Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

В рамках национального проекта «Демография» в Конопати появилась новая спортивная площадка


 

В рамках нацпроекта «Здравоохранение» в Ельниковском районе идет строительство ФАПа


 

Национальная тематика

СИНЬ СЕМЬЯСОСТ УЛИ БИБЛИОТЕКАРЕНЬ ЭСЬ ЛАЦОНЬ ДИНАСТИЯ

Эрь велесь содаф асу, машты кядь, лама тевонь тии ломанензон мархта. Тя, ванат, арась учёнайкс, а омбоцесь сотозе эряфонц ёмла родинанц мархта, ашезь ту ошу, арась сёронь видикс, жуватань касфтыкс, модань сокайкс, механизаторкс. Земляксна маряйхть гордость инксост, путнесазь цебярь примеркс, нльне шнафтыхть пря мархтост. Но улихть стама велет, конань пцтай сембе эряенза и асуфт, и трудонь кельгихть, и эрь тевть, кода корхнетяма минь, мокшетне, пачк сязьсазь. Тяфтапнень лувксс сувси Старошайговскяй райононь Сире Теризморгась. Сявк эрь кудть и сонь азоронзон—кштийхть, морайхть, сюреса сёрмадыхть, национальнай ярхцамбяльхть пидихть-панихть—кяльцень нильсак. Сире Теризморгань ломаттне патриоттонга патриотт, инжиень примайхть-каваняйхть. Эрсь эздонк кулендсь и, улема, хуш весть, но ульсь тя велень Национальнай культурань центраса, кона панжезень кенкшензон 1992 кизоня, а тяни содаф лама вастова.

 

Национальнай культурань центрать видеса работай Сире Теризморга велень библиотекась. Книгань азоравакс ули кода лемдемс тястонь        библиотекарть, мокшавать, патриотть Светлана Фёдоровна Пивкинать, кона вов ни лама киза маштозь тиендьсы эсь тевонц.

10.07.2020

 

Е.Я.Терёшкинать 75 кизонь топодеманцты

Е.Я.Терешкинась шачсь 1945 кизоня Рыбкинскяй (тяни Ковылкинскяй) райононь Сомазляй велеса мокшень семьяса. Тястонь школать аделамда меле тонафнесь Н.П.Огарёвонь лемса Мордовскяй госуниверситетонь филологическяй факультетса. Получамок педагогонь специальность, сон тонафнесь итть Пензенскяй областень Никольск велеса, мирденц родинаса. Пингонь ётазь семьясна кармай эряма Саранскяйса, а Евдокия Яковлевна сявови работама «Мокшень правдав». Ушедозе тяса литсотрудникокс, а меле кассь ответственнай секретарти заместителькс, культурань отделонь заведующайкс. Сёрматкшнесь лама мялень салай статья, очерк, зарисовка. Мокшень газетасонк и «Мокша» журналса кармасть лисендема идень васенце рассказонза. Меле синь пуроптовсть башка книганяс, кона лиссь Мордкизса «Ольга тонафнесы эряфть» лем ала.

 

1981 кизоста сявомок 2000 кизонь 17 апрельти молемс работась Мордовскяй книжнай издательстваса художественнай литературань редакциянь заведующайкс, 1995 кизоста—главнай редакторкс. Тяса работамста лиссь нинге фкя книгац «Сай акша лишмоса» лем ала.

 

2000 кизоня, пенсияс тумдонза меле, Евдокия Яковлевна тага мртцесь «Мокшень правдав». Работась главнай редакторти заместителькс. Ужяленди, тя вастса теенза савсь улемс ёфси кржас, аньцек цють пяле кизода ламос. Апак учсек сон пингта инголе тусь эряфста.

 

Е.Я.Терешкина лама произведения ётафнесь рузоннеста мокшень кяльс и мокшеннеста—рузонь кяльс.

 

Евдокия Яковлевна ульсь пяк пара вайме, паронь арьси ломанькс. Сон тевс-кис водендакшнезень од писательхнень, поэттнень, ламотненди арсесь литературав кинь няфникс, книгаснон ноляйкс.

 

Тячиень номерста лувость Е.Я.Терешкинать «Калада варягат» азксонц (максови кирьфтафста).

10.07.2020

 

Сергей ФУДИН: «АФ ЛОТКСЯН ДИВАНДАКШНЕМДА, КОНАШКАВА КОЗЯ КУЛЬТУРАНЬКЕ, МАЗЫ КЯЛЕНЬКЕ И СМУЗЮФТ МОРОНЬКЕ»


 

Обо всем понемногу

Кизонь шитнень

10.07.2020

 

Пеетькс пакшкат


 

ПИЗЕМНЯ


 

 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин