Поиск по сайту: 
 

Архив
 май 
 2020 
пн вт ср чт пт сб вс
    123
45678910
11121314151617
18192021222324
25262728293031

 
 

 

Тема дня

Ромодановскийрайон:в селе Белозерье строится новый детский сад


 

Национальный проект «Образование». Региональный проект «Социальные лифты для каждого»


 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020

 

ВАНОНДОВСТЬ КОРОНАВИРУСНАЙ ИНФЕКЦИЯТЬ КАРШЕС ТЕВОНЬ ВЯТЕМАНЬ КИЗЕФКСНЕ


 

«ПОБЕГ В НЕБО»


 

Национальная тематика

Саратовскяй областень «Шумбрат» мокшэрзянь региональнай Национально-культурнай центрать председателец В.И.КРИВОШЕЕВА: «ИДЕНЬКЕ И УНОКОНЬКЕ ТЯНКСА ТЕЙНЕК АЗЫХТЬ СЮКПРЯ!»

25.05.2020

 

Мокшень народнай мора

Эх, хоть и шачень-удалань

 

Хоть и шачень-удалань,

 

Вирьса акша келунясь.

 

Келуть ала пангонясь,

 

Эхярь мазы лангонясь.

 

Аш няиняц-сязиняц.

 

Киге ётай од цёра,

 

Куз кептерец копсонза

 

Ся няемань—сяземань,

 

Куз кептерти путомань,

 

Ару ведьса сон штамань,

 

Пяшень парьти путомань,

 

Акша салса валомань,

 

Стака кевса матрамань.

 

 

(Сявф «Мордовскяй народнай морот» книгаста).
 
Зрнянь  кядь мастерица

Елена Васильевна Калташкина (Липатова) шачсь-кассь и тячемс эряй Ковылкинскяй райононь Сире Сомай велеса. Тядянза-алянза, Евдокия Ефимовна и Василий Петрович, эряфоньберьф работакшнесть колхозса. Синь касфтсть и путсть виде кис 5 шабат, конатнень ёткста колма сазорхне, лисемок рьвакс, лядсть эряма эсь шачема велезост.

 

Елена Васильевна школада меле тонафнесь бухгалтеркс Темников ошса велень хозяйствань техникумса. Работакшнесь лавкаса мишендикс, колхозонь бригадирти лездыкс, велень Советса бухгалтеркс. Тяни сон пенсияса. Мокшавать оцю семьяц—мирдец, колма шабадонза и вете уноктонза.

 

 

 

25.05.2020

 

Молодежный клуб

Алёна ЭРЯКШЕВА: «МЯЛЕЗЕ СОТОМС ЭРЯФОЗЕНЬ СЦЕНАТЬ МАРХТА»


 

Обо всем понемногу

РАВЖА ПИЛЬГС ЩАМАТНЕ СЯДА ЛЯМБОТ АКШЕТНЕНЬ КОРЯС


 

Пеетькс пакшкат


 

МОБИЛЬНИКСЬ ТИИ ЗИЯН ПРЯ УЙТИ

Ракть каршес тюремать коряс экспертсь—австралийскяй нейрохирургсь докторсь Вини Курана—тись заявления мобильнай телефонть тевс ноляманц и пря уень злокачественнай таргозьфнень ёткса сотксть колга.

 

Тяфтама таргозьфне эвондакшнихть аф эстокиге, а 10 кизода меле. Тняра пинге тушенды синь вииямаснонды-касомаснонды. Израильскяй профессорсь Рони Сегер, ракть исследователец, содазе, што зиян тии мобильнай телефонть излученияц, конашкава ёмла сон афоль уле. Проверязь тянь крьсатнень лангса. Синь получасть кемоньксть сяда ёмла доза корхни ломанть коряс. Крьсатнень пря уйсост аньцек 5 минутат «корхнемада» меле ушедсть эрекста явома клеткатне, мезсь вятсь таргозематнень эвондамаснонды. Тякось уленди и ракса сяряди ломаттнень мархта. Шветтне састь мяльс, што ломаттнень, конат нолясазь тевс мобильнай связть 10 кизода ламос, кафксть сяда сидеста эвондакшни кулемань нервань таргозьфсна. И таргозьфсь эвондакшни ся ширеса, конанди путневи трубкась.

 

 

25.05.2020

 

 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин