Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Темы дня

«Единая Россия» отстояла благоустройство небольших населенных пунктов в бюджете 2019 года


 

Школьники из Атяшевского района посетили Госдуму


 

Единороссы республики проведут партийную дискуссию «Обновление 2018»


 

Жители Кочкурова попросили Виталия Ефимова помочь со строительством спортивного зала в райцентре


 

Виталий Ефимов и Владимир Чибиркин обсудили вопрос строительства путепровода в Ковылкинском районе


 

Наши мокшанские сыновья и дочери

Ломанень кельги ломань


 

Тема дня

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ


 

Маластонь кота кизотнень Мордовияса кинь строяманкса нолдави пцтай 40 миллиард цалковай


 

ПРОЕКТТЬ ЭРЯФС ЁТАФНЕМАЦ УШЕДОВИ ТЯДДЕНЬ ДЕКАБРЬСТА

16 октябрьста Мордовиянь Технопаркса ётась «Производительность труда и поддержка занятости» лем ала национальнай проектть эряфс етафнеманц коряс семинар. Эсонза примасть участия республикань властень, предприятиянь и экспортнай сообществань представительхне. Мероприятиясь етафтовсь фкя пингста тяфтама жа лем ала приоритетнай программать тевс сувафтоманц мархта, конань кемокстазе РФ-нь Президентть видеса стратегическяй виияфтомать коряс Советть президиумоц. Программать колга азондсь Компетенциянь Федеральнай центрать генеральнай директоронц заместителец С.В.Горчакова. Валонзон коряс, Мордовиясь аф стак сувафтфоль программань пилотнай региоттнень-участникнень лувксс. Республикась путни оцю путкс странать экономикас. Проектть эряфс етафнеманцты регионць кярьмоди тяддень декабрь ковста.
Азфоль, што 2024 кизоть самс проектти арьсекшневи сувафтомс республикань 70-да лама предприятия.
—Корхтамась мольфтеви организациятнень аф аньцек экономическяй эффективностьснон, но и синь выручкаснон касфнеманц, а стане жа производствати сяда лама инвестициянь водендамать квалма,—мярьгсь МР-нь Правительствать Председателенц заместителец—промышленностень, наукань и од технологиянь министрсь А.И.Седов.
25.10.2018 №42

 

Национальная тематика

Российскяй Федерациянь Финно-угорскяй культурань центрать руководителец Т.Т.Барахова:«СЯДОНГА МАЛАДОМС ФКЯ-ФКЯНДИ!»

Международнай фестивальда мельдень интервью
—Татьяна Тихоновна, кодама тефт мольфти Российскяй Федерациянь Финно-угорскяй культурань центрась Россияса и омба масторонь финно-угорскяй мирса?
—Тя кизефксть коряс корхтамста, васенцекс азома: Центраньконь Коми Республикань Сыктывкар ошса кефкие кизода инголе тиезе-панжезе и макссь теенза федеральнай статус эсь Указсонза Россиянь Президентсь В.В.Путин. Сяс минь вятьсаськ тевоньконь  Россиянь эрь регионца, коса эряйхть финно-угорскяй и самодийскяй наротт. Мероприятияньконь вельде ванфтсаськ и виияфтсаськ национальнай культураснон, кяльснон, койснон, искусстваснон, ремесласнон и стак тов.
Омба масторонь финно-угорскяй мирса тостонь этнокультурнай и лия организациятнень мархта тяфта жа ётафнетяма культурнай, информационнай, выставочнай, презентационнай марстонь мероприятият. Синь аф аньцек виияфтсазь финно-угорскяй нароттнень культураснон, но и тисазь синь фкя-фкянди сяда шарьхкодевикс, малакс и, мярьголень, ламода сяда кельговикс и питникс.
25.10.2018 №42

 

Н.С.Русейкин: «КАТК «МОКШЕНЬ ПРАВДАСЬ» АРАЙ ЯЛГАКС МОКШЕНЬ ЭРЬ СЕМЬЯТИ»


 

СЮКПРЯ ТЕЙТЬ, ВЕРА ФЁДОРОВНА!


 

Культура

«УМАРИНАСЬ» КЕНЯРТЬФНЕСЫНЕ КОНЦЕРТОНЗОН МАРХТА ОШЕНЬ И ВЕЛЕНЬ ЭРЯЙХНЕНЬ!

«Умарина» моронь и кштимань Мокшэрзянь государственнай ансамбльсь аф содай ваймама кизоньберьф. Гастрольхть, концертт, оцю пуромкснень эса участиянь примамась… Коллективонь участникне фалу васьфневихть кядень кайги цяпамаса, теест ломаттне азонкшнихть седиста моли лямбе валхт. «Умаринать» художественнай руководителенц, мокшалять В.И.Четыркинонь валонзон коряс, концертнай программать арьсемста мяльс фалу сявондевихть велень, райцентрань эряйхне. Аф фалу ширезост сашендыхть кштийхть-морайхть, эстеестка аф сидеста удалси повомс ошса ётафневи концерттненди.
Майсь «Умаринати» пяк козя пуромксса и концертса. 9 майста сембе оцю мяльса васьфтеськ Великай Победань шить. Саранскяйса Советскяй площадьса ётась Победань Парадсь, конань эса примасть участия моронь и кштимань государственнай ансамблень артисттне.
24.05.2018 №20

 

Обратная связь (Газета - Читатель)

«Келу» ансамбльть вятиец И.В.Макейкина: «Кизотне «Мокшень правдать» полафтозь аньцек цебярь шири»

Тяниень пингть пяк лама аф фкя лацонь периодическяй изданияда. Но инь удалафсь еткстост, койсон, «Мокшень правдась». Шять, сяс сон лиятнень коряс сяда мала седити, мес лисенди тядянь-алянь родной кяльса. Но аш кода аф азомс и сянь, што газетась пяк козя и мялень салай содержанияс коре. Тя изданияста мусаськ семботь: мезе однясь республикаса, кода мольфтевихть тефне промышленностьса и велень хозяйстваса, кодамот полафтксне образованияса, медицинаса, культураса. Сембось тя тяштьф шарьхкодеви, теждя кяльса.
Газетать лувондомонза ушедонь пяк кунара. Ся пингста «Мокшень правдась» ламода полафтсь. Васенце полосась и кучка лопанятне тяни лисендихть разнай тюсса, мезенкса газетась арась сядовок удалафокс. Изданиять эса эвондась  лама од темада.
Тушенды мялезон «Мазыхть мокшень стиреньке» конкурссь. Ня материалхнень эса аф аньцек пачфневи мокшень стирьхнень мазышиснон, удалаф тевснон, сатфксснон колга, но и няфневи мокшень щамть-карямть мазышиц.
20.09.2018 №37

 

В Госсобрании РМ

МР-нь Госсобраниять Председателец Владимир Чибиркин васетькшнесь Госдумань депутатть Василий Пискаревонь мархта


 

В Правительстве РМ

Республикань Оцюнясь ётафтсь рабочай васедема Мордовиять эзда сенаторть Сергей Кисляконь мархта


 

События

«Единая Россия» отстояла благоустройство небольших населенных пунктов в бюджете 2019 года


 

Демография

Мордовиясь арась теест омбоце кудкс


 

Здоровье

ЯКАТАМА КЯПЕ…


 

Мокшане о мокшанах

МЗЯРДА МОРОСЬ МОЛИ ВАЙМОСТА…


 

Как жили и живут мокшане

КАТК ФАЛУ КАЙГИ РОДНОЙ ВАЛСЬ


 

Ветеранам о ветеранах

Лезттама сиренятненди марстонь вийса


 

Молодежный клуб

Од ломанень клуб


 

Наша усадьба

ТЯЛОНЬ КОФНЕ—ТРАКСОНЬ ВАЗЫЯМА ПИНГЕ

Жуватань касфнихненди маладсь инь ответственнай пингсь, мзярда жуватань карттнень эса эвондакшнихть од эряйхть. Тя пингть сяда оцю мяльса якама жувататнень и аньцек вазыяф вазнятнень мельге.
Тракссь вазнянц кандсы 285 ши. Мзярда малады вазыяма пингсь (тя кафтошка недяляда инголе), жуватать «алу прай» пекоц. Касы сонь одароц и стак тов. Вазыямда инголе траксть полафты прянь  вятемац. Сон арси аф сетьмокс, варжаксни фталу, полафнесыне пильгонзон и кепсесы пулонц.
Инголенди аноклама помещения: сон урядама, акшептома, тиема вазняти яслят, ацама мастору шужярь.
Вазнять шачемда меле эстокиге нардамат нярец и сельмонза.
Мзярда эрявксни ветеринаронь лезкссь?
Кда вазыяма пингсь таргави частта ламос и штады аньцек фкя пильгоц, эста эряви лезкс. Кда вазыямста мянтьфт вазнять плманжанза—лездома тердема специалист. Кда эсь пингстонза аф лездомс, зиян может лисемс кода вазнять, стане и вазыяй траксть мархта.
Лездома и эста, кда вазнясь «сай» фтала пяльде. Кемоньшка частта меле должен прамс нилькссь. Кда тевсь таргави 10 частта ламос, тя может эвондафтомс воспаленият и лия урмат.
 
01.02.2018

 

Наука и жизнь

КРАСНОСЛОБОДСКЯЙ ПРОМЫШЛЕННАЙ ТЕХНИКУМСА АНОКЛАВИХТЬ СПЕЦИАЛИСТТ, КОНАТ ЭРЯВИХТЬ ТЯЧИЕНЬ РОССИЯТИ


 

Спорт

Азонттама странань инь содаф футболисттнень колга


 

Благотворительность

«КРУГЛАЙ ШРАСЬ» ЛЕМТЬФОЛЬ ДОБРОВОЛЕЦОНЬ МЕЖДУНАРОДНАЙ ШИТИ


 

СОДАФТ ПАРА ТЕВСНОН МАРХТА


 

Указы Главы РМ

Мордовия Республикань Оцюнять


 

Религия

ДРАКИНАНЬ ПОКРОВСКЯЙ АЛЯНЬ МОНАСТЫРТЬ ПАРА ТЕВОНЗА


 

Люди и дела

КОЧКАЗЬ АЛЯСНОН КИНЦ


 

МАРЯТАМА ИНКСОСТ ГОРДОСТЬ


 

Закон и порядок

МУВОРУВАТ—ОТВЕЧАК!


 

АПК

Качествась—васенце вастса

Васенцесь, кинь мархта минь васьфтеме «Старосиндровский» ПСХ-са, ульсь КУН-ца работай трактористсь Виктор Николаевич Невкин. Сон—хозяйствать фкя инь шнама, совестьс коре покоди ломанец. Вов и тянивок мокшалясь пяшкотькшнезень фкя-фкянь мельге  тишеса, шужярьса  тракторнай тележкатнень, конат курокста пачфневсть ферматнень ваксс.
—Сире Синдрусь—тя монь шачема велезе и трудовой биографиязевок ушедсь тязк,—азонды мяль вельде В. Н.Невкин.—Кафкса кизот покодян тя хозяйстваса, тракторозе од, зарплатазе цебярь, сяс аш мялезе тумс шири работань вешендема. Тяса сембось тейне родной, тяса покодсть монь алязе, тядязе.
Виктор Невкинонь аляц, Николай Семенович, ульсь инь цебярь механизаторкс аф аньцек Сире Синдруса, но и марнек районца. Сон лац содазень тракторонь сембе маркатнень, соксесь-витцесь ДТ-75 гусеничнай тракторса, Т-150 и МТЗ-80 тракторса и лия техникаса. Аф весть казендевсь Мордовия Республикань Правительствань Почетнай грамотаса, питни казнеса. Колганза лисендсть очеркт районнай газетаса, тяшневсь передовикть трудонь сатфксонзон колга и минь газетасонк. Тяни алянц тевонц мольфтьсы сонь церац, конань колга минь кулеме тяфта жа аньцек шнама валхт.
03.05.2018

 

Обо всем понемногу

Тундань панчфне кеняртьфтихть


 

Экономика

50 КИЗА МОРДОВИЯТЬ ПАНЧФОКС ПАНЖЕМАНЦ ИНКСА


 

Мокшень правде-90!

МАШТАТ РАБОТАМА, МАШТТ И ВАЙМАМА

"Мокшень правдати"-90
Газетаньконди, кода ни содасаськ, топодсь вейхксогемонь киза. Оцю ила етафтфоль тя юбилейть честьс. Но тянь мархта праздничнай мероприятиятне ашесть шумордав. "Мокшень правдань" сотрудникненди арась ни тонатфокс коллективонь келеса якамс экскурсияс, лисендемс природав. Тя мезтьке тифоль тяфта.
Васендакиге киньке-яноньке вятемазь Краснослободск ошу, а сяда видекс-тостонь музеи. Тяда инголивок тейнек сашендовсь улемс тоса, ванондомс уликсть лангс. Но музеи тяниень экскурсиясь ефси лияль ингольцетнень коряс. Васендакиге лияль сон сянь мархта, што сембе тя козяшись-музейнай экспонаттне етасть "эряма" лия кудс-Краснослободскяень Культурань дворецу. "Дворец!"-лиякс сонь аш кода лемдемска. Сельмованф салай зданиясь уша ширде. Можна тяфта мярьгомс, што сон пяк мазоптозе кунардонь тя ошть. Аф азовомшка конашка мазыши мархта васьфтят потмоста.
20.10.2011 №41

 

Наша семья

КАНАКОФНЕНЬ СЕМЬЯСНА ЛИССЬ ВСЕРОССИЙСКЯЙ КОНКУРССА СЯСЬКИХНЕНЬ ЁТКС


 

Письма из села

Республикань велетнень эса


 

Юмор и сатира

КДА УЛЕЛЕНЬ СЯДА КОЗЯНЯ

Михаил Иванович шачсь мокшень ашу семьяса. Шабакскиге отькорель, ёнюволь, венемсь содамошитненди. Озай курнянь алятнень ёткс, нолдай эсь паньфкять эзда кафтошка стопканя, ляпоми, ушеды азондома эсь аф тёждя эряфонц колга.
—Кда улелень сяда козяня, аф тинь вакссонт улель монь вастозе,—корхтай алятненди.
—А коса ина, Иваныч?—кизефнесазь сят.
—Кодамовок акша кудса.
—Тянивок кудце акша. Ётак сембе ульцять, лия лацонза аф муят.
—Мон аф тянь кирдине мяльсон. Кодамовок министерстваса или оцю ошень больницяса покоделень.
—И видекс, сюлеканявок афолеть сява, мархтонк афолеть копорда.
—Ктор-ктор..,—рахай Михаил Иванович.—Тинь мархтонт  да стопканя аф нолдамс. Тя аф алякс.
—Лац калякондат, Иваныч. Тянкса сави нинге фкя стопканя нюрьхтямс.
«Сяпинясь» гастясы алять, ушеды лятфнемост одонь кизонзон.
—Мзяра гуленя, цёрат, порьф, вай-вай-вай…
—Кали ни тяшкава вачедолеть?
—Кода ина. Студентолень вдь.
11.10.2018 №40

 

 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин