Поиск по сайту: 
 

Архив
 июнь 
 2017 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Фоторепортаж
   
 
ДЕКАБРСЬ
 
*Декабрсь кизоть аделасы, тялоть ушеткшнесы.
*Декабрьста погодась сидеста полафни, то якшама, то пизем, а кодама декабрсь, стама тундась и кизось, и сай пингонь урожайсь.
*Кда декабрьста сидеста уфай варма, эста мартста и апрельста погодась кармай начка, пизему.
*Декабрьста коське—тунда и кизонда пизем тят учсе.
*Декабрьста лямбе и начка—кувака тялонди и кельме тунданди.
*Кда васенце ловсь декабрьста плотнай, начка и стака—учсеви начка киза, а кда ловсь теждя и коськста прай—кизось кармай коське.
*Декабрсь лову и кельме—кшись шачи.
  06.12.2012 №48
 
 
 
 
Ноябрсь
Ноябрсь тялоти ортат панжи.
Ноябрсь—сентябрть унокоц, октябрть церац, тялоть родной аляц.
Ноябрсь—кизоть инь шобда пингоц.
Ноябрьста кудазорсь крандазонц мархта яви, нурттненди озси.
Ноябрьста валдашкодомась васетькшни шобдалгодомать мархта шиньгучкать.
Ноябрьста лама ловда—кшидовок лама кармай.
Кда ловсь прай эендаф модать лангс, сай кизось ули козя кшиса.
01.11.2012 №43
 
 
 
МАЗЫХТЬ МОКШЕНЬ СТИРЕНЬКЕ
Мокшень стирьхнень мазышисна содаф аф аньцек республикасонк, но и лия масторса. «Мокшень правда» газетаса «Мазыхть мокшень стиреньке» конкурсть вельде ули кода няемс мокшень стирьхнень щамснон и синцень мазышиснон. Лувиеньконди кельговсь тя конкурссь, а мокшень стирьхне оцю мяльса примайхть эсонза участия. Вдь эздост эряви аф лама: тиемс национальнай костюмса снимкат и азондомс эсь колгат. Кда кинь ули мялец примамс участия «Мокшень правда» газетать конкурсса, то эряви аньцек гайфтемс редакцияв. Сембе телефононь номерхнень можнат содамс газетать мекольце страницастонза.
Тячиень газетать номерсонза азонттама мазы мокшень стирть, Пелогея Ждакаевать колга.
Пелогея шачсь-кассь Мордовиянь Торбеевскяй районца Салазгорь велеса, мокшень семьяса. Тядянза-алянза мокшет. Мокшэрзянь крайса касозь, емланястокиге ушедат национальнай культурать, историять, бытть и, конешна, кяльть кельгома. Тяфта и тячиень героиняньке идькс пингстокиге оцю мяльса тонафнезе родной мокшень кяльть и литературать. Сяс школаса тонафнемста якась предметнай олимпиадас. Сидеста занцесь вастт мокшень кяльса и литератураса. Вейхксоце класса сатозе колмоце вастть, а кемонцеса занязе омбоцеть марнек районца, мезенкса казьфоль грамотаса, благодарностьса.
Пелогея школаса тонафнемста участвондась школать общественнай эряфсонза. Соньфтомонза ашезь етне фкявок мероприятия. Примсесь активнай участия 8 Мартти, 23 февральти, Учителень шити, Од кизоти лемтьф концерттнень эса. Морсесь национальнай щамса-карямса мокшень морот, азонкшнесь стихотвореният кода мокшень, стане и рузонь кяльса. А велень илатнень эса Пелогея фалу ульсь ведущайкс, етафнезень сембе пуромкснень. Но тяда башка, нинге морсесь мокшень морот, дуэтса стирь ялганц мархта. Сонь пяк цебярь вайгялец. Тя теенза етась тядянц Тамара Ивановнань эзда. Тамара Ивановнань тяфта жа вии и мазы вайгялец.
Башка мяль мокшень стирсь шарфни мокшэрзянь литературати. Эсь пингстонза лувозень сембе содаф Мордовиянь писательхнень и поэттнень произведенияснон. Пяк мялезонза И.М.Девинонь романоц «Нардише»: «Авторсь лац няфтьсыне родной мокшэрзянь перьфпяльть, национальнай самобытнай характерть. Лувомста шарьхкодеви пефтома кельгомась родной уженяти. Мялезон, кода лац няфтьсы И.М.Девин мокшэрзянь велеть и Саранск ошть эряфонц войнада меле. Пяк мялезон кяльсь, конаса серматф романць. Вельденза няеви снярдонь национальнай культурась»,—азонды Пелогея. Стирть мялезонза и И.М. Безбородовонь творчествац. Но Пелогея оцю мяль шарфтсь Безбородовонь журналистскяй деятельностенцты. Лувондсь колганза лама литература и сонь тяштьф фельетононзон, статьянзон, корреспонденциянзон и стак тов.
Тяни Пелогеясь тонафни Н.П.Огаревонь лемса Мордовскяй государственнай университетса. Филологическяй факультетса «Журналистика» отделенияса нилеце курсса. Кода азондсы стирсь, специальностть кочказе нинге кафксоце класса. Фалу ульсь мялец содафнемс республикань и марнек странань содаф ломаттнень мархта. Пелогея фалу кирдьсы национальнайть ширенц, оцю мяль шарфни «Од пинге» национальнай программати. Сяс аф пяк кунара ушедсь работама тя передачаса корреспондентокс. Снимандакшни сюжетт сянь колга, кода эряйхть мокшень ломаттне велеса и ошса, мокшень асу ломаттнень колга.
Л.РЕЗОВА.
 
25.10.2012 №42
 
 
 
 
Фотообъективста
 
18.10.2012 №41
 
 
 
 
 
Национальнай культурати—вииямс
ВАНФТОМС ТЯДЯНЬ КУДТЬ ЛЯМБОНЦ
Левжась лац содаф аф аньцек Рузаевскяй районца, но и марнек мокшэрзянь крайсонк. Тя кунардонь и оцю мокшень веле. Сонь колганза моли пара слава. И тя сяс, мес тяса шачсь-кассь лама талантливай, пси седи, тевонь кельги ломаньда, кит тиезь и тиендьсазь эсь велеснон коль сяда содафокс и кельговикс. Прянь шнама вастокс, гордостекс левжеряйхненди, конешна, васендакиге ульсь и ляткшни Россиянь и Мордовиянь народнай артисткась Мария Николаевна Антонова. Синь стане жа гордостень марязь азонкшнесазь искусствань заслуженнай деятельть А.Я.Левинать, профессорть-фольклористть М.В.Учватовонь, Россиянь народнай артисткать Юлия Учватовать, дирижерть-хормейстерть И.Г.Резеповонь, редакторть, журналистть и писательть Н.И.Учватовонь, од певицать Инна Учватовать лемснон.
И нинге кеняртьфти вов мезсь. Левжаса оцю мяль шарфневи минценнети, национальнайти. Тяса кородозь ванфтовихть коеньке-иланьке. Праздниконь шитнень, сценав лисемста однек-сиренек щакшнесазь мазыдонга мазы, пиндолды-вандолды мокшень щамснон и гайфнихть седиень токай народнай морот, сиде моронят-месть. Тя снимкаста няйсасть Левжа велень эряйхнень, конат щазь мокшень щамснон и морайхть мора.
18.10.2012 №41
 
 
 
 
 
Сёксеть казненза
 
11.10.2012 №40
 
 
 
 
 
Октябрсь
*Кда васень морозда меле шуфттнень лангса лопатне ашесть  тюжалгода и ашесть пяяре—погодась кармай улема лямбе куватьс.
*Октябрьста лопатне шуфттнень лангса аф кирдихть, а кда позднандасазь пяяремаснон мархта—тялось кармай кельме.
*Кда тумоть и келуть лангста лопатне пяярсть марнек (чистайста)—кизось кармай теждя, лядсть  лангсост лопат—тялось кармай кяжи, стака.
*Октябрть кучканцты келуть лангста ашесть пяяре лопатне—ловсь прай поздна.
*Мзярда лопатне сембе шуфттнень лангста пяярихть курокста, марса—тялось кармай якшама.
*Кда лопась прай модать лангс велянь пяльде—урожайсь кармай цебярь.
*Октябрьста атям—тялось кармай нюрьхкяня, лямбе.
*Октябрсь лямбе—тялось кармай  кельме.
*Кда октябрьста сидеста уфай ловня—тунда паксятнень лангста ловсь куватьс аф солай.
*Октябрьста шуфттне лешафт—тялось кармай аф буряв.
                                                                                                                         04.10.2012 №39
 
 
 
 МАЗЫХТЬ МОКШЕНЬ СТИРЕНЬКЕ
Мокшень стиреньке лама вастова содафт мазышиснон мархта. Теест лемтьф аф кржа мора. Келу лаца ронгснон, паргана шяярьснон, менелень тюсса сельмоснон колга азондови ламоц стихнень эса. Пидемать-панемать коряска, стамаса, сюреса сермадомасовок сафтсазь. Тяфта ульсь кунардонь пинкнень. Тяфта тевсь ащи тянивок. Газетаньконь тячиень номерсонза пачфттяма «Мазыхть мокшень стиреньке» конкурсонь нинге фкя участницать, Ольга Даниловать колга.
Тядде Ольга шумордазе Инсарскяй райононь Кочетовка мокшень велень школать. Сон шачсь-кассь тяка велеса. Ольга сермады стихт, морсесь школань «Ляйня» ансамбльса и  лац тонафнесь. Фалу примси участия Од писателень семинарса, сидеста школать эзда кучсезь олимпиадас тя или тона предметть коряс, няфнезень содамошинзон конкурснень эса. Сон машты ваймама и тевсовок сафтсы. Стирсь сембонди няфнесы, што теенза вийс коре ламось.
Родной кяльти кельгомась стирнять эса крьвязсь кунара. Ветеце класса тонафнемста ушедсь серматкшнема мокшень кяльса аф оцю стихт. Сяльде тя тевса лездсть кяльть и литературать коряс олимпиадатне.
Семьясост сембе корхтайхть мокшекс. Ольгань сазороц Ирина тядде шумордазе Н.П.Огаревонь лемса Мордовскяй госуниверситетонь Национальнай культурань институтть.
Сонць Ольга поступась Н.П.Огаревонь лемса Мордовскяй государственнай университетть филологическяй факультетозонза. Сон—сай пингонь журналист.
Ольга кельгсы щаванц ширеса улендеманц, кона эряй Кочетовка велеса. Эряфкшусь азонкшни одонь кизонзон квалма, кода эрясть ся пинкнень, мезе пицесть.
Кода ни азоськ вяре, Ольга кельгсы морамать и стихонь сермадомать. Но сядонга мялезонза книгань лувондомась. Инь кельговикс теенза классикась и тяниень пингонь кой-кона сермадыхнень произведениясна. Башка мяль шарфни фотографияти, мялень салай сюжетонь вешендемати. Рисовандамась занци стирть эряфса башка васта. А сядонга Ольга кельгсы пидемань-панемань тевть. Тяса теенза ламода лездыхть тядяц и щавац.
Аш кода азондомс семботь, мезьса пяшксе Ольгань эряфоц. Можна аньцек мярьгомс: сон—ару вайме, ляпе седи ломань, кона фалу анок лездомс мала ломанензонды.
И.ПЯТИНА.
13.09.2012. №36 
 
 
 
Сентябрсь
 
06.09.2012 №35
 
 
 
 
 
 
 
  30.08.2012  №34
 
  
  
 
 
 
 
 
Одксшись - павазу пинге
23.08.2012 №33
 
 
 
 

Кельгомняй!

 
16.08.2012 №32
 
 
 
  
 
 
 
Августсь—кизонь
мекольдень ковсь
 
02.08.2012 №30
 
 
 
 
 
Танцти шашлыконясь
 
26.07.2012 №29
 
 
 
 
 
 
 
Фоторепортаж
 
19.07.2012 №28
 
 
 
 
 
 
 
Фоторепортаж
 
12.07.2012 №27
 
 
 
 
 
КИЗОНЯЙ-МАЗЫНЯЙ
Келихть шачема перьфпяльхне,
Сенепт, кода валда ляйсь:
Кизось мазышинзон няфни—
Стирьхнень мархта инжикс сайсь.
И катк панжи шачем модась,
И катк кизось тейнек най
Павазть эзда кярьмаз кодай,
Кодак стирьхнень мархта сай!
05.07.2012 №26 
 
 
 
 
СТИРНЯТ-ЯКСТЕРНЯТ!
Д.Чумарова, Я.Якушкина, В.Алёшкина, К.Гужанкова аф кальдявста тонафнихть школаса, аньцек «ветет» сявондихть мокшень кялень и литературань урокса. Кальдявста тонафнемс теест аш кода. Стирнятне оцю мяльса морсихть мокшень морот. Сидеста лисендихть кода школань, стане и велень клубонь сценати. Вайгяльсна мазыхть. Морамасна тушенды учительснон, велеряйснон мяльс.
Мархтост работайхть Н.Н.Сиркина, Н.А.Пиксаева, Т.М.Пронина.
И.ВЕШКИН.
Снимкаса: Д.Чумарова, Я.Якушкина, В.Алёшкина,К.Гужанкова.
  14.06.2012 №23
 
 
 
 
Кизось сась
 
07.06.2012 №22
 
 
 
 
 
3 июньцта—Тройцясь
 
31.05.2012 №21
 
 
 
 
 
 
Афкуксонь ялга
 
11.05.2012 №18
 
 
 
 
 
Ладязь фкя-фкянь
мархта...
 
24.05.2012 №20
 
 
 
 
 
 
Майсь
Май ковть эзда ламода ащи ся, кодама урожай получатама сексенда. Кельмотне майста аф пелькст, а кой-коста и эрявихть. Лямбе майсь тяфта жа аф пелькс, кда сон ули летьке. И башка тя пара ся вастова, коса растениятне нолдасть ни ункст и кочкасть вийхть. Пяк ладяйхть майста пизепне.
Сянь колга, кодама ули погодась, лац азонды Николаень шись. Сядонголе Николаень шиня лугав лихнелезь жувататнень. Сяс корхнесть: «Сексень Николась пирьфи алашатнень эса пани, а тундань Николась анды эсост».
Мокиень шись. Корхнихть, кодама кармай улема тя шись, стама ули и кизось. Тяфта, кда тя шиня моли пизем, начка
кармай улема марнек кизось. Мани ули тя шись—мани кизоське. Туман—летьке кизоти.
03.05.2012  №17
 
 
   
 
Эрька, кельгомняй, моратама мархтот седиень токай мороня!
26.04.2012 № 16
 
 
 
 
 
 
 
Ялгакстсть

29.03.2012 №12

 
 
   
 
 
 
 
 
Ловонь ялгазе
 
15.03.2012 №10

 

 
 
 
 
 
 
 
 
КЕЛУСЬ ТОШКАЙ
Ульцява молян.
Вирть търваса ащи велезе.
Сась сёксесь, зарякс
 палыхть ушторхне и келузе.
Ся келуть ала мархтот
паламе инь васенда...
Юкстамайть курок.
Тоза оду ашеть сашенда.
Пчкафты пингсь, тянь,
арьсян,
лятфнемска аш мезенди,
Но мес, сияня ётан—
сединязе сязеви?
И аньцек келусь тюжя
 лопанянзон казенди.
Кинь мархта якат тоза,
тейне сон аф азонды.
Вай, шаштан малазонза,
келунязень ашкодан,
Тон косат, кельгомазе?
 Косат?!—нльня
пешкодан,
Аф лезды келусь, аф
 ужяльди эсон акшенясь,
И аньцек тошкай:
 «Аф сянь палсеть,
аф сянь ашкоряйть...»
 
                                  П.АЛЁШИНА.
 
                                  08.03.2012 №9
 
 
 
 
 
 
 
Тялось велеса
 
16.02.2012 №6
 
 
 
 
 
 
Эрька, ялганяй, чайняда сиптяма!
 
09.02.12 №5
 
 
 
 
Февральть шамадонза кафта: фкясь кельме, омбоцесь лямбе.
Январьста кельме, февральста—даволхт.
Февральсь козя ловса, апрельсь—ведьса.
Февральсь аф майсь, сон орса щаф.
Февральсь хуш тялоть мекольце ковоц, а шалхкцень, щекатнень эздонза кяшендить.
Кда февральсь начка, тяфтама ули и тундась, и кизось, а кда цебярь погодась—кизось ули коське.
Февральсь коське и кельме—августсь ули пси.
 02.02.12 №4
 
 
 
МАЗЫХТЬ МОКШЕНЬ СТИРЕНЬКЕ
Конкурсоньконь тячиень участницац—«Звезда Севера» мазышинь Международнай конкурсса сяськись, мокшень цёфкссь Дарья Учватова
Эхи цебярьхть мокшень стирьхне,
Сяда цебярьхть аф муят.
Аф муят, аф муят!
Тяфта морави тяниень пингонь мокшень мороса. Виде, мокшень стирьхнень мазышиснон квалма аньцек морот латцемс. Но мазышись тянь мархта и питни, што сельмоть кеняртьфтьсы и мяльть кеподьсы. Сяс «Мокшень правдаса» аф васенце кизось ни мольфтеви «Мазыхть мокшень стиреньке» конкурссь. Тячи лувиеньконь содафтсаськ Рузаевскяй райононь Левож велень мокшень стирть Даша Учватовать мархта. Стирть национальнай щамонц мазышинц ули кода няемс снимкатнень эзда. Но тя аф сембе, мезьса козя Даша.
Д.Учватовась идькс пингстокиге венемсь национальнайти, сяс мес тядянц мархта аляц тонафтозь шачема кяльть, культурать кельгома. Школада башка, тонафнесь Левжань искусствань школаса, конань аделамдонза меле получась отличия мархта аттестат «Народное пение» специальностть коряс. Тяни Даша—Н.П.Огаревонь лемса МГУ-нь филологическяй факультетонь студентка. Левожень стирсь вузса няфтезе прянц кода цебярьста тонафни студентка, сон аф лядонды ширеса университетть общественнай, культурнай эряфонц эзда—фалу примси участия научнай конференцияса, эрь-кодама пуромксса. Дашань мялезонза «Студенческяй тунда» фестивальса участвондамась, вдь тоса ули кода няфтемс асушице. Эряви азомс, Д.Учватовать выступлениянза тушендыхть ваныхнень мяльс.
Морсемада башка, Даша мушенды етка пинге спортти, сон налхки волейболса. Эряфонь шумбра койхнень мяльса кирдемс стирьснон тонафтозь мирттне-рьвятне Учватофне.
Несколька кизода инголе Н.П.Огаревонь лемса МГУ-нь филологическяй факультетса студенттне эсь вийсост пуроптсть «Нармоннят» фольклорнай группа. Д.Учватовась ульсь васенцетнень еткса, кие сувась тя коллективти. «Нармоняттнень» репертуарсна пуропневсь валом, тифтень мороня, солисттне вешендсть фольклор эсь велеваст.
Аф кунара Даша Учватовась тертьфоль Пермскяй краень Кудымкар ошу «Звезда Севера» мазышинь Международнай конкурсс, кона пуропнезень марса финно-угорскяй национальностень од стирьхнень. Даша васенцеда примась участия тяфтама мероприятияса, сяс ламось теенза ульсь аф содаф, од. Лездсть «Нармоннятне», конат кадозь сембе тевснон и мянь кафта недяляс «лийсть» Дашань мархта Кудымкару.
«Мзярда няине лия конкурсанткатнень, цють пелезевонь: ламотне эздост ульсть афкуксонь моделькс, сяськондсть эсь регионцост мазышинь конкурсса. Тренировкатнень, анокламатнень, мастер-класснень пингста араме содафокс мархтост сяда маласта, ялгакстоме. Пароль мялезон, мес пялькстомс савсь достойнай конкурсанткатнень мархта: «Мисс Удмуртия» конкурсонь участницать, Эстонияста «Мисс Вселенная» мазышинь конкурсонь участницать Мадли Вилсоронь и лиятнень».
«Звезда Севера» Международнай конкурсть итогонзон коряс, Дарья Учватова сатозе «Голос Севера» номинациять и получась специальнай приз—10 шинь путешествия Европава. Даша кочказе Франциять. Тя странась фалу салсезе мяленц, идькс пингстокиге арьсесь повомс Парижу. Тяни мяленза-арьсеманза пяшкодевихть. Сембось эсь кядьсот.
Дашань валонзон коряс, стакакс ульсь дефилесь. «Сценава якама ашень машта,—мярьгсь стирсь.—Семботи савсь тонафнемс» Инь мяляфтовикс ульсь сценическяй постановкась: Д.Учватова мархтонза саф стирнятнень мархта няфтезь «Тундань васедемать». Синь тернезь тундать, моросост моразь пиземть, нармоттнень. Конкурснай программати стане жа сувсесть визиткась, спортивнай танецсь, национальнай и дизайнерскяй щамса дефилетне, ульсь фотосессияса бильярднай клубса. «Пермскяй онкологическяй центраста шабатнень лемс етафтфоль благотворительнай аукцион, коса эрявсь мимс регионцтот ускф сувенир,—азозе Даша.—Мордовиянь символикать мархта футболказень мийне цебярь питнеда. Арьсян, тя аф оцю ярмакса монга лездонь сяряди шабатненди».
«Мялезе азомс оцю спасиба ломаттненди, конат лездсть тейне анокламс тя конкурсти, примамс эсонза участия: РДЮЦЭВ-ть директоронцты Н.И.Подрядчиковати, университетонь студсоветть культурно-массовай секторонц руководителенцты М.Подрядчиковати, а стане жа О.Авдюшкинати, М.Еремкинати, И.Вишняковати, О.Канаевати. Спасиба тядязти и алязти, мес фалу лездыхть эрь тевсон, кирдьсазь ширезень, мес тонафтомазь мокшэрзянь культурать содамонза и кельгомонза»,—мярьгсь Д.Учватова.
Газетась эсь ширденза поздравляндасы Д.Учватовать сяськоманц мархта, арьси сяда товолдонь сатфкст сембе ушеткссонза, паваз, сембе цебярть!
 
О.ДОЛГОВА.
26.01.12 №3
 
 
 
ТЯ МИНЬ ГАЗЕТАНЬКЕ
Ламоц мокшетненди «Мокшень правдась» кунара ни арась пара ялгакс и ваймонь панжема вастокс. Кле, тя минь кельгома газетаньке. И полаткшнесазь: кие, кле, арась ялгакс газетать мархта, оду ни мзярдовок аф яви эздонза.
91-це кизось «Мокшень правдась» лезды эсь народонцты, штоба сяда лац содамс сянь, кода шачеме-касоме, кодама ки етаме, мезе сатоме. Газетась лама тись национальнай культураньконь, кяленьконь кеподемаса-ви- ияфтомаса, эсь лацонь коеньконь ванфтомаса, народоньконь духовнай козяшинзон маштозь азондомаса. Тячивок «Мокшень правдась» ащи тейнек, мокшетненди, ваймонь панжема вастокс, няфнесыне нацияньконь эряфонц кувалгофтомаса китнень-яттнень. Газетань журналисттне тяряфнихть улемс сяда малакс ломанти, сонь тевонзонды-заботанзонды, корхтамс мархтонза седикс-ваймокс.
И кда мокшэрзянь крайсонк ладявсь политическяй стабильность и общественнай согласия, сатневихть мялень кеподи сатфкст промышленностьса, велень хозяйстваса, социальнай сфераса—тяза аф емла талека путнихть и «Мокшень правдань», и лия республиканскяй, районнай газетань, журналонь, радионь и телевидениянь работникне.
Ванды ули Российскяй Печатень шись. Тя праздниконь карша арьсетяма республикасонк покоди сембе журналисттненди творческяй од сатфкст, паваз и кемодонга кеме шумбраши.
 
12.01.2012 №1
 
 
 
МАЗЫХТЬ МОКШЕНЬ СТИРЕНЬКЕ
Кельгома лувиеньке! Арась цебярь традициякс газетаньконь страницаса етафнемс мокшень стирьхнень еткса мазышинь конкурс, конань эса оцю мяль шарфневи конкурсанткать аф аньцек  мазышинц, но и национальнай щамонц лангс. Тядде «Мазыхть мокшень стиреньке» конкурссь поладови сяда тов. Лятфтасаськ: штоба примамс эсонза участия, редакцияв кучема серма, коса азондома эсь колгат и фотографиятнень, коса щафат-каряфат мокшень щамса. Кда ули мяленте, снимкат можна тифтемс «Мокшень правдать» редакцияса. Кода фалу, конкурсть итогонза азовихть Од кизонь карша, сяськихне казевихть казнеса.
Мазы мокшень стирьхть, оцю мяльса учтядязь тяфтама адресс коре: Саранск ошсь, Советскяй ульцясь, 22 кудсь, «Мокшень правда» газетать редакцияц (серманди почтовай индекссь 430005).
Тя кизонь васенце конкурсантканьке шачсь-кассь Рузаевскяй райононь Левжа велеса.
Люба Антоновась тонафни Н.П.Огаревонь лемса Мордовскяй госуниверситетонь филологическяй факультетса финно-угорскяй филологиянь отделенияса. Сай пингонь профессиянц стирсь кочказе нинге шабакс пингстонза, кле, касан—улян мокшень кялень учителькс. Шачема масторти, мокшень кяльти национальнайть кельгома Любать тонафтозь тядянза-алянза. Стирнясь сонцьке шарфнесь оцю мяль мокшэрзянь культурать тонафнеманцты. Фалу морафнезень мокшень писательхнень и поэттнень произведенияснон, варчсезень виензон творчестваса: серматкшнесь ефкскат, азкст, стихотвореният, конат печатлакшневсть «Якстерь тяштеня» идень журналса, «Ковчег» литературнай альманахса. Л.Антоновась примсесь участия школьнай сембе илатнень эса: кштись и морась, няфнесь ялганзон мархта сценкат.
Художественнай самодеятельностьта башка, Люба мушендсь пинге  лац тонафнемс. Содамошинь сатомась макссевсь стирти теждяста, сяс дневниксонза фалу ульсть аньцек «ветет»—школать шумордазе золотань медальса. «Университетса васенда стакаль тонафнемс,—мярьгсь Л.Антонова.—Финнонь, венгрань кяльхне аф теждятнень эзда». Но Левжань стирсь аф стакада пелихнень эзда. Тонафневсть кяльхневок. Любась ульсь практикаса Финляндияса. «Васенда пелень: мезевок аф стане азан, корхтайть валонзон аф видеста шарьхкодьсайне,—азозе стирсь.—Но меле сембе таколдомане етасть. Ломаттне, кда няйсазь, што кой-кона валсна тейнек аф содаф, старандайхть корхтамс мархтон сяда шарьхкодевиста». Нинге практиканц етнезе Сыктывкарса.
Етка пингстонза Люба тяшни стихотвореният, сермады сюреса котф лангс картинат, кодай кячказкаса салфеткат, кружеват, машты цюлкань кодамовок. Тядянза-алянза маряйхть гордость стирьснон инкса. А велеряйхне, конат содасазь Любать, аф маштыхть шнамонза: мазы, еню, сембе вастса, кода корхнихть, «кядец моли», лиянь пичефксонь маряй, ляпе седи.
Сонць Люба аф прянь няихнень и прянь шнафтыхнень эзда. Кле, эряви путнемс инголет од цельхть и аськолямс теест. Тяни Л.Антоновась ерай сяськомс мокшень стирьхнень еткса мазышинь конкурсса. Арьсетяма теенза и лия участницатненди паваз!
 
О.ДОЛГОВА.
  12.01.2012 №1 
 
 
 
 
СЯСЬКИХНЕ СОДАФТ
 
Тифт итокт «Мазыхть мокшень стиреньке» конкурсти
  
Кельгома лувиеньке! Вов и сась пинге тиемс итокт «Мазыхть мокшень стиреньке» конкурсти. Кизоньберьф эсонза примась участия аф кржа мокшень стирь. Виденцятама, кочкамс еткстост сяськихнень ульсь пяк стака. Сембе конкурсанткатне эсь лацоннекс удалафт. Кие шарфты эсь лангозонза мяль шама путксс удалафшинц мархта, кие—пиндолды-вандолды нарядонзон мархта, кие сяви эрь тевса-промозса маштомошинзон мархта. Но конкурссь тя конкурс. Эсонза, кода афоль уле, улендихть сяськихть и сяськфт. Арьсетяма, согласиндатада жюриньконь мяленц мархта. Васттне явовсть вов кода.
Васенце вастсь, жюриньконь мяленц коряс, максфоль Атюрьевскяй райононь Атерь велень мокшень стирти Татьяна Лукинати. Танясь пяк енюня и отькорь. Якстерь дипломса шумордазе М.Е.Евсевьевонь лемса Мордовскяй государственнай педагогическяй институтть, а тяни касфнесыне содамошинзон аспирантураса. И тя аф сембе. Таня кунара ни работай Мордовскяй республиканскяй юношескяй библиотекаса. Кулелесть, кодама лямбоста корхтай стирть колга библиотекать директороц В.Н.Пиксайкина. Сонь, кле, вестевок аф уленди стак ащемац, фалу заняф кодамовок тевса. То, ванат, библиотекань лувихнень мархта работай, то кодамовок илас аноклай. Библиотекаса Т.Лукинась сембонди кельгови, сембонь мархта мушенды марстонь кяль. Хуш етка пингтонза Танять уленди аф лама, соньге шавос аф етафнесы. Кельгсы стирсь книгань лувондоманц, салсесы мяленц фантастикась. А нинге мялезонзот кодама-повсь касыксне. Велеса Таня касфни лама панчфта.
Казненди Т.Лукинась получась утюг. Гладендакшнек шумбрашиса, Таня!
Омбоцекс конкурссонк лиссь Татьяна Казейкинась. Шачемас-касомас коре Танясь Рузаевскяй райононь Трускляй мокшень веленне. Стирсь лама мезьса сафтсы. Школаса Таня тонафни аньцек «нилес», «ветес». Тяда башка, морси «Марлюня» школьнай фольклорнай ансамбльса, конанди руководителькс сонь бабац— Татьяна Федоровна. Таня Казейкинась пяк кельгсы сюреса сермадоманц. Сюреста котци кядьса каннеманди браслетт, емла ожнаняста тиенди сувенирхт-месть. Тушенды стирть мяльс и пидемась-панемась, хуш эрь шиня аноклаль ламбама ярхцамбяльхть. А нинге Танясь надияма васта тядянцты. Сембе тевса лезни: и пере кочки, и куднумолснон мельге якай.
Омбоце вастть сатоманкса Таня Казейкинати редакцияньконь эзда казьфоль блендер, кона арай теенза цебярь лездыкс пидемань-панемань тевса.
Колмоце вастть конкурссонк сатозе Светлана Канайкинась. Сон Ковылкинскяй райононь Коломаз веленне. Света тонафни школаса, сатфксонза аф кальдяфт. 10 и 11 класснень эса стирсь кармай сядонга старандама, сяс мес аноклама единай государственнай экзаметтненди. Светась шарьхкодьсы, што сянь эзда, кода макссыне синь, ламода ащи сяда товолдонь эряфоц. Света Канайкинась седиге кельгсы сембе мокшэрзяннеть. Сон шарфни мяль кунардонь пингонь мокшень моротненди, мокшень ефксненди, содама ефксненди, валмуворксненди. Кельговихть теенза мокшень писательхнень произведениясна. Эряви азомс Светась сонцьке варчсесыне виензон сермадомаса, примси участия районнай и республиканскяй олимпиадатнень эса, лисенди сяськикс, занци призовой вастт. Тядде олимпиадаса сатфксонкса стирсь кучфоль «Орленок» идень оздоровительнай базать видеса работай «Эряк, шачем кяль!» этнолагери. Света кельгсы пидеманц-панеманц, лезни тядянцты-алянцты кудъетконь, перень тевса.
С.Канайкинати, колмоце вастонь сатоманкса, стане жа аноклафоль казне—напольнай весат.
Од кизонь карша конкурсса сяськихне тертьфтольхть редакциязонк, коса синь мархтост васьфнесть «Мокшень правдать» главнай редактороц И.С.Лушкин и газетань покодихне.
Иван Степанович седи ваксста поздравляндазень мокшень стирьхнень сатфксснон мархта. Тага весть китькстазе, што мокшень стиреньконь дивандафты мазышисна, кона нинге сядонга ви-ияфтови, мзярда стирсь щасы мокшень щамть. И.С.Лушкин содафтозень  конкурссонк сяськихнень изданияньконь—мокшень кяльса лисенди фкя и тяка газетать, «Мокшень правдать», и сонь аноклаензон мархта. А стане жа редакторсь шарфтсь мяль сянь лангс, кодама эрявикс эряфоньберьф лядондомс эсь национальностень кельги ломанькс.
Ужяль, Света Канайкинась, кона сатозе колмоце вастть, ашезь сав редакциязонк, но казнефтома сон аф ляды.
Поздравляндатядязь, мокшень мазы стирьхть. Катк эряфса тинь сембось кармай лац!
О.ЕВДОКИМОВА.
Снимкаса: «Мокшень правда» газетать главнай редактороц
И.С.Лушкин  максы казне Т.Лукинати;
Т.Лукина; С.Канайкина
  
29.12.2011 №51
 
 
 
 
 
КЕЛЬГОЗЬ И КОРОДОЗЬ ВАНФТСАСЬК
СЕМБОТЬ МИНЦЕННЕТЬ
Аш месть корхтамс, мокшэрзянь крайсонк мекольдень пингть коль сяда оцю мяль шарфневи минценнети, национальнайти. Школава кармасть сяда лац-ряц тонафневома мокшень и эрзянь кяльхне. Тяни нолявихть од учебникт, методическяй пособият, лия литература. Тяфтама предметтне, кода родной кяльсь, мокшэрзянь литературась, родной краень культурась сувафтфт Мордовиянь общеобразовательнай базиснай учебнай планонь республиканскяй программати. Мокшэрзянь кяльхне тонафневихть кода школатнень, стане и идень садикнень эса. Етафневихть межрегиональнай олимпиадат мокшень и эрзянь кяльхнень и литературать коряс. Нинге идень садикса и начальнай класса тонафнемста церанятне и стирнятне тонафневихть стихкянь, азксонь, ефкскянь азондома, сиде моронянь и кувака мокшень и эрзянь моронь морама, сюреса сермадома и стак тов.
Тияк азсаськ, што целайнек ламоц од ломаттне исть кельме родной кяльти-валти, аф виздихть мокшекс корхтамаснон. А кяльсь, кода содаф, нациять ваймоц. Кяльсь—тя культура, тя традицият, тя, мекпяли, эряфонь койсь.
Национальнайть ванфтоманцты и виияфтоманцты пяк лездыхть республикасонк етафневи культурно-массовай мероприятиятне: «Шумбрат, Мордовия!», «Од вайгяль» фестивальхне, концерттне. Мезсь кеняртьфти, синь эсост пара мяльса примсихть участия од ломаттне, иттне. Синь кштимасна-морамасна токсесазь седицень, эжттядязь, макссихть од вийхть, од надиямат.
 
15.12.2011 №49
 
 
 
 
ДЕКАБРСЬ
*Декабрсь кизоть аделасы, тялоть ушеткшнесы.
*Декабрьста погодась сидеста полафни, то якшама, то пизем, а кодама декабрсь, стама и тундась, и кизось, и сай пингонь урожайсь.
*Кда декабрьста сидеста уфай варма, эста мартста и апрельста погодась кармай начка, пизему.
*Декабрьста коське—тунда и кизонда пизем тят учсе.
*Декабрьста лямбе и начка—кувака тялонди и кельме тунданди.
*Кда васенце ловсь декабрьста плотнай, начка и стака—учсеви начка киза, а кда ловсь теждя и коськста прай—кизось кармай коське.
*Декабрсь лову и кельме—кшись шачи.
01.12.2011 №47
 
 
 
 
Од талантт
10.11.2011 №44
  
 
 
 
 
 
МАЗЫХТЬ МОКШЕНЬ СТИРЕНЬКЕ
Кельгома лувиеньке! Эряскоттама пачфтемс, што газетасонк азф конкурссь стаки моли. Учендсаськ од участницатнень. Тянкса теенть сави наряжамс мокшень щамса, тиемс фотографият и пачфтемс синь редакциязонк. Кинь мялец, сада редакциязонк и фотографиятнень тисыне минь фотографоньке. А тяни оцю мяльса содафттядязь тячиень героиняньконь мархта.
…Мокшень мазы стирсь Юля Арекаева шачсь-кассь Саранскяйса. Но сяка Юлясь ашезь рузыя, меколанкт, мокшэрзяннети кельгомац аньцек вииякшнесь. Тядянза-алянза стирть мокшет. Тядяц Старошайговскяй райононь Од Теризморга веленне, аляц—Атюрьевскяй райононь Арга велеста. Нинге одста састь мяльс етамс эряма ошу. Рьвяямдост меле тяфта и тифоль. Саранскяйса ни оттнень шачсть идьсна: васенда Юлясь, меле семьясост эвондась церокшкасна Лева.
Юлять шабакс пингонц оцюшка пяльксоц етась велеса. Кельгозень стирсь Од Теризморгань аймакнень, ускозь усксь и тянивок уски Юлять седиец ошень кайги эряфть эзда велень мазы природати, ару кожфти.
—Саян вели и бта лия эряфс пован,—мярьгсь Юлясь.—Ефси лият тястонь ломаттне, сельмованфстост эстокиге приметат паронь арьсема, седиень эжди лямбоня.
 Пичеди стирть седиец, мзярда вели сашендомстонза няенди тяста коль сяда кржа од ломань. Тушендыхть оттне павазонь вешема ошу-коза, а вдь синьфтомост велесь кулы.
 Тячиень героиняньконь Од Теризморгаса эряй шавац Лидия Ефимовна. Тя Юлять фкя инь мала и кельговикс ломанец. Емланяста стирсь пяк кельгозень сиренять ефксонзон. Эздост сон лама мезе сотцесь мокшэрзятнень сядонгольдень эряфснон колга. Ня азксне салсезь Юлять мяленц. А нинге сиренять ефксонза ламоти мезти тонафтозь одонь ваймоть. Лидия Ефимовна кельгсы морсеманц и тя сонь пяк лац лисенди. Асувоц етась уноконянцтывок. Кода горняй пайгонят вайгяльсна, а кда ни кафонест моразевихть, аньцек и кулхцондолеть эсост.
 Тячиень героиняньке, Юля Арекаева, тонафни Н.П.Огаревонь лемса МГУ-нь Национальнай культурань институтса. Тядде сон етась колмоце курсти. Стирсь кочказе «Актерское искусство» специальностть, сяс мес сон теенза пяк мала. Нинге шабакс Юлясь кельгозе сценать лангс лисендеманц, пуропнемс перьфканза ваныхнень. Велеса сонь  нинге емланяста лемнелезь артисткакс. Куцендель Юлясь скомня лангс и весялгофнелезень велеряйхнень кштиманзон-мораманзон мархта. «Концертта» меле ваныхне макссесть артисткати конфетат-месть.
 Арекаевась аф весть няфнезе ни морамаса и актерскяй тевса маштомошинц республикаса етафневи мероприятиятнень эса. Кельгсы Юля театрав якаманц, тоса сон тонафни содаф артисттнень эзда. Кода азозе тячиень участницаньке, етка пингтонза уленди кржа, сембе пингоц етни институтса. Васенда занятият, меле репетицият-месть. Аф кунара Юля тяштьфтсь пря мокшень кялень курсс, конат етафневихть университетса. Стирть пяк мялец сяда лацкас содамс эсь кяленц. Ошса вдь кода тяза уле, сякокс сяда сидеста сашендови корхнемс рузкс, мокшеннесь савор-савор юксневи. Курсса, цебярь специалисттнень видеса, Юлясь касфнесыне содамошинзон эсь родной кяленц коряс. Юля Арекаевать лама мяльдонза-арьсемадонза сай пингонди. Оцю мялец тонафнемать аделамда меле мумс работа специальностьс коре. Арьсетяма, теенза тя удалай! 

 

О.ЕВДОКИМОВА.
  
03.11.2011 №43 

 

 
 УШЕСА СЁКСЕ
Шуфттнень лангса
лопат аш,
Ащихть галош таратт.
Модать лангса, меколанкт,
Ацамкс луднат пяярьфт.
Лямбе шири каркне тусть,
Шамсь ни нармонь пизось.
Аньцек пиземсь
 нюрьгозь нюрьгсь
И юкставсь пси кизось.
О.ЮРЬЕВА.
 
20.10.2011 №41
 
 
 
И.М.Яушевонь лемса оперань
и балетонь театрась
29.09.2011 №38
 
 
 
 
 
 
 
МАЗЫХТЬ МОКШЕНЬ СТИРЕНЬКЕ
 
«Мокшень правда» газетаса стаки моли «Мазыхть мокшень стиреньке» конкурссь, конань эса ули кода  примамс участия мокшень щамса-карямса наряжаф стирьхненди. Тя конкурсть вельде мяленьке няфтемс кода участницать, стане и мокшень костюпнень мазышиснон.
Кда киньге эвондай мялец примамс участия пялькстомаса, сада редакцияв мяльс туф, удалаф  снимкантень мархта. Кда тяфтамот альбомсонт аш—фотографият тии минцень фотографоньке. Стирти вешема мокшень щам. Сембе кизефкснень лангс ответ ули кода получамс 24-57-03, 24-42-53 телефоттнень коряс. И нинге мяленьке пшкядемс ичкоздень райононь или диаспорань участницатненди, конат аф савихть ширезонк: снимкантень и эсь колгант информациять  кучесть редакцияв серма или электроннай почта вельде. Адресне улихть газетаньконь мекольдень страницанц  эса. Азость телефононтень.
  
«Мазыхть мокшень стиреньке» конкурсонь тячиень участницаньке—Рузаевскяй райононь Трускляй мокшень  велень мазы стирсь  Татьяна Казейкина. Тядяц, Елена Петровна, начальнай классонь  учительница. Алянц, Иван Михайловичень, сонцень тевоц велень хозяйствань техникать петеманц коряс.
Нинге шабакс Танюшань ваймос сувась национальнайти кельгомась, сяс башка мяль фалу шарфни кунардонь пингонь мокшень моротненди. Сидеста ефкст и содама ефкст морафнесь дуганонцты Иванонди. Тяни 5 кизоса Ванянь тонафтсы морафтома, сермадома, примеронь решандама. Лиякс азомс, анокласы школав молемати.
Татьяна цебярьста тонафни школаса, куду канни аньцек «нилет» и «ветет». Тяда башка, лама киза мельцек кштий-морай «Марлюня» школьнай фольклорнай  ансамбльса, конанди руководителькс бабац Татьяна Федоровна Казейкина. Кода шарьхкодесть, уноконцты максозь сонь лемонц.
Танюша Казейкина—машты кядь стирь. Пяк кельгсы сюреса сермадоманц, сюреста котци кядьса каннема мазы браслеткат (рузкс теест мярьгихть «фенечки»), тиенди сувенирхт-месть емла ожнаста—бисерста. Аф юкснесы пидемать-панемать. Хуш эрь шиня панель торт и ламбама лия ярхцамбяльхть.
Лезни тядянцты кудъеткса: якай куднумолхнень мельге. Кизонда и тунда заняф перень тевса, кочкси панденят, копаняй модамарьхть, валы перень серот. Да кали кржа тев велеса?
Мзярда Мордовияса етась «Шумбрат, Финно-угрия!» Международнай фестивальсь, Таня Казейкинась оцю мяльса примась участия  тя пуромксса. Озафоль ефси ся маласа, коса ульсть Россиянь эстонь Президентсь В.В.Путин, Мордовия Республикань Оцюнясь Н.И.Меркушкин, официальнай лия ломаттне и оцю инжихне. Татьянань валонзон коряс, тя фестивальсь ляды мялямсонза сембе пингс. Цебярь лятфнембялькс арасть снимкатне, конат тифтольхть эста.
Ушедсь од тонафнемань кизось. Таня пингонц ламошканц етафнесы школаса и аф аньцек урокса ащекшнезь. Т.Казейкинась примси активнай участия  школьнай эряфса, няфнемок пример лиятненди. 
Сембе цебярть тейть, мокшень мазы стирь! Ульхть фалу тяфтамка эрьгав, активнай!
Т.АЛЬШИНА.
  29.09.2011 №38
  
 
Сёксесь сась
*Кельме сентябрсь, да топодьста.
*Сентябрьста шуфта пряса лопась аф кирди.
*Сентябрьста фкя сяка иможсь—сяпи пизелсь.
*Кда тя ковста торай атям, сексесь ули лямбе.
*Касыкснень лангс эвондай унжань котф—лямбе сексети.
*Лама церяда тумоса—якшама тялоти.
*Кда каркне лиихть вярьге аф эряскодозь—сексесь ули цебярь.
*Мзярс вишняксть лангста  лопатне аф  пяярихть, мзяра лов тяза пра, сяка солай.
*28 августста—11 сентябрьста  уленди бабань од кизось. Кда сон пизему—тяфтама ули бабань сире кизоське (14-21 сентябрсь).
  
01.09.2011 №34
 
 
 
 
 
Августть казненза
  
11.08.2011 №31
 
 
 
 
 
 
Мазы стирьхть,
мазы панчфт
  
21.07.2011 №28
 
 
 
 
 
 
Колма ялганят
  
14.07.2011 №27
 
 
 
 
 
 
МАЗЫХТЬ МОКШЕНЬ СТИРЕНЬКЕ
Кельгома лувиеньке, газетасонк стаки моли «Мазыхть мокшень стиреньке» конкурссь. Сятненди, кит ёрайхть няфтемс удалафшиснон, лятфтасаськ, што эрявкстыхть фотографият, коса тинь щафтада-каряфтада национальнай мокшень щамса. Козя мокшэрзянь масторсь шачф-удалаф стирьса.  И ронгс, и пондс коре афкуксонь баярават! Весяла мзолфкасна, валда сельмованфсна салсихть мяль. Аф кржа морода рузонь и мокшень кяльса сёрматфоль мазышиснон колга. И аф стак. Тячи оцю мяльса содафттядязь  од участницаньконь Любовь  Резовать мархта.
 
Шачсь-кассь стирсь Ковылкинскяй райононь Цятна велеса. Семьясна оцюволь, тядянза-алянза касфтсть вете итть. Люба ульсь мекольцекс. Ёмластокиге фалу лезнесь тядянцты эрь-кодама тевса: ванць кудса арушить мельге, валондсь-кочкондсь перень сёрот. Аф ваномок кизонзон лангс, работась оцюфнень мархта ряцок. Ётка пингонц стак ашезе юмафне, шарсь кудъётконь тевса. Лиякс мярьгомс, ульсь тядянцты надияма вастокс. Семьясост кородозь ванфтови минценнесь, национальнайсь, сяс идькс пингстокиге стирнясь венемсь культураньконди, литератураньконди. Тянемс лятфнесы, кода кельгозень  щаванц лятфнеманзон кунардонь эряфть-ащефть колга, кода эвондась родсна-плямасна, мезьс  инголи верондасть-озондсть,  кодамот ульсть койхне-обуцятне. Илатнень пингста марса пицесть пачат, путнесть поза. Щавац тонафтозе сёрмадома котф лангс, морсесь морот.
Люба кассь ёню стирнякс. Сисем кизоняса тусь васенце классу Цятна велень начальнай школав. Тонафнемась макссевсь тёждяста. Учительхне фалу шнакшнезь откорьшинц, содамошитненди венемоманц инкса. Колма кизода меле  теенза савсь ётамс тонафнема шабра велень Оцю Озязонь школав, кона колма вайгяльбет кудонц эзда. Кись аф такорхнень эздоль, но стирнясь вестевок ашезь пеняця. Люба аф весть примсесь участия районнай предметнай олимпиадатнень эса, ламотнень эса лисендсь сяськикс. Инь кельговсть Резовати мокшень кялень и литературань урокне. Шарфнесь мяль содаф писательхнень произведенияснон лангс, а сембода пяк—поэзияти. Тяда башка, соньфтомонза ашезь ётне фкявок школьнай пуромкс. Кайги вайгялец эжнезень кулхцондыхнень седиснон, весяла сиде моронятне кепсезь мяльснон.  Аф кальдяфт спортсовок сатфксонза. Ветеце класста сявомок стирнясь примсесь участия ласькомать коряс пялькстоматнень эса, занцесь призовой вастт. 
Тонафнемань кизотне лийсть вармакс. Школать шумордамда меле эрявсь арьсемс, коза поступамс тонафнема сяда тов. Стака экзаменда меле Любать инголе кенкшензон панжезень Н.П.Огарёвонь лемса филологическяй факультетонь «Журналистика»  отделениясь. Тя профессиять мархта эряфонц арьсесь сотомс аф стак. Марязе, што эсонза ули сёрмадомань асуши. Васенце  аськолкснень тя тевса  тиендезень нинге школаса тонафнемста и кой-кона нюрьхкяня азксонза лисендсть газетасовок. Сёрмадомань цятконять эрявсь сядонга виияфтомс, а сяс виень апак ужяльтть стирнясь коль пуропни крхка содамошит. Тясовок тонафнемац моли лац, получси аньцек цебярь оценкат.
Тяни Люба 3 курсонь студентка. Ошса эрямста мусь цебярь ялгат, васьфтезе кельгоманц. Ваймама шитнень эряскоды шачема-касома велезонза. Шарьхкодьсы, што коза эряфсь афолезе пачфте, сяда  питни васта теенза аф муви. Тоса учи эсонза кельгома тядяц, конанди пяк и пяк лажаткшни. Штоба лувомс эсь прянц павазукс, Любати лама аф эряви. «Кда мала ломанне шумбрат-тазат,  аф васьфнихть кальдяв мархта, моньге седисон сяда тёждя»,—корхтай Люба. Эсь ширденк арьсетяма теенза аф васьфнемс прябала мархта эряфонь киса  и сяда товолдонь сатфкст! Пяшкодевост мяльхне-арьсематне, Люба!
  
Е. СОБАЙКИНА.
  
30.06.2011 №25
 
 
 
 
Праздниконь шиня
 
16.06.2011 №23
 
 
 
 
 
 
 
Мазыши
09.06 2011 №22 
 
 
 
 
 
 
 
А ТОН ТЯШТЬФТЕТЬ «МОКШЕНЬ ПРАВДА» КИЗОТЬ ОМБОЦЕ ПЯЛЕНЦТЫ?
Кельгома ялгат!
Ёфси кржа пинге ляткшни родной кяльса лисенди газетаньконди сёрматфтомать шумордаманцты.
Оцю спасиба сятненди, кие, аф ваномок тячиень аф тёждя эряфть лангс, тяштьфтсь ни 2011 кизоть омбоце пяленцты «Мокшень правда», ляткшни мархтонк. Тя корхтай сянь колга, што национальнай печатень патриотт, родной кяльсонк газетань лувихть ульсть и улихть. Синь лац шарьхкодьсазь, што эсь газетаньке лезды тейнек ванфтомс и виияфтомс кяленьконь, культураньконь, коеньконь-иланьконь…
Тячи тернесаськ мокшень сембе ломаттнень, кие нинге ашезь кенере сёрматфтомс «Мокшень правда», эряскодомс тиемс тянь маластонь шитнень. Пингсь аф учи, сон содай ётаманц.
Минь газетаньконди можна тяштьфтемс республикань сембе уженятнень эса. И мяляфтость! «Мокшень правдась»—фкя инь интереснай и уцез газетась Мордовияса.
Кота ковонди сёрматфтомать питнец 160 цалковай, колма ковонди—80 цалковай.
Индекссь 52780.
 
02.06.2011 №21
  
  
  
  
Июнць пеелемса лугатнень ланга етай, а июльсь—тарвазса кшит ляди.
Июнь ковста  стак ащема шит аш.
Кда июньцта васенце кафта шитнень моли пизем—сембе ковсь кармай пиземфтома.
Июньцта ветне лямбот, шачихть фруктатне.
3 июньцта пизем—3 декабрьста лов.
Июньцта касы сембось, мезе озафтф модати.
Июньцта сембода кувакат шитне.
Кда июньцта расась прашенды сидеста—цебярь урожаенди, сидеста прашенды туман—лама кармай пангта.
Шобдава тишеть  шиненяц пяк маряви, учт пизем.
Панжам марть перьфке лама панжамда—цебярь погоданди.
Июньцта ярхцамс аш мезьда, да эрямс  весяла: панчфне панжихть, цефксне морайхть.
Июньцта кочксихть пчкафтомань  тишет.
 
02.06.2011 №21
  
  
  
 
  
МАЗЫХТЬ МОКШЕНЬ СТИРЕНЬКЕ
  
Кельгома лувиеньке! Тячи тага оцю мяльса содафттядязь конкурсонь од участницаньконь, мокшень стирнять Люба Кирдяшкинать мархта. Газетаньконь страницаста няйсасть сонь снимканзон. Кода корхнихть мокшень ломаттне—афкуксонь баярава. И ронгс-пондс, и шама путксс удалаф. А мзолфкац кодама! Уликс сембе мазышида башка приметат эздонза оцюдонга оцю эрьгя, весялаши. Коса ина шачф-касф тя мазышись, мезьса заняф? Тянь квалма лувода алува.
  
…Ельниковскяй райононь Новодевичье велеста Кирдяшкиттнень семьяса шачсь омбоце иднясь—стирня. Кенярдсть тядятне-алятне аф азовомшка. Вдь васенце шабасна цера, сяс мирттнень-рьвятнень пяк мяльсноль, штоба Шкабавазсь казель теест стирня. Сядонга павазуволь Лариса Александровна, тяни сонь ульсь кудьетконь тевса лездыец, надияма вастоц.
Кассь Люба отькорь, еню шабакс, эрь-кодама тевса сафнезе. Нинге школавга ашезь яка, а переса пульхксь-возясь ни родителензон мархта ряцок. Пяк кельгозе панчфнень мельге якаманц. Сонць и озафнезень, а меле кизоньберьф валондозень, сор тишетнень эзда аралакшнезень. Лия тефнендивок мяль вельде кярьмотькшнесь то, ванат, кядьгонятнень штасыне, то кудботма аруяфты. Тядяц аньцек кеняртькшнель лангозонза ванозь.
 
Любась лац мяляфтсы 1 сентябрень шить, мзярда сон тусь васенце классу. Прясонза вармать эзда сей-тов либордсть акша банттне, кядьсонза—панчфонь оцю пусма. Класса тонафни ялганзон мархта стирнясь курокста мусь марстонь кяль. Тонафнемасовок цебярь сатфкст няфнесь. Эряви азомс, классост Люба фкя и сяка шабасель, кона содазень ни пцтай сембе букватнень, ведьгемонти лувомонга маштсь. Сяда тов содамошитненди венемомац аньцек вииякшнесь. Школать стирсь шумордазе аньцек ветеса! Мзярда сась пинге арьсезевомс профессиянь кочкамать колга, Люба ашезь таколткшне, содазе—мялец арамс Н.П.Огаревонь лемса НИ МГУ-нь Национальнай культурань институтонь студенткакс. Тоза и максфтольхть документтне. А туфталсь тянди вов кодамоль. Тячиень героиняньке кассь интернациональнай семьяса: Василий Андреевич—мокшаля, Лариса Александровна—удмуртка. Семьясост ванфневсть и уважандавсть кафцьке ширетнень культурасна, койсна-обуцясна. Кирдяшкиттне келиста и весяласта етафнезь мокшень и удмуртскяй национальнай илатнень. Люба нинге емласта шарьхкодезе, кодама мазы, козя, эсь лацонне эрь народть культурац и юкснемс тя козяшить квалма аш кода. Сяда крхкаста содафтомс мокшэрзятнень и финно-угорскяй лия нароттнень традицияснон, промысласнон мархта ули кода Национальнай культурань институтса. Тястонь декоративно-прикладной творчествань отделенияса Люба Кирдяшкина тонафни ветеце кизось ни. Институтса стирсь тонадсь котф лангс сермадома, шуфтста някань-мезень керсема. А нинге тячиень героиняньке сермады пяк мазы картинат. Тя тевсь занцесы пцтай сембе етка пингонц. Аф кальдявста лисендихть пейзашне. Ули Любань и лия кельгома тевоц—книгань лувомась салсесы мяленц. Кельгсыне произведениятнень, конатнень эса азондови сире пинкнень квалма. Тяда башка, кода ламоц од ломаттне, Любань мялезонза весялготкшнемс ялганзон мархта, улендемс дискотекаса-коса.
 Кода азоськ ни, Люба тядде шумордасы тонафнемать. Тяни ни арьсема работань квалма. Стирть пяк мялец покодемс художественнай школаса, тонафнемс емла шабатнень. Арьсетяма героиняньконди, штоба пяшкодевольхть сембе мяленза-арьсеманза.
 О.ЕВДОКИМОВА.
  
19.05.2011 №19
 
 
 
Моли май ковсь
 Май ковть эзда ламода ащи ся, кодама урожай получатама сексенда. Кельмотне майста аф пелькст, а кой-коста мянь и эрявихть. Лямбе майсь тяфта жа аф пелькс, кда сон ули летьке. И башка тя пара ся вастова, коса растениятне нолдасть ни ункст и кочкасть вийхть. Пяк ладяйхть майста пизепне.
 Сянь колга, кодама ули погодась, лац азондыхть Николаень шись—9/12, Мокийсь—11/24, Сидорсь—14/27.
 Сядонголе Николаень шиня лугав лихнелезь жувататнень. Сяс корхнесть: «Сексень Николась пирьфи алашатнень эса пани, а тундань Николась анды эсост».
 Мокиень шись. Корхнихть, кодама кармай улема тя шись, стама ули и кизось. Тяфта, кда тя шиня ши-шишка пизем, начка кармай улема марнек кизось. Мани ули тя шись—мани кизоське. Туман—летьке кизоти.
 
05.05.2011 №17
 
 
 
 
 
 
 
 
Праздниконь шиня
 
28.04.2011 №16
 
 
 
 
 
 
 
 
 
 
 
 
 
 
 
 
ВИЙСЬ-ЯЛГАКСШИСА

Мокшэрзянь народть Российскяй государствань нароттнень мархта ладязь эрямаснон 1000 кизонь топодемать праздновандаманц карша республикасонк етафневи лама ила, пуромкс, васедема, эрь-кодама конкурс. Тяконь лувксса и "Мы дружбой сильны!" фотовыставкась.
31 мартста Саранскяйса Мокшэрзянь народнай культурань музейса ушедозе работанц "Мы дружбой сильны!" лем ала фотовыставкась-конкурссь, кона пуроптф инь цебярь исследовательскяй проектть коряс Межрегиональнай Интернет-конкурсть мяльса кирдезь. Выставкась етафтови Мордовия Республикань Образованиянь министерствать лезксонц вельде.
Конкурснай программаса примасть участия Мордовиянь общеобразовательнай учреждениянь, начальнай и средняй профессиональнай образованиянь учреждениянь тонафнихне. Сембонь работасна няфтьфт выставкаса.
Инь активнайкс азфт Рузаевскяй, Ичалковскяй, Атяшевскяй районцта тонафнихне, А.И.Полежаевонь лемса СКЭЭП-нь студенттне, Саранск ошень 12№ гимназиянь, 39№ школань тонафнихне.
Экспозицияти сувась 80 малава творческяй работа. Инь няевикс вастсот фольклорнай ансамбльть выступленияц, стирнясь-якстернясь котф ланга сермадомань тевонц пингста, мокшэрзянь семьясь ужнамста и ламотне лиятне. Улихть работат, коса апак няфтть аф национальнай щамсь, аф мокшэрзянь койхне-обуцятне, но конань лангс ванозь нльне седиса-ваймоса марясак-вов сон-видексонь ялгаксшись, ся, мезьса минь виеньке, мзярда кяденьбецек молихть мокшэрзянь и лия нациянь од ломаттне.
Фотографияда башка эрь конкурсантсь аноклась эссе, конань эса художественнай валть вельде панжезе работанц смузенц, мезе ерась няфтемс, кода шарьхкодьсы лия нациятнень мархта ладязь эрямать, мес кочказе тя или тона образть конкурсса темать няфтемста.
"Мы дружбой сильны!" фотовыставкать-конкурсть кенкшенза панжадот сембонди. Сон кармай молема майти. Апрельть песта содавихть конкурсонь итокне. Сяськихне азовихть тяфтама номинациява: "Лучший молодежный образ", "Лучший репортажный снимок", "Лучшее эссе".
 
О.ДОЛГОВА.
 
 
28.04.2011 №16
 
 
 
 
 
 
 
ВАСЕНЦЕ АПРЕЛЬСТА УШЕДСЬ 2011 КИЗОТЬ
ОМБОЦЕ ПЯЛЕНЦТЫ ГАЗЕТАНЬКОНДИ СЁРМАТФТОМАСЬ
Нинге весть лятфтасаськ, што тяддень сентябрьста ули «Мокшень правдать» юбилеец. Теенза топоди 90 киза.
Родной кяльсонк-валсонк ноляви газетась фалу кулезень мокшетнень вайгяльснон и семботь колга азондсь-пачфнесь седис пачкоди валса. Сон лама лездсь мокшень художественнай литературать касоманцты-виияманцты, мокшень писательхнень и поэттнень касомаснонды. Газетась аф кржа тись мокшень кяльть грамматическяй норманзон, литературнай кяльть ладямаса и стак тов.
И тячивок сон эсь васень задачанц няйсы сянь эзда, штоба лездомс тейнек, мокшетненди, ванфтомс и виияфнемс эсь кяленьконь, культураньконь, коеньконь-иланьконь, касфнемс национальнай сознанияньконь и гордостеньконь. Лиякс мярьгомс, сон лезды лоткафтомс кялень и культурань кулофты сярятьфоньконь, максы пчкамань вийхть.
Азсаськ сяньге, газетась сермады аф аньцек национальнайть колга. Эрь номерста можна мумс материалхт общественно-политическяй и социально-экономическяй темас. Лувись, кинь ули мялец содамс правань и моралень кизефкснень, муй статьят и корреспонденцият нравственнай темас, юридическяй консультацият. Минь макссетяма врачень беседат, материалхт природать ванфтоманц колга. Эрь ковня лисендихть спецполосат, конат лемтьфт семьяти, иттненди, од ломаттненди, ветераттненди. Аф юкснесаськ перень серонь касфнихнень, жувата мельге якайхнень. Пцтай эрь номерсонза макссевихть теест пара советт и рекомендацият.
Редакциять планцонза лама интереснайда, мялень салайда. Но сембонь синь фкя цельсна: тяштемс нюрьхкяняста и шарьхкодевиста сембода важнайть колга, няфнемс сяда крхкаста мокшень ломаттнень эряфснон.
Юбилеень карша ули эняльдема лувиеньконди. Кучесть эсь мялентень-арьсемантень газетать квалма, азондость эсь предложениянтень и замечаниянтень, мезе тушенды мялезонт, и мезе аф. Сермантень печатласаськ газетаса.
Меколи тернесаськ мокшень сембе ломаттнень лувондомс и серматфнемс «Мокшень правда». Вдь сон ноляви родной кяльса теенть и аньцек теенть.
«Мокшень правда» можна тяштьфтемс Мордовия Республикань любой ошса, велеса и поселкаса связень узелонь подпискань отделенияснон, почтовай связень отделениятнень эса.
 
Газетать питнец:
кота ковонди—160 цалковай;
колма ковонди—80 цалковай.
Газетать индексоц 52780.
 
07.04.2011 №13
 
 
 
 
 
 
 
 
 
МАЗЫХТЬ МОКШЕНЬ СТИРЕНЬКЕ
 
Эхи мазыхть мокшень стирьхне,
Сяда мазыхть аф муят…
 
Ня строчкатне сявфт Мордовиянь Заслуженнай поэтть Р.К.Орловать валонзон коряс мороста, и мархтост аш кода аф согласиндамс. Мокшень стирьхнень удалафшиснон квалма нинге кунардонь пинкнень тяшнесть мянь омба масторонь ученайхне. Тянивок ширезонк сашенды  инжихне шарфнихть мяль аф аньцек шама путксс, ронгс-пондс коре мазышиснонды, но и шнашендсазь синь эрь кодама тевса асуснон, машты кядьснон. А кодама дивандай сельмованф прафнихть стирьхнень мокшень щамснон-карямаснон лангс!
Сембе тя мазышить ули кода няфтемс, а лувихненди няемс газетасонк азф конкурсса, кона мольфтеви вов ни колмоце кизось. А тячи минь оцю мяльса содафттядязь тага фкя участницаньконь мархта.
 
…Атюрьевскяй райононь Атерь велеса шачф-касф мокшень стирсь Татьяна Лукина шабакс пингстокиге шарфтсь эсь лангозонза мяль трудти оцю кельгоманц мархта. Нинге ефси емла стирнякс арась тядянцты васенце лездыкс. Шабрасна сяка-тев дивандакшнесть: коморс тяльги шабаня, мярьгихть, модамарень, помидорань кодоркснень еткстовок аф няеви, а стама отькорьста панденятнень эса кочки, оцю ломанти тяфта аф сафтови. Кудботмонь урядайське фалу Танясель. Тяда башка, ваннесь корязонза емла дуганнянц и сазорнянц эса.
Школаса тонафнемась макссевсь Лукинати теждяста. Эрь предметть коряс аньцек «нилет» да «ветет» сявондсь. Сяда кельговикстольхть теенза мокшень кялень и литературань урокне. Сяс школать шумордамда меле сяда тов тонафнема вастонди Таня кочказе М.Е.Евсевьевонь лемса Мордовскяй государственнай пединститутонь филологическяй факультетть. Тяса тевонь лац содай преподавательхнень видеса Т.Лукинась ламода козякофтозе содамошинь арзянянц. Оцю мяльса тонафнезе мокшень культурать, сядонгольдень мокшэрзянь койхнень-обуцятнень, оцю мяль шарфнесь эсь народонц историянцты. Институтса Танясь мусь эстеенза лама цебярь ялгада, конатнень мархта соткст кирди тячемс. Сон лезни теест, синь эсь ширдест стака пингста фалу анокт венептемс теенза  кядьснон.
Таня, институтть якстерь дипломса шумордамдонза меле, тонафни аспирантураса колмоце курсса. Тяка пингть работай Мордовскяй республиканскяй юношескяй библиотекаса. Шабакс пингонь трудти кельгомац тясовок няфтезе эсь прянц. Сон аф содай покой, фалу заняф кодамовок тевса. То, ванат, библиотекань лувихнень мархта работай, то кодамовок илас аноклай. А эздост библиотекаса етафневи аф кржа. Тяни ётафневи 1000 кизонь илати лемтьф лама мероприятияда. И сембонь синь аноклакшнесыне Таня. Тяса пяк кондяснихть краеведениять коряс институтса получаф содамошинза. Стирсь мялень салайста азонкшни мокшэрзятнень кунардонь и тяниень эряфснон квалма.
Етка пингста Таня Лукинась кельгсы книгань лувондоманц, мялезонза фантастикась. Касыксне, животнайхневок аф кадондсазь стирть озадонь седихть ащема. Велеса Таня касфни лама панчфта.
О.ЕВДОКИМОВА.
 
31.03.2011 №12
 
 
 
 
 
 
 
10.03.2011 №10
 
 
 
 
 
 
 
 
 
 
 
 
 
 
03.03.2011 .№8
 
 
 
 
 
 
 
 
 
 
 
 
 
МАЗЫХТЬ МОКШЕНЬ СТИРЕНЬКЕ
 
Кельгома лувиеньке!  Оцю мяльса кеняртьфттядязь, што тядде тага кармай мольфтевома «Мазыхть мокшень стиреньке» конкурссь. Сятненди, кит ёрайхть  няфтемс удалафшиснон, лятфтасаськ, што эрявкстыхть фотографият, коса участницатне щафт-каряфт национальнай мокшень  щамса. Кинь ули мялец сада ширезонк. Тяса учтядязь фотографоньке.
 
Тяддень васенце участницаньке Анна Волгапова шачсь-кассь Старошайговскяй райононь Сире Теризморга велеса. Кода мяляфтсасть, сонь землячкац Таня Виляйкинась  меля занязе конкурссонк колмоце вастть.
Лугань  панчфкя  лаца касы-панжи Анна. Шкайсь казезе аф аньцек мазышиса, но и ляпе седиса. Стирсь аф содай ётка пинге, лезни тядянцты, арась теенза надияма вастокс.  Анясь шачсь мокшень семьяса, коса кородозь ванфтови минценнесь, национальнайсь. Пяк кельгозе кулхцонкшнемс атянц лятфнеманзон кунардонь эряфть-ащефть колга, кода эвондась родсна-плямасна и стак тов. Атяц сувафтсь ваймозонза кельгома шачема-касома масторти, народоньконь историянцты.
Школаса тонафнемась макссевсь теенза тёждяста. Учительхне фалу шнакшнезь отькорьшинц, содамошитненди венемоманц. Аня аф весть примсесь участия районнай предметнай олимпиадатнень эса, ламонцнень эса лисендсь сяськикс. Инь кельговсть Волгаповати мокшень кялень и литературань урокне. Оцю мяльса лувондозень мокшень писательхнень произведенияснон. Башка мяль шарфнесь И.М. Девинонь творчестванц лангс, кона аф весть сашендсь ширезост инжикс, мзярда стирнясь  нинге ёфси ёмланяль. Савор-савор Анясь кармась варчсема эсь виензон стихотворениянь сёрмадомаса. Васенце аськолкснень тиемс теенза лездсь класснай руководителец М.Я. Чудаева. Мария Яковлевна школаса пуроптсь «Пайгоня» литературнай кружок, коса крьвяснесь шабатнень эса сёрмадомань асуши. Кружокса сёрматф работатнень авась прважсезень «Якстерь тяштеня» идень журналу.
Мзярда Анна  тонафнесь сисемце класса, сонь серьгядезь «Сянгяря порав» семинарс, коза пуромкшнесть Мордовиянь сёрмадомань асуши мархта од ломаттне. «Сянгяря пораса» од ломаттнень эса тонафтсть эсь лацоннекс няема перьфпяльть мазышинц, шачема-касома аймакть козяшинц. Лездсть од ломаттненди маштозь няфтемс тянь семботь васенце произведенияснон эса. Од сермадыхнень мархта васедема сашендсть содаф писательхне. Семинарда меле героиняньке тяштсь тяфтама строчкат.
Мордовиязе, кельгомнязе—тоннян.
Идцень кульк. Мон мархтотан.
Мон—тонь.
Тонга раса путьконьбеняс—моннят.
Касфтат эсон ломанькс.
 Максат ёнь.
Палси, эжни менельсь тозер прятнень,
Стака ронгснон модати утяй.
Токси, котькофни шись щёкапрятнень.
Медень таньфкясь седизон сувай...
Мокшень стирсь Аня Волгапова сафнезе сембоса. Мзярошка пинге тонафнесь Сире Теризморгань Национальнай культурань центраса котф лангса сюреса  сёрмадома.  Работанза няфневсть эрь-кодама  выставкаса. Аф лама пинге морсесь «Лаймоня» хорса. Тячиень участницаньке аф весть лисендсь сяськикс мокшень кялень и литературань межрегиональнай олимпиадатнень эса. Кафксоце класса сон занязе васенце вастть и ульсь казьф питни казнеса. Кемоньце класса арась омбоцекс аньцек сяс, мес максф заданиятнень эса ульсть кизефкст, конатнень стирнясь нинге ашезень кенере ётамс школаса.  Мекольдень тонафнемань кизоть занясь ёфси кафта призовой вастт азф олимпиадаттнень эса—васенце вастть мокшэрзянь литератураса и омбоцеть мокшень кяльса.
Школать шумордамда меле Анясь кочказе Н.П. Огарёвонь лемса МГУ-нь филологическяй факультетонь «Журналистика» отделениять. Тяза поступайхненди мярькфоль эсь мяль вельде кочкамс, кодама кяльса сёрмадомс творческяй экзаменть. Анна ламос ашезь арьсе и сёрмадсь мокшекс, сяс мес тядянь-алянь кяльсь теенза сембодонга питни. Тяни сон васенце курсонь студентка. Эряй ошса, но пяк лажаткшни веленцты. Ваймама шитнень эряскоды Сире Теризморгав, коса учсесы кельгома тядяц.
Эсь ширденк арьсетяма стирти сяда товолдонь сатфкст и  сембе цебярть! Пяшкодевост надияматне,  Анюта!
Е.СОБАЙКИНА.
 
23.02.2011 №7
 
 
 
 
 
 
 
 
 
 
 
Мороз атятне кштийхть,
Шалхксна мазыхть бта кстыхть
30.12. 2010 №51
 
 
 
 
 
 
 
 
 
 
 
 
 
 
17.02.2011 №6
 
 
 
 
 
 
 
 
 
1 0.02.2011 №5
 
 
 
 
 
 
 
Вишке кштима
 
 
 
 
 
 
 
 
 
 
 
 
 
 
 
03.02.2011 №4
 
 
 
 
 
 
 
 
Мокшень стирь
20.01.2011 №2
 
 
 
 
 
 
 
 
 
 
 
 
 
 
 
 
Тялонь шитне
 
 
16.12.2010 №49
 
 
 
 
 
 
 
 
 
 
 
 
 
 
 
 
 
 
 
 
 
 

Декабрсь

02.12.2010 №47
 
 
 
 
 
 
 
 
 
 
 
 
Фотообъективста
 
25.11.2010 №46
 
 
 
 
 
 
 
 
 
 
 
 
 
 
Фотообъективста
 
09.12.2010 №48
 
 
 
 
 
 
 
 
 
 
 
 
 
 
 
 
 
 
 
 
 
МАЗЫХТЬ МОКШЕНЬ СТИРЕНЬКЕ
 
«Мокшень правда» газетаса стаки моли «Мазыхть мокшень стиреньке» конкурссь, конань эса примасть ни участия республикань инь мазы и удалаф стирьхне. Тячиень номерса содафттядязь Зубово-Полянскяй райононь Покровскяй Селища велень стирть Анна Нуштаевать мархта. Ня шитнень сон сашендсь редакцияв. Вов мезе Аня азондсь эсь колганза.
 
«Шачень-касонь Зубово-Полянскяй райононь Покровскяй Селища мокшень велеса. Идькс пингстокиге тядяне-аляне сувафтозь ежемарямазон шачема масторти, кяльти кельгомать. Сяс фалу мялезень салселезь сире пингонь мокшень моротне, конатнень морсесазь велень аваньке. Оцю мяль шарфнень и шарфнян мокшэрзянь писательхнень, поэттнень произведенияснон лангс. Лувондсайне стихснон, романцнон. Башка мялезон Илья Максимович Девинонь «Нардише» романоц. Лувомстонза нльне вайман. Монцьке варчсине вийнень сермадомаса. Тяшнень стихотвореният, азкст, конат печатлакшневсть «Якстерь тяштеня» идень журналса. Тернемазь од литераторонь республиканскяй семинарс.
Мяляфтса, писательсь Г.И. Пинясов шназе серматфозень. Кле, пяк кеняртьфти, мес школань тонафнити вийс коре сермадомс тяфтама арьсефти, крхка мяль мархта стихотвореният. Вов аф оцю пакш тяштьфстон:
 
Стака тя тядяти содамс,
Што церац бойста аф сай,
Кельме модати калмамс.
Авась пичеди и ризнай.
Шавовсь цераняц-фкяняц:
Шобдалгодсь
эряфонь валдсь.
Матовсь сонь седиень
толняц,
Кода лазксненди
церац мадсь.
Еран пшкядемс мирти:
«Лоткафтость, ломатть,
войнать!
Кельгомать
нолдасть кити,
Перясть кинц куломать!»
 
Григорий Ильич эста мярьгсь тейне аф юкснемс сермадомань тевозень, касфнемс-виияфнемс асувозень. Школаса тонафнемстон тяшнень стихотвореният­-месть, а мзярда поладыне тонафнемазень Н.П.Огаревонь лемса МГУ-нь архитектурно-строительнай факультетса, етка пингтон ляткшнесь ефси кржа и творчествать колга мзярошкас савсь юкстамс. Тяни тонафнян 4 курсса. Мекольдень пингть весть-аф весть серматкшнян стихт. Виде, синь газетас, журналс аф кучсесайне.
Тяда башка, шарфнян мяль сюреса котф лангс сермадомати. Пуромсь ни ветешка эсь кядьса серматф картина! Маштан кодама кячкаскаса салфеткат.
Нинге пяк кельгса примсемс участия эрь-кодама иласа. Школань пуромкснень эса фалу улендень вятикс и щафолень мокшень щамса. Кудсонк ули Зубово-Полянскяй райононь национальнай костюмоньке, конань пяк кельгса и ванфтса. Тядязе, Елена Алексеевна, начальнай классонь учительницась, анцяйнянь-анцяйнянь кочказе тя щамть: кой-мезть рамазе, мезть стафтозе машты ломанень кядьста. Панарть сермадозе сюреса кельгома щавазе, сяс тейнек сон сядонга питни. Конкурсонь снимкаса щафан-каряфан самай ся щамса. Миньцонк руцянят каннельхть аньцек рьвакс туф мокшаватне, од стирьхне прязост щакшнельхть ожнаса серматф коняфкст.
Тяни Саранскяйса моли «Шумбрат, Мордовия!» республиканскяй фестивальсь. Оцю мяльса якан сембе концерт- тненди. Седиезень бта лямбоняса пяшкодьсазь мокшень кштиматне-мораматне. Сельме кеняртьфтихть артисттнень мокшень щамсна: эрь районть сонцень мазы щамоц, сельмованф салайхть эсь лацонь мазышиса.
Мялезон, мес миньцонк етафневихть тяфтама седиень пети илат. Вельдест, койсон, ванфтовихть мокшэрзянь культурась, народоньконь коенза-обуцянза. «Мокшень правда» газетаське лама тиенди кяленьконь, историяньконь ванфтоманксост.
О.ДОЛГОВА.
 
09.12.2010 №48
 
 
 
 
 
 
 
 
 
 
 
Аф юксневихть кунардонь
койхне-обуцятне
 
28.10.2010 №42

 

 
 
 
 
 
 
 
 
 
 
 
 
 
 
 
 
 
 
 
 
 
 
 
 
ВАЙМАМА ЁТКТЬ  14.10.2010 №40
 
 
 
 
 
 
 
 
МАЗЫХТЬ МОКШЕНЬ СТИРЕНЬКЕ
 
Кельгома ялгат! Стаки моли газетасонк азф конкурссь. «Мокшень правдать» лопанянзон лангса няфтьфоль ни аф кржа шачф-удалаф мокшень стирь. Сембе ширде мазыхтольхть, мялень салайхтольхть щамсна-карямасна. Сятненди, кинь мялец примамс конкурссонк участия, няфтемс мазышинц, лятфтасаськ: эрявихть фотографият, коса участницатне наряжафт мокшень щамса. Кинь ули мялец, сада ширезонк. Тяса учтядязь фотографоньке.
Уледа содафокс: тячиень участницаньке—Ковылкинскяй райононь мокшень стирсь Оксана Веряскина.
 
Мака панчфкя лаца касы-панжи стирнясь Оксана. Шачсь сон Валгапеле велеса, мокшень семьяса. Шкайсь казезе аф аньцек мазышиса, но и лямбе седиса. Киндинге аф атказай, кда эрявксты лезксоц. Мелавнякс шары кудъетконь тевса, тядянцты сон цебярь лезды, надияма васта. Шабакс пингстокиге стирнясь ушедсь венемома национальнай культураньконди, литератураньконди. Тянемс лятфнесы, кода щавац азонкшнесь теенза кунардонь ефкст, морсесь нюрямонь морот. Тяфта сувафтсь идень ваймоти кельгома шачема-касома масторти, народоньконь историянцты.
Мзярда Оксанати топодсь 6 кизот, сон оцю мяльса мольсь школав, штоба пуроптомс крхка содамошит. Тонафнемась макссевсь теенза теждяста. Учительхне фалу шназь откорьшинц инкса. Соньфтемонза ашезь етне фкявок школьнай мероприятия. Сцена лангса Оксана маштозь выступандась. Шамасонза ульсь весяла мзолфкя, щекапрянза палсть якстерь марь лаца. Сиде моронятне кепсезь кулхцондыхнень мяльснон, ляпе вайгялец эжнезе седиснон. Стирсь пяк кельгозень мокшень кялень и литературань урокнень. Оцю кяльса лувондозень содаф мокшэрзянь писателеньконь произведенияснон. Тянемс кой-коста сявоньдсыне кядезонза П.В.Алешинать и Р.К.Орловать стихотворениянь сборникснон. Кодама аньцек мяль-арьсема мархта аф васьфти лувомстост! Вдь синь сермадыхть аф аньцек перьфпяльть, эряфть колга, но и шачема-касома аймакть, модать лангса ломанть вастонц квалма. А тя сембось пяк мала стирняти.
Тонафнемань кизотнень Оксана  аф весть примсесь участия районнай предметнай олимпиадатнень эса, занцесь призовой вастт.
Аш месть корхтамс, стирсь сафнезе сембоса и тонафнемаса, и кудъетконь тевса.
Пингсь лии вармакс. Тяни Оксана Краснослободскяй медицинскяй училищань 3-це курсонь студентка. Пчкафтомань тевть мархта эряфонц арьсесь  сотомс аф стак. Фалу мялецоль лездомс ломаттненди, лафчепнемс сярятьфснон-урмаснон. Тясовок тонафнемац моли лац, получси аньцек цебярь оценкат. Ваймама шитнень эряскоды шачема-касома уженязонза—Валгапеле вели, коза ускозь-уски седиец, учсесы тядяц. Шарьхкодьсы, што коза эряфсь афолезе пачфте, сяда мала и питни васта теенза аф ули. Ломанць павазу, кда кирди соткст шачема масторть мархта, лац содасы народонц культуранц, родной кяленц.
Тячиень героиняньке машты бисерста кодама и котф лангса сермадома. Тя асусь етась теенза тядянц Елена Петровнань эзда. Авать арзянза пяшксят кунардонь сапоняда, панарда, руцяда. Ламоц щапнень-каряпнень тядят-стирьхть стазь марса. Тяда башка, синь содайхть лама мокшень мора, конатнень еткса улихть и тяниень пингоннет и кунардоннет и, мзярда эвондакшни етка пингсна, кеняртьфнесазь мала ломаньцнон цефксонь вайгяльснон мархта.
Штоба лувомс эсь прянц павазукс, Оксананди лама аф эряви. Мялец, штоба мала ломаненза улельхть шумбрат, афольхть прафта кальдяв тевс. Синь улихть павазуфт—соньге седисонза кармай сетьме.
Эсь ширденк арьсетяма стирти сяда товолдонь сатфкст, сембе цебярть! Пяшкодевост сембе мяльхне-арьсематне, Оксана!
 
Е.СОБАЙКИНА.
 
11.11.2010 №44
 
 
 
 
 
Сентябрсь
 
*Кельме сентябрсь, да топодьста.
*Сентябрьста шуфта пряса лопась аф кирди.
*Сентябрьста фкя сяка иможсь—сяпи пизелсь.
*Кда тя ковста торай атям, сексесь ули лямбе.
*Касыкснень лангс эвондай унжань котф—лямбе сексети.
*Лама церяда тумоса—якшама тялоти.
*Кда каркне лиихть вярьге аф эряскодозь—сексесь ули цебярь.
*Мзярс вишняксть лангста  лопатне аф  пяярихть, мзяра лов тяза пра, сяка солай.
*28 августста—11 сентябрьста  уленди бабань од кизось. Кда сон пизему—тяфтама ули бабань сире кизоське (14-21 сентябрсь). *Кельме сентябрсь, да топодьста.
*Сентябрьста шуфта пряса лопась аф кирди.
*Сентябрьста фкя сяка иможсь—сяпи пизелсь.
*Кда тя ковста торай атям, сексесь ули лямбе.
*Касыкснень лангс эвондай унжань котф—лямбе сексети.
*Лама церяда тумоса—якшама тялоти.
*Кда каркне лиихть вярьге аф эряскодозь—сексесь ули цебярь.
*Мзярс вишняксть лангста  лопатне аф  пяярихть, мзяра лов тяза пра, сяка солай.
*28 августста—11 сентябрьста  уленди бабань од кизось. Кда сон пизему—тяфтама ули бабань сире кизоське (14-21 сентябрсь).
 
02.09.2010 №34
 
 
 
 
 
 
 
 
 
МАЗЫХТЬ МОКШЕНЬ СТИРЕНЬКЕ
Ульцяса азорондай сексесь. Кизонь мани, лямбе шинятнень коль сяда сидеста полафнесазь смбора, пизем мархтотне. Тя пингста настроенияське уленди ни аф кодама. Эста панжесть газетасонк мольфтеви "Мазыхть мокшень стиреньке" конкурсть. Сембе ширде удалаф мокшень стирьхне, разнай тюсса пиндолды-вандолды щамсна эстокиге кеподьсазь мялентень.
Тячи оцю мяльса содафттядязь тага фкя участницаньконь мархта.
Лариса Циликина шачсь-кассь Краснослободскяй райононь Зайця велеса. Семьясост сондедонза башка нинге кафта итть-цера и стирь. Лариса етксост сембода емлась, а сяс, улема, инь кельговись и ужяльдевись. Тостоконь школаса Л.Циликина шумордась ниле класст. А меле, кода аф ужяль, школать селгозь. Од тонафнема кизоста шабатнень арьсевсь усксемс содамошинь касфнема шабра вели. Тянкса пяк пичедсть стирть тядянза-алянза. Вдь арнемс сашендовсь аф фкя вайгяльбе. А кода улемс тялонда, цят моли кельмотнень пингста? А кда автобуссь синневи или лия кодамовок зиян лиси ки лангса? Ларисать сазороц ся пингть работась Саранскяйса 19№ гимназияса. Содась, ошса ули идень музыкальнай школа-интернат, коса тонафнемада башка велеста сафненди эряма вастовок макссеви. Сафоль мяльс Ларисать тонафнеманц поладомс тя заведенияса. Мяльса кирдевсь сявок, стирсь шабакс пяк кельгозе морсеманц, мялецоль арамс содаф скрипачкакс. Тядяц тячемс лятфнесы, кода Ларисанясь латцесь лафтувонц лангс карандаш, бта тя скрипка, и налхксесь.
Васенце шитнень Лариса пяк лажаткшнесь куду, тядянцты-алянцты, велень ялганзонды, кой-коста нльне аварькшнесь. А меле саворне тонадсь од эряфонцты. Тяса, кле, пяк цебярьхть воспитательхне, прокс радня ломанькс тейне арасть. Школа-интернатса Лариса тонадсь кларнетса налхкома. Тя инструментть мархта выступандакшни разнай мероприятияса, концертса. Тяда башка, стирсь нинге морси, сонь пяк мазы вайгялец. Кельгсыне мокшень моротнень, конат, койсонза, сувайхть мянь ваймоти, токайхть седи. Кштимасовок сафтсы тячиень участницаньке.
Школа-интернатонь преподавательхне аньцек шнайхть Ларисать эса. Сембе предметтнень коряс аньцек "ветет" сявонди.
Етка пингста мокшень стирсь сявондьсыне кядезонза сюретнень, кярьмотькшни котф лангс сермадомати. Стане жа тяшни аф оцю азкскат, варчсесыне виензон стихонь сермадомаса-латцемаса.
Тячиень героиняньке пяк кельгсыне кудонь животнайхнень. Велеса улихть куднумолонза. Кизонда сонць якай мельгаст, тонафнема пингть бабац ванондсыне. Ваймама шитнень стирсь етафнесыне брадонц пяле, кона стане жа эряй Саранскяйса. Оцю мяльса ваннекшнесы сонь емла стирнянц.
Лариса Циликинать мяльс пяк тушенды национальнай щамсь. А кодама ладяй сон теенза! Ефси баяравакс няеви. Коса, кле, афолень уле, тя мазышить мархта аф яван.
А кодамот планонза сай пингонди тя мазы стирть?
-Лац аделамс школать-интернатть, сяда тов касфнемс содамошинень, а меле арамс цебярь артисткакс,-мярьгсь Лариса.
Миньге арьсетяма стирти, штоба пяшкодевольхть сембе мяленза-арьсеманза.
 
О.ЕВДОКИМОВА.
 
16.09.10 №36

 

 
 

 
МАЗЫХТЬ МОКШЕНЬ СТИРЕНЬКЕ
 
«Мокшень правда» газетаса колмоце кизось мельцек моли «Мазыхть мокшень стиреньке» конкурссь. Лувиеньконди ульсь кода няемс аф аньцек республикань, но и диаспорань мазы, удалаф, еню стирьхнень. Башка мяль эсь лангозост шарфнесть национальнай щамсна-карямсна. Атямъенгонь сембе тюсонь панархне, панчфу руцятне, серматфкс мархта панархне. Аш месть корхтамс—тя сембось салси мяль. Кизоть песта тиендеви итог—азондовихть I, II, и III вастонь сатыхнень лемсна. Колма инь мазы стирьхне казендевихть редакциять лемста питни казнеса.
Газетаньконь тячиень номерсонза содафттядязь конкурсонь нинге фкя участницать—мокшень мазы стирть Наталия Казейкинать мархта. Эстокиге азсаськ, што Наталия пяк кельгсы «Мокшень правда» газетать, оцю мяльса сонь морафнесы. Ламос ванць «Мазыхть мокшень стиреньке» конкурсть мельге, а тяни эвондась мялец примамс эсонза участия.
 
Шачсь-кассь Наталия Казейкина Мордовиянь Рузаевскяй райононь Трускляй мокшень велеса. Школаса тонафнесь цебярьста, эрь урокть учендозе таколдозь, сяс мес учительхне фалу азонкшнесть мезевок одня, мялень салай. Пуроптф содамошинза лездсть 2001 кизоня шумордамс школать сиянь медальса. Сяда тов стирсь ламос арьсекшнема ашезь карма, а поступась Н.П.Огаревонь лемса Мордовскяй государственнай университетонь экономическяй факультету. Кочказе «Экономика и управление на предприятии (в аграрном производстве)» специальностть. И ашезь каенда. Вузса тонафнема кизотне етасть курокста: тя мезтьке Наталия ускозь усковсь содамошитненди, коль крхкалгофнезень синь. И вете кизода меле, 2006 кизоня, шумордазе экономическяй факультетть якстерь дипломса.
Тяни стирсь работай Рузаевскяй райононь «Технический центр «Агросервис» ООО-са главнай бухгалтеркс. Тевоц мялезонза, лезнихть университетса получаф содамошитне.
Н.Казейкина пяк кельгсыне мокшэрзянь моротнень, щапнень-каряпнень, культурать. Содай лама мора, оцю мяльса морси ялганзон мархта. Гордость маряй мокшень народть инкса, кона казсь странаньконди лама талантливай, еню ломань.
Наталия Михайловна етка пингстонза кельгсы пидеманц-панеманц. Ярхцамбяленза тушендыхть сембонь мяльс. Эряви азомс, шачсь стирсь лама идень семьяса—тядянза-алянза касфтсть вете шабат—колма стирьхть и кафта церат. Наташась эздост сембодонга емлась. Тяни стирть кота племянниктонза и фкя племянницац. Сяс весяла уленди Казейкиттнень ширеса праздникнень пингста, мзярда шачема куду пуромкшнихть Наташать брадонза и сазоронза семьяснон мархта.
Мокшень стирсь Н.Казейкина нинге шабакс тонадсь сюреса сермадома, стама, кодама. Пяк мазыхть эсь кядьса тиф салфетканза, нардама пенза.
Тядяц, Татьяна Федоровна, лама киза английскяй кялень учителель. Тяни сон Трускляй велень средняй общеобразовательнай школаса фольклорнай коллективонь руководитель. Шарьхкотьф, тя тевсонза лезни Наталия стирец. Тядят-стирьхть лама мора морсихть марса аф аньцек пуромксса-коса, но и кудса. Тяфта, кле, ванфтсаськ фольклорть, культурать.
Мокшень щамсь, конань няйсасть участницать лангста—тя семейнай козяши. Стирти сон етась бабанц зэда. Виде, козякофтоманц и мазоптоманц инкса лама вий и маштомоши путсь сонць Наташа.
Арьсетяма Наталия Казейкинати, мокшень мазы стирти, сяда товолдонь сатфкст, сембе цебярть! Катк пяшкодевихть сембе мяленза-арьсеманза!
 
Т.АЛЬШИНА.
 
 
26.08.2010 №33
 
 
 
 
 
 
 
 
 
 
 
 
 
 
МАЗЫХТЬ МОКШЕНЬ СТИРЕНЬКЕ
 
Мокшень стирня-якстерня, инезиень тюсонь трваня, мазы вайгяль цефкскя... Ня шнама валхнень мялезе азомс «Мазыхть мокшень стиреньке» конкурсонь тячиень участницаньконь Екатерина Трясучкинать колга.
Шачемас коре Катя Старошайговскяй райононь Вертелим мокшень велеста. Тядянза-алянза касфтозь идьснон минценнеть, национальнайти кельгозь, сяс стирсь идькс пингстокиге венеми инь малати и роднойти—мокшень кяльти. Аф кржа васта седисонза занцесь литературась. Нинге школаса Катюша кельгозе кайгиста стихонь лувоманц и цефксокс моронь мораманц. Сонь пяк мазы вайгялец. Мярьгат, тундань шобдаваня нармоннясь ушеды моронц, мзярда кульсак Катянь ару, горняй шудерькскакс шуди мораманц. Мялезонза сембе моротне, но сембодонга пяк—мокшеннетне.
 
Мокшень мазы щамсь, конань няйсасть Катянь лангста фотографиятнень эзда, тя эсь кядьса стаф-серматф семейнай козяши. Щамть стаманц коряс тевть ушедозе стирнять бабац. «Кельгса мокшень щамозень, сон тейне пяк мала, вдь вельденза няфтеви народоньконь культурац, козяшиц. Тяда башка, эзонза трудонц, ваймонц и седиень лямбонц путозе инь мала ломанезе—бабазе»,—мярьгсь конкурсонь участницась.
Школаса Катясь тонафнесь лац, учительхне ашесть машта шнамонза сатфксонзон инкса: мокшень кяльть и литературать коряс олимпиадаса призовой васттне, спортивнай пуромксса сяськоматне сатневсть стирняти.
Тяни Екатерина тонафни Н.П.Огаревонь лемса Мордовскяй госуниверситетонь филологическяй факультетса. Сон—сай пингонь журналист. Стирсь лама тии, путни вийхть, штоба сатомс целенц. Етка пингста серматкшни материалхт «Мокшень правда» газетазонк.
Кода няйсаськ, стирсь кенери лама вастова. Кельгсы пидеманц-панеманц, фалу лезни тядянцты кудъетконь тевонь тиемаса. Теенза советонкса-мезенкса, лезксонкса фалу малаткшни Миша брадоц, а сазороц вестевок аф атказай. Тяфта тевсь ащи ялганзон мархтовок.
Сай кизоть Катясь аделасы ВУЗ-са тонафнеманц, инголенза панжеви эряфонь оцю кись. Эсь ширденк арьсетяма мокшень мазы стирти лац шумордамс содамошинь сатоманц, кочкамс сонцень виде кинц и сяда товолдонь эряфса сатфкст! Катк пяшкодихть сембе мяльхне-арьсематне, Катюша! Фалу ульхть тяфтамка весяла и мазы!
 
О.ДОЛГОВА.
 
 
19.08.2010 №32
 
 
 
 
 
 
Фотообъективста
 
12.08.2010 №31
 
 
 
 
 
 
 
 
 
 
 
 
 
 
 
 
 
 
 
Кизоть тюсонза
 
29.07.2010 №29
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Эхи пара пси шитнень
чёмболямс кельме ведняса!
 
22.07.2010 №28
 
 
 
 
 
 
 
 
 
 
 
 
 
 
 
 
МАЗЫХТЬ МОКШЕНЬ СТИРЕНЬКЕ
Кодама лац арьсеф конкурсть лемоц. Афкукс, мокшэрзянь краеньконь стирензон мазышисна салай сельмованф, кеподи мяль. И тянь приметнесазь ширезонк сашенды сембе инжихне. Азома сявок, што мокшень мазы стиреньке шарфтыхть мяль аф аньцек удалафшиснон, но и асуснон, еньцнон, эрь тевса маштомошиснон мархта. Нинге сядонга кеподи мяльце, мзярда стиреньконь няйсайть национальнай мазы щамса, конат эсь лацоннет эрь районца.
Оцю мяльса содафттядязь тага фкя героиняньконь, мокшень мазы стирть Аня Чепайкинать мархта. Аня шачсь-кассь Атюрьевскяй райононь Кяшал велеса, конань мазышинц аф весть «морсезе» эсь стихсонза содаф мокшень поэтсь А.С.Малькин. Ашезе ужяльде Шкайсь стирти шама путксс, ронгс-пондс коре мазышить, казезе сембе тевса машты кядьса, оцю валда ваймоса, лямбе седиса. Варжакстат сельмозонза—ваят эрьхкс, марясак вайгяленц—мярьгат, тежянь пайгоня горняй.
Аняда башка тядянза-алянза касфтсть нинге кафта стирьхть и фкя цера. Етксост—сон сембода емла сазорсь. Сяс, улема, инь кельговись, инь ужяльдевись.
Кяшалса Аня шумордазе школать, тяни содамошинзон касфнесыне Торбеевскяй мясной и молочнай промышленностень колледжса. Сатфксонза, азома, аф кальдяфт, сембе экзаменонзон стирсь макссесыне аньцек «нилес» и «ветес». Тонафнемать аделамда меле Аня арьси вешемс работа получаф специальностьс коре. Пара ули, кле, кда покодема васта муви Мордовияса, сяс мес стирть аш мялец тумс лия васту.
Тонафнемать эзда етка пингста Аня оцю мяльса якай кштимань кружокс. Ули синцень кштимань группасна, «Час пик» лемоц. Сон якай группать мархта разнай фестивальс, концертс. И кодама пара арси мялезонза, мзярда «Час пикти» казендихть диплопт, грамотат.
Лия тевсовок сафтсы тячиень героиняньке. Машты пидема-панема, инжиень каваняма. Сембода лац лисендихть пяряканза, удалсихть цюкоронза. Тяда башка, тушенды мялезонза салфеткань-мезень кодамась. Сембода мазыхнень-удалафнень казендьсыне мала ломанензонды.
Аняти пяк кельгови мокшень щамсь.—Щасак,—мярьгсь Аня,—и эвондай мяльце кштимс, морамс мокшень морот. А конашкава ладяй тя нарядсь стирти!
Шачема-касома веледонза питни А.Чепайкинати мезьге аш. Кельгсы стирсь веленц, шуфта потмос ваяф ульцясонза эрь кинять, велень эрь эряйть. Кяшалонь сембе мазышити сон пяк лажаткшни тонафнема пингста, сяс аньцек сайхть ваймама шитне, стирсь эряскоды шачема уженязонза. Таколфтсы ся, мес кизоста кизос шамонды велесь, мес пяксневихть куттне, седяфса шавондовихть вальмятне. А од ломаттне тушендыхть павазонь вешема кие-коза. Колсесы мяленц сявок, мес кой-кит сепондсазь, што синь мокшет. Анясь, меколанкт, маряй тянкса гордость. И коза ба афолезь пачфте эряфонь китне, стирсь фалу кармай шнашендома мокшэрзянь крайть и лувондома эсь прянц павазукс, мес шачсь-кассь Мордовияса.
О.ЕВДОКИМОВА.
08.07. 2010 №26
 
 
 
 
 
 
 
 Одксши
 
 
 
 03.06.2010 №21
 
 
 
 
 
 
 
 
Фотообъективста
 
 
 
 
 
 
 
 
 
 
27.05.10 №20
 
 
 
 
 
 
Тяйть ужяльде кяттнень,
Люпшните пунятнень.
Морак сиденяста,
Цера-гармонист.
Велеть келес кайги
Мазы моронь вайгяль.
 
Эхи стирьхне тячи
Топодемняс кштийхть.
 
22.04.10 №15
 
 
 
 
 
Ведьгемонь шинь етазь Христость живолгодомда меле—Святой Тройцясь—Пятидесятницась. Тройцяда ингольдень еткшиня церькавса помондавихть кулофне. Тя шись лемневи—Тройцянь еткшикс. Тройцянь омбоце шиня—Святой Духонь шись (Духов  день). Сон эрси фалу понедельникста.
Христость шачемс Пятидесятницать  значенияц лияль. Сон лемтьфоль Моисеень законца кемонь заповеттненди, конатнень теенза максозень сонць Шкайсь Синайскяй пандть пряса. Тройцясь лятфни христиаттнень и лия библейскяй событиятнень колга. Менели тумдонза инголе Христоссь надияфтсь  апостолхненди кучемс лангозост Святой Дух. Сянкса мярьгсь теест  аф тушендомс Иерусалимста. Господть менели тумда меле учениконза мрдасть Иерусалиму и сувасть самай ся кудти, коса ульсь Тайнай Вечерясь. Тоса ульсь и Божий Матерсь и сембе учсть лангозост Святой Духть валгоманц эса.
И вдруг марясть менельста вармакс сай шум, кона пяшкодезе марнек кудботмоть.
Тяфта валгсь лангозост Святой Духсь и синь кармасть корхтама разнай кяльса. Тяза пуромф народсь  пяк дивандазевсь тянди. Кажнайсь марязе сонь кяльсонза корхтамать.
Православнай христиаттне Тройцянь шиня кудснон и церькавть наряжакшнесазь сянгяря  тараткаса и панчфса. И тя обычайсь моли нинге Ветхозаветнай церькавста. Тя тиендеви  ся пингста,  мзярда Моисей получазень Шкайть эзда кемонь заповеттнень. Эста Синайскяй пандть видеса сембось сянгярьготкшнесь и панчсь.
Святой Тройцянь шиня морафтови Святой Духти молитва.
 
 20.05.2010  №19
 
 
 
 
МАЗЫХТЬ МОКШЕНЬ СТИРЕНЬКЕ
Кельгома  лувиеньке! "Мокшень правда" газетаса колмоце кизось мельцек моли "Мазыхть мокшень стиреньке" конкурссь, конань эса ули кода няфтемс эсь мазышиснон  республиканьконь, а стане жа диаспорань мокшень стирьхненди. Конкурсонь участникненди путф фкя условия-щамс-карямс мокшень нарядса. Фотографиятнень можнат кучемс сермаса или тифтемс редакцияса.
-Эхи цебярьхть мокшень стирьхне,
Сяда цебярьхть аф муят,-морави тяниень пингонь мокшень фкя мороса. Аф муят Шевалаева Натальять лацовок мазы стирь. Сери, виде ронга, бта паксяса ащи акша келуня. Етай Наташа вакскат, варжаксты лангозт менелень тюсса сельмоса и кадсак вень удомацень!
Шачемас коре Н.Шевалаевась Рузаевскяй райононь Цифтамаз мокшень велеста. Идькс пингстокиге стирсь венемсь минценнети, инь малати и роднойти-национальнайти. Фалу мялезонзоль мокшень кяльсь, аф сяда емла васта занцесь седисонза мокшень литературась. Нинге Наташась пяк кельгсы мораманц, кайгиста стихонь лувоманц. Сонь пяк мазы вайгялец. Мярьгат, тундань шобдаваня цефкскясь ушедсы моронц, мзярда кульсак Н.Шевалаевать ару, горняй шудерькскакс шуди вайгяльнянц. Мялезонзот сембе моротне, но сембодонга пяк-мокшеннетне.
-Мокшень моронь морамста маряса прязень пяк павазукс, седиезе пяшкотькшни кенярдемада, а ваймозе анок лийкстамс нармонькс мастороньконь вельхкска,-мярьгсь Наташа.
Школаса Наташа тонафнесь лац, учительхне ашесть машта шнамонза сатфксонзон инкса: предметнай олимпиадаса призовой васттне, ошень спартакиадаса аф весть сяськоматне сатневсть стирняти.
Тяни Наташа тонафни Н.П.Огаревонь лемса Мордовскяй госуниверситетонь филологическяй факультетонь нилеце курсса. Сон сай пингонь журналист. Стирсь лама тиенди, путни вийхть, штоба сатомс целенц.
Производственнай практиканц Наташа етнезе "Сударыня", "Рузаевская газета" изданиятнень эса, "10 телеканалса". Валонзон коряс, газетаса работамась макссь теенза лама содамоши, виияфтозе сермадомань асувонц.
-Пяк пара, што студент- тненди максови возможность васьфнемс содаф публицист- тнень, писательхнень мархта, конат лездыхть петемс серматфоньконь, няфтемс сяда виде ки работасонк,-мярьгсь Наташа.
Кода няйсасть, стирсь кенери лама вастова. Нинге кельгсы пидеманц-панеманц, фалу лезни тядянцты кудъетконь тевонь тиемста. Теенза советонкса-мезенкса, лезксонкса фалу малаткшни акац. И сон  вестевок аф атказакшни. Тяфта тевсь ащи ялганзон мархтовок.
Тяни моли тонафнемань семестрась. Курок ни сессияське. Эсь ширденк арьсетяма мокшень мазы стирти лац максомс экзаменонзон, сяда товолдонь сатфкст! Катк пяшкодихть сембе мяльхне-арьсематне, Наталья! Фалу  ульхть тяфтамка эрьгав и мазы!
О.ДОЛГОВА.
 
22.04.10 №15
 
 
 
 
Эхи мазыхть
     мокшень стирьхне,
Сяда цебярьхть аф муят...
 
 
 
 
 
13.05.10 №18
 
 
 
 
ПОБЕДАНЬ 65-це ТУНДАСЬ
65 киза ётась ся пингста сявомок, мзярда народоньке, странаньконь армияц сяськозь фашистскяй Германиять. 9-це майста аделавсь Великай Отечественнай  войнась. Тя шись арась инь оцю праздникокс аф аньцек минь, но и лия странань ломаттненди.
 
…10 частста шобдава Саранск ошень Победань площади, Мемориальнай комплексть ваксс войнаса шавфнень лятфтама пуромкшнесь лама ломань. Етксост войнань и трудонь ветератт, школань и высшай учебнай заведениянь тонафнихть. Победань площадьса етафтф торжественнай митинг, коса войнань ветераттнень мархта ряцок ульсть Мордовия Республикань Оцюнясь Н.И.Меркушкин, Мордовия Республикань Правительствать Председателец В.Д.Волков, Мордовия Республикань Госсобраниять Председателенц васенце   заместителец В.В.Конаков, Мордовия Республикать эзга главнай федеральнай инспекторсь А.М. Пыков, Саранск ошень администрациянь оцюнясь В.Ф.Сушков, Мордовия Республикань военкомсь А.В.Белоусов и лия официальнай ломатть.
Тундань менельти площадьста кепсесть шархт, лийкстасть гуленят.
Н.И.Меркушкин седи ваксста поздравляндазень ветераттнень, а стане жа сембонь сятнень, кит тылса сиземань аф содазь трудендазь лезнесть фронтти, маласькофнезь Победань шить.
—65 кизода тяда инголе советскяй солдатсь аделазе войнать Берлинца,—мярьгсь республикань Оцюнясь.—Сон кандсь воляши  масторлангонь ламоц нароттненди. Войнань сембе фронттнень эса Победать инкса тюрсть Мордовиянь воиттне. Войнав туфнень пяледа ламосна шавовсть бойхнень эса. Вечнай теест память и вечнай слава! Мордовиянь 108 воинць арасть Советскяй Союзонь Геройкс, 25-тне казьфтольхть Славань колмоцьке степенень орденца.
Тячи мархтонк ряцок ащихть ветераттне, конат етазь войнань толу и качаму китнень. Синь аф пелезь тюрсть Москуть ала, Сталинградса, Курскяй дугаса, воляс нолязь Украинать, Белоруссиять, Европань странатнень, сявозь Берлинть.
Н.И.Меркушкин лятфтазе, конашкава оцю зиян кандсь войнань толсь странань, республикань эрь семьяти.
Мордовияса тиендевсть фронтти снарятт, аноклакшневсь ярхцамбяль. Аватне, эряфкшу и од ломаттне соксесть паксят, арсесть станокнень ваксс.
—Катк фалу Родинаньконь вельхксса менельсь ули ару и мирнай,—мярьгсь Н.И.Меркушкин.
—Минь поколенияньке ашезе няе войнань толть,—мярьгсь пуромфнень инголе корхтамста Саранск ошень 26-це лицеень тонафнись Юрий Смирнов.—Но историянь урокнень эзда содасаськ, кодамоль тя войнать шамаликоц. Родинать араламста шудефтьфоль лама вер, шавовсь пяк лама ломань. Минь фалу пара мяльса васьфнесаськ ветераттнень эсь школасонк, сотцесаськ войнать колга видешить синь азондомаснон эзда. Монценьге радняне Н.Л.Галкин и А.Г.Смирнов ульсть фронтса.
Монь идькс пингозе павазу. Эрь шобдавать сазорозень мархта якатама пяк цебярь школав. Курок минь классонк ули етафтф выпускной бал. Шраньконь лангса фалу танцти ярхцамбяль.  Тянкса, Победать сатоманкса, оцю спасиба ветераттненди. Саранск ошень сембе од ломаттнень лемста азса: минь  стане жа кельгсаськ Родинаньконь, аноктама, кда эрявксты, стямс араламонза.
Великай Отечественнай войнаса шавф воиттнень памятникснонды  венокт путсть Мордовия Республикань Оцюнясь Н.И.Меркушкин, Мордовия Республикань Правительствать Председателец В.Д.Волков, Мордовия Республикань Госсобраниять Председателенц васенце   заместителец В.В.Конаков, Мордовия Республикать эзга главнай федеральнай инспекторсь А.М. Пыков, Саранск ошень администрациянь оцюнясь В.Ф.Сушков.
Венокт шавф земляконьконь памятникснонды путфт Великай Отечественнай войнань ветераттнень, Мордовия Республикань Почетнай граждаттнень и Слава орденонь кавалерхнень, военнай и правоохранительнай органонь, трудовой коллектифнень лемста.
Калмолангса воиттнень памятникснонды панчфт путсть Мордовия Республикань Оцюнясь Н.И.Меркушкин, ошень руководительхне, од ломанень представительхне. Кайгсть стрелковай оружиянь залпне. Священникне кулофнень калмоняснон вельхксса служасть панихида.
А илять Саранск ошть вельхксса менельть валдопнезе праздничнай салютсь.
 
Ф.ГАВРИЛОВ.
 
13.05.10 №18
 
 
 
 
МАЗЫХТЬ МОКШЕНЬ СТИРЕНЬКЕ
 
Кафта кизот мельцек газетасонк мольсь «Мазыхть мокшень стиреньке» конкурссь. 2008 кизоть песта минь тиендеме итокт, а 2009 кизоня поладоськ конкурсть сяда тов. Тяддень декабрьста, Од кизонь каршеня, тиеме итокт тяддети. Аш месть корхтамс, мокшень стиреньке пяк и пяк мазыхть. Кизоньберьф газетаса лисендсть полосат участницатнень мархта, а минь коль кайсеме сельме удалафшиснон лангс. Но, кода ни азфоль сяда вяре, сембонь эзда эрявсь кочкамс колма стирьхть.
 
Васенце вастть сатозе Инсарскяй райононь Мокшень Паевка велень кемонце класса тонафнись Татьяна Ерочкина. Кда мяляфтсасть, колганза материалсь лисендсь тяддень август ковста. Эстокиге стирсь салазень ламотнень мяльснон мазышинц мархта. Тяда башка, Танюшань седиса фалу юрнай минценнети—национальнайти—кельгомань толнясь. Сон аф весть примсесь участия мокшень кяльть коряс районнай и республиканскяй олимпиадатнень коряс. Няфнезе прянц аньцек цебярь ширде. Тянкса кизонда ваймосесь Ичалковскяй райононь «Орленок» лагерть видеса «Живи, родной язык!» этнолагерьса. Таня машты кштима-морама, лезни тядянцты кудъетконь тевса. Сонь ули пяк мазы мокшень щамоц, конань стирсь лувондсы эряфсонза инь питни козяшикс. Васенце вастонь сатыти «Мокшень правда» газетать эзда казьфоль DVD-проигрыватель. Нинге весть поздравляндатядязь, Танюша!
 
 
Омбоце вастсь максфоль Темниковскяй райононь Од Авкиманова велеса шачф-касф стирти Ирина Чапаевати. Ира пяк лац морай, тонафнесь Темникавонь велень хозяйствань колледжса. Кельгсы шачема-касома масторонц, веленц. Мялец морсемс сяда тов. Тяфта и тиенди. Тяни Ирина морси «Келу» ансамбльса. Сонь пяк лама ялгадонза. Мзярда, кле, ломанть лама ялгадонза, эрямска сяда пара.
Надиятама, Ирина, утюгсь туй мялезт! Удалаза эряфонь кице!
 
 
 
Колмоцекс «Мазыхть мокшень стиреньке» конкурсса арась диаспораста участницась. Анна Паксялева шачсь Пензенскяй областень Колдаис велеса мокшень семьяса. Нинге шабакс седисонза крьвязсь кельгомась мороВов тяфтама кармай оперань и балетонь театрась.
ти. Лезнесть теенза тя тевса тядяц и бабац. Школать шумордамдонза меле поступась тонафнема Культурань и искусствань Пензенскяй училищав. Тяни сяда тов касфнесыне содамошинзон Н.П.Огаревонь лемса Мордовскяй государственнай университетть Национальнай культурань институтса. Аня «Музыкальное искусство» отделениянь омбоце курсонь студентка. Тяда башка, стирсь кафта кизода инголе  пуроптсь эстеенза «Чистый четверг» ансамбль. Коллективса сондедонза башка нинге кафта стирьхть. Синь стане жа Пензаста. Репертуарсост лама морода, но сембодонга пяк седис педихть мокшеннетне. Анна получась колмоце вастонкса насадка мархта фен.
 
 
Конкурсти итогонь тиемда меле стирьхне тертьфтольхть редакцияв. Поздравляндамань валхт синь кульсть «Мокшень правда» газетать главнай редакторонц Иван Степанович Лушкинонь, коллективса работайхнень эзда.
Нинге весть поздравляндасаськ Татьяна Ерочкинать,  Ирина Чапаевать, Анна Паксялевать «Мазыхть мокшень стиреньке» конкурсса сяськомаснон мархта! Астама оцю спасиба конкурсонь сембе участницатненди!  Малаткшни Од киза мархта!
 
Т.АЛЬШИНА.
 
31.12.09 №51 
 
 
 
 
 
 
МАЗЫХТЬ МОКШЕНЬ СТИРЕНЬКЕ
 
Пингсь моли вишкста. Ковда кржа ни лядонды газетасонк азф конкурсть аделаманцты. Сяс, кельгома мокшень стиреньке, эряскодода примамс эсонза участия. Тияк лятфтасаськ конкурсонь главнай условиять—участницатне улест наряжафт мокшень щамса-карямса. Фотографиянте можнат кандомс редакцияв или кучемс тястонь адресс коре почтаста. Кизоть песта тиевихть итокт и содави инь мазыть лемоц.
 
Тячиень героиняньке Аня Паксялева шачсь-кассь Пензенскяй областень Колдаис велеса мокшень семьяса. Нинге емласта кельгозе морсеманц, а тя кельгомась етась теенза тядянц и бабанц эзда. Семейнай ансамблькс, кле, можнатолеме лемдемс, сяс мес, касомок, миньге сазорозень мархта морсеме мархтост. Эста ни Аня арьсекшнесь оцю сценать квалма. Аф стак школать шумордамда меле поступась Культурань и искусствань Пензенскяй училищав, а тяни морамань-кштимань асувонц касфнесы Н.П.Огаревонь лемса Мордовскяй госуниверситетса Национальнай культурань институтса. Аня «Музыкальное искусство» отделениянь омбоце курсонь студентка. Тонафни аньцек «нилес» и «ветес». А нинге Аня Паксялева музыкальнай коллективонь руководитель.
 
«Чистый четверг» ансамбльть пуроптозе сонць кафта кизода инголе. Аняда башка эсонза морсихть нинге кафта стирьхть, конат стане жа Пензенскяй областеннет. Аф ваномок сянь лангс, што коллективсь нинге ефси од, содасазь и кельгсазь сонь лама вастова. Кодама аньцек морот аш репертуарсост, но, кода азозе Аня, сяда кельговихть теест мокшеннетне. «Чистый четверг» ансамбльсь фалу примси участия музыкальнай разнай конкурсса, фестивальса, коса аф весть сатнесь призовой вастт. Тянкса васендакиге оцю путксоц  Анять.
 
Кода содавсь корхнемстонк, Аня Паксялева аф стамотнень эзда, конат заняфт фкя ширдень кодамовок тевса. Морсемада башка стирсь кельгсы котф лангс сермадоманц, кодаманц. И аф най эстеенза цюлкат-варягат котци, но и мала ломанензондывок. Пара мяльса стирсь кярьмотькшни пидемати-панемати. Кда сашендыхть ширезонза инжихть, фалу каванякшнесыне синь мезень-мезень танцтиняда.
Аня Паксялева пяк кельгсы шачема-касома веленц и лажаткшни тостонь эряфти, перьфпяльдень мазышити. Кода шарьхкодевсь, сон седиге пичеди сянкса, мес шамондыхть веленьке, мес ламотне, сядонга пяк оттне, кадондсазь шачема уженяснон и тушендыхть лия вастс.
 
Аня—стирсь сембе ширде удалаф, отькорь, весяла. Машты ломань мархта седикс-ваймокс корхтама, эсь ширезонза ломанть мяленц шарфтома. Улема, сяс сонь лама ялгадонза, конат азонкшнесазь теенза эсь секретснон, кизефнихть кядьстонза советт.
 
О.ЕВДОКИМОВА.
 
 
 
 
 
 
 
Велень эшить
ваксса корхнемат
 
 
 
 
 
 
 
 
 
 
 
 
 
 
 
 
 
 
 
МОРДОВИЯСЬ
ПУРОПТОЗЕНЬ
ЭСЬ ЦЕРАНЗОН
И СТИРЕНЗОН
 
 
 
 
 
 
 
 
 
 
ТИЕМС СЕМБОТЬ,
МЕЗСЬ АЩИ ЭЗДОНК
 
 
 
 
 
 
 
 
 
 
 
 
КЕЛЬГОЗЬ И КОРОДОЗЬ ВАНФТСАСЬК СЕМБЕ МИНЦЕННЕТЬ
Мекольдень кизотнень республикасонк пяк оцю мяль шарфневи национальнайть эреклафтоманцты и вельмофтеманцты. Мольфтеви пяк эрявикс, ответственнай тев. Мокшень и эрзянь велетнень эса ушедсть пуропневома самодеятельнай коллектифт и ансамбльхть. Аватне и стирьхне башка мяль шарфтсть фольклорти: кочксезь мокшень моротнень, явсематнень-меснень, сиде моронятнень, кунардонь койхнень-обуцятнень. Эрявсь арьсемс щапнень-каряпнень колга. Савсь нинге и нинге весть васьфнемс эряфкшу велеряйхнень мархта, варжакснемс арзяснон потмос, коса ванфневсть панархне, руцятне, рукаватне, сюреса серматф пряруцятне и нардаматне, крганятне. Можна мярьгомс, анцяйнянь меки кочкафоль ся, мезсь лама кизода инголе мес-бди юкстафоль. Васень аськолксне тифтольхть.
Сяда тов коллектифне ушедсть примсема участия районца, республикаса етафневи пуромкснень эса. Фестивальхнень, конференциятнень, съезттнень эса коль сяда сидеста кулевсть мокшэрзянь мазы морот, а участникне корхнесть фкя-фкянь мархта тядянь-алянь родной кяльса.
Национальнайть ванфтоманц колга, кепотьксонди, пяк лама корхтафоль 2009 кизонь сексенда Саранскяйса етафтф кафта оцю пуромкснень эса-Российскяй Федерациянь Финно-угорскяй народонь IV съездса и Мокшэрзянь народть V съездсонза. Ня шитнень республикать столицас сашендсть делегатт, инжихть и участникт аф аньцек Россияста, но и омба масторста.
Пара, што вяре азф задачась эряфс етафневи фалу, а аф аньцек оцю пуромкснень пингста. Тя кеняртьфти и максси надиямат вандыень шити. Сембе шарьхкодьсаськ: кда ломанць крхкаста содасыне коензон-обуцянзон, корхтай родной кяльса, аньцек эста сонь можна лемдемс афкуксонь патриотокс.
Снимкаса, конань тинь няйсасть, Рузаевскяй райононь Мокшень Пишля, Трускляй, Сузгярьге велень фольклорнай коллективонь и ансамблень участницатне, конат сидеста улендихть ламоц пуромкснень эса. Тя мезть синь аноклазь и няфтезь "Мокшень свадьба" постановкать.
 
28.01.2010 №3
 
 
 
 
 
 
 
 
 
МАЗЫХТЬ МОКШЕНЬ СТИРЕНЬКЕ
Кельгома лувиеньке! Оцю мяльса пачфнесаськ, што тядде газетасонк тага кармай мольфтевома "Мазыхть мокшень стиреньке" конкурссь. Участницатненди лятфтасаськ: кондястихть фотографиянте, коса наряжафтада мокшень щамса. Кинь ули мялец, сада редакциязонк, коса стане жа можна тифтемс снимка.
Мокшень стирсь Юля Ефремкина шачемас-касомас коре Краснослободскяй райононь Сире Синдру велень. Емластокиге Юлясь шарфтсь эсь лангозонза мяль отькорьшинц, сембе тевса маштоманц мархта. Школаса тонафнемась макссевсь теенза теждяста. Фалу цебярь оценкат  каннесь. Тяда башка, кельгозе и кельгсы мораманц. Соньфтемонза велеса ашезь етне фкявок мероприятия. Выступандакшнесь Краснослободскяйса, Саранскяйсовок пцтай эрь кизоня примсесь участия "Шумбрат, Мордовия!" фестивальса. Студентокс улемстонза Юлясь морсесь "Пайгоня" фольклорнай ансамбльса. Репертуарстост моротне кайгсть "Од вий" фестивальса, студентонь разнай концерттнень эса. А тонафнесь Ю.Ефремкина МГУ-нь филологическяй факультетса "Финно-угорская филология" отделенияса. Тясовок стирть сатфксонза кеняртьфнесть.  Финскяй и мордовскяй кяльхнень коряс олимпиадаса сатнезень аньцек васенце васттнень, мезть колга тяни ляфтнихть лама дипломонза. Юля оцю мяльса участвондась  студентонь конференциятнень эса. Ульсь Финляндияса, Удмуртияса, Чебоксары ошса, Йошкар-Оласа и лия вастова. Ветеце курсса  тонафнемста Ю.Ефремкина работась Саранскяень 19 № гимназияса, коса тонафнезень шабатнень финскяй кяльти.
Университетса тонафнемста Юля пяк кельгозе книгань лувондоманц. Тя кельгомась и вятезе стирть Мордовскяй республиканскяй юношескяй библиотекав, коса сон покоди тячемс. Кода азозе библиотекань директорсь В.Н.Пиксайкина, Юлясь васенце шистокиге няфтезе прянц аньцек цебярь ширде. Сембе тевонзон, кле, пяшкотькшнесыне эсь пингстонза  и оцю ответственностень марязь. А тевдонза библиотекаса аф кржа. Лувихненди эрявикс литературань вешемда-кочкамда башка, Юля етафни лама мероприятия. Нят литературнай васедемат Мордовиянь содаф поэттнень и писательхнень, а стане жа стихонь-мезень сермадома аньцек ушеткшнихнень мархта.
-Юлять самда меле библиотеканьковок весялгодсь,-мярьгсь корхнемстонк Валентина Николаевна.-Тевса палозь-палы, мезсь максси эрьгя вакссонза работайхнендивок.
Сонцьке стирсь пяк лямбоста корхтай коллективонц колга. Работатама, кле, фкя-фкянди лезнезь, кда аф тевса, мялень кеподи валса.
Юлянь мархта корхнемста шарьхкодевсь, што сон аф лядонды шири национальнай кизефкснень эздовок. Кеняртькшни, мес мекольдень кизотнень республикасонк лама тиендеви кяленьконь, культураньконь ванфтоманкса. Тяса, мярьги, сатомшка путксоц "Мокшень правда" газетатьке, конань стирсь лувондсы оцю мяльса.
Етка пингста Ю.Ефремкина кельгсы сюреса котф лангс сермадоманц, крючокса салфеткань-мезень кодаманц. Сафтсы пидемаса-панемаса. Лац лисендихть пачанза-эчкт, тюжят, кода мокшетне мярьгондихть, кяльцень нильсак.
Корхнеманьконь шумордамста Юля эняльдсь азомс газетаньконь вельде спасибамань валхт инь мала, инь кельгови ломанензонды, виде кис-янц водендаензонды, стака пингста лездыензонды-тядянцты и алянцты. Сюконясь теест сембонкса, мезе удалась няемс-сатомс эряфса!
О.ЕВДОКИМОВА.
 
25. 02.2010 №7
 
 
 
 
КАЗЕНДЕДА  АВАТНЕНДИ  КАЗНЕТ!
 
 
 04.03.2010 №8
 
 
 
 
 
 
 
 
 
 
 
 
 
 СИРЕ ТЕРИЗМОРГАНЬ НАРОДНАЙ ХОРСЬ АРАСЬ ГОРДОСТЕКС МАРНЕК РЕСПУБЛИКАТИ!
 
 
 
18.03.2010 № 10
 
 
 
 
 
 
 МОЛИ ОЧИЖИНЬ НЕДЯЛЯСЬ
 
 
 
 
 
 
 
08.04.2010 №13
 
 

 
 
 

 
НОВОСТИ
 
 
 
 

«Экология России»: В Мордовии подведены итоги экологической акции «Сделаем вместе!»

                             

 

В ходе заседания общественного совета по реализации проекта «Экология России», который прошел  в региональном исполнительном комитете партии «Единая Россия», были подведены итоги Всероссийской акции «Сделаем вместе!»

 

     Республика Мордовия стала одним из самых активных регионов, принявших участие в акции. И это не случайно, ведь тема охраны окружающей среды занимает весомое место в образовательных учреждениях региона не только в Год экологии, объявленный Президентом РФ, но и на протяжении многих лет.

 

     По словам регионального координатора партийного проекта «Экология России», заместитель директора департамента по социальной политике администрации Саранска Ольги Ручиной, экологические уроки, зеленые акции и субботники регулярно проводятся в школах республики. Поэтому отклик на акцию «Сделаем вместе!» вызвал особый интерес среди школьников.

 

    Участниками акции стали практически все учебные заведения Мордовии. А это почти 60 тысяч учащихся, 2202 эколидера,  3136 экоплакатов,  3630 экологических уроков в школах.

 

    Гостями экоуроков, которые прошли в марте-апреле-мае в учебных заведениях республики, стали депутаты всех уровней. Законодатели встретились с ребятами и рассказали о своем отношении к экологическим проблемам и охране окружающей среды, о важности участия в раздельном сборе мусора и правильной его утилизации.

 

    Депутат Госсобрания Республики Мордовия, Генеральный директор «Технопарк-Мордовия» Виктор Якуба особо подчеркнул, что поражен тем, как современные дети осведомлены о многих сложных вещах, например, логистике. И добавил, что многие из них обязательно найдут свое место в жизни и станут настоящими защитниками природы.

 

  - С начала года в республике прошло множество экологических акций, фестивалей, конкурсов разного уровня – от местного масштаба до межрегионального.Это и субботники в школах, и посадка деревьев в парках и поселках, конкурс плакатов на тему охраны окружающей среды, очистка детьми и подростками родников, посещение заповедника, научно-исследовательская конференция по природоохранной тематике, различные экологические квесты, флеш-мобы под лозунгом «Сделаем вместе!», а также размещение экоплакатов на остановках общественного транспорта, рекламных щитах, стендах образовательных учреждений», - отметила Ольга Ручина.

 

   Пример бережного отношения к природе показало руководство региона. В рамках Всероссийского экологического субботника врио Главы Мордовии, член Высшего совета Партии «ЕДИНАЯ РОССИЯ» Владимир Волков, Председатель Госсобрания РМ, Секретарь МРО Партии «ЕДИНАЯ РОССИЯ» Владимир Чибиркин, члены Правительства РМ, представители министерства и ведомств высадили в новом микрорайоне Саранска 160 саженцев деревьев. К субботнику присоединились и активисты «Молодой гвардии ЕДИНОЙ РОССИИ», члены Детской экологической организации «Зеленый мир», школьники Саранска - экологические лидеры, которые активно участвуют в партийной акции «Сделаем вместе!».

 

  В ходе проведения акции Мордовский региональный штабпровелогромную работу, в истоках которой стояли три основных направления деятельности: научно-исследовательская, природоохранная и просветительская. К каждой школе, каждому школьнику и куратору уделялось пристальное внимание. Благодаря индивидуальному походу были созданы условия для обмена опытом и достижения отличных результатов. Большинство участников активно работали в интернет-пространстве Дети с пользой проводили время в социальных сетях, общаясь, создавая свои группы и регистрируясь на сайте Акции «Сделаем вместе!».

 

  В мае, по завершении акции, региональная конкурсная комиссия Республики Мордовия подвела итоги. Это стало сложным заданием – столько талантливых детей приложили множество усилий для победы, хотелось оценить старания каждого ребенка. Но все же члены жюри определили лучших: 20 «эколидеров», 3 кураторов, 5 школ и 6 «экоплакатов».

 

   Ни один участник Акции не останется без внимания. На торжественных линейках в День знаний все школьники, участвовавшие в акции «Всероссийский экологический урок «Сделаем вместе!», получат заслуженные грамоты и памятные сувениры.

 

    Экологическое просвещение и пропаганда бережного отношения к окружающей природе - фундамент в деле строительства сильного современного российского государства.

 

 

05.06.2017
 

Василий Пискарев посетил реабилитационный центр для несовершеннолетних «Солнышко» в Рузаевском районе

Накануне Дня защиты детей Василий Пискарев в рамках региональной недели побывал в социально-реабилитационном Центре для несовершеннолетних «Солнышко» в Рузаевском районе. Сейчас здесь пребывает 41 ребенок в возрасте от 3 до 16 лет. Это дети, оказавшиеся в сложной жизненной ситуации, чьи родители не могут в настоящий момент уделять должное внимание своим малышам.

 Вначале депутат пообщался с педагогами, психологами и воспитателями. Валентина Васильевна после основных занятий ведет кружок по рукоделию. Она занимается с детьми вышивкой, рисованием, лепкой, плетением из бисера. По словам учителя, это помогает детям обрести и развить нужные в жизни качества – концентрацию, усидчивость.

 

«А мы приготовили для вас подарок», - робко признались дети и вручили депутату поделку из бисера.

 

Василий Пискарев поблагодарил малышей за сюрприз и отметил, что все подарки от жителей Мордовии он хранит в рабочем кабинете, где проводит прием граждан.

 

«В этом кабинете царит особая атмосфера, и даже вопросы как-то быстрее решаются», - пошутил он.
 Дошколята немного засмущались, но все же с удовольствием отвечали на вопросы гостя, общались, рассказывали о занятиях. Трехлетний Максим признался, что любит лепить из пластилина. Дети постарше интересовались, что нужно делать, чтобы стать депутатом.

 

«Учиться и работать», - ответил Василий Пискарев.

 

 

 

Законодатель осмотрел комнаты воспитанников, учебные классы, столовую, игровые комнаты. В актовом зале его уже ждали дети с музыкальным подарком.

 

 

 

Но после этого праздник еще не закончился - Василий Пискарев вручил в подарок центру МФУ – многофункциональное устройство для печати и сканирования документов и сладкие подарки.

 

 

 

В разговоре с руководством центра он особо подчеркнул, что всегда готов к диалогу и просил обращаться к нему для решения многих проблем и вопросов.

 

 

 

 

31.05.2017
 

Депутат Госдумы Василий Пискарев взял под контроль модернизацию домов культуры в рамках партийного проекта

                             

 

Председатель комитета по безопасности и противодействию коррупции, член Президиума Генерального совета Партии Василий Пискарев в рамках региональной недели провел совещание по вопросам реализации партийного проекта «Местный дом культуры». В Мордовии благодаря федеральной поддержке в этом году будет модернизировано шесть домов культуры - в Ардатовском, Атяшевском, Ковылкинском, Зубово-Полянском, Темниковском и Теньгушевском районах. С учетом софинансирования субсидия на усовершенствование материально-технической базы ДК составит свыше 26 миллионов рублей.  

 

Первый заместитель Министра культуры  и национальной  политики  РМ, член регионального общественного совета  проекта «Местный дом культуры» Светлана Баулина рассказала депутату Госдумы об основных этапах реализации программы. «В Мордовии конкурсный отбор для участия в проекте модернизации прошли шесть муниципальных учреждений культуры. Выделенные средства пойдут на улучшение материально-технической базы, - отметила Светлана Баулина. -  Самый большой объем финансирования получит Ардатовский районный дом культуры. На благоустройство этого многофункционального центра культурного развития будет потрачено около 16 миллионов рублей. Выделенные средства пойдут на приобретение светового и звукового оборудования, одежды сцены, кресел в зрительном зале. Атяшевский ДК, позиционирующий себя как центр культуры и ремесел, направит полученную субсидию на покупку оборудования для ремесленных мастерских. В Домах культуры Зубово-Полянского, Темниковского и Ковылкинского районов зрительные залы оборудуют современной звуковой и световой техникой. А Теньгушевский ДК закупит оборудование для досуговой деятельности».

 

Первый заместитель Министра культуры  и национальной  политики РМ заверила парламентария, что модернизация досуговых центров проходит с учетом пожеланий жителей самих районов. Светлана Баулина отметила, данный проект позволит не просто оснастить ДК современным оборудованием, но и позволит создать в районах многофункциональные культурные центры.

 

«Я возьму под личный контроль ход реализации партийного проекта «Местный дом культуры» на территории Республики Мордовия. - подчеркнул Василий Пискарев. - Важно, чтобы все выделенные средства использовались по целевому назначению. Уверен, что модернизация центров культуры пройдет на достойном уровне. И мы вместе посмотрим, как преобразятся районные дома культуры уже в этом году».

 

По итогам совещания депутат Госдумы запланировал посещение Ардатовского дома культуры, чтобы лично убедиться в эффективности реализации партийного проекта. 

 

31.05.2017
 
 

Единая Россия» будет способствовать широкому обсуждению благоустройства городской среды в регионах страны

«В апреле «Единая Россия» планирует провести в регионах широкое обсуждение муниципальных программ благоустройства городской среды, которое продлится до 25 мая. Данная дискуссия необходима, чтобы узнать и учесть мнение жителей при реализации партпроекта «Городская среда». Об этом заявил координатор партийного проекта «Городская среда», депутат Госдумы Александр Васильев на обучающем семинаре-совещании «Проектный подход в партийной работе», который проходит 10-11 апреля в Москве.

 

«Уже сегодня на всех сайтах региональных отделений «Единой России» появилась функция – подать заявку на благоустройство городских территорий. 

 

Теперь любой желающий с помощью специальной формы может оставить пожелания по благоустройству своего города или двора. Это необходимо для учета мнения граждан, для открытости и контроля реализации программы. Напомню, что Президент России Владимир Путин поставил задачу в своем Послании обеспечить максимальное включение граждан в реализацию данного проекта, чтобы жители городов сами выбирали, каким будет их двор», - отметил Васильев.

 

Напомним, что на реализацию этого проекта в федеральном бюджете предусмотрено 20 млрд рублей, которые уже получили 72 региона. До 1 апреля 2017 года субъекты РФ должны были опубликовать проекты муниципальных программ благоустройства городской среды для их общественного обсуждения. 

 

«Региональные координаторы партпроекта до 19 апреля проведут мониторинг и предоставят информацию о том, какие меры участия граждан прописаны в правилах региональных программ», - добавил он.

 

Всего «Единая Россия» реализует 25 партийных проектов, в феврале Президиум Генсовета Партии принял решение о начале реализации 6 новых проектов: «Городская среда», «Местный дом культуры», «Театры малых городов», «Парки малых городов», «Здоровье – детям», «Школа грамотного потребителя». Теперь проекты ориентированы на исполнение указов Президента РФ, задач, которые он ставит в посланиях Федеральному Собранию, реализацию предвыборной Программы Партии.

 

Владимир Сайгашкин - региональный  координатор проекта «Городская среда»:

 

- В Саранске и муниципальных  образованиях   республики проходит активное обсуждение проектных инициатив  населением. Жители активно вносят свои   предложения по благоустройству. Любой желающий может оставить пожелания по благоустройству своего города или двора в специальном разделе на сайте Мордосвкого регионального отделения  партии (mordov.er.ru.)  Число поданных заявок с каждым днем увеличивается.   В Саранске первая встреча с  жильцами многоквартирных домов по ул. Ярославской прошла   в конце прошлой недели. Домам более  двадцати лет,  придомовые территории не обустроены. Нет ни детских площадок, ни лавочек, ни нормальной парковки.  Решено , что на благоустройство  прилегающей территории будет потрачено 6 миллионов 150 тысяч рублей. Работы планируется завершить к 1 сентября.

 

-  В течение 2017 года  в рамках партийного проекта «Городская среда» будет отремонтировано множество дворов. Каких именно – решит комиссия, в состав которой войдут городские и республиканские власти, представители общественных организаций.  Заявки от граждан будут приниматься в течение всего апреля.  Согласно графику, сходы граждан проходят  практически каждый день во всех районах Саранска  и  муниципальных центрах республики.   Уже  поступили предложения  из Ельниковского, Кадошкинского, Большеигнатовского, Ардатовского районов.

 

   На реализацию  партийного проекта «Городская среда» в 2017 году республике из федерального и регионального бюджетов выделено   более 200 миллионов рублей. Проект рассчитан на пять лет. Те дворы, которые не будут участвовать в проекте в 2017 году, будут включаться в список территорий, нуждающихся в благоустройстве, вплоть до 2022 года.

 

 

 

 

 

 

 

 

 

11.04.2017
 

Президиум Генсовета «Единой России» перезапустил платформы и утвердил новых председателей

Президиум Генсовета «Единой России» перезапустил платформы и утвердил новых председателей 

 

 Еще один вопрос, который рассмотрел Президиум, касался работы платформ партии. Неверов напомнил, что на XVI Съезде Председатель Партии Дмитрий Медведев поставил задачу продолжить деятельность внутрипартийных платформ и усилить их активность. Решением Президиума Генсовета партии были внесены изменения и дополнения в положение о внутрипартийных платформах. Результатом заседаний платформ станет резолюция, направляемая на рассмотрение Президиума Генерального совета Партии. Также создается единый аппарат по обеспечению деятельности платформ для их общей координации.

 

 «Руководство платформой будет осуществлять Председатель, тем самым не размывается персональная ответственность, есть принцип – «Один человек – одна должность». Назначенные люди пользуются признанным авторитетом каждый в своей области: Дмитрий Саблин(Патриотическая платформа) как лидер одной из патриотических организаций; Валерий Рязанский (Социальная) – опытный и авторитетный законодатель в сфере социальной политики;Андрей Клишас (Либеральная) – авторитетный специалист в области общественно-политического устройства. Исключение составляет платформа по защите предпринимательской инициативы. Эта платформа узкоотраслевая, аккумулирующая вокруг себя представителей бизнес-сообществ, отстаивающих интересы малого и среднего бизнеса. Поэтому решено оставить трех сопредседателей», - сообщил заместитель секретаря Генсовета «Единой России»Евгений Ревенко.  

 

 Он отметил, что сопредседателями стали: Евгений Демин - известный и успешный предприниматель, Марина Блудян – представитель НКО, развивающая предпринимательство, Татьяна Алексеева – представитель депутатского корпуса. «Есть запрос общества на расширение диалога, и платформы как раз являются партийным инструментом для активизации диалога. Платформы – это дискуссионные площадки, которые предоставляет Партия, но на которые мы будем приглашать представителей самых разных взглядов: лидеров общественного мнения, представителей НКО, экспертов для обсуждения острых и самых важных вопросов в повестке дня», - добавил в своем выступлении Ревенко.

 

 Пресс-служба партии «Единая Россия»

 

 

 

 

07.04.2017  № 13
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин