пт сб вс
      1
2345678
9101112131415
16171819202122
23242526272829
30      

 
 

 

Национальная тематика

Велесь эряви ванфтомс и виияфнемс


 

Тонафнемат и аф юкснемат эсь юроньке


 

НАЦИОНАЛЬНАЙ КУЛЬТУРАСЬ КЕНЯРТЬФНЕСЫНЕ ЛОМАТТНЕНЬ


 

Кода эрят, мокшень веле?

Веле… Фкя вал, а кда сяда крхкаста арьсемс колганза, мзяра мазышида и цебярьда кяшф сонь эшкссонза. Тяса сетьме, кожфське арудонга ару, а кизонда касфнесазь мяльцень нармонень кайги вайгяльхне, шобдавань сиякс пиндолды расась. Ся ломанць, кона шачсь и кассь велеса, улема, мзярдовок аф юкстасы тостонь эряфть таньфонц. И конашкава ичкози афолезе пачфте сонь киц, шачема вастоц сембе сяка лядонды теенза фкя инь питни, седиень озафтома уженякс. Кеняртьфти, мес велеста лисьф ломаттнень еткса аф кржа стамода, кит ошса эрямстовок аф лядондыхть шири емла родинаснон, сонь пичефксонзон эзда. Синь етксост и философскяй наукань кандидатсь, мокшалясь В.Ф.Кирдяшов. Сон эряй Саранскяйса, но шачема-касома вастонц, Сире Синдруть колга аф юксни мзярдовок. Ня шитнень васетькшнеме Василий Филипповичень мархта, корхнеме велеть исяконц и тячиенц колга. 2008 кизоня В.Ф.Кирдяшов нолдась аф оцю книганя, конань лемоц «Старое Синдрово—родина моя». Книгать сермадомста-анокламста лама пинге работась архивнай каготтнень мархта, колмоксть ульсь Пензенскяй областень государственнай архивса. Книгась пяк тусь Сире Синдрунь эряйхнень мяльс, ламотне эняльдсть сяда крхкаста азондомс велеть эвондаманц, сонь юронзон и эряензон колга. Тяниень пингть Василий Филиппович работай книгать омбоце пяльксонц лангса. Тя тевса теенза лезды стирец, Н.П.Огаревонь лемса МГУ-нь доцентсь Е.В.Кирдяшова. Книгань нолдамаса, шарьхкотьф, аф кржась ащи финансовай ширеть эзда. В.Ф.Кирдяшов эсь вийса кочказе ни эрявикс ярмакнень оцюшка пяльксснон. Мокшалясь спасибай сембе земляконзонды, кинь ширде мусь шарьхкодема и лезкс.

05.09.2019 №35

 

Пушкино ошса кайгсть мокшэрзянь моротне


 

Мокшень щамса и илас, и работама


 

Нюрьхкяня интервьют


 

Рузаевский район: высокоскоростной интернет в каждую школу

Краснослободск ошса


 

МОРДОВИЯНЬ ТЕХНОПАРКТь юбилеец

29 августста «Технопарк Мордовии» АУ-са ётась торжественнай пуромкс, кона лемтьфоль учреждениять 10 кизонь топодеманцты. Пуромфнень поздравляндазень Мордовия Республикань Оцюнясь В.Д.Волков. Мероприятияса стане жа примасть участия МР-нь Правительствать Председателец В.Ф.Сушков, республикань Госсобраниять Председателенц заместителец И.М.Москаев, Авиационнай материалонь всероссийскяй исследовательскяй институтть генеральнай директороц, «Технопарк Мордовии» автономнай учреждениять Научно-техническяй советонц председателец Е.Н.Каблов, «РОСНАНО» управляющай компаниять правлениянц председателенц заместителец А.Г.Свинаренко, Россиянь кластерхнень и технопаркнень виияфнемаснон коряс Ассоциациять директороц А.В.Шпиленко, учреждениять сотрудниконза, технопарконь компаниятнень-резиденттнень представительсна.

05.09.2019 №35

 

ХОККЕИСТЫ ИЗ ЧАМЗИНСКОГО РАЙОНА МОРДОВИИ ОБРАТИЛИСЬ ЗА ПОМОЩЬЮ К ДЕПУТАТУ ГОСДУМЫ СЕРГЕЮ ЧИНДЯСКИНУ


 

В "ЕДИНОЙ РОССИИ" ПРЕДЛОЖИЛИ УНИФИЦИРОВАТЬ И СОКРАТИТЬ ФОРМЫ ОТЧЕТНОСТИ ДЛЯ УЧИТЕЛЕЙ


 

Закон и порядок

Сон цебярь пример лиятненди


 

Письма из села

СЕМБЕ КЕЛЬГСАЗЬ ГАРМОНИСТТЬ ЕФИМ САРАЙКИНОНЬ


 

ТРУДОНЬ ВЕТЕРАТТ


 

Юмор и сатира

МИШЕНДЕВИ АТЁКШ


 

 
 
 

 
НОВОСТИ
 
 

ЭСОНЗА АФ МАДОНДЫ ТОЛКС ЮРНАЙ МИНЦЕННЕТИ КЕЛЬГОМАСЬ

 
Родной кялень кельги, национальнай коень-обуцянь ванфты, афкуксонь патриот. Тянь ули кода азомс Мордовиянь Инсарскяй райононь Пою велеса шачф-касф мокшавать Анастасия Афанасьевна Шумкинать (Акшаевать) колга. Аф ваномок сянь лангс, што сон лама киза ни аф эряй мокшэрзянь масторса, эсонза аф мадонды толкс юрнай семботи минценнети кельгомась. Мзярда корхнень Анастасия Афанасьевнань мархта, тя шарьхкодевсь эстокиге. А ушедозе азондомать аф эсь колганза, а ёмла родинанц эзда.

 

Уликс легендать мяльс сявозь, атянзон атясна эрясть оцю губор лангса, конань лемоцоль Ош панда ляй, кона кафта ширде шарфоль вирьхнень мархта, а нинге кафта ширде ульсть сери крутоярхт, конатнень ала шудесь Исса ляйсь. Пингонь ётазь карафне ушедсть пяярема и ляйсь полафтозе ведень шудема вастонц, вов эста родонь плямась сась мяльс ётамс эряма такор вастти, коса ульсь кода касфнемс козя урожай, а Иссать трвава кассь поювонь оцю и туста вирь. Вельденза алятне шапондсть од кутт семьяснонды. Тяфта и эвондась велеть лемоц—Пою.

 

Школаса тонафнемстонза Анастасия сидеста ванондсь раскопкатнень мельге, конатнень Ош панда ляйса ётафнезь Мордовскяй госуниверситетонь студенттне и преподавательхне. Синь мушендсть сёвонень кядьгонь пакшт, трудонь кевонь орудият, налонь пет, авань мазоптомат, монетат и лама мезе лия. Кунардонь эряма вастста ламоц муфкснень ули кода няемс Саранск ошса Краеведческяй музейса, улихть синь и велень школань музейса.

 

24.10.2019  № 42
 
 
 

Россиянь и Мордовиянь Народнай артисткась, Мордовия Республикань Почётнай гражданинць Александра КУЛИКОВА:

 «ПАВАЗУВАН, МЕС ЭРЯН МОРДОВИЯСА!»
 
Тячи республиканьконь столицаса, Саранскяйса, ушедсы эсь работанц Мордовскяй (мокшень и эрзянь) народть Межрегиональнай общественнай организациянц Всероссийскяй VII съездоц. Пингстонза вановихть кизефксне, конат оржаста ащихть мокшэрзянь нациять инголе. Тя оцю пуромксть карша тейнек удалась корхнемс Россиянь и Мордовиянь Народнай артисткать, Мордовия Республикань Государственнай премиянь лауреатть, Славань III степенень орденонь кавалерть, Мордовия Республикань, Рузаевкань и Темников ошень почётнай гражданинть Александра Куликовать мархта. Александра Николаевна сувси съездонь делегаттнень лувксс.

 

Александра Куликовать лемоц лац содаф аф аньцек эсь республикасонк, но и ламоц лия вастова. Вии, седиень-ваймонь токай вайгялец лездсь велень стирняти арамс кельговиксокс тежятть ваныти. Эсь творческяй кинц артисткась ушедозе 1962 кизоня «Умарина» моронь и кштимань государственнай ансамбльса. Лама киза А.Куликова кеняртьфнесыне ломаттнень сольнай мораманц мархта.

 

Александра Николаевнань творческяй киц козя гастролень ширде. Вайгялец кайгсь аф аньцек Россияса, но и лия ширеса: Германияса, Чехословакияса, Финляндияса, Польшаса, Венгрияса, Китайса, Белоруссияса, Украинаса, Молдавияса, Киргизияса, Таджикистанца, Чувашияса. Лия регионца и нльне омба масторса улемста артисткати удалси васьфнемс-корхнемс тоса эряй мокшетнень и эрзятнень мархта, а сяс аф кулемас коре содасы, мезсь синь пичефтьсыне-таколфтсыне.

 

Корреспондентоньконь мархта корхнемста артисткась азозе, мезе ученды мокшэрзятнень оцю пуромксснон эзда, мезть колга мялец корхтамс сонцень, а стане жа отвечась и лия кизефкснень лангс.

 

 

 
24.10.2019  № 42
 
 
 

МОКШЕНЬ И ЭРЗЯНЬ КЯЛЬХНЕ ТОНАФНЕВИХТЬ ШКОЛАТНЕНЬ

Понедельникста Саранск ошень округонь Администрацияса ётафтф оперативнай совещанияса ванондовсь лама кизефкс. Башка мяль шарфтфоль Мордовскяй (мокшень и эрзянь) народть Межрегиональнай общественнай организациянц VII съездонцты анокламати. Тяса азфоль, што Саранскяень 45 сембе школатнень эса 2 класста сявомок 7 классти молемс тонафневихть мокшень и эрзянь кяльхне. Тя тевса заняф 94 педагог. Тонафнемаса фатяф 17916 ученик. Недяляти макссеви 1-2 част. Тяда башка, тяконди водендафт кружокне, музейхне. Саранскяень идень сембе саттнень эса тевс ноляви «Минь эрятама Мордовияса» этнокультурнай компонентсь. Дошкольнай учреждениятнень эса мокшэрзянь народть историянц, коензон-обуцянзон и культуранц мархта иттне содафневихть культорологическяй аспектть, налхксематнень вельде. Стане жа работай этнокультурнай (кштимань, музыкальнай, народнай творчествань) 93 кружок, коса заняф 2160 шаба. Тянь и ламоть лиять колга заседанияса пачфтсь социальнай политикать коряс Департаментть директоронц заместителец—Образованиянь управлениять начальникоц Оксана Шуляпова.

 

24.10.2019
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин