Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

Инсарский район: «Доброшкола» помогает детям


 

Национальный проект «Международная кооперация и экспорт». Региональный проект «Экспорт продукции АПК»


 

Профессорсь Ю.А.Мишанин:


 

РОССИЯТЬ САЙ ПИНГОНЦ ИНКСА МАКСОЗЕ ВАЙГЯЛЕНЦ МОКШЭРЗЯНЬ КРАЙСЬ


 

МОРДОВИЯСА ПАНЖЕВИ ПАМЯТНИК МИХАИЛ ДЕВЯТАЕВОНДИ


 

РЕСПУБЛИКАСА ТИЕВИ ЛОФЦОНЬ ОД КЛАСТЕР


 

МАКСФ ОЦЮ ОЦЕНКА АГРАРИЙХНЕНЬ РАБОТАСНОНДЫ

24 июньцта Владимир Волков ульсь республикань паксятнень лангса и макссь оцю питне тяддень урожайть перспективанзонды. Эряви  шарфтомс мяль, што тяддень тунданя видемась регионца ётась коронавирусть кемокстаманц каршес тюремань пяк стака условиятнень пингста, но касыксонь касфнихне тиезь эсь тевснон пяк лац.

 

Велень хозяйствань паксятнень ваномасна ушедсь Чамзинскяй районца «МАПо и К» ООО-ть эзга, коса мольфтевсь сенажень анокламась. Хозяйствать руководителец Николай Ютяев пачфтсь сянь колга, што тишесь тядде пяк цебярь, модаса сатомшка летькта, сяс ули аноклаф сатомшка корма крупнай сюра мархта 5,5 тёжянь пря жуватати—25 тёжянь тоннада лама. Мяльс тусь паксятнень лангса  велень хозяйствань тяниень пингонь техникать работац. Уборочнай од комбайнатне керсесазь касыксть пцтай юронцты молемс, кадомок аньцек 2 сантиметрат. велень хозяйствань инь од техникань образецнень мархта работась, конань пингста тевс нолявихть тяниень пингонь технологиятне, салсесыне од ломаттнень мяльснон. Правительствать Председателенц васенце заместителец—Мордовиянь велень хозяйствань и  продовольствиянь министрсь Владимир Сидоров шарфтсь мяль, што республикаса коль сяда лама  шачфта мртцихть ёмла родиназост, штоба работамс велень хозяйствань предприятиятнень эса. Аграрийхненди 50 тёжянь цалковай зарплатась арась нормакс. тяда башка, оттнень улихть сембе возможностьсна мумс вастснон и сембе ширде няфтемс пряснон родной модать лангса.

03.07.2020

 

Национальная тематика

П.К.Торопкинонь шачема шиста 100 кизонь топодемати


 

В.Т.Чукаровонь шачема шиста 95 кизонь топодемати


 

Л.И.ПАРКИНА: «СЕДИСЬ УСКОЗЬ-УСКИ ЁМЛА РОДИНАЗОН»


 

АСУ СТИРНЯ

Анастасия Головановати 10 кизот. Мокшень стирнясь тядде аделазе 4 классть. Сон эряй Инсарскяй райононь Кочетовка велеса. Настя тонафни аньцек «ветес». Кельгома предметонза—математикась, музыкась и ИЗО-сь.

 

Эсь маштомошинц и содамошинзон стирнясь няфнесыне эрь-кодама пялькстомаса. Кепотьксонди, сон аноклась «Минь семьяньконь гордостец» мялень салай исследовательскяй работа, коса сёрмадсь Великай     Отечественнай войнань участникть, боевой казнень сатыть, эсь атянь-атянц Фёдор Терентьевич Азыркинонь колга. Сонь работац няфтьфоль «Васенце аськолксне наукав» Республиканскяй научно-практическяй конференцияса.

 

Анастасия занязе I вастть Великай Победать 75 кизонцты лемтьф сочинениянь сёрмадомаса, кона тядде ётась эсь районцост. Стане жа стирнясь примась участия «Победань марш» акцияса, коса морась войнать колга мора.
 

03.07.2020

 

Обратная связь (Газета - Читатель)

ЛИССЬ КНИГА ЁЖКА ВЕЛЕНЬКОНЬ КОЛГА

Аф кунара Ковылкинскяй райононь Ёжка велезонк сась кеняртьфти куля: Ковылкинань типографияса лиссь веленьконь колга од книга, конань лемоц  «Ежовка—село наше родное». Сонь авторонза Ёжка велень бизнесменць Андрей Яковлевич Веряскин и учительсь-пенсионерсь Аким Фадеевич Тремаскин.

 

Книгаса лувись мусы велеть историянц, мзярда сон эвондась, мес сонь тяфтама лемоц, кода эрясть велеряйхне революцияда инголе, Советскяй властть пингста, перестройкада меле, кодама эряфсь велеса тячи и стак тов. Книгась пцтай марнек лемтьф сире поколениянь ломаттненди, конат няезь и кирдезь сембе аф няематнень.

 

Авторхне якасть кудга, сёрматкшнезь синь эряфснон-ащефснон, кочкасть лама фотоматериалда, архивнай и статистическяй даннайда, а инь питнись книгаса ломаттнень эсь азкссна ся пингонь эряфснон колга.

 

Книгаса крхкаста максфт велеть, церькавть, школать, велень Советть, рыбопитомникть, торфартельть, коллективизациять, колхозть и велень сембе учреждениятнень и хозяйстватнень историясна.

 

Койсон, авторхне путсть пяк оцю честь войнань сембе участникненди, тылонь труженикненди, лама идень касфты тядятненди, войнаса шавфненди и войнань инвалиттненди, велень содаф ломаттненди.

 

03.07.2020

 

Здоровье

ПЕРЕНЬ СЁРОТНЕ И ГАСТРИТСЬ


 

УТЦЕДА НОСОКСА

Пилькне кирдемат лямбоса

 

Мзярда спальняса кельме, тя шоряй лац удомс и кочкамс веть вийхть. Щада носокт, тяфта афкукс ули сяда лямбе. А нинге ули кода путомс пилькнень малас пси ведь мархта сюлека. сяда пара илять нолдамс пильге лапатнень лямбе ведь мархта тазняс. А меле—эстокиге одеялать алу. И киськсь ваймонц тарксесы, и резинкась аф люпштай… Венц лангс щашендома аньцек ару носокт, а аф сятнень, конатнень каясть работаста самдонт меле.

 

Цебярь носокне сят,

 

конатнень аф люпштайхть резинкасна

 

Кда резинкась кеме, сон люпштасыне пильгонь сосудатнень и аф максы лац якамс верти. Сяс кочкседа лафча резинка мархта носокт. Улихть медицинскяй носокт диабетикненди. Эсост ёфси аш стафкст и резинкат. Синь аф люпштайхть  и аф шовайхть. Натуральнай материалхне  аф эвондафнихть  якстерь и шоваф вастт.

 

Кочкярятне улихть вадяфт

 

Мочевина мархта увлажняющай кремсь лезды «андомс» киськть полезнай веществаса. Кда тиендемс тяфта, кочкярятне мзярдовок аф коськихть и аф казямгодыхть.

 

Мезьса якамс кудса

 

Кодамот няемас коре носокне—тянь эздовок ащи ламось. Эчкнень и сялгихнень улихть кода нолямс тевс сярядемста. А  лияста кочкседа лама тюсонь носокт. Эста лангозонт пара ули ваномс!

 

03.07.2020

 

Обо всем понемногу

КОДА КУРОКСТА КЕЛЬМОФТЕМС СИМОМБЯЛЬТЬ


 

Пеетькс пакшкат


 

 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин